Category: Lajme

Pesë persona u plagosën në Teksas, kur një burrë hyri me kamionçinë mes njerëzve jashtë një qendre tregtare.

Autori ende i paidentifikuar, u qëllua më vonë për vdekje nga policia. Një nga oficerët që qëlloi ndaj të autorit punonte si roje në qendrën tregtare.

Mosha e viktimave varionte nga 6 deri në 75 vjeç, tha Washko.

Autoritetet në Teksas thanë se mosha e të plagosurve varionte nga 6 deri në 75 vjeç, por nuk dhanë detaje të mëtejshme për gjendjen e tyre.

Forcat e policisë, përfshirë edhe efektivë jashtë detyrës, u munduan ta ndalonin të dyshuarin, i cili ngiste një kamionçinë të zezë, por ai ia doli që të hynte përmes parkingut ne Killeen Mall, duke goditur shumë njerëz.

Autoritetet po hetojnë nëse ngjarja ishte apo jo e qëllimshme, por sipas departamentit të policisë, nëse nuk do të ishte ndaluar në kohë, përmasat mund të kishin qenë më tragjike.

Killeen, një qytet me afro 160,000 banorë, ndodhet rreth 70 milje në veri të Austin. / abcnews.al

Ministri i Financave, Hekuran Murati tha se për të përfituar nga kjo ndihmë prej 100 euro pensionistët dhe fëmijët nuk do të ketë nevojë për aplikim, raporton EO.

Ai tha se brenda një jave do të mundohen t’i ekzekutojnë këto pagesa.

“Do të mundohemi që gjatë kësaj jave – dhe megjithëse kemi një ditë pune e cila është pushim – t’i bëjmë të gjitha përgatitjet teknike në mënyrë që të ekzekutohen pagesat këtë javë”, tha ai.

Policia e Kosovës e ka konfiskuar një armë në Vushtrri, raporton EO.

Personi i dyshuar, A.K., 18 vjeç, u arrestua dhe u dërgua në stacionin policor.

Pas intervistimit, me urdhër të prokurorit, i dyshuari u lirua në procedurë të rregullt.

“Rreth orës 02:30 të datës 22 dhjetor 2024, policia në Vushtrri ndaloi një automjet dhe, gjatë kontrollit, gjeti një armë tytë-shkurtër të llojit pistoletë dhe 30 fishekë.Personi i dyshuar, A.K., 18 vjeç, u arrestua dhe u dërgua në stacionin policor. Pas intervistimit, me urdhër të prokurorit, i dyshuari u lirua në procedurë të rregullt.Arma dhe fishekët u konfiskuan si prova materiale, ndërsa ndaj të dyshuarit është iniciuar procedura për veprën penale “Mbajtje në pronësi, kontroll dhe posedim i paautorizuar i armëve.”, thuhet në njoftimin e Policisë.

Kryeministri i Kosovës Albin Kurti, e ka mbajtur një konferencë për media bashkë me ministrin e Financave, Punës dhe Transfereve Hekuran Murati, ku ka njoftuar se përveç për fëmijët do të ndahen edhe nga 100 euro dhe për pensionistët, raporton Ekonomia Online.

Në konferencën për media, Kurti ka njoftuar se Qeveria i ka ndarë nga 100 euro për secilin pensionist.

“Sikurse tashmë e kemi bërë traditë po ndahet mbështetetje shtesë të njëhershme nga 100 euro për të gjithë pensionamarrësit”, tha ai.

Pas vendimit të qeverisë për të ndaluar platformën TikTok për 1 vit në Shqipëri, Kryeministri Edi Rama ka reaguar sërish ditën e sotme.

Ai thotë se vendimi u nxorr pas 1300 takimeve të organizuara në të gjithë territorin e vendit nga Ministria e Arsimit pas vrasjes së 14-vjeçarit pranë shkollës “Fan Noli”.

“Mirëmëngjes dhe me vendimin e nxjerrë nga 1300 takime të organizuara në të gjithë territorin e vendit nga Ministria e Arsimit, ku morën pjesë 65.000 prindër, si edhe nga anketimi i bërë ku mbi 90% e prindërve kërkuan mbylljen e aksesit në platformën Tik Tok në Shqipëri, ju uroj të diel të qetë”, shkruan Rama ne facebook.

Aplikimi i Kosovës për anëtarësim në Bashkimin Evropian (BE) shihet si një hap pozitiv dhe sfidues për të testuar reagimin e BE-së, por pengesat politike dhe ligjore mbeten të theksuara për të arritur këtë objektiv, raporton EO.

Gjatë kësaj jave janë bërë dy vite që kur Unioni Evropian e ka pranuar aplikacionin e Kosovës, por që të njëjtin ende nuk e ka shqyrtuar.

Profesori universitar, Dritëro Arifi, e vlerëson këtë veprim si një iniciativë të drejtë, por thekson se procesi është shumë i ndërlikuar për shkak të mosnjohjes së Kosovës nga pesë vende anëtare të BE-së.

Ai ka thënë se në parim çdo kërkesë e tillë duhet që të shqyrtohet brenda 18 muajve, por që në rastin e Kosovës, si shkak i mos njohjes së këtyre pesë vendeve, nuk pritet që të ketë pranim.

“E para si veprim mirë është bërë qe kemi aplikuar për ta sfiduar Bashkimin Evropian se si reagon në raste të tilla. E dyta është parimisht për çdo kërkesë të tillë pritet zakonisht 18 muaj është parimisht për një përgjigje se si të shkohet tutje dhe a po pranohet shteti. Ku mandej aktivizohet Komisioni Evropian e kështu me radhë. Në rastin e Kosovës nuk do të ketë as thirrje, as pranim e asgjë, sepse rasti i Kosovës është shumë specifik sepse nuk e njohin pesë vendet e BE-së. Për t’u pranuar një shtet i ri anëtarë apo për ta marr dritën e gjelbërt i duhet minimumi konsensusi i 27 vendeve të BE-së. e që në rastin tonë nuk e kemi”, ka thënë ai.

Njohësi i marrëdhënieve ndërkombëtare, ka potencuar se është thelbësore njohja nga këto pesë shtete, që Kosova të hyjë në agjendën legjislative e ligjore për t’u anëtarësuar në BE.

“Prandaj mendoj që është pozitiv aplikimin që e kemi dërguar, por tash duhet ta sfidojmë BE-në që të lëvizim tutje. Që të lëvizim tutje është vetëm njohja politike nga pesë vende e BE-së për ta njohur Kosovën dhe në këtë formë atëherë mund të hymë në agjendën legjislative, ligjore për tu anëtarësuar në BE”, ka thënë ai.

Arifi gjithashtu ka përmendur rëndësinë e Traktatit të Lisbonës, i cili përcakton kornizën ligjore të funksionimit të BE-së, ku sipas tij, nëse nuk ka një ndryshim të tyre, kjo do të jetë një pengesë për Kosovën.

“Nëse nuk ka njohje nga pesë vendet e BE-së, BE-ja e ka një traktat mbi të cilin bashkëvepron dhe bashkëpunon dhe të gjitha rregulloret i bazon në atë Traktatin e Lisbonës që është i fundi dhe të tjerat. Deri sa nuk ndryshon kjo kornizë ligjore brenda BE-së situata e Kosovës do të mbete kështu siç është”, ka thënë ai.

Një person është arrestuar dje në Veternik nën dyshimin se ka shtënë me armë derisa ishte duke vozitur e më pas e ka hedhur armën nga vetura dhe është larguar, raporton Ekonomia Online.

Sipas njoftimit nga Policia i dyshuari nuk është intervistuar për shkak se kishte qenë nën ndikim të alkoolit dhe i njëjti me vendim të prokurorit është dërguar në mbajtje.

“PËRDORIM I ARMËS & ARMËMBAJTJE PA LEJE- Veternik, Prishtinë / 21.12.2024 – 19:19. Është arrestuar i dyshuari mashkull kosovar për shkak se derisa kishte qenë duke lëvizur me veturë kishte shtënë me armë zjarri disa herë në ajër dhe më pas në largim e sipër nga ai vend e kishte hedhur armën nga vetura dhe ishte larguar nga vendi i ngjarjes në drejtim të panjohur. Njësitë relevante policore kanë dalë në vendin e ngjarjes ku kanë gjete dhe konfiskuar një pistoletë dhe një gëzhojë të fishekut. I dyshuari nuk është intervistuar për shkak se kishte qenë nën ndikim të alkoolit dhe i njëjti me vendim të prokurorit është dërguar në mbajtje.”, thuhet në raport.

Deputetja e LDK-së, Hykmete Bajrami, ka kritikuar Qeverinë se kishte premtuar lirim të çmimit të energjisë ndërsa pas ardhjes në pushtet e dyfishuan çmimin, raporton Ekonomia Online.

“Premtuan lirim të çmimit të energjisë elektrike, por kur erdhën në qeveri e dyfishuan atë”, tha ajo.

Ajo i ka reaguar ministrit të Financave, Hekuran Murati, pasi ky i fundit njoftoi dje se është procesuar subvencioni për faturat e energjisë elektrike të muajit nëntor për të gjitha familjet e cenueshme që janë kualifikuar për përfitim.

“Për çmimin e energjisë elektrike ka një rregullator, Zyra e Rregullatorit të Energjisë, njerëzit aty, pra bordin i ka zgjedhë dhe i ka votu partia në pushtet – LVV.”, shkruan Bajrami.