Category: Lajme

Komuna e Prishtinës ka njoftuar se linja e autobusit 7C do të rikthehet në itenerarin e saj të mëparshëm të qarkullimit, i cili do të hyjë në fuqi nga 1 korriku.

Sipas njoftimit, linja do të kthehet në qarkullim siç ka funksionuar më herët, me qëllim të përmirësimit të organizimit të transportit publik, rritjes së efikasitetit të linjës, respektimit më të saktë të orareve të qarkullimit dhe ofrimit të një shërbimi më të besueshëm për qytetarët.

“Sipas këtij ndryshimi, autobusi i linjës 7C nuk do të vazhdojë më deri te ETC, por do ta përfundojë itinerarin dhe do të kthehet te rrethi i FSK-së, ashtu siç ka funksionuar më herët. Lusim të gjithë udhëtarët që ta kenë parasysh këtë ndryshim gjatë planifikimit të udhëtimeve të tyre”, thuhet tutje në njoftim.

Shefja e politikës së jashtme të BE-së, Kaja Kallas së bashku me Komisioneren Evropiane për Zgjerimin, Marta Kos dhe Komisionerin Evropian për Çështjet e Brendshme dhe Migracionin, Magnus Brunner do të vizitojnë Turqinë më datat 29-30 qershor.

Kallas, Kos dhe Brunner pritet të takohen me ministrin e Jashtëm turk, Hakan Fidan.

Vizita vjen përpara Samitit të NATO-s në Ankara, që do të zhvillohet më 7-8 korrik.

“Vizita do të jetë mundësi për të rishikuar marrëdhëniet BE-Turqi, për të diskutuar mbi sfidat e përbashkëta në një mjedis gjeopolitik gjithnjë e më të paqëndrueshëm dhe për të eksploruar rrugë shtesë për bashkëpunim, me Turqinë që është vend kandidat dhe aleat i NATO-s”, tha blloku në një deklaratë.

Kjo do të jetë vizita e dytë zyrtare e Kallasit në Turqi.

Prokuroria Themelore në Ferizaj është deklaruar lidhur me vrasjen e 32-vjeçarit mbrëmë në Ferizaj.

Sipas komunikatës për media, me vendim të prokurorit, është ndaluar për 48 orë një e dyshuar, nën dyshimin për veprën penale “Vrasja”, sipas Kodit Penal të Republikës së Kosovës.

Po ashtu, në ndalim për 48 orë është edhe babai i saj (M.B.), deri në sqarimin e plotë të rrethanave dhe përfshirjes së tij në këtë rast, transmeton Klankosova.tv.

“Trupi i pajetë i viktimës F.H., është dërguar për obduksion në Institutin e Mjekësisë Ligjore (IML), në Prishtinë. Aktualisht, Prokuroria Themelore në Ferizaj është duke punuar për të sqaruar tutje të gjitha rrethanat dhe motivin e kësaj çështje penale”, thotë mes tjerash Prokuroria.

Sindikata e Policisë së Kosovës ka reaguar pas vdekjes tragjike të zyrtarit policor Rexhep Gashi, i cili humbi jetën në orët e hershme të së hënës në një aksident trafiku pranë pikë-kalimit kufitar në Vërmicë, teksa ishte në kryerje të detyrës.

Përmes një telegrami ngushëllimi, Sindikata u ka shprehur ngushëllimet më të sinqerta familjarëve, të afërmve, kolegëve dhe të gjithë pjesëtarëve të Policisë së Kosovës.

“Me rastin e ndarjes nga jeta të zyrtarit policor Rexhep Gashi, i cili humbi jetën gjatë kryerjes së detyrës zyrtare, Sindikata e Policisë së Kosovës i shpreh ngushëllimet më të sinqerta familjes, të afërmve, kolegëve dhe të gjithë pjesëtarëve të Policisë së Kosovës. I përjetshëm qoftë kujtimi për të”, thuhet në telegramin e Sindikatës.

Është tashmë e qartë se ndikimi i tërmeteve në Venezuelë do të jetë shkatërrues, me të paktën 1,430 të vdekur të konfirmuar, 3,238 të plagosur dhe mijëra të raportuar të zhdukur.

Megjithatë, tërmetet me magnitudë 7.5+ ballë, nuk janë të rralla.

I pari që goditi Venezuelën veriore gjatë natës kishte një magnitudë prej 7.2 ballë, ndërsa i dyti u mat me magnitudë 7.5.

Tërmetet me magnitudë 7.0-7.9 ballë janë mjaftueshëm të forta për të shkaktuar dëme serioze në zonat e populluara.

Në magnitudë 8.0 ballë e lart, qytete dhe qyteza të tëra mund të shkatërrohen.

Që nga viti 2024, Shërbimi Gjeologjik i SHBA-së ka regjistruar njëmbëdhjetë tërmete me magnitudë mbi 7.5 ballë në të gjithë botën.

Jo të gjithë kanë parë aq shumë viktima dhe aq shumë dëme sa është raportuar deri më tani në Venezuelë.

Më herët këtë muaj, një tërmet me magnitudë 7.8 ballë goditi Filipinet, duke shkaktuar 19 viktima.

Në qershor të vitit të kaluar, një tërmet me magnitudë 8.8 ballë goditi bregun e Gadishullit Kamchatka në Rusinë lindore. Ishte i shtati më i madhi i regjistruar në historinë e vendit, megjithatë nuk u raportuan viktima të drejtpërdrejta.

Një tërmet me magnitudë 6.9 u raportua gjithashtu sot në Japoni, pak pas atyre në Venezuelë – por deri më tani nuk është raportuar për të lënduar ose të vdekur këtu.

Pse dy tërmetet në Venezuelë kanë qenë kaq shkatërrues?

Një pjesë e shpjegimit është se tërmetet në Venezuelë goditën pjesën më të populluar të vendit.

Kjo do të thotë që ndikimi është ndjerë nga një numër më i madh njerëzish, por ka prekur edhe një përqendrim më të lartë ndërtesash, si dhe infrastrukturën publike si rrugët dhe urat.

Tërmetet goditën qytetin e Karakasit, kryeqytetin e Venezuelës, me një popullsi prej më shumë se dy milionë banorësh, dhe patën ndikimin më të madh në shtetin e La Guaira, në bregdetin verior, ku jetojnë rreth 380,000 njerëz.

Në të kundërt, disa tërmete të tjera me magnitudë të madhe kanë ndodhur kohët e fundit në zona me popullsi të ulët ose pa popullsi, si në mes të oqeanit.

Një tërmet me magnitudë 7.6 ballë goditi Oqeanin Paqësor pranë shtetit ishullor të Tongës në mars të këtij viti.

Tetorin e kaluar, një tjetër tërmet me magnitudë 7.6 ballë goditi Grykën Drake – një rrugë detare midis Kilit dhe Antarktidës që lidh oqeanet Paqësor dhe Atlantik.

Dridhje të cekëta

Tërmetet në Venezuelë ndodhën gjithashtu në një thellësi mjaft të vogël.

Tërmeti i dytë goditi vetëm 9 kilometra nën sipërfaqen e Tokës.

Tërmete të tjera kanë goditur në thellësi më të mëdha, duke zvogëluar efektin e lëkundjes në sipërfaqen e Tokës.

Janë therur me thikë dy persona të moshës rreth 19-vjeçare në Prizren.

Spitali i Përgjithshëm i Prizrenit ka njoftuar se njëri pacient ka paraqitur disa plagë në shpinë dhe në regjionin e belit.

Në njoftimin e spitalit thuhet se janë kryer ekzaminimet e nevojshme mjekësore dhe radiologjike, si dhe është ofruar trajtimi fillestar i plagëve në Shërbimin e Emergjencës.

Spitali njoftoi gjithashtu se pas konsultimit me kirurgun kujdestar, pacienti është pranuar për trajtim të mëtejmë në Repartin e Kirurgjisë, ndërkaq pacienti i dytë ka pasur një plagë në regjionin e kofshës së djathtë dhe pas trajtimit në Shërbimin e Emergjencës, është liruar në shtëpi.

“Më 28.06.2026, rreth orës 01:10, në Shërbimin e Emergjencës të Spitalit të Përgjithshëm “Prim. Dr. Daut Mustafa” në Prizren janë pranuar dy pacientë, të lindur në vitin 2007, si pasojë e lëndimeve të shkaktuara me mjet të mprehtë. Njëri pacient ka paraqitur disa plagë në shpinë dhe në regjionin e belit”.

“Janë kryer ekzaminimet e nevojshme mjekësore dhe radiologjike, si dhe është ofruar trajtimi fillestar i plagëve në Shërbimin e Emergjencës. Pas konsultimit me kirurgun kujdestar, pacienti është pranuar për trajtim të mëtejmë në Repartin e Kirurgjisë. Pacienti i dytë ka paraqitur një plagë në regjionin e kofshës së djathtë. Pas trajtimit dhe përpunimit të plagës në Shërbimin e Emergjencës, ai është liruar në shtëpi”, thuhet në njoftim.

Pas më shumë se pesë orësh operacion kërkim-shpëtimi, rreth ores 23-30 min është bërë e mundur nxjerrja e turistit 30-vjeçar nga Polonia, i cili kishte mbetur i bllokuar në zonën e Kanionit të Gjipesë.

Në operacion u angazhuan forcat e Policisë së Shtetit, Delta Force, shërbimi zjarrfikës, si edhe alpinistë të specializuar, pasi terreni tepër i vështirë e bëri ndërhyrjen jashtëzakonisht të komplikuar.

Sipas informacioneve, 30-vjeçari, i cili ndodhej së bashku me të fejuarën e tij, kishte rënë në një greminë, duke e bërë të pamundur nxjerrjen e tij pa ndërhyrjen e ekipeve të specializuara.

Turisti ka pësuar dëmtime të rënda, kryesisht në pjesën e brinjëve dhe në trup. Për shkak të relievit të vështirë, helikopteri nuk ka mundur të afrohej dhe të realizonte evakuimin nga ajri.

Si pasojë, i plagosuri u transportua me barelë nga efektivët e Policisë së Shtetit, Delta Force dhe ekipet e shpëtimit deri në një zonë të aksesueshme, ku më pas u dërgua drejt spitalit.

Sipas të dhënave paraprake, ai ndodhet jashtë rrezikut për jetën. /Euronews.al/