Policia ka arrestuar një shtetas turk të hënën në Prizren nën dyshimin se ka sulmuar fizikisht një grua.
Në raportin 24-orësh të policisë thuhet se, pas ndodhisë së rastit, viktima ka pranuar trajtim mjekësor.
Në raport gjithashtu thuhet se pas raportimit të rastit, policia ka ndërmarrë veprimet e nevojshme duke e arrestuar të dyshuarin, i cili më pas, me vendim të prokurorit është dërguar në mbajtje.
Policia e ka cilësuar rastin si “lëndim i lehtë trupor dhe dhunë në familje”.
Policia e Kosovës gjatë patrullimit në zonën kufitare me Serbinë kanë hasur në një raketahedhës M80 e kalibrit 64 milimetra.
Zëdhënësi i policisë për rajonin e Mitrovicës në veri, Veton Elshani, ka konfirmuar se fillimisht autoritetet e rendit kishin hasur në një qese najloni për të vërejtur më pas se kishte të bënte me një raketahedhës.
“Rasti ka ndodhur dje rreth orës 16.00 derisa policët ishin në patrullim në zonën kufitare të Zubin Potokut në afërsi të fshatit Kleqkë. Pasi ka arrit në vend ngjarje edhe forenzika rajonale kemi vërejt se kemi të bëjmë me një raketahedhës”, tha Elshani.
Sipas tij deri më tani, nuk ka të dyshimtë dhe as të arrestuar por zona ku është gjendur mjeti është shumë afër kufirit me Serbinë.
Komisioni Qendror i Zgjedhjeve ka njoftuar se afati për regjistrim për votim të personave me nevoja të veçanta është deri më 5 shkurt 2025 në ora 16:00.
Sipas njoftimit nga KQZ regjistrimi duhet të bëhet përmes platformës elektronike në uebfaqe www.kqz-ks.org duke klikuar butonin “Regjistrimi i Personave me Nevoja të Veçanta” ose përmes zyrave të Komisionit Komunal të Zgjedhjeve në komunën tuaj.
“Komisioni Qendror i Zgjedhjeve ju mundëson pjesëmarrjen në zgjedhje personave që, për arsye të ndryshme nuk mund të shkojnë në vendvotim. Këta persona mund të regjistrohen për të votuar në shtëpi ose në vendet e tjera ku gjenden, siç janë spitalet, shtëpitë e moshuarve, apo edhe për ata që janë në arrest shtëpiak”, thuhet në njoftim. /Telegrafi/
Platforma eKosova ka lansuar një shërbim të ri.
Bëhet fjalë për shërbimin e ri nga Agjencia për Zhvillimin e Bujqësisë “Certifikata dhe aneksi i regjistrimit të fermerit në regjistrin elektronik të fermerëve”.
Një tërmet me magnitudë 3.2 ka ndodhur sot në Maqedoninë Veriore.
Epiqendra e tërmetit ishte afër Qendrës Zhupë, jo shumë larg kufirit Maqedoni-Shqipëri.
Sipas informacioneve fillestare të Klan Maqedonia, epiqendra e tërmetit ishte në thellësi prej 10 kilometrash.
Më shumë informacion pritet të jepet nga Observatori Sizmologjik pranë Ministrisë së Meteorologjisë.
Tërmeti është regjistruar në orën 01:50.
Presidenti i Shteteve të Bashkuara, Donald Trump, të hënën e nënshkroi urdhrin ekzekutiv për emërimin e ish-emisarit amerikan për dialogun Kosovë – Serbi, Richard Grenell, në pozitën e emisarit të ShBA-së për Misione të Posaçme.
Trump e lavdëroi Grenellin për rolin e tij në në lëshimin në Kaliforni, vendim që u mor për të ndihmuar në shuarjen e zjarrit në Los Angeles.
“Ric, është njeri i mirë”, tha ndër të tjera Trump teksa nënshkruante vendimin.
Presidenti i Shteteve të Bashkuara, Donald Trump, të hënën e nënshkroi urdhrin ekzekutiv për emërimin e ish-emisarit amerikan për dialogun Kosovë – Serbi, Richard Grenell, në pozitën e emisarit të ShBA-së për Misione të Posaçme.
Trump e lavdëroi Grenellin për rolin e tij në në lëshimin në Kaliforni, vendim që u mor për të ndihmuar në shuarjen e zjarrit në Los Angeles.
“Ric, është njeri i mirë”, tha ndër të tjera Trump teksa nënshkruante vendimin.
Policia e Kosovës ka njoftuar se brenda 24 orëve të kaluara ka shqiptuar 1708 gjoba në trafik.
Sipas raportit të policisë, gjatë 24 orëve të fundit janë evidentuar disa aksidente në trafikun rrugor, 23 aksidente kanë qenë me lëndime dhe 29 me dëme materiale.
Gjatë kësaj periudhe, policia njofton se janë arrestuar 11 persona, ndërkaq 5 të tjerë janë dërguar në mbajtje.
Policia e Kosovës ka bërë njoftuar për katër raste të dhunës në familje për 24 orët e fundit, raporton Ekonomia Online.
Njëri rast është paraqitur si dhunë në mes dy meshkujve, derisa në tri rastet tjera dhuna është ushtruar ndaj femrave
Rastet e raportuara kanë ndodhur në Prishtinë, Lipjan dhe Prizren.
Prishtinë / 03.02.2025 – 13:00. Pas një mosmarrëveshje mes dy të dyshuarve meshkuj kosovarë, lëndime trupore kanë pësuar dy të dyshuarit dhe viktima mashkull kosovar dhe si pasojë kanë pranuar tretman mjekësor. Palët janë intervistuar dhe me vendim të prokurorit dy të dyshuarit janë arrestuar dhe dërguar në mbajtje.
Prishtinë / 01.02.2025 – 18:45. Më 03.02.2025 është raportuar se i dyshuari mashkull kosovar ka ushtruar dhunë fizike dhe psikike ndaj viktimës femër kosovare. Viktima ka shkuar tek familja e saj ndërsa i dyshuari është intervistuar dhe me vendim të prokurorit, është liruar në procedurë të rregullt.
Lipjan / 03.02.2025 – 14:50. Është raportuar se i dyshuari mashkull kosovar ka ushtruar dhunë psikike ndaj viktimës femër kosovare. Lidhur me rastin është njoftuar prokurori, rasti në procedurë hetimore.
Prizren / 03.02.2025 – 09:35. Është arrestuar i dyshuari shtetas turk për shkak se i njëjti kishte sulmuar fizikisht viktimën femër kosovare. Viktima ka pranuar trajtim mjekësor, ndërsa i dyshuari me vendim të prokurorit është dërguar në mbajtje.
Në Dhomat e Specializuara të Kosovës me seli në Hagë do të vazhdojë seanca gjyqësore ndaj Sabit Januzit, Ismet Bahtijarit dhe Haxhi Shalës. Në këtë seancë, e cila do të fillojë në ora 14:30, pritet vendimi mbi marrëveshjet për pranimin e fajësisë.
Pas marrëveshjeve për pranimin e fajësisë mes ZPS-së dhe tre të akuzuarve, ZPS-ja dorëzoi aktakuzën e rishikuar më 6 dhjetor 2024, duke përfshirë kushtet e marrëveshjes, pasuar nga aktakuza e rishikuar më tej, dorëzuar më 17 dhjetor 2024, raporton RTKlive.
Versionet e redaktuara publike të dosjeve paraprake të Sabit Januzit dhe Ismet Bahtijarit dolën më 17 dhe 20 janar 2025.
“Më 21 janar, Trupi Gjykues lëshoi versionin e redaktuar publik të Vendimit të 7 tetorit 2024 për të hedhur poshtë një pjesë të kërkesës së Mbrojtjes së Bahtijarit për ekzaminim mjekësor të z. Bahtijari në lidhje me argumente mbrojtëse të mundshme”, ka thënë zëdhënësja e DHSK-së, Angela Grip, më 23. 01. 2025, gjatë konferencës javore.
Sa i takon synimit të Mbrojtjes për mbledhjen e provave mjekësore për argumentet e saj, Trupi Gjykues rikujtoi se, sipas Rregullores së Ndihmës Juridike, Mbrojtjes i akordohet një fond për të marrë konsulentë të jashtëm, ku mund të përfshihen ekspertët.
“Për këtë arsye, është përgjegjësi e Mbrojtjes të mbledhë prova që i nevojiten për argumentet e saj, përfshirë prova mjekësore për të mbështetur argumente mbrojtëse të mundshme gjatë gjykimit”, tha ajo.
Ndryshe, aktakuza kundër Januzit dhe Bahtijarit u konfirmua më 2 tetor 2023 dhe u bë publike më 6 tetor 2023. Aktakuza kundër Haxhi Shala u konfirmua më 4 dhjetor 2023 dhe u bë publike më 12 dhjetor 2023.
Mbajtja e armëve nga të rinjtë tashmë është bërë dukuri që po shqetëson mjaft shumë shoqërinë, sidomos për faktin se i ka prekur edhe të miturit, të cilët shpesh kapen me armë edhe brenda institucioneve arsimore. Thika, armë zjarri e mjete tjera të rrezikshme shpesh hasen në duart e nxënësve gjithandej vendit, raporton Gazeta Sinjali.
Një rast i tillë u zbulua së fundmi në shkollën e mesme teknike në Obiliq, ku gjatë ditës së djeshme është gjetur një armë e ftohtë.
Burimet e Gazetës Sinjali kanë bërë me dije se njësitë policore teksa po patrullonin, e kanë kapur në flagrancë një nxënës me thikë në xhep.
Nxënësi i dyshuar është i moshës 15-vjeçare dhe i njëjti është shoqëruar në stacion policor, ku është intervistuar lidhur me rastin.
Pas përfundimit të procedurave policore, Prokurori i Shtetit ka urdhëruar që rasti të iniciohet ‘Mbajtje në pronësi, kontroll ose posedim të paautorizuar të armës’.