Category: Lajme

Kryeministri izraelit Benjamin Netanyahu tha se presidenti turk Rexhep Tajip Erdogan duhet të “qetësohet” në retorikën e tij ndaj Izraelit, gjatë një interviste për Channel 14.

“Gjërat që thotë Erdogan për dëshirën për të shkatërruar Izraelin dhe për të sunduar përsëri Jerusalemin – mendoj se ai harroi se 400 vjet sundim osman kanë mbaruar. Sot ka një vend të fortë këtu të quajtur Izrael. Ka një ushtri izraelite. Ka një komb të Izraelit. Dhe ekziston qeveria e Izraelit. Dhe do të ishte e mençur që ai të qetësohej”, tha Netanyahu.

Ai tha se nuk do të lejonte askënd të kërcënonte ekzistencën e Izraelit.

“Nuk do të lejojmë askënd të kërcënojë ekzistencën tonë. Nuk do të lejojmë askënd të kërcënojë sigurinë tonë. Dhe mendoj se treguam se çfarë mund të bëjmë”, tha ai.

Gazetari e pyet gjithashtu Netanyahun rreth shqetësimeve të Izraelit në lidhje me Egjiptin, duke iu referuar raporteve të medias izraelite gjatë vitit të kaluar për shqetësimin në rritje në Tel Aviv lidhur me një prani ushtarake në zgjerim në Gadishullin e Sinait, të cilën e thotë se shkel klauzolat e demilitarizimit të traktatit të paqes të vitit 1979 me Kajron.

“Fola me egjiptianët dhe u thashë atyre se çfarë pres të bëhet. Një pjesë e kësaj tashmë po zbatohet. Këto janë gjëra që thjesht përfshijnë ruajtjen e një marrëveshjeje midis nesh. Mendoj se duhet të mbrojmë kufijtë tanë, por duhet ta kuptojmë: ndërsa një fuqi bie, një tjetër fuqi ngrihet. Kështu funksionojnë gjithmonë gjërat. Dhe fuqia që duhet të vazhdojë të ngrihet, dhe më shpejt, është Shteti i Izraelit”, tha Netanyahu.

Në Gjykatën Themelore në Prishtinë, të mërkurën ka dështuar të nisë gjykimi në mungesë ndaj 21 të akuzuarve lidhur me dëbimin e mbi 800 mijë shqiptarëve gjatë luftës në Kosovë më 1999.

Në këtë rast, të akuzuar janë: Zlatomir Peshiq, Mladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavljeviq, Bogoljub Janiçeviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Krsman Jeliq, Ljubisha Stojimiroviq, Bozhidar Deliq, Radojko Stefanoviq, Dragan Zhivanoviq, Millosh Doshan, Ljubinko Cvetiq, Bozhidar Filiq dhe Millovan Kovaçeviq.

Fillimisht, prokurorja speiale Florije Salihu-Shamolli tha se Prokuroria ka ndërmarrë të gjitha veprimet që arsyetojnë mundësinë e ngritjes së aktakuzës në mungesë, pasi që edhe pas ndërmarrjes së të gjitha veprimeve të pandehurit kanë qenë të paarritshëm për Prokurorinë dhe janë plotësuar kushtet që Gjykata të fillojë shqyrtimet kryesore, raporton “Betimi për Drejtësi“.

Kurse, gjykatësja Medie Bytyqi tha se Gjykata i ështe drejtuar Odës së Avokatëve të Kosovës për sigurimin e avokatëve sipas detyrës zyrtare për të akuzuarit, mirëpo pasi OAK nuk e ka njoftu Gjykatën për listën e avokatëve që do të përfaqësojnë të pandehurit në këtë çështje penale, Gjykata e ka pasur të pamundur që avokatët t’i pajisë me aktakuzë sipas Kodit të Procedurës Penale.

Gjykatësja tha se meqenëse Gjykata është njoftuar sot në ketë seancë me secilin avokat të caktuar nga Oda, seanca u ndërpre për pak minuta, për t’ua shpërndarë aktakuzën.

Pas kthimit nga pauza, u konstatua mungesa e avokatit Adhurim Gashi, për të akuzuarin Krsman Jeliq, i cili sipas gjykatëses Bytyqi, nuk e ka njoftuar Gjykatën për arsyet e mosprezencë. Ndërsa dy avokatë të tjerë- Zanfir Kryeziu (për të akuzuarin Goran Radosavljeviq) dhe Zyhdi Axhemi (për të akuzuarin Bogoljub Janiçeviq), nuk janë rikthyer në seancë pas pauzës.

Në këto rrethana, duke konsideruar që avokatët nuk janë pajisur me shkresa të lëndës, seanca u shty.

Prokuroria Speciale e Republikës së Kosovës më 15 gusht 2025 kishte ngritur aktakuzë në mungesë ndaj 21 personave lidhur me dëbimin e mbi 800 mijë shqiptarëve gjatë luftës në Kosovë më 1999.

Prokuroria Themelore në Ferizaj ka njoftuar se ka kërkuar nga Gjykata Themelore e këtij qyteti, caktimin e masës së paraburgimit ndaj të pandehurit E.Gj., për shkak të dyshimit të veprave penale “Mundësimi ose detyrimi në prostitucion” dhe “Ofrimi i lokaleve për prostitucion”.

Në komunikatë bëhet e ditur, se sipas kërkesës së Prokurorisë, ekziston dyshimi i bazuar se i pandehuri E.Gj., gjatë muajit qershor të vitit 2026, rruga“Ilir Konushevci”, në Ferizaj, me dijeni në cilësinë e menaxherit, ka ofruar motelin e tij për të mundësuar prostitucionin, me të cilën kishte për të kryer veprën penale “Ofrimi i lokaleve për prostitucion”.

Po ashtu, ekziston dyshimi i bazuar se gjatë muajit qershor 2026, në Ferizaj, me dashje ka mundësuar ushtrimin e prostitucionit, në atë mënyrë që i pandehuri si menaxher i motelit, ka punësuar B.Xh., me qëllim që të ofrojë shërbime seksuale me pagesë për klientët e tij, kështu që me datë 29 qershor 2026, pas zbatimit të masës së veçantë, i pandehuri është zënë në flagrancë dhe është arrestuar nga zyrtarët policor, me të cilën kishte për të kryer veprën penale “Mundësimi ose detyrimi në prostitucion”.

I pandehuri me vendim të Prokurorit të Shtetit gjendet nën masën e ndalimit 48-orësh për veprat penale të lartëcekura.

Dy persona janë arrestuar për shkak se nga tri viktimat dy femra braziliane dhe një mashkull rumun), nën kërcënimin e thikës, ua kishin grabitur: dy telefona celular, 1500 euro, disa bizhuteri dhe më pas të dyshuarit ishin larguar në drejtim të panjohur.

Sipas raportit 24 orësh të Policisë së Kosovës bëhet e ditur se ngjarja ka ndodhur të martën rreth orës 22:20, në rrugën “Ymer Aliu”, në Prishtinë.

Tutje bëhet e ditur te të dyshuarit, njësitë policore, kanë gjetur dhe konfiskuar dy telefonat e grabitur, bizhuteritë, një pjesë të parave, si dhe dy thika të cilat dyshohet se i ishin përdorë në rast

“Rr. Ymer Aliu, Prishtinë 30.06.2026 – 22:20. Janë arrestuar dy të dyshuar meshkuj kosovarë, për shkak se nga tri viktimat (dy femra braziliane dhe një mashkull rumun), nën kërcënimin e thikës, ua kishin grabitur: dy telefona celular, 1500 euro, disa bizhuteri dhe më pas të dyshuarit ishin larguar në drejtim të panjohur. Te të dyshuarit, njësitë policore, kanë gjetur dhe konfiskuar dy telefonat e grabitur, bizhuteritë, një pjesë të parave, si dhe dy thika të cilat dyshohet se i ishin përdorë në rast. Me vendim të prokurorit të dyshuarit janë dërguar në mbajtje për 48 orë”, thuhet në raport.

Policia kosovare ka iniciuar rast për veprën penale “Nxitja e përçarjes dhe mosdurimit”, pas dyshimeve se një shtetas i Serbisë ka publikuar një video me përmbajtje që nxit urrejtje gjatë manifestimit të mbajtur në Gazimestan.

Në raportin 24 orësh Policia nuk ka bërë me dije se cila është kjo video.

“Mazgit, Obiliq 28.06.2026-NN. Me 30.06.2026 nga inteligjenca është pranuar informatë se i dyshuari mashkull i Serbisë, gjatë manifestimit në Gazimestan ka bërë video-nga aty me përmbajtje nxitje të urrejtjes. Në konsultim me prokurorin është iniciuar rasti ‘Nxitja e përçarjes dhe mosdurimit’ “, thuhet në njoftim.

Ndërkaq, siç thuhet në raport është verifikuar se i dyshuari me 28.06.2026 ka dalë nga Kosova përmes PKK-Jarinje.

Kamioni i ri sulmues për nevojat e Brigadës Profesionale të Zjarrfikësve të kryeqyetit, investim prej 330 mijë euro është prezantuar të mërkurën, në një aktivitet në Kodër të Trimave.

Kryetari i Prishtinës, Përparim Rama tha se i njëjti do të përdoret për ndërhyrje në zjarret urbane dhe raste të tjera emergjente.

Sipas tij, synimi kryesor i këtij kamioni është të rrisë efikasitetin e zjarrfikësve në reagimet emergjente si dhe bëri të ditur se gjatë këtij viti është planifikuar edhe blerja e një kamioni tjetër të projektuar për ndërhyrje në zjarret malore.

“Kemi një kamion të ri për zjarrfikësit. Pra, për herë të parë Komuna e Prishtinës, kryeqyteti faktikisht, ka investuar në një mjet të ri. Pra, është nga fabrika, Një kamion sulmues, i cili është i dizajnuar për me i ndihmuar në raste ku luftohet, me zjarr në zonat urbane. Pra, është i dizajnuar pikërisht për luftën ndaj zjarrit në zonat urbane… Kjo është një prej investimeve të shumta që kryeqyteti po i bën për me e ngritë sigurinë në kryeqytet. Kemi buxhetuar që këtë vit po ashtu të kemi edhe kamionin tjetër të ri, i cili do të na ndihmojë në raste të zjarreve në zonat malore… Ky është një investim prej 330,000 eurove. Pra, ky kamion kushton 330,000 euro. Tash kemi buxhetuar edhe një investim tjetër të rreth 300,000 euro për kamionin tjetër që e përmenda,i dizajnuar për zjarre malore”, u shpreh ai.

Ai shtoi se Komuna e Prishtinë ka investuar edhe në ngritjen e kapaciteteve për aspektin e shëndetit të zjarrfiksëve, në mënyrë që sipas tij të kenë mudësi më trë miraq që të i ndihmonë qytetarët në rast nevoje.

“Ne kemi tash edhe fizioterapie për secilin prej zjarrfikësve si pjesë e proceseve. Pra, po ashtu edhe mbikëqyrje pa pagesë për të gjithë zjarrfikësit. Pra, kemi edhe shpuzat të cilat janë të dizajnuara nga nutricionistët që tash u shërbejnë zjarrfikësve tanë në kryeqytet. Pra, janë këto një mori intervenimesh të cilat ne si kryeqytet i kemi parë si të domosdoshme që t’ju ndihmojmë zjarrfikësve tanë për me qenë, po them, në pozitë më të mirë që t’ju ndihmojnë secilit qytetar të kryeqytetit e përtej”, tha ai.

Ndërsa drejtori i Brigadës Profesionale të Zjarrfikësve, Malë Gashi, i cili theksoi se automjeti i ri do të zëvendësojë një pjesë të flotës së vjetruar që shpesh shkaktonte vonesa për shkak të defekteve.

“Problemet në të kaluarën, i kam cek disa herë edhe për juve, problemet më të mëdha i kemi pas automjetet e vjetra se kanë defekte shumë dhe na humbin kohë duke u marrë me to e duke mos i pasur në shërbim. Ndërsa automjeti, ky automjet i ri është i garantuar për disa vite nga vetë operatori ekonomik, e gjithashtu edhe vetë që është i ri i ka edhe 15 vite që na nuk mendojmë më për një kamion të tillë”, tha Gashi.

Se modernizimi i flotës së zjarrfikësve do të vazhdojë edhe në vitet e ardhshme, me synim zëvendësimin e të gjitha automjeteve të vjetra dhe ngritjen e kapaciteteve operative të brigadës, e tha drejtori i Sigurisë dhe Emergjencave, Lulëzim Fushtica.

“Të gjitha këto, edhe në këtë vit do të jetë edhe një kamion i tjetër, por në strategjinë tonë është ndërrimi i të gjithë flotës të vjetruar nga automjetet, në tre vitet e ardhshme. Pra, qëllimi jonë është që të ndërrohet e gjithë flota, të ngriten kapacitetet, të ngritet numri i zjarrfikësve proporcionalisht me numrin e banorëve në kryeqytet dhe që kryeqyteti ta ketë brigadën profesionale, që e ka, por do ta modernizojmë, do t’i ngriten kapacitetet, si ato logjistike, po ashtu edhe ato në aspektin e burimeve njerëzore, dhe të jetë shembull, siç është shembull për të gjitha komunat e tjera”, tha Fushtica. /KP/

Një mjet i dyshuar i pashpërthyer është hasur mbrëmjen e së hënës në fshatin Burincë të Gjilanit, në afërsi të varrezave të fshatit.

Sipas policisë, rasti është raportuar rreth orës 21:00 nga një dëshmitar, i cili ka njoftuar për praninë e mjetit të dyshuar në atë zonë.

Njësitet policore kanë dalë menjëherë në vendin e ngjarjes dhe kanë siguruar perimetrin, ndërsa është njoftuar edhe njësiti për dominim.

“Fsh. Burincë, Gjilan 30.06.2026 – 21:02. Një mashkull kosovar -dëshmitar ka raportuar se te varrezat e fshatit kishte hasur një mjetë të dyshuar të pashpërthyer. Njësiti policore është duke siguruar mjetin derisa njësiti për deminim të dalë në vendin e ngjarjes”.

Një mjet i dyshuar i pashpërthyer është hasur mbrëmjen e së hënës në fshatin Burincë të Gjilanit, në afërsi të varrezave të fshatit.

Sipas policisë, rasti është raportuar rreth orës 21:02 nga një dëshmitar, i cili ka njoftuar për praninë e mjetit të dyshuar në atë zonë.

Njësitet policore kanë dalë menjëherë në vendin e ngjarjes dhe kanë siguruar perimetrin, ndërsa është njoftuar edhe njësiti për dominim.

“Fsh. Burincë, Gjilan 30.06.2026 – 21:02. Një mashkull kosovar -dëshmitar ka raportuar se te varrezat e fshatit kishte hasur një mjetë të dyshuar të pashpërthyer. Njësiti policore është duke siguruar mjetin derisa njësiti për deminim të dalë në vendin e ngjarjes”.

Kryetari i Prishtinës, Përparim Rama ka folur lidhur me shtrenjtimin e biletave të autobusëve të Trafikut Urban.

Ai tha se me këtë vendim po shtyhen përpara proceset drejt digjitalizimit të pagesave për bileta.

“Ne faktikisht po i shtyjmë proceset për digjitalizimin e biletave, pra digjitalizimi i procesit, pra jo me paguar me me kesh, po me i ble biletat ditore, javore, mujore në bazë të proceseve, pra të kartave digjitale. Edhe ato i kemi mbajtur këto biletat pra të ulëta. Mirëpo, kemi një çmim më të ngritur nëse e bleni me kesh në vend sot. Pra, të gjithë qytetarët që i marrin, pa parë se e marrin këtë kuletën digjitale, biletën e kanë po them pothuajse të njëjtë ose shumë më lirë sesa nëse e paguajnë kesh. Pra është një proces i modernizimit të të gjithë flotës. Tash edhe autobusët e rinj që janë duke ardhur kanë me pasë mundësinë për kështu touch, sistemi për me prekë me telefon apo me kartelë, edhe këto bileta kanë qëndruar të ulëta, pra nuk janë të ngritura. Janë vetëm ato të cilat, të cilat i paguajnë kesh. E këtë po them po mundohemi që një numër sa më i madh i qytetarëve që të adaptohen përdorimit të autobusëve, sepse po them po e modernizojmë edhe flotën e autobusëve në të gjitha pjesët e kryeqytetit. Pra e kemi tashmë vetëm një numër të madh prej 24 autobusëve që qarkullojnë të rinj, po vijnë edhe 20 të tjerë e kemi me pasë 100 e më shumë autobusë të rinj në kryeqytet, të cilët mundësojnë qytetarët që ta përdorin sistemin në mënyrë më të lehtë edhe më të shpejtë”, tha Rama, raporton Ekonomia Online.

Nga dita e sotme, biletat e transportit publik do të ndryshojnë në çmime për ato të paguarat fizikisht dhe ato me SMS apo përmes kuletës digjitale.

“Biletat e blera përmes kuletës digjitale ose SMS-së, përmes operatorëve të telefonisë mobile, do të kenë çmime më të ulëta krahasuar me biletat fizike. Ndryshimet përfshijnë biletat njëdrejtimëshe, ditore, javore, mujore, biletën për linjën e Aeroportit, si dhe biletat vjetore dhe korporative digjitale” u tha në njoftimin e djeshëm.

Bileta njëdrejtimëshe fizike do të jetë 80 centë, ndërkaq ajo digjitale 60 centë.Bileta ditore fizike do të bëhet nga 80 centë në 1 euro e 20 centë, teksa ata që e blejnë me SMS apo nëpërmjet kuletës digjitale, do ta paguajnë të njëjtën për 1 euro.

Spanja e mbylli qershorin si muaji i dytë më i ngrohtë i regjistruar ndonjëherë, sipas të dhënave të përkohshme nga Agjencia Shtetërore Meteorologjike (Aemet).

Agjencia e ka përshkruar muajin si “jashtëzakonisht të nxehtë”, një kategori e rezervuar për episode jashtëzakonisht anormale, transmeton Telegrafi.

Temperatura mesatare në Spanjën kontinentale ishte 23.2ºC, 3.2ºC mbi mesataren për periudhën 1991-2020. Vetëm qershori 2025, me një mesatare prej 23.6ºC, regjistroi vlera më të larta që nga fillimi i serisë historike të Aemet në vitin 1961.

Vala e nxehtësisë që shënoi fundin e muajit theu gjithashtu disa rekorde ditore. 22 dhe 23 qershori ishin dy ditët më të nxehta të regjistruara ndonjëherë në qershor që nga të paktën viti 1950.

Agjencia e etiketoi episodin “të jashtëzakonshëm” për shkak të intensitetit, kohëzgjatjes dhe shtrirjes gjeografike, veçanërisht në veri të kontinentit, ku u thyen rekorde të shumta të temperaturës.

Nxehtësia ekstreme pati gjithashtu një ndikim të rëndësishëm në shëndet. Sistemi i monitorimit të vdekshmërisë ditore për të gjitha shkaqet (MoMo), i cili mbikëqyret nga Ministria e Shëndetësisë, vlerëson përkohësisht rreth 900 vdekje që i atribuohen temperaturave të larta gjatë muajit. Më shumë se 600 prej këtyre vdekjeve ndodhën gjatë javës së valës së të nxehtit.

Në pritje të përfshirjes së të dhënave përfundimtare për ditët e fundit të qershorit, sistemi kishte vlerësuar 892 vdekje deri të martën, duke e bërë këtë qershor të dytin me vdekshmërinë më të lartë të lidhur me të nxehtin që nga fillimi i regjistrimeve në vitin 2015.

Sistemi MoMo nuk i numëron drejtpërdrejt vdekjet e certifikuara si të shkaktuara nga nxehtësia, por përkundrazi llogarit vdekshmërinë e tepërt duke krahasuar vdekjet e vëzhguara me ato të pritura për secilën periudhë dhe duke i lidhur ato me episode të temperaturave potencialisht të rrezikshme.

Vala e të nxehtit që preku pjesën më të madhe të kontinentit dhe Ishujve Balearik midis 22 dhe 24 qershorit është pjesë e një trendi gjithnjë e më të qartë. Valët e të nxehtit tani jo vetëm që janë më të shpeshta dhe intensive, por ato gjithashtu mbërrijnë më herët gjatë vitit dhe zgjasin gjatësinë e verës.

Të dhënat e Aemet tregojnë se midis viteve 1975 dhe 2000 vetëm dy valë të nxehti u regjistruan në qershor në Spanjën kontinentale. Midis viteve 2000 dhe 2025 kjo shifër u rrit në dhjetë.

Ekspertët e lidhin këtë zhvillim me ngrohjen globale të shkaktuar nga emetimet e gazrave serrë që rrjedhin kryesisht nga përdorimi i lëndëve djegëse fosile.

Fakti që dy qershorët më të ngrohtë në serinë historike kanë qenë dy të fundit pasqyron një trend që është i dukshëm edhe në të gjithë botën, ku rekordet e temperaturave janë gjithnjë e më të shpeshta dhe vitet e fundit renditen ndër më të nxehtat e regjistruara ndonjëherë. /Telegrafi/