Category: Lajme

Ukraina ka rënë dakord për kushtet e një marrëveshjeje të madhe mineralesh me SHBA-në, i tha BBC-së një zyrtar i lartë në Kiev.

“Ne me të vërtetë kemi rënë dakord me një numër amendamentesh të mira dhe e shohim atë si një rezultat pozitiv”, tha zyrtari, pa dhënë detaje të mëtejshme, transmeton Gazeta Express.

Raportet e mediave thonë se Uashingtoni ka hequr dorë nga kërkesat fillestare për të drejtën e 500 miliardë dollarëve (në të ardhura të mundshme nga shfrytëzimi i burimeve natyrore, por nuk i ka dhënë garanci të forta sigurie Ukrainës së shkatërruar nga lufta – një kërkesë kryesore e Ukrainës.

Presidenti i SHBA-së Donald Trump tha se ai e priste homologun e tij ukrainas Volodymyr Zelensky në Uashington që të nënshkruante marrëveshjen këtë javë, pasi të dy udhëheqësit shkëmbyen fjalë të forta për njëri-tjetrin.

Pa konfirmuar se një marrëveshje ishte arritur, Trump tha të martën se në këmbim të marrëveshjes Ukraina do të merrte “të drejtën për të luftuar”.

“Ata janë shumë të guximshëm”, u tha ai gazetarëve, por “pa Shtetet e Bashkuara dhe paratë e saj [SHBA-së] dhe pajisjet e saj ushtarake, kjo luftë do të kishte përfunduar në një periudhë shumë të shkurtër kohore”.

I pyetur nëse furnizimet me pajisje dhe municione amerikane në Ukrainë do të vazhdojnë, ai tha: “Ndoshta derisa të kemi një marrëveshje me Rusinë… Ne duhet të kemi një marrëveshje, përndryshe do të vazhdojë”.

Do të kishte nevojë për “një formë paqeruajtjeje” në Ukrainë pas çdo marrëveshjeje paqeje, shtoi Trump, por kjo do të duhej të ishte “e pranueshme për të gjithë”.

Ukraina ka depozita të elementeve dhe mineraleve të rralla, duke përfshirë litiumin dhe titanin, si dhe depozita të konsiderueshme të qymyrit, gazit, naftës dhe uraniumit – furnizime me vlerë miliarda dollarë.

Trump pretendon se kjo marrëveshje do t’i siguronte SHBA-së të merrte më shumë se sa kishte shpenzuar për Ukrainën, por më shumë detaje thuhet se duhet të dakordohen.

Sipas një burimi në zyrën presidenciale të Ukrainës, ajo që është rënë dakord në këtë fazë janë kushtet fillestare të një marrëveshjeje që përfshin ‘mineralet kritike’ të vendit dhe burimet e tjera.

“Dispozitat e marrëveshjes janë shumë më të mira për Ukrainën tani”.

Raportet thonë se do të krijohej një fond në pronësi të përbashkët, i cili do të përdoret për të rindërtuar infrastrukturën dhe ekonominë e Ukrainës. Ukraina do të kontribuojë në fond me 50% të të ardhurave të ardhshme nga burimet shtetërore minerale, nafta dhe gazi – dhe më pas fondi do të investojë në projekte në vetë Ukrainën.

Zëvendëskryeministrja e Ukrainës Olha Stefanishyna, e cila ka udhëhequr negociatat, i tha Financial Times se marrëveshja ishte “pjesë e një tabloje më të madhe”.

Në një sfond armiqësor ku Uashingtoni duket se po përafrohet me Moskën, shpresohet se kjo marrëveshje do të hapë rrugën për më shumë bashkëpunim midis Kievit dhe aleatit të tij dikur më të madh.

“Ukraina është vetëm fillimi. Prisni që Trump dhe ekipi i tij i politikës së jashtme të zbatojnë parimet e tyre “Amerika së pari” në mbarë botën gjatë katër viteve të ardhshme”.

Ministri i Kulturës, Rinisë dhe Sportit, Hajrullah Çeku, ka thënë se nesër do të mbahet mbledhja e parë e Këshillit Shtetëror për shënimin e 27-vjetorit të Epopesë së Ushtrisë Çlirimtare të Kosovës.

Çeku tregoi edhe përbërjen e këtij Këshilli.

1. Ejup Maqedonci, Ministër i Mbrojtjes, Kryesues;

2. Fadil Nura, Kryetar i Komunës së Skenderajt, bashkëkryesues;

3. Hajrulla Çeku, Ministër i Kulturës, Rinisë dhe Sportit, anëtar;

4. Elbert Krasniqi, Ministër i Administrimit të Pushtetit Lokal, anëtar;

5. Bashkim Jashari, Komandant i Forcës së Sigurisë së Kosovës, anëtar;

6. Gazmend Hoxha, Drejtor i Përgjithshëm i Policisë së Kosovës, anëtar;

dhe 7. Përfaqësues nga Organizatat e Dala nga Lufta e UÇK-së, anëtar,

Me këtë vendim, Zyra e Presidentes, Kuvendi i Kosovës dhe Asociacioni i Komunave të Kosovës ftohen ta dërgojnë nga një përfaqësues.

Qeveria e Kosovës ka miratuar propozim-vendimin për emërimin e drejtorit ekzekutiv të Agjencisë për Barazi Gjinore në kuadër të Zyrës së Kryeministrit.

Në këtë post u emërua Edi Gusia me propozim të komisionit ad hoc për vlerësimin profesional për pranim për pozitën e kategorisë së lartë drejtuese drejtor ekzekutiv në Agjencinë për Barazi Gjinore,

Kryeministri në detyrë, Albin Kurti, tha se Komisioni pas përfundimit të procedurave, në pajtim më Ligjin për Zyrtarët Publikë i ka propozuar Qeverisë dy kandidatë: Zonjën Edi Gusia me 94.8 pikë dhe zotëri Vehbi Mujkun me 82.8 pikë.

“Andaj duke pas parasysh arsyetimin e përmendur, propozoj që zonja Edi Gusia të emërohet në pozitën e drejtores ekzekutive të Agjencisë për Barazi Gjinore në kuadër të Zyrës së Kryeministrit”, tha Kurti.

Qeveria e Kosovës ka miratuar Projekt-udhëzimin Administrativ për Linjën Telefonike Emergjente për Viktimat e Dhunës në Familje, Dhunës ndaj Grave dhe Dhunës në Baza Gjinore, raporton EO.

Në prezantimin e këtij projekt-udhëzimi, kryeministri Albin Kurti tha se viktimat kanë nevojë për reagim të shpejtë dhe efikas të institucioneve të shtetit dhe tha se linja telefonike emergjente ofron “ndihmë të menjëhershme në situata emergjente dhe referim të shpejtë të shërbimet përkatëse, duke siguruar që viktimat të kenë qasje në shërbimet e nevojshme për mbrojtjen dhe fuqizimin e tyre”.

Ndërkaq, ministrja e Drejtësisë tha se me këtë projekt-udhëzim synojnë që të krijojnë një “linjë emergjente, të specializuar që ofron mbështetje të menjëhershme, të qasshme, të sigurt, konfidenciale për viktimat e dhunës në familje, dhunës ndaj grave dhe dhunës në baza gjinore.

“Linja telefonike emergjente shërben si pikë kontakti ndërlidhëse në nivel qendror dhe ofron mundësinë që viktimat dhe qytetarët që rastet e ndërlidhura me dhunën në familje, dhunën ndaj grave dhe dhunën me bazë gjinore”, tha Haxhiu.

Shërbimi Spitalor dhe Klinik Universitar i Kosovës (ShSKUK) ka njoftuar se ka pasur qëndrueshmëri në furnizim me tretësirë për infuzion në QKUK dhe spitalet e përgjithshme.

Derisa i quan dezinformata raportimet për mungesë në furnizim të tretësirës për infuzion.

“Shërbimi Spitalor dhe Klinik Universitar i Kosovës ( ShSKUK), lidhur me dezinformatat publike, njofton se ka pasur dhe ka qëndrueshmëri në furnizim me tretësirë për infuzion (NaCl 0.9%- 500 mililitra), për asnjë moment nuk ka pasur mungesë në klinikat e QKUK-së dhe spitalet e përgjithshme. Theksojmë se në muajin janar 2025, ShSKUK ka pasur në stok 54 mijë e 610 copë me tretje për infuzion, NaCl 0.9%- 500 mililitra, të cilat në vazhdimësi janë̈ shpërndarë në institucionet që menaxhohen nga ShSKUK, si në QKUK, ashtu edhe në spitalet e përgjithshme”, thuhet në reagim.

Sipas SSHKUK-së, ka sasi të mjaftueshme me sisteme të infuzioneve dhe kanillave, ampula deksametazon dhe diklofenak, e që në vazhdimësi shpërndahen në QKUK dhe 7 spitalet e përgjithshme.

“Poashtu, në muajin shkurt jemi furnizuar me 16 mijë e 200 copë tretje për infuzion- NaCl 0.9%- 500 mililitra, asnjë moment në njësitë e ShSKUK nuk ka pasur mungesë të tyre. Kjo gjendje e furnizimit mund të verifikohet në çdo moment në Sektorin për furnizim me barna dhe material shpenzues në ShSKUK, por edhe në klinika dhe spitalet e përgjithshme”, thuhet tutje.

ShSKUK, apelon tek mediat gazetarët dhe shoqëria civile, para se të shpërndajnë informata të pa verifikuara, paraprakisht të marrin informacionin zyrtar dhe të verifikojnë gjendjen në sektorin për furnizim me barna dhe material shpenzues, klinikat e QKUK-së dhe spitalet e përgjithshme.

“Edhe pse ka në stok, furnizimi i ardhshëm, i planifikuar që vjen së shpejti përfshinë mbi 80 mijë copë tretje për infuzione NaCl 0.9%-500 mililitra. Duhet të theksojmë se ky furnizim është bërë falë angazhimit dhe planifikimit të mirë nga Sektori për furnizim me barna dhe material shpenzues”, përfundon reagimi.

Një sëmundje misterioze i’u ka marrë jetën më shumë se 50 njerëzve në Republikën Demokratike të Kongos vetëm disa orë pas fillimit të simptomave.

Organizata Botërore e Shëndetësisë dhe mjekët në Kongo thanë se koha midis shfaqjes së simptomave dhe vdekjes ishte vetëm 48 orë në shumicën e rasteve. OBSH e përshkruan këtë përhapje si një “kërcënim të rëndësishëm për shëndetin publik”.

Zyrtarët besojnë se përhapja filloi më 21 janar dhe 419 raste janë regjistruar që nga e hëna, duke përfshirë 53 vdekje.

Sipas zyrës së OBSH-së në Afrikë, rastet e para filluan në qytetin Boloko pasi tre fëmijë thuhet se konsumuan një lakuriq të ngordhur.

Ata vdiqën 48 orë pasi shfaqën simptoma të etheve hemorragjike, gjakderdhje, dhimbje koke, dhimbje kyçesh dhe simptoma të tjera.

“Kjo është vërtet shqetësuese”, i tha Associated Press Serge Ngalebato, drejtor mjekësor i Spitalit Bikoro në DRC, duke iu referuar se sa shpejt humbën jetën viktimat.

Lajmi vjen pasi mjekët paralajmëruan spastrimin e Qendrës së kontrollit të sëmundjeve të Presidentit Donald Trump dhe ndalimin e komunikimit me OBSH-në.

Zyrtarët e OBSH-së paralajmëruan gjithashtu se numri i shpërthimeve nga sëmundjet që vijnë nga kafshët te njerëzit është rritur me më shumë se 60 % në Afrikë në dekadën e fundit.

Zyrtarët nuk spekuluan se cila mund të jetë sëmundja misterioze.

Megjithatë, pasi filloi përhapja e dytë e sëmundjes misterioze në qytetin e Bomate më 9 shkurt, zyrtarët dërguan mostra nga 13 raste për testim.

Të gjitha mostrat kanë qenë negative për Ebolën dhe sëmundje të tjera hemorragjike si Marburg, megjithëse disa mostra ishin pozitive për malarien.

Sëmundja ka një shkallë vdekjeprurëse prej 12.3 %, sipas zyrës së OBSH-së në Afrikë, e cila është rreth 10 herë më e lartë se kur Covid filloi të përhapet për herë të parë.

Dhoma e Përfaqësuesve miratoi mbrëmjen e së martës planin e Presidentit Trump për uljen e taksave dhe për kufirin, duke i dhënë një shtysë të madhe axhendës së administratës së re për vitin 2025.

Të gjithë ligjvënësit demokratë votuan kundër, ndërsa një prej tyre abstenoi. Një ligjvënës republikan u shpreh kundër planit të presidentit në votimin 217-215.

Miratimi vjen pas një serie të pazakontë manovrash nga Kryetari i Dhomës së Përfaqësuesve, republikani Mike Johnson, i cili anuloi votimin, ndërsa ligjvënësit u njoftuan se nuk do të kishte votime të tjera gjatë natës. Më pas ai ndryshoi kursin, duke e hedhur ë buxhetin për votim.

Ndryshimi i rrjedhës së ngjarjeve erdhi pasi Johnson dhe republikani i dytë në krye të Dhomës së Përfaqësuesve, Steve Scalise, shpenzuan orë të tëra duke bindur të pavendosurit që të mbështesin planin, një hap paraprak për zgjatjen e shkurtimit të taksave të vitit 2017, të miratuar gjatë mandatit të parë të Presidentit Trump.

Të dy udhëheqësit thanë se vetë Presidenti Trump kishte kontaktuar gjithashtu ligjvënësit ngurrues në lidhje me nevojën për të çuar përpara planin prej 4.5 trilion dollarësh të uljes së taksave, i cili gjithashtu përfshin financimin e përpjekjeve të dëbimit të imigrantëve që jetojnë ilegalisht në Shtetet e Bashkuara, do të shtrëngonte sigurinë kufitare, heqjen e rregullave të tepërta në sektorin energjetik dhe mbulonte shpenzimet ushtarake.

“Presidenti ka biseduar me një numër ligjvënësish. Ai i ka bërë të njohura qëllimet e tij dhe dëshiron që ata të votojnë dhe ta çojmë përpara”, tha Johnson./VOA