Category: Lajme

Sot, me 5 mars fillon Epopeja e Ushtrisë Çlirimtare të Kosovës, rrjedhimisht bëhen 27 vjet nga rënia e komandantit legjendar, Adem Jashari së bashku me familjen e tij.

Për nder të kësaj, të gjitha shkollat në Republikën e Kosovës, orën e parë të mësimit do t’ia kushtojnë Epopesë së UÇK-së.

Sulmi i gjerë që Serbia e kishte ndërmarrë në Drenicë për të eliminuar Ushtrinë Çlirimtare të Kosovës ishte kthyer në një rrethim të hekurt për Lagjen e Jasharëve në Prekaz, që ishte qendra dhe simboli i luftës për liri në Kosovë.

Kjo ngjarje e rëndë më 5, 6 e 7 mars të vitit 1998 kishte ngritur çështjen e Kosovës në krye të agjendës botërore, dhe vazhdon të jetë një kujtim i lavdishëm për historinë e kombit tonë.

Në fakt, sot bëhen 27 vjet nga rënia e Komandantit Legjendar Adem Jasharit, që bashkë me familjen e tij dhe Jasharët e tjerë e mbrojtën Kosovën nga okupatori serb. Me rënien heroike të tij, Kosova mundi frikën dhe i hapi shtigjet e lirisë dhe të ardhmërisë. Në Lagjen e Jasharëve në Prekaz është ngritur monumenti më i madh për lirinë dhe pavarësinë e Kosovës dhe më 5, 6 e 7 mars të çdo viti, kombi shqiptar kthehet me respekt dhe admirim për ta kujtuar këtë ngjarje të lavdishme të historisë sonë më të re.

Në kuadër të shënimit të 27-vjetorit të Epopesë së Ushtrisë Çlirimtare të Kosovës (UÇK), presidentja e Republikës së Kosovës, Vjosa Osmani, dhe kryeministri Albin Kurti do të marrin pjesë në ceremoninë e rreshtimit të kuadrateve të Forcës së Sigurisë së Kosovës (FSK), që do të zhvillohet nesër më 5 mars.

Po ashtu, më herët gjatë ditës, në orën 10:00, do të mbahet mbledhja solemne e Qeverisë së Republikës së Kosovës për shënimin e 27-vjetorit të Epopesë së UÇK-së, që do të zhvillohet në ndërtesën e qeverisë.

Sipas njoftimit të Presidencës, presidentja Osmani do të marrë pjesë në këtë ceremoni, e cila do të mbahet në Kazermën “Adem Jashari” në Prishtinë, në orën 12:00.

Njëkohësisht, Zyra e Kryeministrit ka njoftuar se kryeministri Albin Kurti gjithashtu do të marrë pjesë në ceremoninë e rreshtimit të kuadrateve të FSK-së.

Në agjendën e publikuar ditë më parë nga Qeveria e Kosovës theksohet se edhe në kuvendet komunale të Kosovës do të mbahen seancat solemne.

Pjesë e aktiviteteve, do të jetë edhe ligjërata në shkollat e Kosovës ku ora e parë mësimore do t’i kushtohet Epopesë së UÇK-së.

Aktivitetet do të vazhdojnë edhe me 6 mars, ku krerët e shtetit dhe institucioneve do të bëjnë homazhe ne Prekaz, ndërsa që do të mbahet edhe skedimi përkujtimore në Prishtinë.

Epopeja e UÇK-së do të përmbyllet si zakonisht me 7 mars me “Natën e Zjarreve” në Prekaz dhe me programit artistik në Skenderaj.

Administrata e Presidentit të SHBA Donald Trump dhe Ukraina do të nënshkruajnë marrëveshjen e shumë debatuar për mineralet pas një takimi katastrofik të Zyrës Ovale të premten, në të cilin presidenti ukrainas Volodymyr Zelenskiy u “përzu” nga ndërtesa, thanë të martën katër persona të njohur me situatën.

Presidenti Donald Trump u ka thënë këshilltarëve të tij se dëshiron të shpallë marrëveshjen në fjalimin e tij në Kongres të martën në mbrëmje, thanë tre nga burimet, duke paralajmëruar se marrëveshja nuk ishte nënshkruar ende dhe situata mund të ndryshojë.

Shtëpia e Bardhë nuk iu përgjigj menjëherë një kërkese për koment.

Administrata presidenciale e Ukrainës në Kiev dhe ambasada e Ukrainës në Uashington nuk iu përgjigjën menjëherë kërkesave për koment.

Marrëveshja u pezullua të premten pas një takimi të diskutueshëm në Zyrën Ovale midis Trump dhe presidentit ukrainas Volodymyr Zelenskiy që rezultoi në largimin e shpejtë të liderit ukrainas nga Shtëpia e Bardhë. Zelenskiy kishte udhëtuar në Uashington për të nënshkruar marrëveshjen.

Në atë takim, Trump dhe Zëvendës Presidenti JD Vance e qortuan Zelenskiy, duke i thënë atij se duhet të falënderojë SHBA-në për mbështetjen e tyre në vend që të kërkojë ndihmë shtesë para mediave amerikane.

Kryetari i Kuvendit të Maqedonisë së Veriut, Afrim Gashi, në emisionin CONTEXT në ATV, tha se gjatë vizitës së tij në Kosovë kishte kërkuar takim me të gjithë liderët e opozitës, por vetëm kryetari i PDK-së, Memli Krasniqi, iu përgjigj ftesës.

Sipas Gashit, pavarësisht mosrealizimit të takimeve me liderët e tjerë, ai i trajton të gjithë eksponentët politikë në mënyrë të barabartë dhe respekton vullnetin e qytetarëve të Kosovës.

“Në vizitën time në Kosovë, kërkova takim me të gjithë liderët e opozitës. Me njërin prej tyre, zotin Memli Krasniqi, u takova, ndërsa të tjerët nuk ishin aty, nuk u përgjigjën. Megjithatë, mesazhi im ishte se unë i trajtoj eksponentët politikë në mënyrë të barabartë dhe e respektoj vullnetin e shqiptarëve dhe të kosovarëve për besimin që ata i japin politikanëve”, tha Gashi.

Ai tha se kushdo që zgjidhet kryetar i Kuvendit të Kosovës, bashkëpunimi do të mbetet prioritet i tij institucional.

“Kushdo që bëhet kryetar i Kuvendit të Kosovës, pavarësisht nga cila parti, ta dini se përkushtimi im do të jetë maksimal dhe i devotshëm për t’i avancuar raportet mes dy parlamenteve”, u shpreh Gashi.

Deklaratën e plotë të Afrim Gashit në CONTEXT, e gjeni në videon më poshtë:

Kryetari i Kuvendit të Maqedonisë së Veriut, Afrim Gashi, në emisionin CONTEXT në ATV, tha se gjuha shqipe është një e drejtë e fituar dhe nuk duhet të politizohet. Ai tha se vendimet për ligjin e gjuhëve duhet të bazohen në Kushtetutë dhe jo në presion politik.

Sipas Gashit, ligji për përdorimin e gjuhëve është rezultat i Marrëveshjes së Ohrit, por formulimi kushtetues ka krijuar paqartësi në interpretim.

“Ne ligjin për përdorimin e gjuhës shqipe e kemi pasur një prej kërkesave kryesore gjatë Marrëveshjes së Ohrit dhe luftës së vitit 2001. Përfundoi me një amendament kushtetues, i cili, për fat të keq, le për të dëshiruar dhe ka ambiguitete brenda vetes”, tha Gashi.

Ai tha se tre nene të ligjit të gjuhëve, të cilat kanë qenë të kontestuara, nuk janë zbatuar asnjëherë në praktikë dhe për këtë arsye nuk duhet të jenë objekt politizimi.

“Bëhet fjalë për përdorimin e gjuhës shqipe në procedurat gjyqësore, në uniforma, në polici dhe në banknota. Siç e dini, këto tre nene nuk janë implementuar. Gjykata Kushtetuese duhet të vendosë pa ndikuar nga politika dhe jo të bjerë nën presion”, u shpreh Gashi.

Gashi tha se gjuha shqipe duhet të trajtohet si një nevojë e shtetit dhe jo si temë për debate politike të përditshme.

“Sa më shumë që arrijmë ta depolitizojmë këtë çështje, aq më shpejt do ta avancojmë. Përdorimi i gjuhës shqipe nuk duhet të jetë peng i lojërave politike, por një çështje që i bashkon qytetarët”, theksoi ai.

Deklaratën e plotë të Afrim Gashit në CONTEXT, e gjeni në videon më poshtë:

Kryetari i Kuvendit të Maqedonisë së Veriut, Afrim Gashi, në emisionin CONTEXT në ATV, tha se Maqedonia e Veriut ka një interes të madh për forcimin e lidhjeve ekonomike me Kosovën, pasi është shteti i vetëm me të cilin ka bilanc pozitiv tregtar.

Sipas tij, mbledhja e parë mes dy qeverive ishte një sinjal i qartë politik për përkushtimin ndaj bashkëpunimit ekonomik dhe infrastrukturor.

“Me vetë faktin që mbledhjen e parë mes dy qeverive e pati pikërisht me Republikën e Kosovës, kjo vetë më vete është një mesazh politik se ka një angazhim serioz dhe qëllime të sinqerta në raport me përmirësimin e këtyre raporteve jo vetëm politike, por edhe ekonomike dhe infrastrukturore”, tha Gashi.

Ai tha se ndërtimi i rrugës Shkup-Bllacë është vonuar për më shumë se dy dekada, por tashmë procesi ka nisur dhe pritet të përfundojë.

“Është për keqardhje që të përmendim edhe ta marrim në gojë rrugën Shkup-Bllacë, por fatkeqësisht për 22-23 vite është përmendur nëpër fushata dhe nuk është bërë. Kjo Qeveri ka intenca serioze, procedurat kanë filluar dhe jam shumë i bindur që shumë shpejt do të fillojnë edhe pjesa teknike e shpalljeve, që të përfundohet edhe ai segment”, u shpreh Gashi.

Gashi tha se marrëdhëniet me Kosovën po avancojnë, duke u larguar nga paragjykimet dhe barrierat e së kaluarës.

“Është interes i Maqedonisë së Veriut që të lidhet me Kosovën, për shkak se ne si shtet, me të vetmin shtet që kemi bilanc pozitiv në raportet eksport-import është Republika e Kosovës. Mendoj se dalëngadalë po hiqen mjegullat, po thyhen barrierat dhe po largohen paragjykimet për raportet mes Maqedonisë së Veriut dhe Kosovës”, theksoi Gashi.

Deklaratën e plotë të Afrim Gashit në CONTEXT, e gjeni në videon më poshtë:

Kryetari i Kuvendit të Maqedonisë së Veriut, Afrim Gashi, në emisionin CONTEXT në ATV, tha se urimi zyrtar për pavarësinë e Kosovës ishte bërë sipas protokollit dhe në kohën e duhur.

Sipas tij, dokumentet e publikuara nga Presidenca dëshmojnë se nuk ka pasur vonesa apo probleme me këtë urim.

“Sa i përket këtij komunikimit dhe urimit zyrtar, mendoj se u dëshmua me dokumentacione që u publikuan nga Presidenca se gjithçka ka qenë në rregull, në kohë, në mënyrë protokollare”, tha Gashi.

Ai tha se disa subjekte politike dhe mediatike po krijojnë zhurmë të panevojshme rreth kësaj çështjeje.

“Mendoj se ndonjëherë subjekte të caktuara politike e jopolitike mediatike mundohen të bëjnë një zhurmë të panevojshme. Nuk është interes as i Maqedonisë së Veriut, as i Kosovës, as i shqiptarëve, as më pak që të ketë këso interferenca mes Maqedonisë dhe Kosovës, prandaj i trajtoj si tërësisht të panevojshme dhe të pasakta”, u shpreh Gashi.

Deklaratën e plotë të Afrim Gashit në CONTEXT, e gjeni në videon më poshtë: