Category: Lajme

Policia e Kosovёs ka arrestuar gjashtё persona tё dyshuar pёr veprat penale ‘vrasje e rёndё nё tentativё’ dhe ‘pjesёmarrje nё rrahje’, raporton Ekonomia Online.

“Drejtoria Rajonale e Policisë nё Pejë, Stacionin Policor në Klinë, me datën 15.03.2025, rreth orës: 19:45, është njoftuar se në fshatin Ujmir-Klinё, ka ndodhur njё rrahje. Policia menjëherë i është përgjigjur informatёs dhe kanё identifikuar vendin e ngjarjёs ku ka ndodhur rasti, aty ishin tё pёrfshirё tetё (8) persona. Tё dyshuarit janё dёrguar nga familjarët nё emergjencë pёr tretman mjekёsor, ndёrsa dy nga tё dyshuarit fillimisht janё dёrguar nё spitalin rajonal ne Pejё, e mё pas nё QKUK-Prishtinё, pasi qё ishin tё lënduar nga mjeti i mprehtë (thikё)”, thuhet nё raport.

Pas intervistimit nga hetuesit, me vendim tё prokurorit tё shtetit, gjashtё tё dyshuarit, tё mitur, janё ndaluar pёr 24 orё.

Është publikuar fotografia e “diskotekës” që u dogj në Koçan të Maqedonisë së Veriut, ku vdiqën 51 persona.

Alsat ka publikuar një fotografi ku shihet se ajo është bërë shkrumb e hi.

Ministri i Shëndetësisë Arben Taravari tha se 118 persona jane shtruar në spitalet e Koçanit, Shtipi dhe Shkupit. Të gjitha kapacitetet janë vënë në funksion.

Të gjithë pacientët janë shtruar në spitale dhe marrin trajtimin e duhur. Taravari nuk deshi të japë detaje lidhur me gjendjen shëndetësore të të lënduarve.

Arkivi i tubimeve publike, një organizatë që numëron pjesëmarrësit në tubime publike, ka dhënë një vlerësim të numrit të atyre që morën pjesë në protestën e madhe e cila është mbajtur dje pasdite në Beograd.

Bazuar në hulumtimin në terren dhe analizën e pamjeve nga protesta e djeshme në Serbi, Arkivi i Tubimeve Publike vlerëson se në këtë tubim kanë marrë pjesë nga 275.000 deri në 325.000 persona, me mundësi që numri të jetë edhe më i madh, thuhet në një postim në Facebook.

Siç shtuan ata, për shkak të madhësisë së jashtëzakonshme, natyrës dinamike dhe strukturës së tubimit, si dhe situatës së paqartë në pjesë të caktuara të qytetit, veçanërisht në Beogradin e Ri, nuk është i mundur një vlerësim më i saktë, raporton Danas.
Atmosfera ishte e tensionuar dhe gjatë heshtjes pesëmbëdhjetëminutëshe u dëgjua një shpërthim i fortë në afërsi të Parkut të Pionerit, kur rojet e studentëve hoqën jelekët dhe njoftuan se kjo protestë nuk ishte më e tyre.

Kolonat protestuese të demonstruesve që iu përgjigjën thirrjes së studentëve në bllokadë lëvizën nëpër Beograd, nga të gjitha drejtimet dhe të gjitha pjesët e qytetit, ndërkohë, vëzhguesit vlerësuan se kjo ishte një protestë historike.

Aty pati gjuajtje të mjeteve pro teknikë, derisa pranë institucioneve është parë një numër i madh i Policisë dhe ushtrisë serbe.
Studentët kërkojnë përgjegjësi penale dhe politike për vdekjen e 15 personave nga shembja e strehës në Stacionin Hekurudhor në Novi Sad.

Ata morën mbështetje edhe nga figura të shumta publike, aktorë, këngëtarë, sportistë, punonjës të medias, si dhe individë nga profesione të tjera, si avokatë, gjyqtarë, prokurorë, mjekë, edukatorë, e po ashtu edhe politikanë të opozitës në Serbi.

Kërkesat e studentëve për ndalimin e bllokadave përfshijnë publikimin e dokumentacionit të plotë për rindërtimin e Stacionit Hekurudhor të Novi Sadit, për të përcaktuar përgjegjësinë për aksidentin e 1 nëntorit, 2024, transmeton KosovaPress.

Ata gjithashtu kërkojnë që sulmuesit e demonstruesve nëpër Serbi, gjatë protestave që pasuan aksidentin, të identifikohen dhe të përballen me përgjegjësi penale.

Kërkesat përfshijnë edhe lirimin e aktivistëve të arrestuar gjatë protestave, ndalimin e procedurave penale kundër tyre, si dhe rritjen e buxhetit për universitetet.

Zyra e Prokurorit të Lartë Publik në Novi Sad ka ngritur aktakuzë kundër 13 personave në lidhje me shembjen vdekjeprurëse të strehës në Stacionin Hekurudhor të qytetit.

Pilotët e dronëve sulmues të batalionit të sistemeve pa pilot gjurmuan dhe shkatërruan një automjet sulmi, mortaja dhe obuset e rusëve në drejtimin Novopavlivka.

Sipas Ukrinform, grupimi operacional dhe strategjik i trupave Khortytsia e raportoi këtë në Telegram dhe postoi një video.

“Pilotët e dronëve të sulmit të batalionit gjurmuan dhe shkatërruan sistemin e artilerisë vetëlëvizëse të armikut, mortajat, ATGM dhe disa obusa në sektorin Novopavlivka. Falë veprimeve të shkathëta të pilotëve të dronëve, armët dhe pajisjet e armikut po kthehen në mbeturina të çmilitarizuara”, thuhet në deklaratë./KosovaPress/

Një person është gjetur i vdekur në një dhomë, kurse afër trupit është gjetur dhe konfiskuar një pistoletë, raporton Ekonomia Online.

“HETIM I VDEKJES- Pejë / 15.03.2025 – 17:35. Pas një informate të pranuar policia dhe autoambulanca kanë dalur në vendin e ngjarjes ku në shtëpinë e tij në një dhomë është gjetur trupi i pajetë i viktimës vdekjen e të cilit e ka konstatuar ekipi mjekësor. Në afërsi të trupit është gjetur dhe konfiskuar një pistoletë. Me vendim të prokurorit trupi i pajetë është dërguar në IML për obduksion.”, thuhet në raport.

Ministri i Shëndetësisë Arben Taravari tha se 118 persona janë shtruar në spitalet e Koçanit, Shtipi dhe Shkupit. Të gjitha kapacitetet janë vënë në funksion, shkruan Alsat.

Të gjithë pacientët janë shtruar në spitale dhe marrin trajtimin e duhur. Taravari nuk deshi të japë detaje lidhur me gjendjen shëndetësore të të lënduarve.

Ai tha se për këtë do të njoftoje pasi ti vizitoje të gjitha spitalet në Shkup dhe Koçan e Shtip dhe bisedoj me mjeket që i trajtojnë.

Sot mbushen 24 vjet nga fillimi i luftës në ish-Republikën Jugosllave të Maqedonisë, e cila pas zgjidhjes së kontestit të emrit me Greqinë quhet Maqedonia e Veriut.

Dy vjet pas përfundimit të luftës në Kosovë, ishin shqiptarët e Maqedonisë ata të cilët do të rrëmbenin armët, sërish nën siglën UÇK.

Ishte themeluar një tjetër ushtri, e cila do tentonte që me grykën e pushkës ta ndryshonte fatin shqiptar në ish-republikën jugosllave, aty ku elementi maqedonas prej dekadash ishte bërë dominues, e që në kushtet e reja të pavarësisë, e kishte thelluar shtypjen e elementit shqiptar.

Shqiptarët që gjeografikisht duhej të jetonin në këtë vend, fillimisht përmes aktit më të lartë të një shteti në vitin 1991 i humbën të drejtat të cilat, formalisht, i gëzonin me kushtetutën e vitit 1974, raporton KosovaPress.

Edhe pse kushtetuta e vitit 1991 u miratua pa votat e deputetëve shqiptarë, rrjedha diskriminues shumëdimensional vazhdoi edhe më tutje.

Po ashtu në këtë kohë Maqedoninë e përfshiu papunësia, varfëria e skajshme, korrupsioni, krimi ekonomik dhe krizat e njëpasnjëshme ekonomike, që kishin marrë përmasa të mëdha.
Si rrjedhojë e lodhjes dhe mosbesimit që ndonjëherë mund të jetojnë bashkërisht shqiptarët dhe maqedonasit, Ushtria Çlirimtare Kombëtare vendosi që çështjen ta çojë deri në fund.

Përmes zhurmës së kësaj lufte u sensibilizua dhe mobilizua edhe faktori ndërkombëtare (përskaj atij politik shqiptar), i cili përmes përpjekjeve të ngjeshura diplomatike ndërmjet faktorit politik në pushtet, krahut ushtarak dhe atij ndërkombëtar, arritën që kësaj lufte t’i japin fund, përfundimin e të cilës e rrumbullakuan në tavolinën e bisedimeve me negociata ndërmjet palëve të infiltruar në vorbullën e kësaj lufte.

Bisedimet në nivel ekspertësh dhe të zyrtarëve të lartë të shtetit – ku drejtpërdrejt u përfshinë edhe ndërmjetësuesit nga SHBA dhe Evropa – u mbajtën në Ohër më 2001, raporton KosovaPress.

Dokumenti kornizë u nënshkrua më 13 gusht 2001 në Shkup nga presidenti i atëhershëm maqedonas, Boris Trajkovski si dhe liderët e partive kryesore politike: Lupço Georgievski, Arbën Xhaferi, Branko Cërvenkovski dhe Imer Imeri, në praninë e ndërmjetësuesve ndërkombëtarë François Leotard dhe James Perdiue.
Si pjesë e realizimit të marrëveshjes së Ohrit palët ranë dakord për formimin e Sekretariatit për Zbatimin e marrëveshjes kornizë të Ohrit në kuadër të qeverisë, i cili dikaster para tri vjetësh u shua, duke kaluar në Ministri për Sistem Politik dhe Marrëdhënie mes Bashkësive.