Category: Lajme

Dëmtimet dhe sulmet ndaj vagonëve të trenit në vendin tonë janë goxha të shpeshta.

Një rast i njëjtë ka ndodhur po ashtu së fundi në Stacionin Hekurudhor të Hanit të Elezit ku vagonët e sapo-riparuar janë dëmtuar ditën e sotme.

“Trainkos” ka reaguar pas rastit, ku ka kërkuar nga organet kompetente hetim të plotë dhe ndëshkim të përgjegjësve.

“Trainkos” thotë se që nga fillimi i projektit dëmet janë shumë të mëdha.

“Që nga fillimi i këtij projekti në vitin 2019, dëmet ndaj ndërmarrjes janë të mëdha:humbje financiare që tejkalojnë 10 milionë euro, humbje të klientelës dhe të imazhit, zhvendosje të konsiderueshme të klientëve nga transporti hekurudhor në atë rrugor”.

Në njoftim shtojnë se rikuperimi i plotë do të kërkojë vite.

“Këto pasoja do të vazhdojnë të ndihen për një periudhë të gjatë dhe rikuperimi i plotë do të kërkojë vite. Ky akt vandal është dëm i drejtpërdrejtë ndaj pronës publike dhe ndaj përpjekjeve tona për modernizimin dhe përmirësim të shërbimeve të transportit hekurudhor”, thuhet në reagimin e “Trainkos”.

Sipas tyre, vagonët janë riparuar me një investim prej 423,000 euro, nga buxheti i Republikës së Kosovës, dhe ende pa u vënë në operim janë dëmtuar sërish.

Aktualisht, “Trainkos” thotë se transportimi i pesë vagonëve është i pamundur, pasi linja Fushë Kosovë – Hani i Elezit mbetet e mbyllur.

Blue Origin, kompania hapësinore e themeluar nga Jeff Bezos, ka lëshuar me sukses raketën e saj gjigante New Glenn, duke shënuar një moment kyç për kompaninë.

Raketa u nis nga Florida, duke mbartur dy satelitë të NASA-s në një udhëtim të gjatë drejt Marsit, dhe kompania arriti për herë të parë të ulë në mënyrë të sigurt shkallën e parë të raketës mbi një platformë detare.

Ky sukses i dyfishtë përfaqëson një hap të madh përpara në përpjekjet e Blue Origin për t’u bërë një konkurrues serioz i SpaceX-it, shkruan CNN.

Raketa New Glenn u nis nga baza hapësinore Cape Canaveral të enjten pak para orës 16:00 sipas kohës lokale. Nisja e misionit, të quajtur Escapade, fillimisht ishte planifikuar për të dielën, por u shty për shkak të motit të keq.

Pas ngritjes së suksesshme, Blue Origin arriti edhe një objektiv tjetër të rëndësishëm: shkalla e parë e raketës, e njohur si përforcuesi, u ul me sukses në platformën detare të quajtur “Jacklyn”, emëruar për nder të nënës së Bezos-it.

Ky është një sukses i madh për kompaninë, veçanërisht pas përpjekjes së pasuksesshme gjatë fluturimit inaugurues në janar. Në atë rast, motorët nuk arritën të ndiznin sërish për uljen, por duket se inxhinierët gjatë dhjetë muajve të fundit e kanë zgjidhur problemin.

Aftësia për të ripërdorur shkallën e parë të raketës është thelbësore për modelin e biznesit të kompanisë, pasi ul ndjeshëm kostot e nisjes — një strategji që SpaceX e ka përsosur prej kohësh.

New Glenn dorëzoi në hapësirë dy satelitët e misionit Escapade, i cili ka një nga misionet më emocionuese: kërkimin e Marsit. Por rruga e tyre drejt Planetit të Kuq nuk do të jetë e drejtpërdrejtë. Satelitët u dërguan fillimisht drejt pikës Lagrange 2 (L2), një pikë gravitacione e qëndrueshme rreth 1.5 milionë kilometra larg Tokës, ku ata do të “presin” momentin e duhur për të vazhduar udhëtimin.

Në fund të vitit 2026, kur Marsi dhe Toka të jenë në pozicion optimal, satelitët do të largohen nga L2 dhe do të nisen drejt destinacionit të tyre përfundimtar.

Pritet që ata të hyjnë në orbitën e Marsit në muajin shtator të vitit 2027. Vetëm atëherë do të fillojë misioni i tyre shkencor: studimi i atmosferës së Marsit për të zbuluar pse planeti humbi shtresën e tij të dendur atmosferike miliarda vite më parë, si dhe matja e niveleve të rrezatimit – një element kyç për misionet e ardhshme njerëzore.

Misioni Escapade është pjesë e programit SIMPLEx të NASA-s (Small, Innovative Missions for Planetary Exploration), i cili synon të nxisë zhvillimin e anijeve hapësinore më të vogla dhe më të lira për kërkime shkencore.

Kostoja e këtij misioni vlerësohet të jetë më pak se 100 milionë dollarë, shumë më pak se misionet tipike drejt Marsit, të cilat kushtojnë nga 300 deri në 600 milionë dollarë. Suksesi i këtij misioni mund të hapë rrugën për një brez të ri kërkimesh planetare më të përballueshme. /Telegrafi/

Një person është arrestuar në Podujevë, nën dyshimin se kishte ngacmuar dhe ia kishte dëmtuar telefonin ish të dashurës së tij.

Sipas organeve të rendit, i dyshuari, pas intervistimit me vendim të prokurorit është dërguar në mbajtje.

“Është arrestuar i dyshuari mashkull kosovar, për shkak se e kishte ngacmuar dhe ja dëmtuar telefonin ish të dashurës së tij. I dyshuari pas intervistimit me vendim të prokurorit është dërguar në mbajtje”, la njoftuar Policia.

Një person është raportuar të jetë larguar nga Enti Special në Shtime, ngjarje e cila ka ndodhur të enjten rreth orës 17:15.

Sipas raportit 24-orësh të Policisë së Kosovës, rasti është lajmëruar nga një infermier i institucionit.

Në raportin policor thuhet se pacienti është larguar nga objekti dhe aktualisht nuk dihet vendndodhja e tij.

Autoritetet kanë nisur hetimet për zbardhjen e rrethanave dhe gjetjen e personit në fjalë.

Balotazhi i zgjedhjeve lokale në vend e përfshiu edhe komunën e Gjakovës.

Kryetari Ardian Gjini që e kishte Gjakovën për dy mandatet e kaluara, e fitoj besimin e qytetarëve edhe njëherë.

Gjini i AAK-së mposhti Ardian Golën e LVV-së në rundin e dytë të zgjedhjeve lokale që u mbajt më 9 nëntor.

Pos që e mposhti me votat e rregullta, Gjini po del të jetë votuar edhe nga personat që kanë votuar me kusht në ditën e zgjedhjeve, por edhe nga personat me nevoja të veçanta.

Sipas rezultateve të publikuara nga KQZ, kryetari aktual i Gjakovës ka fituar 32 vota me kusht (58,18%) në raport me 23 të Golës, apo 41,82%.

Edhe në kategorinë e votave të personave me nevoja të veçanta, Gjini ka marrë 52 vota, apo 66,67%, ndërsa Gola ka marrë 33 vota apo 33,33%.

Sipas rezultateve të përmbledhura, del se deri më tani, pa numërimin e votave me postë, Gjini ka fituar 17,231 vota apo 56,46%, në raport me 13,287 vota apo 43,54% për Golën.

Vetëm edhe katër ditë kohë i kanë mbetur mandatarit për kryeministër, Glauk Konjufca, që t’i propozojë Kuvendit përbërjen e re qeveritare, afat që skadon më 19 nëntor, për të parë nëse do të sigurojë votat e nevojshme për formimin e ekzekutivit të ri.

Megjithatë, sipas asaj që shihet e qëndrimeve partiake, nuk ka shumë shpresë.

Nominimi i Konjufcës nga Lëvizja Vetëvendosje deri tash nuk ka ndryshuar qëndrimet e partive politike, PDK-së, LDK-së, AAK-së dhe Nismës, të cilat vazhdojnë të kundërshtojnë mbështetjen e një qeverie të udhëhequr nga ai.

Këto parti parlamentare kanë përsëritur qëndrimin e tyre se nuk do ta votojnë një qeveri me Konjufcën në krye dhe kanë kërkuar që vendi t’i drejtohet zgjedhjeve të reja.

Ndryshe, LVV nuk e sheh shkuarjen në zgjedhje në dhjetor si zgjidhjen më të mirë.

Në faqen e Komisionit Qendror të Zgjedhje tashmë janë publikuar rezultatet e numërimit të votave me kusht dhe të atyre të personave me nevoja të veçanta për balotazhin e 9 nëntorit në komunën e Prishtinës.

Kandidati i LDK-së për kryetar, Perparim Rama,  pas numërimit 100% të votave të personave me nevoja të veçanta ka marrë 108 vota, derisa ai i LVV-së, Hajrulla Çeku ka marrë 68.

Ndërsa sa i përket votave me kusht, Çeku ka marrë 82 vota, derisa Perparim Rama 54.

Në faqen e Komisionit Qendror të Zgjedhje tashmë janë publikuar rezultatet e numërimit të votave me kusht dhe të atyre të personave me nevoja të veçanta për balotazhin e 9 nëntorit në komunën e Mitrovicës së Jugut.

Arian Tahiri i PDK-së nga votat me nevoja të veçanta ka marrë 38 vota, derisa Faton Peci i LVV-së, 26.

Ndërsa sa i përket votave me kusht, Faton Peci i LVV-së ka marrë 70 vota, ndërsa Arian Tahiri i PDK-së vetëm 39.

Bitcoin ra në nivelin më të ulët në gjashtë muaj të premten, ndërsa një shitje e gjerë e aseteve me risk u thellua mes shpresave të zbehta se Rezerva Federale do të ulë normat e interesit të ShBA-së në takimin e saj të ardhshëm të politikave.

Megjithatë, shitja e aksioneve të ShBA-së u lehtësua pak në pasdite përpara fundjavës, por investitorët qëndruan në ankth ndërsa përgatiteshin për një mori të dhënash ekonomike javën e ardhshme pas rihapjes së qeverisë pas një mbylljeje rekord 43-ditore, shkruan Reuters.
“Bitcoin dhe kriptovalutat në përgjithësi kanë gëzuar një korrelacion pozitiv me kohërat e mira në aksione, kështu që nuk janë bërë një aset me vlerë alternative për t’u mbrojtur nga frika në sektorë të tjerë”, tha Juan Perez, drejtor i tregtimit në Monex USA në Uashington.

Asetet e rrezikshme në përgjithësi janë vënë nën presion ditët e fundit, pasi pritjet për një ulje të normës nga Rezerva Federale muajin e ardhshëm janë zvogëluar, ndërsa një numër në rritje i politikëbërësve sinjalizuan një prirje për të mos e lehtësuar politikën.

Presidenti i Rezervës Federale të Kansas City-t, Jeffrey Schmid, një votues në Komitetin Federal të Tregut të Hapur që përcakton politikat, ishte zyrtari i fundit i bankës qendrore që shprehu dyshime për një ulje të normës në dhjetor. Ai tha të premten se shqetësimet e tij për inflacionin “shumë të lartë” shkojnë përtej efekteve të ngushta të tarifave vetëm.

Bitcoin, kriptomonedha më e madhe në botë, ra për me 2.3%, pra në 96,564 dollarë, e më parë kishte rënë në 95,885.33 dollarë, niveli më i ulët që nga 7 maji.

Para pak minutash ka filluar numërimi i fletëvotimeve me votat e diasporës.

Numërimi i votave me postë që dje u paralajmërua se do të fillonte sot në orën 10:00.

Lajmin të ditur në një konferencë për media e ka bërë të ditur vetë Valmir Elezi, zëdhënësi i KQZ-së.

Elezi shtoi se në fund të këtij procesi të vlerësimit, do të publikohen të dhënat për numrin e pakove me fletëvotime të supozuara, të cilat do të numërohen në Qendrën e Numërimit dhe Rezultateve.