Category: Lajme

Kompania Rajonale KRU Prishtina, ka njoftuar se do të ketë reduktime të ujit në disa zona për shkak të turbullirave të larta në kanalin Ibër-Lepenc, si pasojë e reshjeve të dendura, ITU Shkabaj është jashtë funksionit.

Zonat në të cilat priten reduktime janë Fushë Kosova, Obiliqi dhe një pjesë e lagjes Kalabria në Prishtinë.

Njoftimi:

NJOFTIM PËR FURNIZIM ME UJË

Të nderuar konsumatorë,

për shkak të turbullirave të larta në kanalin Ibër-Lepenc, si pasojë e reshjeve të dendura, ITU Shkabaj është jashtë funksionit.

Si rrjedhojë, priten reduktime në furnizimin me ujë nga ora 10:30 – 17:00 në këto zona:

▪️ Fushë Kosovë

▪️ Obiliq

▪️ Një pjesë e lagjes Kalabria – Prishtinë

🔹 Zonat e lartcekura do të furnizohen me ujë nga ora 17:00 deri në 22:00.

🔹 Ndikime mund të ketë edhe në zona të tjera të kryeqytetit.

Ekipet tona janë në terren dhe po monitorojnë situatën vazhdimisht. Furnizimi do të rikthehet sapo të stabilizohen parametrat.

Me ITU Albanik dhe Badoc po trajtohet ujë me kapacitet maksimal.

Pak ditë pasi ushtria amerikane e rrëzoi nga pushteti presidentin e Venezuelës, Nicolas Maduro, më 3 janar, një luftë fjalësh lidhur me ishullin danez të Grenlandës shpërtheu sërish.

Presidenti amerikan, Donald Trump, ka thënë vazhdimisht se Uashingtoni ka nevojë që Grenlanda të jetë e vetja dhe madje nuk e ka përjashtuar as mundësinë që ta marrë këtë ishull me forcë.

“Ne kemi nevojë për Grenlandën”, u tha Trump gazetarëve në bordin e Air Force One më 4 janar. “Ajo është shumë strategjike tani. Grenlanda është e mbuluar gjithandej me anije ruse dhe kineze”.

“Danimarka nuk do të jetë në gjendje ta bëjë këtë”, shtoi ai.

Kryeministrja e Danimarkës, Mette Frederiksen, iu përgjigj atij më 5 janar, duke thënë: “Ne nuk do të pranojmë që ne dhe Grenlanda të kërcënohemi në këtë mënyrë”.

Duke iu referuar përfshirjes së Grenlandës në NATO si territor i Danimarkës, ajo shtoi: “Nëse Shtetet e Bashkuara zgjedhin ta sulmojnë ushtarakisht një tjetër vend të NATO-s, atëherë gjithçka ndalet”.

Vëmendja e Uashingtonit për Grenlandën tani nuk është diçka e re, sepse Shtetet e Bashkuara e kanë dëshiruar këtë ishull përherë, qysh nga vitit 1800 kur e biseduan për herë të parë blerjen e tij nga Danimarka.

Grenlandës së mbuluar nga akulli iu dha emri nga eksploruesi nordik i shekullit X, Eriku i Kuq. Kolonizuesi i hershëm e zgjodhi emrin sepse, siç tha ai, “njerëzit do të tërhiqeshin të shkonin atje nëse do të kishte një emër të favorshëm”.

Nordikëve të ardhur në Grenlandë nuk u zgjati. Studiuesit besojnë se të ardhurit ranë viktimë e një ndryshimi të klimës dhe trazirave ekonomike të shkaktuara nga murtaja midis vështirësive të tjera. Në vitin 1721, kur misionarët danezë mbërritën për herë të parë në ishull, mbeti vetëm popullsia indigjene Inuit.

Një misionar i përshkroi njerëzit inuitë të Grenlandës si lakmitarë të kalorive saqë do të hanin morra të shkëputur nga rrobat e tyre. Për të shmangur humbjen e mineraleve, ai pretendoi se ata “do ta fshinin djersën nga fytyrat e tyre me një thikë dhe do ta lëpinin”.

Danimarka shpalli sovranitetin mbi Grenlandën më 1921 dhe zbatoi një monopol tregtar me ishullin. Ndalimi i tregtarëve të jashtëm i mundësoi Kopenhagës të blinte dhjamin e balenave dhe fokave – një burim i çmuar karburanti për fenerët – në mënyrë rigoroze sipas kushteve të veta.

Gjatë Luftës së Dytë Botërore, Danimarka u pushtua nga Gjermania naziste, duke e lënë territorin danez të Grenlandës të hapur ndaj një pushtimi gjerman.

George L. West, një oficer i shërbimit të jashtëm amerikan, kujtoi se presidenti amerikan, Roosevelt, “vendosi menjëherë se duhej të bënim diçka për Grenlandën”. Forcat amerikane pushtuan territorin, duke siguruar minierën e saj të vlefshme të kriolitit.

Me parashikimin e motit, një faktor kritik në luftë, operativët nazistë bënë përpjekje të përsëritura për të ngritur stacione sekrete meteorologjike në pjesë të izoluara të Grenlandës.

“Duket se një pjesë e madhe e motit tuaj për Evropën Perëndimore e ka origjinën në atë kapak akulli. Është e paçmueshme, nga pikëpamja ushtarake, të marrësh raporte meteorologjike prej andej”, shpjegoi West, duke shtuar se pjesë e misionit amerikan në Grenlandë ishte “gjetja e këtyre [stacioneve të motit të paligjshëm nazist] dhe shkatërrimi i tyre.

Shtetet e Bashkuara e kthyen Grenlandën nën kontrollin danez pas luftës, por nuk e tërhoqën ushtrinë e saj. Në vitin 1951, të dy vendet nënshkruan një marrëveshje që lejonte Uashingtonin dhe aleancën e sapoformuar ushtarake të NATO-s të “përmirësonin dhe përgjithësisht të përshtatnin zonën për përdorim ushtarak”.

Një nga objektet amerikane në Grenlandë, i quajtur Camp Century, u shpall një objekt për çështje kërkimesh. Në realitet ishte një front për Projektin Iceworm, një rrjet i planifikuar i vendeve të lëshimit të raketave bërthamore nën shtresën e akullit të Grenlandës që synonte Bashkimin Sovjetik.

Stacioni i fshehtë i armëve bërthamore amerikane ishte i destinuar të dështojë që në fillim. Inxhinierët u përballën me akull që lëvizte vazhdimisht që përdredhte dhe përkulej rreth kapanoneve të krijuara për të mbajtur koka bërthamore delikate. Në vitin 1966 Camp Century u braktis, së bashku me mbetjet radioaktive që mbeten të varrosura nën akull sot.

Propozimet që Shtetet e Bashkuara të blejnë Grenlandën datojnë që nga viti 1867, kur ideja u konsiderua për herë të parë seriozisht nga Uashingtoni.

Në vitin 1946, një ofertë konkrete – ekuivalenti modern prej rreth 1 miliard dollarësh – iu bë Kopenhagës për Grenlandën, të cilën një senator e përshkroi si “një domosdoshmëri ushtarake” për Shtetet e Bashkuara.

Grenlanda, tha Uashingtoni, do të lejojë “zona nga të cilat do të nisë operacionet ushtarake mbi Arktik kundër kundërshtarëve të Amerikës”, mes përdorimeve të tjera.

Ministri i Jashtëm i Danimarkës e refuzoi ofertën e vitit 1946, duke u përgjigjur se, “ndërsa ne i detyrohemi shumë Amerikës, nuk mendoj se ia kemi borxh gjithë ishullin e Grenlandës”.

Trump, gjatë mandatit të tij të parë më 2019, sugjeroi vazhdimisht që Shtetet e Bashkuara të merrnin territorin – deklarata që u hodhën poshtë gjerësisht si joserioze. Megjithatë, pasi e bëri territorin prioritet në mandatin e tij të dytë, Danimarka me sa duket u përgjigj duke rritur rëndësinë e Ariut Polar — që përfaqëson Grenlandën — në stemën e mbretit danez dhe duke përsëritur se territori nuk është për shitje.

Sot, Grenlanda drejton shumë nga institucionet e saj, duke përfshirë parlamentin e saj, por mbetet shumë e varur nga Danimarka.

Territori merr gati 600 milionë dollarë ndihmë çdo vit nga Kopenhaga, një fond që përfaqëson më shumë se gjysmën e të gjithë buxhetit të Qeverisë së Grenlandës dhe të barabartë me më shumë se 10.000 dollarë për secilin nga 57.000 banorët e territorit.

Nëse një lëvizje në rritje për pavarësi në Grenlandë është në gjendje të shkëpusë me sukses territorin nga sundimi danez pas zgjedhjeve të 11 marsit, Uashingtoni mund të anashkalojë Kopenhagën në përpjekjen e tij për të marrë pronësinë e territorit.

Por, ndërsa një shumicë e grenlandezëve favorizojnë pavarësinë nga Danimarka, rreth 85 për qind e grenlandezëve kundërshtojnë të bëhen pjesë e një territori amerikan, sipas një sondazhi të fundit.

Kompleksiteti i stuhisë gjeopolitike që shpërtheu mbi Grenlandë u përmblodh së fundmi nga kryeministri i territorit, Mute Egede, i cili u tha gazetarëve në janar: “Ne nuk duam të jemi danezë, nuk duam të jemi amerikanë, duam të jemi grenlandezë”. /REL/

Kryeministri Edi Rama thotë se opozita gabon duke e bërë përgjegjëse qeverinë e tij për përmbytjet në Durrës dhe qytetet e tjera të Shqipërisë. Në një postim ironik në X, Rama thotë se është habitur si nuk po e fajësojnë edhe për përmbytjet në vendet e tjera të rajonit.

“Nuk e kuptoj pse nuk po më fajësojnë akoma mua, qeverinë dhe bashkinë e Durrësit, për reshjet mbytëse të këtyre ditëve në Itali, Greqi, Mal të Zi, Kroaci e me radhë… Çudi e madhe opozitat andej, po të paktën të fajësonin qeveritë e tyre, po hiç, asnjë llaf”, shkruan Rama.

Prej ditës së martë, i gjithë vendi është përfshirë nga moti i keq, që ka shkaktuar përmbytje, bllokim dhe prishje rrugësh dhe probleme të tjera për jetën e qytetarëve.hje rrugësh dhe probleme të tjera për jetën e qytetarëve.

Nuk e kuptoj pse nuk po më fajësojnë akoma mua, qeverinë apo qoftë edhe bashkinë e Durrësit, për reshjet mbytëse të këtyre ditëve në Itali, Greqi, Mal të Zi, Kroaci e me radhë… Çudi e madhe opozitat andej, po të paktën të fajësonin qeveritë e tyre, por hiç, asnjë llaf, s’e… pic.twitter.com/sCleOghzIh

— Edi Rama (@ediramaal) January 7, 2026

Në Kosovë gjatë ditëve (e hënë dhe e martë) sasia e reshjeve të shiut mesatarisht ka qenë 43mm në një metër katror.

Kjo është bërë e ditur nga Instituti Hidrometeorologjik i Kosovës i cili ka publikuar raportin për nivelin e ujit në lumenjtë e Kosovës pas reshjeve të fundit të cilat shkaktuan vërshime në disa komuna të Kosovës.

Ndërkaq sasia e reshjeve sipas pellgjeve lumore më së shumti ka arritur në Drinin e Bardhë me 76.2mm, Ibri 27.8mm, Morava e Binçës 19.9mm dhe Lepenci 47.9mm.

Sipas IHMK-së, shumica e lumenjve në Kosovë, e sidomos ata në pjesën Perëndimore dhe qendrore të vendit, gjatë këtyre dy ditëve kanë pësuar ngritje, ku disa prej tyre në disa segmente, kanë dalë nga shtrati i tyre dhe kanë shkaktuar përmbytje lokale.

“Situata më e vështirësuar paraqitet në lumenjtë: Drini i Bardhë, Ereniku, Bistria e Deçanit, Toplluha, Klina, Mirusha, Lumi Drenica, Lumi Istogut. Lumenjtë në lindje dhe jug të vendit si Ibri, Sitnica, Morava e Binçës, Lepenci, Nerodimja aktualisht kanë ngritje të lehtë të niveleve dhe nuk paraqesin problem”, thuhet në njoftim.

Si pasojë e reshjeve disa komuna të Kosovës janë përballë më vërshime.

Situata me e rëndë të martën është paraqitur në Gjakovë, Klinë, Drenas, Malishevë e Junik.

Kryeministri në detyrë i Kosovës, Albin Kurti ka uruar qytetarët e komunitetit serb, të besimit ortodoks festën e Krishtlindjeve.

Kurti ka uruar që kjo ditë e shenjtë të sjell dashuri, mbarësi dhe begati.

“Qytetarëve tanë nga komuniteti serb, të besimit ortodoks, që sot kremtojnë Krishtlindjen sipas kalendarit julian, u uroj festë të gëzuar. Kjo ditë e shenjtë ju sjelltë dashuri, mbarësi dhe begati në familjet tuaja. Festofshi në harmoni, mirëkuptim dhe respekt për njëri-tjetrin. Le të na bashkojë e mira. Le të na udhëheqë vullneti për solidaritet dhe punë për më shumë mirëqenie. Uroj që Krishtlindja t’ju gjejë pranë familjes, në shëndet dhe gëzim”, ka uruar Kurti në Facebook.

Kushtet nga reshjet e borës dhe akullit kanë detyruar mbylljen e qindra shkollave në të gjithë Skocinë, Uellsin dhe Irlandën e Veriut, ndërsa ndërprerjet e udhëtimit kanë prekur pjesë të mëdha të Mbretërisë së Bashkuar.

Paralajmërimet e motit për borë të madhe janë në fuqi në Skocinë veriore, sipas shërbimit kombëtar meteorologjik Met Office.

Rrugët janë bërë të pakalueshme në disa zona, me shërbime treni dhe fluturime të anuluara.
Matthew Lehnert, një meteorolog kryesor i Met Office, tha se kushtet e rënda po përkojnë me javën e parë të plotë të punës së vitit.

“Ndërsa fillojmë javën e parë të plotë të punës së vitit, përballemi me një sërë rreziqesh të motit dimëror me reshje bore dhe akull”, tha ai.

Ai shtoi se kushtet në vende të tjera të Mbretërisë së Bashkuar do të mbeten sfiduese.

Moti i ftohtë ka shkaktuar gjithashtu paralajmërime shëndetësore. Agjencia e Sigurisë Shëndetësore e Mbretërisë së Bashkuar (UKHSA) ka lëshuar alarme të kuqe për të ftohtin për Anglinë deri më 6 janar.
Agostinho Sousa, kreu i Ngjarjeve Ekstreme dhe Mbrojtjes së Shëndetit në UKHSA, u bëri thirrje njerëzve të kenë kujdes për ata që janë në rrezik.

“Ndërsa moti i ftohtë fillon, është jetike të kontrolloni miqtë, familjen dhe fqinjët që janë më të prekshëm”, tha ai.

Ka vdekur në moshën 84-vjeçare Aldrich Ames, ish-oficer i CIA-s, i njohur si një nga agjentët më të dëmshëm të Amerikës.

Ish-oficeri i kundërzbulimit, i cili po vuante një dënim me burgim të përjetshëm pa mundësi lirimi me kusht, vdiq të hënën në Institucionin Federal Korrektues në Cumberland, Maryland, ka raportuar CBS News.

Ames ishte arrestuar më 28 prill 1994, pasi kishte pranuar se i kishte shitur informacione sekrete Bashkimit Sovjetik dhe, më vonë, Rusisë. Ai kompromentoi më shumë se 100 operacione klandestine dhe zbuloi identitetin e më shumë se 30 agjentëve që spiunonin për Perëndimin, duke çuar në vdekjen e të paktën 10 aseteve të inteligjencës së CIA-s.

Duke kërkuar para për të paguar borxhet, Ames ka treguar se kishte filluar t’i jepte KGB-së emrat e spiunëve të CIA-s në prill 1985, duke marrë një pagesë fillestare prej 50,000 dollarësh.

I njohur për KGB-në me emrin e koduar “Kolokol” (Zilja), Ames vazhdoi të identifikonte pothuajse të gjithë spiunët e CIA-s në Bashkimin Sovjetik, për të cilin u shpërblye mirë.

“Për habinë time të vazhdueshme, KGB-ja u përgjigj se kishte lënë mënjanë për mua 2 milionë dollarë në shenjë mirënjohjeje për informacionin,” ka thënë ai në një deklaratë tetëfaqëshe që lexoi në gjykatë.

Ames ka pranuar se gjatë nëntë viteve kishte marrë gjithsej rreth 2.5 milionë dollarë nga Bashkimi Sovjetik për tradhtinë e tij ndaj SHBA-së.

Paratë i dhanë Ames një stil jetese luksoz, duke shpenzuar shumë për një veturë të re Jaguar, pushime jashtë vendit dhe një shtëpi prej 540,000 dollarësh, pavarësisht se nuk kishte pasur kurrë një pagë më të madhe se 70,000 dollarë në vit.

Qendra Kombëtare për Menaxhim Kufitar ka bërë përditësimin e fundit të të dhënave mbi gjendjen në pikat kufitare të Kosovës.

Sipas raportit, situata në të gjitha pikat kufitare paraqitet e qetë. Në Merdarë, pritjet për të dalë nga Kosova zgjasin deri në 20 minuta, kurse tek Dheu i Bardhë pritjet janë deri në 15 minuta.

Për sa i përket hyrjes në vend, në të gjitha pikëkalimet pritjet arrijnë deri në 5 minuta.

Ortodoksët dhe kishat e tjera lindore festojnë Krishtlindjen më 7 janar, sipas kalendarit. Edhe në Kosovë, besimtarët ortodoksë festojnë Krishtlindjet Ortodokse. Pas Pashkëve, Krishtlindja është festa më e rëndësishme për të krishterët.

Sipas ligjit për festa zyrtare në Kosovë, sot, 7 janar, është Ditë Pushimi.

Udhëheqësit fetar kanë uruar për shëndet, lumturi dhe begati në ngrohtësinë e familjeve të besimit ortodoks, duke shprehur shpresën se kjo ditë feste do të shërbejë për të shtuar besimin dhe respektin e ndërsjellë, për t’u gëzuar të arriturave të përbashkëta dhe për të punuar për një jetë më të mirë dhe më të begatë.