Qendra Kombëtar për Menaxhim Kufitar, i ka përditësuar të dhënat për pritjet në pikat kufitare.
Mërgimtarët po edhe qytetarët e tjerë të cilët po udhëtojnë drejt vendeve evropiane, duhet të presin deri në 3-5 minuta në pikën e kalimit të Jarinjes.
Edhe në pikat tjera gjendja është e njëjtë.
Përdorimi i telefonit gjatë ngasjes vazhdon të jetë një nga shkaqet kryesore të aksidenteve rrugore.
Gjatë muajit dhjetor të vitit që lamë pas, Policia Rajonale e Ferizajt ka shqiptuar gjithsej 268 gjoba ndaj shoferëve që kanë përdorur telefonin gjatë ngasjes, duke rrezikuar sigurinë e tyre dhe të pjesëmarrësve të tjerë në komunikacion.
Policia Rajonale e Ferizajt ka apeluar tek të gjithë pjesëmarrësit në trafik që të përqendrohen plotësisht në drejtimin e automjetit dhe të shmangin çdo lloj shpërqendrimi, pasi edhe një sekondë pakujdesie të përdorimit të telefonit mund të ketë pasoja serioze për jetën e njerëzve.
Qytetarët mund të raportojnë çdo shkelje të rregullave të trafikut:
– Drejtpërdrejt në stacionin më të afërt të policisë
– Përmes aplikacionit digjital “Lajmëro Policinë”
– Në numrat e telefonit kujdestar: 192, 0290/326-250, 0290/322-406
Aleanca për Ardhmërinë e Kosovës ka marrë gjithsej 5.50 për qind të votave në zgjedhjet parlamentare të 28 dhjetorit, që i bie 52,370 vota.
Nga ky rezultat, AAK do të ketë 6 deputetë në Kuvendin e Kosovës.
Më poshtë mund ta shihni listën e deputetëve të AAK-së në legjislaturën e re:
RAMUSH HARADINAJ 43,997 Vota
DAUT HARADINAJ 26,610 Vota
BESNIK TAHIRI 26,423 Vota
BEKË BERISHA 19,789 Vota
TIME KADRIJAJ 16,927 Vota
ALBANA BYTYQI 9,830 Vota.
Lidhja Demokratike e Kosovës (LDK) ka siguruar përfaqësimin e saj në Kuvendin e Kosovës me 126,102 vota ose 13.23%.
Kryetari i LDK-së, Lumir Abdixhiku prin listën e deputetëve më të votuar me 88,445 vota, pas tij vjen Hykmete Bajrami me 57,153 vota, ndërsa Ukë Rugova dhe Avdullah Hoti kanë siguruar përkrahje të fuqishme me mbi 40 mijë vota secili.
Në mesin e deputetëve të zgjedhur janë edhe emra të njohur të skenës politike dhe parlamentare, si Doarsa Kica-Xhelili, Kujtim Shala, Anton Quni, Armend Zemaj dhe Lutfi Haziri, të cilët pritet të kenë rol aktiv në debatet legjislative dhe në mbikëqyrjen e qeverisë.
Këta janë 15 emrat e deputetëve të LDK-së:
LUMIR ABDIXHIKU 88,445 Vota
HYKMETE BAJRAMI 57,153 Vota
UKË RUGOVA 49,605 Vota
AVDULLAH HOTI 44,550 Vota
DOARSA KICA XHELILI 44,110 Vota
KUJTIM SHALA 41,080 Vota
ANTON QUNI 31,899 Vota
ARMEND ZEMAJ 28,803 Vota
LUTFI HAZIRI 26,614 Vota
JEHONA LUSHAKU SADRIU 21,485 Vota
JANINA YMERI 20,508 Vota
BESIAN MUSTAFA 19,391 Vota
ADELINA THAQI META 18,282 Vota
FADIL HADERGJONAJ 17,750 Vota
ERMAL SADIKU 17,645 Vota
Në Qendrën e Numërimit dhe Rezultateve të premten në ora 02:00 është përmbyllur numërimi i pjesës së fundit të fletëvotimeve nga votimi me postë, jashtë Kosovës, duke shënuar kështu përfundimin e procesit të numërimit të të gjitha fletëvotimeve nga zgjedhjet e 28 dhjetorit.
E në këto zgjedhje, Partia Demokratike e Kosovës ka marr 20.19 për qind ose 192.407 vota. PDK me këtë rezultat do të ketë 22 ulëse në Kuvendin e Kosovës.
Këta do të jenë në 22 deputetët e PDK-së në Kuvendin e Kosovës.
BEDRI HAMZA 161,931 Vota
ARIAN TAHIRI 71,699 Vota
PËRPARIM GRUDA 66,110 Vota
URAN ISMAILI 56,415 Vota
SALA JASHARI 47,928 Vota
VLORA ÇITAKU 45,190 Vota
ENVER HOXHAJ 39,725 Vota
ARBEN MUSTAFA 39,368 Vota
NAIT HASANI 31,586 Vota
RRAHMAN RAMA 28,847 Vota
GANIMETE MUSLIU 27,518 Vota
EMAN RRAHMANI 27,353 Vota
KUJTIM GASHI 27,180 Vota
ELMI REÇICA 25,789 Vota
ARTAN BEHRAMI 25,207 Vota
XHAVIT HALITI 24,603 Vota
BESA KABASHI RAMAJ 23,410 Vota
MERGIM LUSHTAKU 22,952 Vota
FERAT SHALA 22,036 Vota
BLERTA DELIU KODRA 20,650 Vota
ARIANA MUSLIU SHOSHI 20,147 Vota
ARBNORE SALIHU 17,673 Vota.
Lëvizja Vetëvendosje (LVV) ka dalë forca më e madhe politike nga zgjedhjet e fundit parlamentare me 486,994 vota ose 51.11%, duke siguruar gjithsej 57 mandate deputetësh në Kuvendin e Kosovës.
Në krye të listës së deputetëve të LVV-së janë figura kyçe të partisë dhe të qeverisë, përfshirë Albin Kurti, Glauk Konjufca, Albulena Haxhiu, Hekuran Murati, Donika Gërvalla-Schwarz, Xhelal Sveçla, etj.
Lista e deputetëve përfshin gjithashtu ministra aktualë, ish-zyrtarë qeveritarë, aktivistë politikë, përfaqësues të shoqërisë civile, si dhe figura të reja, duke reflektuar një përzierje të vazhdimësisë politike dhe prurjeve të reja brenda grupit parlamentar të LVV-së.
Kjo është lista e 57 deputetëve nga LVV:
ALBIN KURTI 404,023 Vota
GLAUK KONJUFCA 318,532 Vota
ALBULENA HAXHIU 174,335 Vota
HEKURAN MURATI 171,519 Vota
DONIKA GËRVALLA- SCHWARZ 153,373 Vota
XHELAL SVEÇLA 138,320 Vota
HAJRULLA ÇEKO 122,811 Vota
AVNI DEHARI 108,329 Vota
MIMOZA KUSARI LILA 99,359 Vota
EJUP MAQEDONCI 98,117 Vota
SHQIPE MEHMETI SELIMI 75,905 Vota
ANDIN HOTI 67,619 Vota
ARBEN VITIA 67,272 Vota
SARANDA BOGUJEVCI 51,182 Vota
EDONA LLALLOSHI 44,259 Vota
ALBAN BAJRAMI 43,826 Vota
MEFAIL BAJQINOVCI 41,421 Vota
NEZIR KRAKI 41,025 Vota
ARMEND MUJA 38,420 Vota
RUFKI SUMA 38,256 Vota
ADRIANA MATOSHI 38,167 Vota
JETA STATOVCI 37,902 Vota
ARDIAN GOLA 34,352 Vota
HAXHI AVDYLI 33,644 Vota
ADELINA GRAINCA 29,786 Vota
BLERIM GASHI 29,567 Vota
ALBENA RESHITAJ 29,182 Vota
FATOS GECI 28,078 Vota
AGIM BAHTIRI 27,661 Vota
TAULANT KELMENDI 27,595 Vota
ARTANE RIZVANOLLI BERISHA 27,172 Vota
FITORE PACOLLI DALIPI 27,133 Vota
DIMAL BASHA 26,487 Vota
ARBËR REXHAJ 26,270 Vota
LABINOTË DEMI MURTEZI 25,984 Vota
ARBËRESHË KRYEZIU HYSENI 25,934 Vota
ARTAN ABRASHI 25,388 Vota
ARJETA FEJZA 25,240 Vota
HYSEN DURMISHI 25,096 Vota
ARBËRIE NAGAVCI 24,582 Vota
ENVER HALITI 23,187 Vota
LIZA GASHI 22,826 Vota
VALON RAMADANI 22,309 Vota
ADNAN RRUSTEMI 22,033 Vota
JETON RAKA 20,652 Vota
FATMIRE KOLLÇAKU 20,594 Vota
ARSIM ADEMI 20,591 Vota
DRITA PAJAZITI 20,566 Vota
ROZETA HAJDARI 20,430 Vota
SALIH ZYBA 19,893 Vota
FITIM HAZIRI 19,815 Vota
FJOLLA UJKANI 19,590 Vota
ILIR KËRÇELI 19,127 Vota
SYLEJMAN MEHOLLI 19,112 Vota
VIGAN QORROLLI 18,931 Vota
VALON HOTI 18,834 Vota
NAIM BARDIQI 18,398 Vota
Komisioni Qendror i Zgjedhjeve ka përfunduar numërimin e të gjitha votave për zgjedhjet e parakohshme parlamentare të 28 dhjetorit.
Mbrëmë është përmbyllur edhe numërimi i votave të fundit me postë. Numërimi i këtyre fletëvotimeve shënon përfundimin e procesit të numërimit të të gjitha fletëvotimeve nga zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025.
Sipas rezultateve të përmbledhura, Lëvizja Vetëvendosje ka marrë 51.11 për qind, apo 486,994 vota. Në këtë mënyrë, Vetëvendosje ka siguruar 57 mandate në Kuvend.
Partia Demokratike e Kosovës doli e dyta me 22 ulëse. Ajo mori 20.19 për qind të votave, duke siguruar 22 ulëse në Kuvend. Lidhja Demokratike e Kosovës ka rënë në 15 ulëse nga 20 sa kishte. Ajo mori 13.23 për qind të votave.
Në Kuvend gjashtë ulëse i ka siguruar Aleanca për Ardhmërinë e Kosovës me 5.5 për qind.
Lista Serbe me 9 ulëse dhe Za Zlobodu Pravdu i Opstanak me një ulëse përmbushin normën prej 10 ulëseve të rezervuara për komunitetin serb.
10 ulëset për komunitetet tjera janë siguruar nga Kosova Demokratik Turk Partisi me dy ulëse dhe Vakat, Nova Demokratska Stranka, Iniciativa e Re Demokratike e Kosovës, Socijaldemokratska Unija, Partia Liberale Egjiptiane, PSA, Jedinstvena Goranska Partija dhe Lëvizja Përparimtare e Romëve të Kosovës me nga një ulëse.
Me përmbylljen e këtij procesi, Komisioni Qendror i Zgjedhjeve (KQZ) ka thënë është i gatshëm të shpallë rezultatin përfundimtar të zgjedhjeve.
Megjithatë, sipas Ligjit për Zgjedhjet e Përgjithshme, subjektet politike kanë të drejtë të paraqesin ankesa në Panelin Zgjedhor për Ankesa dhe Parashtresa (PZAP) brenda 48 orëve nga momenti i ndodhjes së shkeljes së supozuar që lidhet me administrimin e numërimit në QNR.
Sot, Zvicra shënon ditë zie kombëtare në kujtim të viktimave të zjarrit tragjik që ndodhi më 1 janar në Crans-Montana.
Kështu ka bërë të ditur Ambasada e Zvicrës në Kosovë, përmes një njoftimi në rrjetet sociale.
“Mendimet tona janë me të gjithë ata që ndikohen, në Zvicër dhe më gjerë”, thuhet në njoftim.
Zjarri i tmerrshëm i natës së Vitit të Ri në një bar në resortin alpin zviceran të Crans-Montanës vrau të paktën 40 persona dhe plagosi rëndë shumë të tjerë.
Rusia sulmoi Ukrainën me një raketë hipersonike Oreshnik gjatë natës së të enjtes, një përdorim i rrallë i një prej armëve të saj më të përparuara gjatë sulmit të fundit që synonte vendin mes temperaturave të ulëta.
“Forcat e Armatosura Ruse nisën një sulm masiv me armë me rreze të gjatë veprimi tokësore dhe detare me precizion të lartë, duke përfshirë sistemin e raketave me rreze të mesme veprimi Oreshnik”, tha Ministria Ruse e Mbrojtjes në një deklaratë të premten, shkruan CNN.
Oreshnik, që në rusisht do të thotë “pemë lajthie”, është një nga armët më të reja të Rusisë, që udhëton deri në 10 herë shpejtësinë e zërit me një rreze veprimi që i lejon asaj të arrijë të gjithë Evropën, tha shefi i forcave raketore të Rusisë.
Raketa mund të përmbajë koka të shumta bërthamore dhe të mbajë ngarkesa konvencionale ose bërthamore.
Moska e përdori atë për herë të parë në nëntor 2024, duke goditur qytetin ukrainas të Dniprosë edhe pse arma nuk ishte zhvilluar plotësisht në atë kohë.
Ministri në detyrë i Infrastrukturës, Hysen Durmishi, tha se në Kosovë janë të evidentuara 491 kilometra lumenj që janë të ekspozuar ndaj vërshimeve dhe përmbytjeve, dhe se janë 398 zona me rrezik të konsiderueshëm nga përmbytjet, prej tyre 108 zona janë në rrezik ekstrem.
“Duhet të bëhen shumë investime në Kosovë, edhe nga niveli qendror edhe nga niveli lokal, në mënyrë që kur kemi reshje të mëdha të kemi sa më pak vërshime e përmbytje”, deklaroi Durmishi në emision special kushtuar vërshimeve në Kosovë.
Ai njoftoi se institucionet përkatëse do të bëjnë vlerësimin e dëmeve dhe se Qeveria e Kosovës do t’i marrë përsipër t’i kompensojë dëmet e shkaktuara.
“Ajo çka është më e rëndësishmja është se duhet një koordinim shumë më i mirë i Ministrisë së Punëve të Brendshme dhe Ambientit me komunat, që të bëhen sa më shumë projekte në mënyrë që në të ardhmen të kemi sa më pak raste të tilla, sepse po na ndodh që po përsëritet situata e njëjtë. Në vend se të përmirësohen shtretërit e lumenjve, po na shkon gjendja duke u përkeqësuar në disa pjesë,” tha Durmishi në televizionin publik.
Tutje, ai bëri të ditur se gjendja e rrugëve në Kosovë pas reshjeve të shiut dhe borës është e kalueshme, por kërkoi nga qytetarët që të lëvizin me kujdes, duke iu përshtatur kushteve atmosferike, duke marrë parasysh uljen e temperaturave dhe reshjet e borës.
“I lusim qytetarët që të mos dalin pa pajisje dimërore dhe të vozisin me kujdes,” tha ai.