Më 20 janar të vitit 1921, Turqia shpallet shtet i pavarur mbi atë që kishte mbetur nga perandoria osmane.
Kushtetuta e vitit 1921 (Kanunu) ishte ligji themelor i Turqisë për një periudhë të shkurtër 1921-1924.
“Kanunu” ishte një dokument i thjeshtë i përbërë nga vetëm 23 artikujve të shkurtër.
Në tetor 1923, kushtetuta u shtua për të deklaruar se Turqia është republikë.
Në prill të vitit të ardhshëm kushtetuta u zëvendësua me një dokument krejtësisht të ri, Kushtetuta e 1924.
Pas rinumërimit të votave të kandidatëve për deputetë, proces që po vazhdon – ka rezultuar që të ngriten dyshime serioze për manipulim të votave.
Ismet Kryeziu nga DnV, ka thënë në “Pressing” se 29 mijë vota janë zbritur vetëm në Prizren.
Ai ka shtruar si dyshim se çfarë ka mundur të ndodh në zgjedhje lokale, kur asambleistët kanë 200-300 vota.
“Paramendoni në zgjedhje lokale çfarë ka mundur me ndodh, ku ka kandidatë për asamble me 200-300 vota, çfarë ka mundur të ndodh”, ka thënë ai./Indeksonline/
Presidenti i SHBA-së, Donald Trump, të martën kërcënoi se do të vendosë tarifa 200% mbi verërat dhe shampanjat franceze pasi u raportua se presidenti francez Emmanuel Macron nuk ishte i gatshëm t’i bashkohej “Bordit të Paqes” për Gazën.
I pyetur nga një gazetar në Miami për qëndrimin e Macronit, Trump e minimizoi ndikimin e udhëheqësit francez dhe tha se do të përdorte penalitete tregtare si mjet presioni.
“Epo, askush nuk e do sepse ai do të dalë shumë shpejt nga detyra,” tha Trump. “Kështu që, në rregull. Ajo që do të bëj është, nëse ata ndihen [duke qenë] armiqësorë, do të vendos një tarifë 200% mbi verërat dhe shampanjat e tij, dhe ai do të bashkohet. Por nuk ka pse të bashkohet.”
Mandati pesëvjeçar presidencial i Macronit përfundon në maj 2027 dhe, sipas ligjit francez, ai nuk mund të kandidojë përsëri për një mandat të tretë.
Bordi i Paqes është një organ global i miratuar nga Këshilli i Sigurimit i Kombeve të Bashkuara në nëntor të vitit të kaluar, i krijuar për të mbikëqyrur armëpushimin Izrael–Hamas.
Ftesa për t’u bërë pjesë e bordit u janë dërguar disa udhëheqësve botërorë, përfshirë presidentin rus Vladimir Putin, kryeministrin britanik Keir Starmer dhe kryeministrin indian Narendra Modi.
Trump gjithashtu përsëriti planet e tij për të marrë nën kontroll Grenlandën, duke minimizuar gjasat e kundërshtimit nga Evropa.
“Nuk mendoj se do të kundërshtojnë shumë,” tha ai. “Ne duhet ta kemi atë… Ata nuk mund ta mbrojnë.”
Duke iu referuar pretendimeve historike të Danimarkës mbi Groenlandën, Trump tha se udhëheqësit danezë ishin “njerëz shumë të mirë”, por argumentoi se një prani shekullore nuk jep pronësi.
“[Vetëm] sepse një anije shkoi atje 500 vjet më parë dhe pastaj u largua, kjo nuk të jep titull pronësie.” Nuk ishte e qartë se cilës “anije” i referohej Trump.
Ministri në detyrë i Mbrojtjes, Ejup Maqedonci, ka njoftuar se sipas “Normandy Index 2025”, të përgatitur nga Shërbimi Kërkimor i Parlamentit Europian (EPRS), Kosova renditet e para në Ballkanin Perëndimor për Siguri Strategjike.
Ndërsa, renditet e 13-ta në botë për nivelin më të ulët të kërcënimeve strategjike ndaj paqes dhe demokracisë.
“Indeksi mat fusha kyçe si: stabilitetin politik dhe institucional, sundimin e ligjit dhe funksionimin demokratik, reziliencën ndaj dezinformimit dhe ndikimeve të huaja, rrezikun e konflikteve dhe sigurinë kombëtare, kërcënimet hibride dhe presionet gjeopolitike”- ka thënë ai.
Ndërsa ka shtuar se Kosova pozicionohet në mesin e 10% vendeve më të sigurta në botë.
Maqedonci ka thënë se ky është një vlerësim i rëndësishëm ndërkombëtar për stabilitetin, progresin dhe orientimin euroatlantik të vendit.
Zjarrfikësit pakistanezë kanë nisur të hënën nxjerrjen e trupave nga rrënojat e një qendre tregtare në Karaçi, pas një zjarri masiv që i mori jetën të paktën 21 personave, ndërsa më shumë se 60 të tjerë rezultojnë ende të zhdukur.
Zjarri, më i madhi në qytet në më shumë se një dekadë, shpërtheu të shtunën vonë në Gul Plaza, një kompleks shumëkatësh në qendrën historike të Karaçit që strehon rreth 1.200 dyqane dhe shtrihet në një sipërfaqe më të madhe se një fushë futbolli. Flakët vazhduan për më shumë se 24 orë para se të viheshin kryesisht nën kontroll.
Pamjet video treguan flakë të mëdha që përfshinë të gjithë ndërtesën, ndërsa zjarrfikësit luftuan gjatë gjithë natës për shuarjen e zjarrit. Të hënën, ekipet nisën ftohjen e strukturës dhe pastrimin e mbeturinave, përfshirë metalin e shtrembëruar, njësitë e rrëzuara të ajrit të kondicionuar dhe tabelat e dyqaneve të shpërndara nëpër rrugë.
Deri të hënën pasdite, pjesa më e madhe e ndërtesës ishte shembur. Autoritetet përdorën vinça për të shkatërruar strukturën e mbetur, nga frika se ajo mund të shembej plotësisht dhe të rrezikonte ekipet e shpëtimit.
Mes familjarëve që presin lajme është edhe Qasir Khan, i cili tha se gruaja e tij, nusja dhe nëna e saj kishin shkuar në qendrën tregtare të shtunën në mbrëmje dhe vazhdojnë të rezultojnë të zhdukura. Ai kritikoi përpjekjet e shpëtimit, duke thënë se ato nuk ishin mjaftueshëm të shpejta. “Ata mund të kishin shpëtuar shumë njerëz”, u shpreh Khan.
Qindra persona u mblodhën rreth ndërtesës ndërsa ekipet e shpëtimit kërkonin të mbijetuar. Mes tyre ishin edhe pronarë dyqanesh, të cilët panë se si puna e tyre e shumë viteve u shndërrua në hi. “Kemi mbetur në zero; 20 vjet punë e palodhur kanë marrë fund”, tha dyqanxhia Yasmeen Bano, shkruan Euronews.al.
Autoritetet vijojnë kërkimet mes rrënojave, ndërsa hetimet për shkaqet e zjarrit janë në zhvillim.
Belgjika ka ripërsëritur angazhimin e saj për mbështetje në procesin e anëtarësimit të Kosovës në Bashkimin Evropian dhe NATO.
Këtë qëndrim e ka shprehur ministri belg i Mbrojtjes, Theo Francken, gjatë takimit me homologun e tij kosovar, Ejup Maqedonci.
Për nder të mysafirit, Maqedonci organizoi një pritje me nderime ushtarake të larta në Prishtinë.
Një nga çështjet kryesore që u diskutua mes ministrave të Mbrojtjes të të dyja vendeve ka qenë avancimi i bashkëpunimit ushtarak.
“Gjatë takimit u diskutua për akreditimin e afërt të atasheut të mbrojtjes të Republikës së Kosovës në Belgjikë, avancimin e bashkëpunimit ushtarak ndërmjet dy vendeve, si dhe mundësitë konkrete të bashkëpunimit në fushën e industrisë së mbrojtjes. Me këtë rast, ministri Francken riafirmoi mbështetjen e Belgjikës për anëtarësimin e Republikës së Kosovës në NATO dhe në Bashkimin Evropian, duke ritheksuar përkushtimin e këtij shteti mik ndaj së ardhmes euroatlantike të Republikës së Kosovës”, thuhet në njoftimin e Ministrisë së Mbrojtjes.
Tutje thuhet se Kosova dhe Belgjika gëzojnë marrëdhënie të shkëlqyera bilaterale, të ndërtuara mbi vlera të përbashkëta euroatlantike, partneritet të qëndrueshëm dhe bashkëpunim të vazhdueshëm në fushën e sigurisë dhe mbrojtjes.
Në Qendrën e Numërimit dhe Rezultateve është duke vazhduar numërimi i fletëvotimeve për të cilat KQZ ka marrë vendimin që të rinumërohen 2557 vendvotimet.
Deri më tash, bazuar në përditësimin e fundit (07:40), janë rinumëruar 687 vendvotime, ku po vazhdon të ketë lëvizje te votat e kandidatëve për deputetë, transmeton Klankosova.tv.
Nga përditësimi i fundit i KQZ-së, LVV del t’i ketë marrë 47.45% të votave, PDK 27.35%, LDK 10.32% dhe AAK 3.51%.
Këshilli Prokurorial i Kosovës (KPK) sot mban mbledhjen e parë për këtë vit, në të cilin në rend dite është vendimi për shpalljen e thirrjes publike për kandidatura për kryesues dhe zëvendëskryesues të KPK-së.
Po ashtu, në rend dite është edhe shqyrtimi dhe miratimi i Rregullores për zgjedhjen e kryesuesit dhe zëvendëskryesuesit të KPK-së në përputhje me Ligjin për Ndryshimin dhe Plotësimin e Ligjit për Këshillin Prokurorial të Kosovës, raporton “Betimi për Drejtësi“.
Ky takim pritet të fillojë nga ora 14:00.
Ndryshe, nga ky muaj nis zbatimi i Ligjit për plotësim/ndryshimin e Ligjit për Këshillin Prokurorial të Kosovës (KPK) përmes të cilit parashihet që KPK të ketë 7 anëtarë, nga 13 anëtarë që kishte me ligjin e vjetër.
Sai përket përbërjes së Këshillit, del se në këtë fillimvit anëtarë të KPK-së mbeten Visar Krasniqi, Dardan Vuniqi, Milot Krasniqi, Arian Gashi dhe ushtruesi detyrës së Kryeprokurorit të Shtetit, Agron Qalaj.
Ndërsa, Elza Bajrami-Kastrati përmes rrugëve ligjore pranë gjykatës pret që të konfirmohet si anëtare e KPK-së, në bazë të mandatit të fituar më 1 nëntor 2025 në Konferencën e Përgjithshme të Prokurorëve të Shtetit. Në rast se Bajrami-Kastrati konfirmon mandatin edhe me vendim gjykate, KPK në përbërje do të ketë 6 anëtarë, duke mbetur që 1 pozitë të plotësohet prej Kuvendi.
Së fundmi, Themelorja caktoi masë të sigurisë ndaj vendimit të KPK-së përmes të cilit ishte refuzuar certifikimi i rezultateve zgjedhore.
Në fund të 2025-ës, ndodhi shkarkimi i kundërligjshëm i Ushtruesit të Detyrës së Kryeprokurorit të Shtetit, Besim Kelmendi, i cili u ankua në Gjykatë dhe sipas vendimeve gjyqësore, do duhej që të rikthehej në pozitën e tij.
Por, vetëm një javë para vitit të ri 2026, Kelmendi kërkoi nga ky Këshill që ta lironte nga detyra, kërkesë kjo që u miratua nga anëtarët e Këshillit.
Për ditën e martë parashihet të mbretëroj mot kryesisht me kthjellime, e mëngjesi mbetet ende me temperatura të ulëta ndërmjet -8C e -4. Më vonë duke shkuar nga mbrëmja nga jugu fillojnë të shtohen vransira që mbulojnë vendin me kalimin në ditën e mërkurë.
Temperaturat maksimale në një rritje të lehtë, luhaten ndërmjet 2C e 5C. Frynë erë mesatare jug-juglindore 5-11m/s, relieveve malore me hove edhe mbi 20m/s (70km/h).
Mot kryesisht me vransira parashihet ditën e mërkurë, e që kohëpaskohe paraqiten mundësi për reshje të dobëta bore, apo edhe të përziera me shi gjatë ditës.
Sa me kthjellime e vransira kalimare parashihet moti më pas nga dita e enjtë. Herë herë vransirat mund të shoqërohen me riga lokale shiu, apo reshje të dobëta bore.
Temperaturat shënojnë rritje deri në 8C e 9C, ato maksimale, derisa minimalet zbresin në -2C e -1C. Frynë erë më e fuqishme juglindore ditën e mërkurë, me hove mbi 15m/s, njofton Mendimi për Motin.
Bota modës dhe luksit u trondit sot nga lajmi shokues për vdekjen e Valentino Garavanit, legjendës italiane të modës, i cili për dekada të tëra përcaktoi kuptimin e elegancës dhe luksit. Sipas TMZ, stilisti i dashur dhe themeluesi i shtëpisë ikonike Valentino ka ndërruar jetë në moshën 93-vjeçare.
Burime pranë fondacionit të tij thonë se Valentino ka vdekur paqësisht në shtëpinë e tij në Romë, i rrethuar nga njerëzit e tij më të afërt, në qytetin që ishte zemra e perandorisë së tij të shkëlqyer. Lajmi ka shkaktuar një valë trishtimi në mbarë botën e modës, nga pasarelat e Parisit deri në tapetet e kuq të Holliwood-it.
Për më shumë se gjysmë shekulli, krijimet e Valentino Garavanit ishin sinonim i glamour-it absolut. Fustanet e tij të famshme në “Valentino Red” nuk ishin thjesht veshje, por simbole statusi, të veshura nga yje të kinemasë, zonja të para, anëtarë të familjeve mbretërore dhe figura të njohura të jetës publike. Stili i tij elegant, romantik dhe i përjetshëm ndikoi thellë në modën moderne dhe vendosi standarde që vazhdojnë të frymëzojnë edhe sot.
Homazhe dhe mesazhe ngushëllimi po vërshojnë nga të gjitha anët e industrisë së modës. Dizajnerë, personazhe të famshëm dhe bashkëpunëtorë të tij po e kujtojnë Valentinon jo vetëm si një stilist të jashtëzakonshëm, por si një ikonë kulturore dhe një nga figurat më të mëdha që ka njohur ndonjëherë haute couture.
Vdekja e Valentino Garavanit shënon fundin e një epoke të artë të modës, veçanërisht për Romën dhe skenën ndërkombëtare. Megjithatë, trashëgimia e tij do të jetojë përjetësisht në pasarela, në arkivat e modës dhe në kujtesën kolektive të kulturës pop, ndërsa e kuqja ikonike e Valentino-s mbetet simbol i elegancës së përjetshme…