Category: Lajme

Presidenti i SHBA-së, Donald Trump, ka njoftuar se do të rrisë tarifat për importet e Koresë së Jugut në 25%, pasi akuzoi Seulin se “nuk po i përmbahet” një marrëveshjeje tregtare të arritur vitin e kaluar.

Në një postim në rrjetet sociale, Trump tha se do të rriste taksat ndaj Koresë së Jugut nga 15% për një gamë produktesh, duke përfshirë automobila, lëndë druri, produkte farmaceutike dhe “të gjitha tarifat e tjera reciproke”.

Trump tha se ligjvënësit e Koresë së Jugut kanë qenë të ngadaltë në miratimin e marrëveshjes, ndërsa “ne kemi vepruar shpejt për të ulur tarifat tona në përputhje me transaksionin për të cilin është rënë dakord”.

Koreja e Jugut thotë se nuk i është dhënë njoftim zyrtar për vendimin për të rritur tarifat për disa nga mallrat e saj dhe dëshiron bisedime urgjente me Uashingtonin mbi këtë çështje.

Seuli dhe Uashingtoni arritën një marrëveshje tetorin e kaluar, e cila përfshinte një premtim nga Koreja e Jugut për të investuar 350 miliardë dollarë në SHBA, një pjesë e të cilave do të shkonin për ndërtimin e anijeve.

Muajin pasardhës, të dy vendet ranë dakord që SHBA-të do të ulnin tarifat për disa produkte sapo Koreja e Jugut të fillonte procesin për të miratuar marrëveshjen.

Marrëveshja iu dorëzua Asamblesë Kombëtare të Koresë së Jugut më 26 nëntor dhe aktualisht është duke u shqyrtuar. Sipas mediave lokale, ka të ngjarë të miratohet në shkurt.

Tarifat paguhen nga kompanitë që importojnë produkte. Në këtë rast, firmat amerikane do të paguajnë një taksë prej 25% për mallrat që blejnë nga Koreja e Jugut.

Sakaq, Trump të shtunën kërcënoi Kanadanë me një tarifë 100% nëse ajo arrinte një marrëveshje tregtare me Kinën.

Përpara kësaj, ai tha se do të vendoste taksa importi për tetë vende, përfshirë Mbretërinë e Bashkuar, të cilat kundërshtuan planet e SHBA-së për të pushtuar Groenlandën, një territor autonom në Mbretërinë e Danimarkës, e cila është anëtare e NATO-s.

Më vonë ai u tërhoq nga kërcënimi me tarifa për Groenlandën duke përmendur përparimin drejt një “marrëveshjeje të ardhshme” mbi ishullin, por episodi tensionoi marrëdhëniet e SHBA-së me Danimarkën dhe aleatët e tjerë të NATO-s.

Një vajzë është raportuar e zhdukur nga babai i saj në Gjakovë.

Sipas policisë, babai i saj, ka bërë të ditur se vajza është larguar nga shtëpia që nga 29 dhjetori dhe nuk dihet asgjë për vendndodhje e saj.

Rasti është nën hetime nga organet e rendit.

Policia e Kosovës përmes raportit ditor ka njoftuar se brenda një dite në vendin tonë kanë ndodhur 57 aksidente trafiku.

Prej tyre, 34 aksidente janë me dëme materiale dhe 23 aksidente me të lënduar.

Poashtu gjatë 24 orëve në Kosovë janë shqiptuar 2,376 gjoba.

Janë arrestuar 15 persona, 14 janë dërguar në mbajtje dhe një në vuajte të dënimit.

64 kërkesa nga të burgosurit për t’iu falur dënimi i mbetur kanë shkuar në adresë të presidentes së Kosovës. Por, Vjosa Osmani nuk e ka falur asnjë prej tyre, e brenda 5 viteve vetëm një gruas që ishte e dënuar për veprën penale “Rrezikim i Trafikut Publik”, ia fali dënimin e mbetur.

Për 5 vite sa është në krye të shtetit, Vjosa Osmani nënshkroi vetëm një dekret, me të cilin fali një të burgosur që ishte në vuajtje të dënimit.

Por, ndër vite në adresë të zyrës së saj shkuan qindra kërkesa të tilla, që janë në kompetencë të saj sipas ligjit, por asnjë tjetër nuk u aprovua.

Brenda vitit 2025, janë proceduar 64 kërkesa nga të burgosurit që kërkojnë faljen e dënimit të mbetur.

Nga Shërbimi Korrektues i Kosovës, kanë thënë se 5 kërkesa të tjera janë në proces të kompletimit të raporteve.

“Gjatë vitit 2025, Shërbimi Korrektues i Kosovës ka proceduar 64 kërkesa për falje të dënimit, ndërsa 5 kërkesa janë ende në proces të kompletimit të raporteve. Gjatë pesë viteve të fundit kemi pranuar vetëm një Dekret për Falje, me nr. 04/2025, i datës 29.01.2025, me të cilin të dënuarës A. C. i është falur pjesa e mbetur e dënimit. E njëjta ka qenë e dënuar për veprën penale “Rrezikim i Trafikut Publik”, kanë deklaruar nga SHKK.

Në lidhje me arsyet se pse presidentja e Kosovës, nuk ka ndërmarrë asnjë vendim për kërkesat që janë proceduar, nuk janë përgjigjur nga Zyra e saj.

Ish-Avokati i Popullit Hilmi Jashari, thotë se brenda burgjeve të Kosovës, ka persona që plotësojnë kriteret e nevojshme për të përfituar faljen e dënimit të mbetur.

“Edhe vetë qëllimi i dënimit ka parasysh risocializimin e atyre që përfundojnë dënimin ose falen për të qenë anëtarë të dobishëm për shoqërinë në anën tjetër ka kritere e rregullore që e konkretizojnë ligjin për falje dhe përcakton se cilët persona mund të përfitojnë një falje që e bënë autoriteti i presidentes”, ka thënë Hilmi Jashari – ish Avokat i Popullit.

Jashari mendon se vendimet e tilla kanë efekt edhe tek të burgosurit e tjerë.

“Përveç ndikimit në sjelljet e tyre brenda por edhe pas daljes së tyre nga burgu kish me ndiku patjetër edhe për vetë faktin që kriteret janë të përcaktuara qysh herët kur është miratuar ky ligj, kanë përcaktu se cilat raste mund të trajtohen nga komisioni që ndihmon presidenten për të selektuar njërëz që meritojnë”, ka thënë – Ish Avokat i Popullit.

Që nga viti 2009, e tutje mbi 300 persona janë falur nga Presidenca, derisa paraardhësi i Osmanit, Hashim Thaçi, kishte falur mbi 10 të burgosur gjatë mandatit të tij./Tv Dukagjini/

Policia e Kosovës ka njoftuar se aksi rrugor Ferizaj–Gjilan, në segmentin tek fshati Sojev, është mbyllur për qarkullim për shkak të grumbullimit të ujit në rrugë.

Policia ka udhëzuar drejtuesit e automjeteve që shfrytëzojnë këtë drejtim udhëzohen të përdorin rrugën alternative: Ferizaj – Mirosal – Gjilan dhe anasjelltas.

“Rekomandohet kujdes i shtuar gjatë qarkullimit, për shkak të reshjeve të shtuara dhe kushteve të vështirësuara atmosferike. U bëjmë thirrje qytetarëve që të respektojnë sinjalizimin rrugor dhe të përshtatin shpejtësinë e lëvizjes me kushtet aktuale të rrugës”, ka njoftuar Policia.

Një person është arrestuar në Deçan nën dyshimin për veprën penale të dhunimit.

Sipas raportit 24-orësh të policisë, rasti ka ndodhur të dielën, rreth orës 00:01.

Pas intervistimit, me vendim të prokurorit kompetent, i dyshuari i rastit është dërguar në mbajtje.

“Deçan 25.01.2026-00:01. Lidhur me rastin, është arrestuar i dyshuari mashkull kosovar dhe i njëjti pas intervistimit me vendim të prokurorit dërgohet në mbajtje”, thuhet në raportin 24 orësh të Policisë së Kosovës.

Një person në Gjakovë ka raportuar në Polici se i është zhdukur vajza gati që një muaj.

Sipas raportit 24 orësh të Policisë, viktima raportohet e zhdukur nga 29 dhjetori.

“Gjakovë 29.12.2025-12:00. Me 26.01.2026 ankuesi mashkull kosovar, ka raportuar se vajza e tij  është larguar nga shtëpia dhe nuk dihet asgjë për vendndodhje e saj. Rasti nën hetime”, njofton Policia.

Gjatë ditës së hënë në Prishtinë, policia u informua për një rast të rëndë.

Mëngjesin e ditës së kaluar, dyshohet se djali ka rrahur babanë e tij.

Sipas policisë, nuk raportohet për të lënduar, ndërsa me vendim të prokurorit pas intervistimit të palëve rasti ka shkuar në procedurë të rregullt.

“Është raportuar se viktima pas një mosmarrëveshje është sulmuar fizikisht nga djali i tij i dyshuari mashkull kosovar. Nuk raportohet për të lënduar ndërsa me vendim të prokurorit pas intervistimit të palëve rasti shkon në procedurë të rregullt”, thuhet në njoftimin zyrtar.

*Klikoni KËTU për t´u bërë pjesë e kanalit zyrtar.

Kryeministri shqiptar, Edi Rama ka publikuar në Facebook një fotoalbum nga vizita e tij zyrtare në Izrael, duke e cilësuar atë si një moment me rëndësi të veçantë për marrëdhëniet mes dy vendeve.

“Me FotoALBUMIN e një dite kyçe të vizitës në Izrael, ku Shqipëria u vendos në piedestalin e respektit më të lartë, ju uroj një ditë të mbarë”, shkruan Rama në postimin e tij të shoqëruam me disa foto nga takimet e tij.

Kryeministri Edi Rama ndodhet në Jeruzalem, Izrael, në një vizitë zyrtare pune që ka nisur më 25 janar dhe do të përfundojë sot, 27 janar 2026, me pjesëmarrjen e tij në Konferencën Ndërkombëtare për Luftën kundër Antisemitizmit. Kjo ngjarje ndërkombëtare zhvillohet për të adresuar sfidat globale në luftën kundër antisemitizmit.

Pavarësisht sfidave ekonomike dhe politike me të cilat përballet Kosova, tregu i punës ka shënuar zhvillime të dukshme në disa sektorë specifikë, të cilët po ofrojnë paga dukshëm mbi mesataren e vendit

Në një kohë kur paga minimale po bëhet 500 euro në Kosovë, disa profesione po shndërrohen në motorë realë të punësimit dhe mirëqenies, sidomos për të rinjtë, duke tejkaluar pagen mbi 1 mijë euro.

Teknologjia e Informacionit dhe Komunikimit (ICT)

Sektori i teknologjisë së informacionit dhe komunikimit është aktualisht më i paguari në Kosovë dhe një nga më të kërkuarit. Viteve të fundit është vërejtur një rritje e madhe e këtij sektori, veçanërisht në mesin e të rinjve kosovarë, të cilët po orientohen gjithnjë e më shumë drejt profesionit të teknologjisë, edhe pse sistemi arsimor ende nuk ofron përgatitje të mjaftueshme për këtë fushë.

Ndonëse ekonomia e vendit nuk ka shënuar ndonjë ngritje serioze dhe përkundër përkrahjes së vogël institucionale, ICT-ja përbën një përjashtim të qartë nga kjo gjendje. Sektori ka arritur depërtim të shpejtë në treg falë aftësisë dhe meritës së vetë profesionistëve dhe inovatorëve kosovarë.

Sipas matjeve të fundit në mesin e punëtorëve të kompanive teknologjike në Kosovë, paga mesatare në këtë sektor arrin rreth 1.090 euro në muaj, ndërsa për pozita më të avancuara, paga shpesh shkon nga 1.500 deri në 3.000 euro, sidomos për ata që punojnë me kompani të huaja apo në distancë.

Në një debat mbi inovacionin dhe teknologjinë, Shpend Lila nga Qendra Inovative e Kosovës (ICK) ka theksuar se rritja e këtij sektori është kryesisht organike, e bazuar në meritë dhe kreativitet, e jo në mbështetje shtetërore.

Një tjetër sektor që ka njohur rritje të jashtëzakonshme në Kosovë është ai i call center-ave, veçanërisht kompanitë që operojnë për tregjet gjermane, zvicerane dhe evropiane.

Ky sektor ka krijuar mijëra vende pune dhe po ofron paga konkurruese për të rinjtë që zotërojnë gjuhë të huaja.

Në shumë kompani, paga bazë në call center-a është mbi 1.000 euro, ndërsa me bonuse dhe performancë mujore, të ardhurat arrijnë deri në 1.500–1.600 euro, duke i bërë këto vende pune ndër më të paguarat në sektorin privat pa kërkuar domosdoshmërisht arsim të lartë.

Po ashtu, investimet në energjinë e gjelbër kanë rritur kërkesën për inxhinierë elektrikë, menaxherë projektesh dhe specialistë teknikë. Pagat në këtë sektor variojnë nga 1.200 deri në 2.500 euro, në varësi të përvojës dhe përgjegjësive.

Ndërkohë edhe sektori financiar vazhdon të ofrojë stabilitet dhe paga mbi mesataren. Menaxherët financiarë, auditorët dhe analistët fitojnë nga 1.000 deri në 2.000 euro, ndërsa pozitat drejtuese edhe më shumë.

Përveç kësaj, me rritjen e projekteve infrastrukturore dhe private, ndërtimtaria mbetet sektor i fortë për paga. Inxhinierët dhe arkitektët fitojnë mesatarisht 1.000–2.200 euro.

Bashkë me këtë, edhe mjekët specialistë si në sektorin publik, e veçmas në atë privat, pastaj avokatët dhe konsulentët ligjorë arrijnë të ardhura mbi 1.500 euro, sidomos në klinika dhe zyra private.

Në një kohë kur Kosova po përballet me krizë politike dhe mungesë stabiliteti institucional, teknologjia, call center-at dhe sektorët profesionalë po dëshmojnë se mund të jenë shtylla reale të zhvillimit ekonomik./Albinfo.ch