Category: Lajme

Kompania për Distribuimin e Energjisë Elektrike në Kosovë (KEDS) bën të ditur se të hënën, më 09.02.2026, do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtina

Punime në projekte investive

1.

Nga NS 110/10(20)[kV] Prishtina 2 do të ndërprehet:

Dalja 10kV nr.26 Nexhmi Mustafa (kodi: 11000009) ne dy termine nga ora 09:00 deri 09:30 dhe 17:30 deri 18:00

Vendet: Tophanja, pjesa afër Tjegullores dhe rr.Vushtrrisë. 117. rr. Meto Bajraktari, Haki Taha 361. rr.Xheladin Kurbaliu, 282.Çajupi, Ndue Perlleshi, rr. Meto Bajraktari.

Arsyeja: Ndarja e urave.

2.

NS 110/10(20)[kV] Prishtina 2

Nga Dalja 10kV nr.26 Nexhmi Mustafa (kodi: 11000009) do të ndërprehet:

NS 10/0.4kV Erzen Hasani 11000009183 nga ora 09:00 deri 18:00

Vendet: Haki Taha.

Arsyeja: Ndërrimi i transformatorit.

3.

Nga NS 110/10(20)[kV] Prishtina 2

Dalja 10[kV] Nr.15 Blloku I(kodi: 11000002) do të ndërprehet nga ora 09:00 deri 09:30 dhe 17:30 deri 18:00

Vendet: rr. Mehmet Akif dhe rr. Lidhja e Lezhës.

Arsyeja: Ndarja e urave.

4.

Nga NS 110/10(20)[kV] Prishtina 2

Nga Dalja 10[kV] Nr.15 Blloku I do të ndërprehet TS-i:

TS 10/0.4[kV] RTK 1 (kodi: 11000002009 ) nga ora 09:00 deri 18:00

Vendet: 166. Rr. Mehmet Akif Ersoy p.n., 114. Rr. Ilaz Agushi, 113. Rr. Xhemajl Prishtina, 1 Tetori, 179.Azem Bejta, 115. Rr. Lidhja e Lezhës 70A, 125. Rr. Rasim Kiçina Nr.5.

Arsyeja: Ndërrimi i transformatorit

5.

Nga NS 110/10(20)kV Prishtina 3 do të ndërprehet:

Dalja 10kV Nr.28 Sigurimi (kodi: 12000020) nga ora (09:00 deri 09:30) dhe (17:30 deri 18:00

Vendet: 117. Rr. Meto Bajraktari, 114. Rr. Ilaz Agushi, 25.Rr.U.Ç.K.-14 Hyr-I-,Kosova 1

Arsyeja: Ndarja e urave.

6.

Nga NS 110/10(20)[kV] Prishtina 2

Nga Dalja 10kV Nr.28 Sigurimi do të ndërprehet TS-i:

TS 10/0.4[kV] Gjyqi 2 (kodi: 12000020128 ) nga ora 09:00 deri 18:00

Vendet: 114. Rr. Ilaz Agushi

Arsyeja: Ndërrimi i transformatorit.

Prizren

Punime të domosdoshme për siguri të sistemit

1.

Nga NS 35/10[ kV] Dikanca do të ndërprehet:

Dalja 10[kV] Radesha (Kodi: 30037006) nga ora 09:00 deri në ora 15:00

Vendet: fshatrat: Baçkë, Dikancë, Leshtan dhe Radeshë.

Arsyeja: Revizion i daljes 10kV Radesha, pastrimi i trasesë nga vegjetacioni, shtrëngimi i përçuesve.

Ferizaj

Punime në projekte investive

1.

Nga NS 35/10 [kV] Badovci do të ndërprehet:

Dalja 10 [kV] J11 Janjeva ( Kodi:10014011) prej orës 09:00 deri në ora 15:00

Vendet: Janjevë, Shashkovc, Akllap, Tërbuvc, Gushtericë e Epërme dhe Shushicë.

Arsyeja: Demontimi i trafostacionit të vjetër, demontimi i ormanit të tensionit të ulët, montimi i TS të ri, montimi i ormanit të ri të tensionit të ulët, vendosja e daljeve sipas projektit si dhe punë të tjera në TS Kisha me kode 10014011011.

Mitrovica

Punime të domosdoshme për siguri të sistemit

1.

NS 110/10[kV] Vushtrria 2

Nga Dalja 10[kV] Nadakovci do të ndërprehet në Stabilimentitn e daljes Nadakovc (me kod: 73000014) nga ora 10:00 deri 16:00.

NS 10/0.4[kV] mbesin pa tension:

1.NS 10/0.4[kV]Ropicë (Kodi:73000014012)

2.NS 10/0.4[kV]Ropicë (Malokët)(Kodi:73000014011)

3.NS 10/0.4[kV]Ropicë lagjja Gashi (Kodi:73000014010)

4.NS 10/0.4[kV]Bashollët (Kodi:73000014014)

5.NS 10/0.4[kV]Samadrexhë(Kodi:73000014013)

6.NS 10/0.4[kV]Sopjanët (Kodi:73000014016)

7.NS 10/0.4[kV]TSSH Shalakt(Kodi:73000014015)

8.NS 10/0.4[kV]Samadregjë (Shkolla)(Kodi:73000014018)

9.NS 10/0.4[kV]Gurthyesi (Ceceli)(Kodi:73000014021)

10.NS 10/0.4[kV]Samadrexhë (Malokët)(Kodi:73000014019)

11.NS 10/0.4[kV]Ceceli (Kodi:73000014020)

12.NS 10/0.4[kV]Sllakovc (Kodi:73000014022)

13.NS 10/0.4[kV]Zagori (Kodi:73000014017)

Vendet: Samadrexhë, Ropicë, Maxhunaj, Samadrexhë, Zagori, Ceceli dhe Sllakovc.

Arsyeja: Montimi i ndarësit linjor në fshatin Samadrexhë.

Gjakova

Punime të domosdoshme për siguri të sistemit

1.

Nga NS 110/10(20) [kV] Gjakova 2 do të ndërprehet:

kthina J08 – Gjakova II-10kV (me tri dalje 10kV):

1.Dalja 10[kV] Thertorja me kod:(81000129 ) nga ora 10:00 deri 14:00

2.Dalja 10[kV] Gjakova III me kod:( 81000116) nga ora 10:00 deri 14:00

3.Dalja 10[kV] Tranziti me kod:( 81000112) nga ora 10:00 deri 14:00

Vendet: Thertorja, rrugët: Hysni Dobruna, Dëshmorët e Lirisë, Ismajl Qemajli, Martin Camaj, Gjon Nikollë Kazazi,Yjet e Erenikut, Skënderbeu, Migjeni, rr.Tirana dhe rr.Skënderbeu.

Arsyeja: Vendosja e transformatorit toroidal.

Sot në Kosovë pritet të mbajë mot kryesisht i vranët dhe me reshje të herëpashershme, lokale shiu, paksa më të theksuara orëve të pasdites dhe sidomos mbrëmjes ku në disa zona priten edhe reshje të përziera me shqotë dhe borë.

Temperatura maksimale parashihet deri në 10 gradë Celsius, por në mbrëmje ulje e ndjeshme e temperaturave sidomos në zonat kodrinore-malore.

Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot me vranësira dhe reshje të herëpashershme, lokale shiu. Në viset kodrinore-malore pritet shqotë dhe borë, por nuk priten reshje të mëdha.

Vranësira të shumta priten edhe ditëve të ardhshme të cilat herë pas here pritet të sjellin edhe reshje shiu. Temperaturat pa ndonjë ndryshim të madh. Fillimisht priten ulje kryesisht të lehta të tyre, pastaj rritje graduale por pa luhatje të mëdha./MeteoBallkan

Janë zhvilluar ndeshje interesante në ligën më të fortë të basketbollit në botë NBA.

Los Angeles Lakers ka mposhtur Golden State Ëarriors me rezultat 105:99.

Lebron James me 20 pikë e 10 asistime si dhe Rui Hachimuara me 18 pikë etë tjera kontribuan në fitoren e Lakers,ndërkohë për Ëarriors Moses Moody me 25 pikë ishte basketbollisti më efikas në parket.

Në anën tjetër Denver Nuggets ka arritur të mpshtë në udhëtim Chicago Bulls me rezultat 136:120.

Jamal Murray me 28 pikë e 11 asistime dhe Nikola Jokic me 22 pikë,14 kërcime e 17 asistime ishin basktebollistët më efikas tek Nuggets,kurse në anën tjetër për Bulls Matas Buzelis me 21 pikë e 8 asistime ishte më i miri në parket.

Një ngjarje e rëndë ka ndodhur sot në rrugën Ferizaj-Prishtinë, ku një punëtor ka humbur jetën në vendin e punës.

Sinjali ka kontaktuar Policinë e Kosovës, e cila ka konfirmuar rastin dhe ka bërë të ditur se viktima ishte duke vendosur një reklamë (billboard) kur një pjesë e saj i ka rënë në kokë, duke i shkaktuar vdekje të menjëhershme.

Trupi i pajetë është dërguar për obduksion në Institutin e Mjekësisë Ligjore.

Sot rreth orës 15:00, kemi pranuar informatën se në rrugën Ferizaj -Prishtinë, një person ka rënë nga një lartësi (objekt) derisa ishte duke punuar. Viktima mashkull, 43vjeç,  nuk ka arritë të përballojë plagët dhe i njëjti ka ndërruar jetë. Vdekjen e viktimës e ka konstatuar ekipi mjekësor në vendngjarje. Policia në koordinim me prokurorinë dhe Inspektoriatin e Punës kanë nisë një hetim lidhur me këtë rast”, thuhet në konfirmim.

Hetimet për zbardhjen e plotë të rrethanave po vazhdojnë nga autoritetet përkatëse.

Eva Millona, shqiptarja e parë e lindur në Shqipëri, është emëruar në një nga nivelet më të larta të administratës së Shteteve të Bashkuara të Amerikës.

Ajo ka hyrë në histori si shqiptarja e parë e lindur në Shqipëri që merr një post të tillë të rëndësishëm në administratën amerikane, duke u emëruar në pozitën Assistant Secretary në Department of Homeland Security (DHS), një nga institucionet kyçe të qeverisë amerikane, raporton albinfo.ch.

Eva Millona është juriste e diplomuar në Universiteti i Tiranës, ku ka përfunduar studimet në Drejtësi. Karrierën profesionale e ka nisur në Shqipëri, ku ka shërbyer si gjyqtare në Gjykatën e Rrethit Gjyqësor të Tiranës, duke u bërë njëherësh gjyqtarja më e re në historinë e kësaj gjykate. Pas emigrimit në SHBA, ajo ndërtoi një karrierë të suksesshme në fushën e politikave të emigracionit dhe mbështetjes për refugjatët.

Ajo ka drejtuar programin e sistemimit të refugjatëve në Massachusetts Qendrore dhe ka pasur role kyçe në organizatën Massachusetts Immigrant and Refugee Advocacy Coalition (MIRA), ku fillimisht ka shërbyer si Drejtoreshë e Politikave dhe Avokimit, më pas si Zëvendësdrejtore Ekzekutive, ndërsa nga viti 2008 ka mbajtur pozitën e Drejtoreshës Ekzekutive.

Eva Millona njihet gjerësisht si eksperte dhe lidere në çështjet e emigracionit dhe integrimit të refugjatëve. Emërimi i saj në Department of Homeland Security konsiderohet një arritje historike për komunitetin shqiptar dhe një dëshmi domethënëse e kontributit të diasporës shqiptare në institucionet më të larta shtetërore të Shtetet e Bashkuara të Amerikës.

Barcelona ka shënuar fitore bindëse kundër Mallorcas së Vedat Muriqit,duke e mposhtur me rezultat 3:0.

Mysafirët e nisën mirë ndeshjen ku Vedat Muriqi pati rast të mirë për të shënuar,por nuk arriti që të dërgonte topin në rrjetë.

Më pas Barca e mori lojën nën kontrroll,dhe në minutën e 29-të Robert Lewandovski realizoi për 1:0.

Në pjesën e dytë Barcelona vazhdoi dominimin,ku në minutën e 61-të Lamine Yamal dyfishoi epërsinë në 2:0,kurse në minutën e 83-të talenti Bernal vulosi fitoren e Barcelonës në 3:0.

Barcelona është lider në La Liga 58 pikë,teksa Mallorca mbetet në kuotën e 24 pikëve.

Amnesty International ka zbuluar dëshmi tronditëse se qytetarë në Korenë e Veriut janë ekzekutuar ose dënuar rëndë për shikimin e serialeve të Koresë së Jugut, përfshirë “Squid Game”, si dhe për dëgjimin e muzikës K-pop.

Gjetjet bazohen në 25 intervista me të arratisur nga vendi i drejtuar nga Kim Jong-un.

Sipas dëshmive, edhe nxënës të shkollave të mesme janë ekzekutuar për konsumim të përmbajtjes së huaj, ndërsa të tjerë janë dërguar në kampe pune.

Amnesty thekson se ndëshkimet shpesh varen nga mundësitë financiare dhe lidhjet familjare, duke e cilësuar situatën si një shkelje ekstreme të të drejtave të njeriut.

Shtetet e Bashkuara kanë akuzuar Kinën se ka kryer në fshehtësi të paktën një test bërthamor me shpërthim, pavarësisht moratoriumit zyrtar për testet e tilla.

Akuza u bë nga nënsekretari amerikan i Shtetit për kontrollin e armëve, Thomas DiNanno, gjatë një konference për çarmatimin në Gjenevë.

Sipas tij, Kina ka përdorur metoda për të fshehur gjurmët e shpërthimeve bërthamore nga monitorimi ndërkombëtar, duke përmendur një test të dyshuar më 22 qershor 2020.

Autoritetet kineze i kanë mohuar akuzat, duke i cilësuar si të pavërteta dhe të shtrembëruara, ndërsa raportet tregojnë se Pekini po zgjeron arsenalin e tij bërthamor.

Agjencitë ruse të zbatimit të ligjit kanë ndaluar një të dyshuar dhe bashkëpunëtorin e tij gjithashtu të dyshuar në një përpjekje të raportuar për atentat ndaj zëvendësshefit të agjencisë së inteligjencës ushtarake GRU, Vladimir Alekseyev, sipas raportimeve të mediave ruse më 7 shkurt.

Sipas Kommersant, i dyshuari tashmë është marrë në pyetje dhe një seancë gjyqësore për caktimin e masës së paraburgimit pritet të mbahet më 8 shkurt. Gazeta raportoi se është hapur një çështje penale me akuzat për tentativë vrasjeje dhe trafikim të paligjshëm armësh.

Pas marrjes në pyetje, të dyshuarit do të ngarkohen me akuza, raportoi gazeta, pa konfirmuar nëse të dyshuarit ishin ndaluar. Rusia nuk ka raportuar zyrtarisht ndalimin e të dyshuarve.

Sipas Kommersant, Alekseyev iu nënshtrua me sukses një operacioni dhe rifitoi vetëdijen më 7 shkurt, por mbeti nën mbikëqyrje mjekësore. Nuk është bërë asnjë deklaratë zyrtare për gjendjen e tij.

Sipas kanaleve ruse të lajmeve në Telegram, Mash dhe Baza, personi që e qëlloi Alekseyevin “po transportohet nga Dubai”, dhe se një bashkëpunëtor i dyshuar është ndaluar bashkë me të, njofton rel.

Ende nuk ka informacion për identitetin e të dyshuarit ose të autorëve të dyshuar të sulmit. Ministri i Jashtëm rus, Sergei Lavrov, e akuzoi Ukrainën se qëndron pas përpjekjes për atentat, duke thënë — pa paraqitur prova — se ajo ishte projektuar për të sabotuar bisedimet e paqes.

Zyrtari numër dy i GRU-së u qëllua dhe u plagos në Moskë më 6 shkurt, në atë që hetuesit e cilësuan si një përpjekje për atentat.

Kommersant raportoi se hetuesit besojnë se Alekseyev u qëllua nga një person që u paraqit si postier shpërndarjeje ushqimi dhe që kishte hyrë në ndërtesën e tij. Gazeta tha se Alekseyev, i cili ishte nisur për në punë, u qëllua dy herë në shkallët e ndërtesës dhe më pas për herë të tretë teksa po përpiqej t’i rezistonte sulmit, pas së cilës sulmuesi u largua nga vendngjarja.

Alekseyev është zëvendëskomandanti i GRU-së, agjencisë së inteligjencës së Ministrisë së Mbrojtjes, e njohur për operacione të guximshme që variojnë nga sabotazhi, vrasjet, spiunazhi dhe sulmet kibernetike.

Britania e ka implikuar Alekseyevin në helmimin pothuajse fatal me Novichok të ish-spiunit rus Sergei Skripal në Britani më 2018. Një grua britanike vdiq pasi u ekspozua pa dashje ndaj helmit.

Ai është lidhur gjithashtu me Yevgeny Prigozhin, që bashkëthemeloi kompaninë mercenare më famëkeqe të Rusisë, Grupin Wagner. Prigozhin vdiq në një rrëzim avioni në gusht të vitit 2023, për të cilin zyrtarë perëndimorë të inteligjencës më pas përfunduan se ishte një atentat.

Departamenti amerikan i Thesarit e goditi Alekseyevin dhe oficerë të tjerë të GRU-së me sanksione financiare për hakerimin e partive politike amerikane dhe operacione të tjera spiunazhi kibernetik.

Nëse konfirmohet se Alekseyev ishte shënjestër e një përpjekjeje për atentat, kjo do të ishte e fundit në një seri sulmesh ndaj zyrtarëve të lartë ushtarakë rusë — shumë prej tyre në Moskë.

Dyshimet për këto sulme kanë rënë kryesisht mbi agjencitë e inteligjencës ukrainase, të cilat kanë realizuar operacione të tyre të guximshme sabotazhi dhe atentati brenda Rusisë vitet e fundit.

Në dhjetor, kreu i drejtorisë së trajnimit operativ të Shtabit të Përgjithshëm, gjenerallejtënant Fanil Sarvarov, vdiq pasi një bombë shpërtheu nën makinën e tij në periferi të Moskës.

Tetë muaj më parë, një tjetër gjenerallejtënant, Yaroslav Moskalik, zëvendësshef në drejtorinë operative të Shtabit të Përgjithshëm, u vra në një shpërthim makine jashtë Moskës.

Dhe në vitin 2024, oficeri përgjegjës për forcat ruse të mbrojtjes nga armët bërthamore dhe kimike u vra kur një trotinetë elektrike shpërtheu në trotuarin para pallatit të tij të banimit në Moskë.