ATV

Category: Lajme

  • Këshilltari i Presidentes zbulon për çfarë u diskutua mes Trumpit, Ramës dhe Osmanit

    Këshilltari i Presidentes zbulon për çfarë u diskutua mes Trumpit, Ramës dhe Osmanit

    Këshilltari i Presidentes së Kosovës Vjosa Osmani, Kreshnik Çollaku, ka zbuluar detaje nga biseda që zhvilloi Donald Trump me Edi Ramën dhe Osmanin.

    Çollaku pohoi se tre liderët kanë folur për gjyqin që po zhvillohet në Hagë ndaj krerëve të UÇK.

    “Unë konfirmoj se biseda private ka qenë lidhur me drejtuesit e UÇK-së në Hagë. Janë diskutuar tema sensitive dhe të rëndësishme. Mendoj që nuk është koha për t’i bërë publike të gjitha. Presidentja do i bëjë publike në një moment të dytë, për të mos lënduar proceset”, tha Çollaku.

    “Janë diskutuar në mënyrë specifike disa çështje, të cilat në një moment tjetër mund të bëhen publike”, shtoi Çollaku.

    Sipas tij, “Trump është një President i paparashikueshëm, kështu që mund të kemi surpriza pozitive”.

    “Osmani sot ka patur në Këshillin e Sigurisë Kombëtare. Nesër parashikojmë takime në nivele të tjera të rëndësishme politike dhe do të ketë lajme shumë të mira”, u shpreh Çollaku.

  • A pranohet agjërimi pa zgjim në Syfyr? – Teologu Flugaj befason me përgjigje

    A pranohet agjërimi pa zgjim në Syfyr? – Teologu Flugaj befason me përgjigje

    Teologu Fitim Flugaj ka folur për procedurat që i ka muaji i shenjë i Ramazanit.

    Mes tjerash, ai tregoi nëse pranohet apo jo, agjërimi nëse nuk zgjohemi për Syfyr.

    “Pranohet mirëpo nuk e fituar një shpërblim shumë të madh, sepse Syfyri është momenti kur Zoti sjell bekime shumë të mëdha, për ata që presin momentin e fundit, që të paktën një gëllnjëk ujë e pinë”, tha teologu në Klan Kosova.

  • Kosova prezantohet për herë të parë në Panairin Ndërkombëtar të Turizmit në Portugali

    Kosova prezantohet për herë të parë në Panairin Ndërkombëtar të Turizmit në Portugali

    Kosova do të marrë pjesë për herë të parë në Panairin Ndërkombëtar të Turizmit në Portugali, duke prezantuar potencialet e saj turistike, bukuritë natyrore, trashëgiminë kulturore dhe ofertat unike të vendit.

    Ngjarja do të zhvillohet nga data 25 shkurt për pesë ditë radhazi.

    Ky pjesëmarrje historike u bë e mundur falë përkushtimit të Unionit të Turizmit të Kosovës dhe kryetarit të tij, Baki Hoti, i cili ka luajtur një rol kyç në realizimin e këtij suksesi.

    Përveç ekspozimit në panair, është arritur dakordimi me Federatën e Turizmit të Portugalisë për nënshkrimin e një marrëveshjeje bashkëpunimi në fushën e turizmit, me mbështetjen e plotë të Ambasadës së Republikës së Kosovës në Lisbonë.

  • Demhasaj: Presidentja doli në marshin për ish-krerët e UÇK-së për interes, i do votat e PDK-së

    Demhasaj: Presidentja doli në marshin për ish-krerët e UÇK-së për interes, i do votat e PDK-së

    Njohësi i cështjeve politike, Arton Demhasaj është deklaruar ndaj subjekteve politike lidhur me çështjen e rizgjedhjes së Vjosa Osmanit, duke paralajmëruar rrezikun që vendi të shkojë sërish në zgjedhje në mungesë të një marrëveshjeje politike.

    Demhasaj ka thënë se mungon vullneti serioz për të zgjidhur çështjen e presidentes, duke veçuar si përgjegjëse kryesore Lëvizjen Vetëvendosje.

    “Për mos me rrezikuar që vendi të shkojë prap në zgjedhje partitë politike së bashku me u ul me biseduar për me i jep zgjidhje presidentes. Nuk po shihet ndonjë angazhim i madh prej LVV dhe partive tjera për ta zgjedhur këtë problem”, tha ai.

    Ai ka kritikuar edhe paraqitjen e Osmanit në protestën e fundit në përkrahje të krerëve të UÇK-së, duke e cilësuar si veprim me prapavijë politike.

    “Vjosa ka qenë prezente në protestë për interes se ka pasur disa marshe për përkrahje të krerëve të UÇK, por ajo doli për ta marr votën e PDK. Kjo nuk do të ndikojë që PDK të jap votë për të por mbetet me u pa. Problemi i parë është LVV se as këta nuk po deklarojnë që duan Osmanin edhe për një mandat”, ka thënë Demhasaj për “Front Online”.

  • Sot seanca e Kuvendit për buxhetin, do të jetë rreth 4 miliardë euro

    Sot seanca e Kuvendit për buxhetin, do të jetë rreth 4 miliardë euro

    Sot do të mbahet seanca plenare e Kuvendit të Kosovës, ndërkaq në rend dite është shqyrtimi i dytë i Projektligjit për Buxhetin e Republikës së Kosovës për vitin 2026.

    Seanca do të mbahet në ora 11:00.

    Projektligji parasheh që buxheti i përgjithshëm i shtetit për vitin 2026 të jetë rreth 4 miliardë euro.

    Ky buxhet e përmban edhe pagën e 13-të për punëtorët e sektorit publik që paguhen nga buxheti, pagë e cila do t’u paguhet sa po të hyjë në fuqi Ligji i Buxhetit, kishte deklaruar Kurti ditë më parë gjatë mbledhjes së Qeverisë.

    Buxheti 2026, sipas kryeministrit Albin Kurti përmban edhe rritjen e shtesës për përvojën e punës nga 0.25 % në 0.50 %, për 15 vitet e para.

  • Trump urdhëron Pentagonin dhe agjencitë e tjera: Publikoni të gjitha dokumentet mbi UFO-t dhe alienët

    Trump urdhëron Pentagonin dhe agjencitë e tjera: Publikoni të gjitha dokumentet mbi UFO-t dhe alienët

    Presidenti amerikan Donald Trump i ka urdhëruar administratës së tij të publikojë dokumente mbi UFO-t dhe çdo “jashtëtokësor dhe jetë jashtëtokësore”, një temë që ka intriguar publikun për dekada të tëra dhe ka nxitur teori të shumta.

    Në një postim në rrjetin e tij social Truth Social, Trump i tha Sekretarit të Mbrojtjes, Pete Hegseth dhe krerëve të tjerë të agjencive “të fillonin procesin e identifikimit dhe publikimit” të të gjitha dokumenteve përkatëse.

    Trump kërkoi gjithashtu publikimin e “të gjitha informacioneve të tjera që lidhen me këto çështje shumë komplekse, por jashtëzakonisht interesante dhe të rëndësishme”.

    Ende nuk është e qartë se cilat dokumente për UFO-t mund të publikohen ose çfarë mund të përmbajnë ato. Pentagoni ka ndjekur raportet e asaj që i quan fenomene ajrore të paidentifikuara (UAP) për dekada të tëra. Megjithatë, ushtria tha në një raport të vitit 2024 se nuk ka prova që ndonjë hetim qeveritar të ketë konfirmuar ekzistencën e jetës jashtëtokësore.

    Njoftimi i Trump vjen vetëm disa ditë pasi ish-Presidenti Barack Obama tha në një podcast se alienët ekzistojnë. Obama më vonë sqaroi se gjatë mandatit të tij në Shtëpinë e Bardhë ai nuk kishte parë kurrë prova të kontaktit njeri-alien, por përkundrazi ai besonte në ekzistencën e tyre kryesisht statistikisht, sepse “universi është aq i gjerë sa shanset që jeta të ekzistojë diku tjetër janë të larta”.

    I pyetur në lidhje me komentet e Obamës të enjten, Trump u tha gazetarëve se nuk ishte i sigurt nëse ekzistojnë alienët, por shtoi se ish-presidenti “bëri një gabim të madh” dhe “zbuloi informacion të klasifikuar”.

    “Mund ta nxjerr nga telashet duke e deklasifikuar atë informacion”, shtoi Trump.

  • Për të tretën ditë radhazi mbahet seancë për sulmin në Banjskë

    Për të tretën ditë radhazi mbahet seancë për sulmin në Banjskë

    Për të tretën ditë radhazi, në Gjykatën Themelore të Prishtinës do të mbahet sot seancë gjyqësore lidhur me sulmin e armatosur në Banjskë të Zveçanit.

    Para trupit gjykues do të paraqiten Blagoje Spasojeviq, Vladimir Toliq dhe Dushan Maksimoviq, të cilët përballen me akuza të rënda për përfshirje në ngjarjet e 24 shtatorit 2023, në fshatin Banjskë të komunës së Zveçanit.

    Gjatë këtij sulmi, mbeti i vrarë rreshteri hero Afrim Bunjaku, ndërsa disa zyrtarë të tjerë policorë u plagosën.

    Seanca gjyqësore është paraparë të nisë me fillim nga ora 09:30.

  • Kurti mbledh sot kabinetin qeveritar

    Kurti mbledh sot kabinetin qeveritar

    Kabineti qeveritar i kryeministrit Albin Kurti do të mblidhet sot në orën nëntë të mëngjesit.

    Lajmi është bërë i ditur nga Zyra e Kryeministrit.

    “Mbahet mbledhja e Qeverisë së Kosovës. Ora 9:00,” ka njoftuar ZKM.

    ZKM nuk ka bërë të ditur se çfarë do të shqyrtohet në këtë mbledhje.

  • Reshje shiu përfshijnë vendin sot, pritet të pushojnë gjatë ditës

    Reshje shiu përfshijnë vendin sot, pritet të pushojnë gjatë ditës

    Reshjet shiu pritet të përfshijnë vendin gjatë natës me kalimin në mëngjesin e së premtës.

    Pjesëve perëndimore reshjet po parashihet të jenë paksa më intenzive, zonave malore me reshje më të shumta dëbore. Deri nga mesdita reshjet pushojnë, kur parashihen edhe intervale me diell.

    Temperaturat minimale zbresin në 3C e 5C, derisa gjatë ditës maksimalet shkojnë deri në 10C e 12C. Frynë erë jugore e juglindore mesatare e mesatarisht e fuqishme 5-12m/s.

    Më shumë vransira kalojnë ditën e shtunë mbi vend, ku përreth zonave malore mund të shoqërohen me reshje të dobëta dëbore. Pak reshje dëbore mund të shfaqen me kalimin në ditën e diel, kur temperaturat minimale zbresin në -2C.

    Maksimalet mbesin më të ulëta të shtunën, ndërmjet 2C e 4C, e të dielen shënojnë një rritje në 8C. Të shtunën frynë erë mesatare verilindore 5-11m/s. Nga dita e hënë parashihet mot stabil, kryesisht me diell. Temperaturat maksimale shënojnë rritje deri në 12C e 14C. Të martën aty këtu mund të paraqiten riga lokale shiu, derisa edhe era frynë nga veriperëndimi me hove deri në 10m/s.

  • Rama i kërkon Trumpit të reagojë për gjykimin e Hashim Thaçit: Për hir të Zotit, të bëjmë diçka

    Rama i kërkon Trumpit të reagojë për gjykimin e Hashim Thaçit: Për hir të Zotit, të bëjmë diçka

    Kryeministri i Shqipëria, Edi Rama, gjatë fjalës së tij në takimin e Bordi i Paqes, i bëri thirrje presidentit të Shtetet e Bashkuara të Amerikës, Donald Trump, të reagojë lidhur me gjykimin e ish-presidentit të Kosova, Hashim Thaçi, në Hagë.

    Rama tha se Thaçi po kalon gjashtë vite në paraburgim dhe u pengua për të nënshkruar marrëveshjen e Washingtonit, duke kritikuar drejtësinë ndërkombëtare dhe kërkimin e 45 viteve burgim nga prokurori, dhe apeloi për ndërhyrje para se të ndodhin “gjëra shumë të këqija”.

    “Sot, Presidenti i Kosovës ka kaluar tashmë gjashtë vite në paraburgim para një gjykate speciale në Hagë, e sponsorizuar nga disa shtete demokratike, disa prej tyre të pranishme këtu, të cilat duhet të turpërohen për këtë lloj drejtësie ndërkombëtare.Vetëm javën e kaluar, zoti President, një tjetër prokuror i financuar nga ky vend i madh dhe taksapaguesit e tij kërkoi 45 vite burgim për të, një kërkesë që dërgoi valë tronditëse poshtërimi nëpër një komb të tërë që kërkon paqe”, ka shtuar Rama.

    “Në këtë moment, vetëm pak muaj e ndajnë një njeri që u ngrit nga rezistenca kundër spastrimit etnik për t’u bërë paqebërës nga një përfundim potencialisht shkatërrues në një gjykatë që deri më tani ka dështuar në çdo hap për të respektuar standardet e drejtësisë demokratike.Për hir të Zotit, zoti President, le të bëjmë diçka para se, siç thoni ju, gjëra shumë të këqija të ndodhin përsëri”, është shprehur Rama.