ATV

Category: KULTURË

  • Aktorja nga Kosova shkëlqen në skenën më të madhe të filmit – fiton në Oscar

    Aktorja nga Kosova shkëlqen në skenën më të madhe të filmit – fiton në Oscar

    Filmi i shkurtër Two People Exchanging Saliva, ku luan aktorja nga Kosova Luana Bajrami, është shpërblyer me çmimin “Best Live Action Short Film” në ceremoninë e Academy Awards.

    Në këtë film, Bajrami interpreton rolin kryesor në një histori të vendosur në një Paris të pazakontë, ku puthjet janë të ndaluara me ligj.

    Rrëfimi paraqet një realitet absurd dhe të ftohtë, ku personazhet përballen me rregulla të çuditshme dhe kufizime të pazakonta.

    Fitorja e këtij çmimi e vendos edhe emrin e Bajramit në skenën më të madhe të kinematografisë botërore.

    Aktorja me origjinë nga Kosova, nga fshati Pleshinë i Ferizajt, ka tërhequr vëmendje ndërkombëtare pasi filmi ku ajo interpreton arriti të fitojë çmimin Oscar për filmin e shkurtër me aktorë.

    Bajrami emigroi në Francë në moshën shtatëvjeçare. Ajo ka lindur më 14 mars 2001 dhe është bërë e njohur për paraqitjen në filmin Portrait of a Lady on Fire (2019) si dhe në School’s Out (2018).

    Në vitin 2021 ajo debutoi edhe si regjisore me filmin The Hill Where Lionesses Roar, i cili pati premierën në Cannes Film Festival dhe më pas fitoi çmime në disa festivale ndërkombëtare, përfshirë Calgary International Film Festival dhe Raindance Film Festival.

  • Filmi fantastiko-shkencor “Project Hail Mary” pritet të jetë një nga hitet e vitit 2026

    Filmi fantastiko-shkencor “Project Hail Mary” pritet të jetë një nga hitet e vitit 2026

    Industria e filmit po përgatitet për publikimin e një prej projekteve më të shumëpritura të këtij viti, filmit fantastiko-shkencor Project Hail Mary.

    Filmi bazohet në romanin e njohur të autorit Andy Weir dhe sjell në rolin kryesor aktorin Ryan Gosling, i cili interpreton një astronaut që zgjohet në një mision të rrezikshëm në hapësirë për të shpëtuar njerëzimin. Historia ndjek përpjekjen e tij për të gjetur një mënyrë që të ndalojë shuarjen e Diellit dhe të shpëtojë planetin Tokë.

    Projekti është drejtuar nga regjisorët Phil Lord dhe Christopher Miller, të cilët janë të njohur për realizimin e filmave të suksesshëm në Hollywood.

    Filmi pritet të dalë në kinema gjatë muajit mars dhe tashmë ka krijuar shumë interes tek publiku dhe fansat e zhanrit fantastiko-shkencor, pasi reagimet e para nga shfaqjet testuese kanë qenë shumë pozitive.

    Kritikët e industrisë së filmit e konsiderojnë “Project Hail Mary” një nga projektet më të rëndësishme kinematografike të vitit 2026, që mund të shndërrohet në një nga sukseset më të mëdha të vitit në arkëtime.

  • Christopher Nolan paralajmëron projekte të reja filmike pas suksesit të fundit

    Christopher Nolan paralajmëron projekte të reja filmike pas suksesit të fundit

    Regjisori i njohur britanik Christopher Nolan ka bërë të ditur se është duke zhvilluar ide për projekte të reja filmike që pritet të realizohen në të ardhmen e afërt.

    Nolan njihet për filmat e tij me buxhet të madh dhe për histori komplekse që shpesh eksplorojnë konceptet e kohës, shkencës dhe psikologjisë njerëzore. Gjatë karrierës së tij ai ka realizuar disa nga filmat më të suksesshëm të kinemasë moderne, si Inception, Interstellar dhe Oppenheimer.

    Sipas raportimeve të The Hollywood Reporter, projekti i tij i ardhshëm pritet të hyjë në fazën e zhvillimit gjatë muajve të ardhshëm. Megjithatë, detaje të tjera rreth historisë apo kastit ende nuk janë bërë publike.

    Fansat dhe industria e filmit presin me interes të madh projektin e radhës të Nolan, i cili vazhdon të konsiderohet një nga regjisorët më inovativë të kinemasë bashkëkohore.

  • Timothée Chalamet, ndër aktorët më të kërkuar të Hollywood-it

    Timothée Chalamet, ndër aktorët më të kërkuar të Hollywood-it

    Aktori amerikan Timothée Chalamet vazhdon të mbetet një nga emrat më të kërkuar në industrinë e filmit në Hollywood.

    Gjatë viteve të fundit, ai është përfshirë në disa projekte të mëdha kinematografike dhe ka marrë vëmendje të madhe nga publiku dhe kritikët e filmit. Prania e tij në produksione të rëndësishme dhe në festivale ndërkombëtare të filmit e ka forcuar pozicionin e tij si një nga aktorët më të spikatur të gjeneratës së re.

    Kritikët e kinemasë e konsiderojnë Chalamet një nga talentet më premtuese të kohës, falë aftësisë së tij për të interpretuar role të ndryshme dhe për të sjellë karaktere të fuqishme në ekran. Për këtë arsye, ai vazhdon të jetë një nga figurat më të kërkuara në projektet e reja filmike në Hollywood.

  • Quentin Tarantino flet për filmin që mund të jetë i fundit në karrierën e tij

    Quentin Tarantino flet për filmin që mund të jetë i fundit në karrierën e tij

    Regjisori i njohur amerikan Quentin Tarantino ka bërë të ditur se projekti i tij i ardhshëm filmik mund të jetë filmi i fundit që do të realizojë si regjisor.

    Në disa intervista të fundit, Tarantino ka treguar se po punon për një ide të re që pritet të trajtojë historinë dhe zhvillimin e industrisë së filmit në një periudhë të caktuar të Hollywood.

    Gjatë karrierës së tij, ai ka realizuar disa nga filmat më të njohur të kinemasë moderne, si Pulp Fiction, Kill Bill dhe Once Upon a Time in Hollywood, të cilët janë vlerësuar gjerësisht nga kritika dhe publiku.

    Megjithatë, detajet rreth projektit të ri, përfshirë kastin dhe datën e xhirimeve, ende nuk janë bërë publike. Tarantino ka deklaruar më herët se synon ta mbyllë karrierën si regjisor pas realizimit të dhjetë filmave, duke e bërë këtë projekt një nga më të shumëpriturit nga fansat e tij.

  • Çanta luksoze për të nominuarit në Oscar 2026, dhurata që arrijnë vlera gjashtëshifrore

    Çanta luksoze për të nominuarit në Oscar 2026, dhurata që arrijnë vlera gjashtëshifrore

    Ndërsa bota e filmit po përgatitet për ceremoninë e 98-të të Academy Awards, që do të mbahet më 15 mars 2026 në Los Angeles, një pjesë e madhe e vëmendjes po i kushtohet edhe dhuratave luksoze që marrin të nominuarit.

    Edhe këtë vit, aktorët, aktoret dhe regjisorët e nominuar do të marrin çantat e famshme të dhuratave të njohura si “Everyone Wins”. Këto pako luksoze nuk organizohen nga Academy of Motion Picture Arts and Sciences, por nga kompania e marketingut Distinctive Assets, e cila prej vitesh përgatit këto dhurata për yjet e Hollywoodit.

    Çantat përmbajnë një koleksion të gjerë produktesh dhe përvojash luksoze, që shpesh arrijnë vlerë gjashtëshifrore. Mes tyre përfshihen udhëtime ekskluzive, trajtime wellness, produkte kozmetike dhe shërbime të veçanta.

    Disa nga dhuratat më të spikatura të këtij viti janë qëndrimi në vila luksoze në Costa Rica dhe në Ibiza, pushime wellness në Sri Lanka si dhe një përvojë unike për të parë dritat polare në Lapland.

    Pakoja përfshin gjithashtu shërbime estetike dhe trajtime të personalizuara, përfshirë procedura estetike dhe paketa dizajni për ambiente banimi.

    Sipas organizatorëve, qëllimi i këtyre dhuratave nuk është vetëm të shpërblehen të nominuarit, por edhe të promovohen marka dhe kompani të ndryshme, veçanërisht startup-e dhe biznese që mbështesin projekte sociale.

    Tradita e këtyre çantave luksoze është bërë tashmë një pjesë interesante e ceremonisë së Oscars, duke tërhequr çdo vit vëmendjen e mediave dhe publikut në mbarë botën.

  • Oscars 2026: Gjithçka që duhet të dini përpara ceremonisë vjetore

    Oscars 2026: Gjithçka që duhet të dini përpara ceremonisë vjetore

    Filmi “Sinners”, i regjisorit Ryan Coogler, tashmë ka hyrë në histori edhe para se të ndahen çmimet.

    Edhe nëse nuk fiton asnjë statujë, filmi ka vendosur një rekord të ri me 16 nominime, duke tejkaluar filma të njohur si “Titanic” (1997) dhe “La La Land” (2016), të cilët kishin marrë nga 14 nominime secili.

    Pas disa deklaratave kritike për baletin dhe operën, Timothee Chalamet duket se është tërhequr pothuajse nga gara për Oscar, duke ia lënë vendin dy pretendentëve të fortë në kategorinë e tij: Michael B. Jordan dhe Leonardo DiCaprio.

    Një nga kategoritë më të diskutueshme këtë vit është ajo për filmin më të mirë ndërkombëtar.

    Kur mbahet ceremonia e Oscars 2026?

    Ceremonia e Academy Awards 2026 do të zhvillohet të dielën, më 15 mars, në Dolby Theatre në kompleksin Ovation Hollywood në Los Angeles.

    Eventi pritet të nisë në orën 19:00 ET / 16:00 PT.

    Ku mund të ndiqet ceremonia?

    Ceremonia do të transmetohet drejtpërdrejt në kanalin ABC dhe në aplikacionin e tij për abonentët me kabllo.

    Transmetimi do të zgjasë nga 19:00 deri në 22:00 ET (ose 16:00 – 19:00 PT).Transmetimi online do të jetë i disponueshëm edhe në platformat Hulu dhe FuboTV.

    Ndërkohë, tapeti i kuq do të transmetohet më herët në një ‘livestream’ të drejtuar nga komediania britanike Amelia Dimoldenberg, duke nisur në 18:30 ET / 15:30 PT.

    Kush do ta prezantojë ceremoninë?

    Ceremonia e këtij viti do të drejtohet nga komediani i njohur Conan O’Brien. Kjo do të jetë hera e dytë që ai prezanton këtë event të madh.

    Cilët të famshëm do të jenë pjesë e ceremonisë?

    Disa nga emrat e konfirmuar që do të marrin pjesë në skenë gjatë ceremonisë janë:

    Adrien Brody

    Javier Bardem

    Kieran Culkin

    Chris Evans

    Chase Infiniti

    Mikey Madison

    Demi Moore

    Kumail Nanjiani

    Maya Rudolph

    Zoe Saldana

    Will Arnett

    Priyanka Chopra Jonas

    Robert Downey Jr.

    Anne Hathaway

    Paul Mescal

    Gwyneth Paltrow

    Ceremonia e këtij viti pritet të jetë një nga më të ndjekurat, duke marrë parasysh rekordet e nominimeve dhe garën e fortë mes filmave dhe aktorëve.

  • Gëzim Nika për herë të parë me koncert recital në Teatrin e Operas dhe Baletit në Tiranë

    Gëzim Nika për herë të parë me koncert recital në Teatrin e Operas dhe Baletit në Tiranë

    “Me zanin e bjeshkëve” titullohet mbrëmja e veçantë që do të mbahet sonte nga ora 19:00 ,në skenën e Teatrit Kombëtar të Operës, Baletit dhe Ansamblit Popullor, ku publiku do të përjetojë emocionin dhe fuqinë e traditës shqiptare përmes zërit të artistit të mirënjohur Gëzim Nika, i shoqëruar nga Ansambli Kombëtar i Këngëve dhe Valleve Popullore.

    Ky koncert sjell në skenë jehonën e bjeshkëve, tingujt autentikë të folklorit dhe energjinë e gjallë të muzikës shqiptare.

    Të ftuar specialë do të jenë këngëtarët e mirënjohur: Aurela Gaçe, Eli Fara, Fatmira Breçani, Aranit Hoxha, të cilët do t’i japin kësaj ngjarjeje një dimension edhe më festiv.

  • Kosova prezantohet në Panairin e Librit në Leipzig 2026

    Kosova prezantohet në Panairin e Librit në Leipzig 2026

    Biblioteka Kombëtare e Kosovës “Pjetër Bogdani”, do të marrë pjesë në Panairin e Librit të Leipzig-ut, përmes një programi të pasur të ngjarjeve letrare dhe rreth 100 titujve, përfshirë vepra letrare dhe joletrare në gjuhën shqipe dhe në gjuhën angleze.

    Ngjarjet e organizuara nga Biblioteka Kombëtare e Kosovës janë: Kujtesë e Kontestuar, zëra të lidhur: Letërsia dhe Politika në Ballkan, që mbahet më 19 mars dhe Gjuhë të vogla, histori të mëdha: Letërsia Shqipe në kontekst global, më 20 mars 2026.

    Që nga viti 2019, Biblioteka Kombëtare promovon vazhdimisht autorët nga Kosova dhe letërsinë shqipe në panairin më të madh dedikuar autorëve.

    Panairi i librit në Leipzig mbahet nga datat 19-22 mars 2026.

  • “War Machine”, aktualisht filmi më i shikuar në Netflix

    “War Machine”, aktualisht filmi më i shikuar në Netflix

    Filmi i ri fantastiko-shkencor “War Machine” me protagonist Alan Ritchson, është bërë aktualisht filmi më i shikuar në platformën Netflix, duke tërhequr vëmendjen e publikut në mbarë botën.

    Sipas të dhënave zyrtare për periudhën nga 2 deri më 8 mars, filmi ka arritur rreth 39.3 milionë shikime, duke u renditur në krye të listës së platformës.

    Filmi është drejtuar nga regjisori Patrick Hughes dhe ndjek historinë e një grupi rekrutësh në fazën e fundit të një kampi shumë të ashpër stërvitor për forcat speciale.

    Gjatë një ushtrimi përfundimtar, ata përballen me një kërcënim të papritur dhe vdekjeprurës nga jashtë Tokës.

    Në film luajnë gjithashtu aktorët: Dennis Quaid, Stephan James, Jai Courtney dhe Esai Morales. Ritchson interpreton personazhin e nënoficerit, një veteran lufte nga Afganistani që vuan nga çrregullimi post-traumatik (PTSD).

    Ai ka vështirësi të lidhet me kandidatët e tjerë dhe, pavarësisht përvojës së tij, refuzon të marrë rolin e liderit të ekipit gjatë stërvitjes.

    Ngjarjet marrin kthesë dramatike gjatë një ushtrimi në terren, kur rekrutët shohin një shpërthim të çuditshëm në qiell dhe më pas zbulojnë në një përrua diçka që duket si një mjet fluturues i rrëzuar.