ATV

Category: KULTURË

  • Ramë e Vrullim Buja promovojnë tre librat kushtuar demokracisë

    Ramë e Vrullim Buja promovojnë tre librat kushtuar demokracisë

    Kapituj të tërë dedikuar politikës e demokracisë. Baba e bir, Ramë Buja dhe Vrullim Buja, sot në ambientet e teatrit kamertal në kolegjin AAB, bënë promovimin e tre librave: “Ngarendja Politike”, “Sistemet Politike” dhe “Demokracia, Zhvillimi, Demonizimi”.

    Në recensionin e tij për librin “Ngarendja Politike”, dekani i fakultetit të Administratës Publike në Kolegjin AAB, Petrit Bushi, vlerësoi se ky libër do t’u shërbejë lexuesve të krijojnë një botëkuptim në raport me politikën.

    “Nisur nga vetë titulli profesorët kanë përfshirë të gjitha ato elemente që do t’i ndihmojnë lexuesit të krijojë një botëkuptim shkencorë mbi politikën”, tha Bushi.

    Edhe Ylber Aliu, profesor në fakultetin e Administratës Publike në Kolegjin AAB, në recensionin e tij dha vlerësime të larta për librin Demokracia, Zhvillimi, Demonizimi.

    “Lexuesit fillimisht do të gjejnë shpjegime për kornizën teorike të demokracisë dhe këto shpjegime më pastaj kombinohen edhe me gjetjet praktike. Një simbiozë e tillë reflektohet edhe nga bagazhi i njërit nga autorët, Ramë Buja”, tha Aliu.
    Dy autorët e librave thanë se ndihen të privilegjuar me vlerësimin e pjesëmarrësve.

    “Me thënë të drejtën nuk po e njoh Ramën sot, sepse më thatë aq fjalë të mira. Ndihem i privilegjuar dhe kam emocione, edhe pse jam pak në moshë s’duhet të kisha emocione”, tha Ramë Buja, autor i librit.

    Ndërkaq, në pjesën e fundit të ceremonisë, pjesëmarrësit shijuan edhe një koktej. /atvlive.tv

    Edicionin Qendror të lajmeve e gjeni në videon më poshtë:

  • Me shfaqjen “Fefu dhe shoqet e saj, nis edicioni i 11-të i festivalit “FemArt”

    Me shfaqjen “Fefu dhe shoqet e saj, nis edicioni i 11-të i festivalit “FemArt”

    Me shfaqjen “Fefu dhe shoqet e saj”, të hënën mbrëma në Prishtinë, nisi edicioni i 11-të i festivalit “FemArt”, festival ky i cili çdo vit fokusohet te gratë, në veçanti te ato krijuese.

    “Përgatitjet kanë zgjatë një vit. Ka disa shfaqje të cilat i kemi negociua edhe dy vite. “FemArt-i” është festival tradicional më i madhi në Kosovë e në rajon sa i përket artit të prezantuar prej grave dhe nga gratë. Është festivali më i madh feminist në rajonin e Ballkanit. Jam i lumtur që ia dolëm me një laramani të tillë, me një shfaqje të krijuar enkas nga aktorët, regjisorja e jonë me një DJ nga Bosnja e Hercegovina”, tha drejtoresha e festivalit, Zana Hoxha.

    Hapja e edicionit të 11-të të festivalit u bë me shfaqjen e regjisores Arlinda Morina “Fefu dhe shoqet e saj”.

    “Në shfaqje jam ndierë tepër mirë se tanë jetën time kam dashur një shfaqje në kafe, sepse gjithmonë kam menduar që çdo kafehangji e ka një host që i pret njerëzit me ardh edhe me hy. Qëllimi i im ka qenë që gratë me u bë bashkë me një kafe të bukur siç është mensa”, tha regjisorja e shfaqjes Arlinda Morina. /atvlive.tv

    Emisionin e plotë e gjeni në videon më poshtë:

  • Kryetarja e PE-së: Ballkani Perëndimor i përket BE-së, Kosova dhe Serbia të zgjidhin çështjet e hapura

    Kryetarja e PE-së: Ballkani Perëndimor i përket BE-së, Kosova dhe Serbia të zgjidhin çështjet e hapura

    Kryetarja e Parlamentit Evropian, Roberta Metzola, tha se Ballkani Perëndimor i përket Bashkimit Evropian dhe se kjo është një formulë fituese si për BE-në ashtu edhe për rajonin, dhe siç shtoi ajo, bashkëpunimi mes vendeve të Ballkanit Perëndimor dhe ndërlidhja e tyre janë kyçe. Vendet e rajonit, siç tha ajo, duhet të ndërmarrin hapa drejt zgjidhjes së çështjeve të hapura dypalëshe.

    “Ballkani Perëndimor i përket Bashkimit Evropian. Është një formulë fituese si për BE-në ashtu edhe për rajonin. Rruga drejt anëtarësimit në BE është një mjet i fuqishëm për reforma, për ndryshime që sigurojnë demokracinë, sigurinë dhe prosperitetin,” shkroi Mecola në Twitter.

    Në një video-mesazh ajo kujtoi se vendet e Ballkanit Perëndimor kërkuan përshpejtimin e procesit të anëtarësimit.

    “Ju dëgjuam me zë të lartë dhe qartë. Kjo po zgjat shumë, por gjërat ende po ecin përpara. Bota po ndryshon dhe BE-ja po ndryshon bashkë me të. Ndër arritjet e fundit është miratimi i statusit të kandidatit për Bosnjën dhe Hercegovinën, dhe se qytetarët e Kosovës nuk do të duhet të aplikojnë më për viza për të udhëtuar në zonën Shengen, por edhe Ballkani Perëndimor duhet të vazhdojë t’i përmbahet kritereve të anëtarësimit dhe të ndërmarrë hapa vendimtarë drejt zgjidhjes së çështjeve të hapura dypalëshe.Bashkëpunimi ndërmjet vendeve të Ballkanit Perëndimor është kyç. ndërlidhja përmes infrastrukturës, teknologjisë, dixhitalizimit, e gjithë kjo do të krijojë më shumë siguri”, tha Mecola.

    Ajo shtoi se perspektiva e anëtarësimit në BE shërben si një nxitje e fortë për të çuar përpara reformat që janë kyçe për përmirësimin e qeverisjes, sundimin e ligjit dhe promovimin e lirisë së medias.

    “Në rrugën drejt integrimit dhe reformës evropiane, më lejoni t’ju them se Parlamenti Evropian qëndron pranë atyre që duan t’i bashkohen projektit tonë të madh evropian të paqes dhe prosperitetit,” tha Mecola.

  • “Prenk Jakova” organizon koncert në Prishtinë në 80-vjetorin e lindjes së kompozitorit Ballata

    “Prenk Jakova” organizon koncert në Prishtinë në 80-vjetorin e lindjes së kompozitorit Ballata

    Me iniciativën e drejtoreshës së shkollës së muzikës “Prenk Jakova” në Prishtine, Jeta Dida Bujari, në bashkëpunim me të gjithë mësimdhënësit dhe nxënësit e kësaj shkolle për muaj me radhë është punuar në organizimin dhe finalizimin e koncertit kushtuar kompozitorit Zeqirja Ballata.

    Prandaj, kjo shkollë do të shfaqë koncertin për ndër të përvjetorit të 80-të të lindjes së Ballatës. Koncerti do të organizohet të martën në amfiteatrin e bibliotekës kombëtare në Prishtinë, duke filluar nga ora 18:00, thuhet në njoftimin e kësaj shkolle.

    Nën udhëheqjen e dirigjentes Lirjona Sylejmani, kori dhe orkestra me solistë të mirënjohur të shkollës, do të interpretojë vepra të kompozitorit Ballata dhe kompozitorëve të tjerë botërorë.

    Ky koncert tashmë është tradicional në këtë shkollë që prej dy vitesh, duke nderuar në vitin 2021 kompozitorin Aleksander Peçi, pastaj kompozitorin Fahri Beqirin dhe nesër edhe Ballatën, për të vazhduar tutje e për tënderuar për kontributin e tyre në lëmin e edukimit muzikor profesional edhe shumë artiste të tjerë që janë apo edhe nuk ndodhen në mesin tonë.

  • ‘Zhutat’ e djegin atmosferën, i këndojnë dëshmorit të Kombit Abdullah Bugari

    ‘Zhutat’ e djegin atmosferën, i këndojnë dëshmorit të Kombit Abdullah Bugari

    “Zhutat” njihen për performancat e tyre të këngëve folklorike.

    Kësaj radhe, ‘Zhutat’ në një nga ndejat e organizuara i kanë kënduar dëshmorit të Kombit nga Rahoveci, Abdullah Bugari.
    Abdullah Bugari ishte dëshmori i parë i rënë në altarin e lirisë në Rahovec.

    Për më shumë ndiqeni videon:

  • “Skanderbeg”, vjen filmi i parë i animuar 3D me hero shqiptar

    “Skanderbeg”, vjen filmi i parë i animuar 3D me hero shqiptar

    Florjan Binaj është skenarist i këtij projekti ndërsa Daniel Kordhoni është autor/producent.

    Siç tregojnë autorët, ideja e filmit të animuar “Skanderbeg”, lindi për faktin se të gjithë fëmijët kanë qejf personazhe, siç është edhe Spiderman. Tashme do të kemi edhe një hero shqiptar që ata e njohin dhe i frymëzon shumë.

    Në një lidhje të drejtpërdrejtë në emisionin e mëngjesit ALARM në ATV, Binaj dhe Kordhoni treguan më shumë detaje rreth këtij projekti.

    “Kjo ide lindi në kohën e pandemisë në vitin 2020 kur ne ishim brenda në shtëpi dhe duke ndenjur vetëm me fëmijët, shihnim vetëm kukulla me ta dhe në një moment me erdhi në maje të hundës duke parë kukulla të huaja”, tregon Florijani.

    Ai thotë se duke biseduar me Danielin, i kishte thënë se si ka mundësi që nuk kemi një palë kukulla ose një film të animuar shqiptar ku do të ketë heronjtë shqiptarë.

    “Ne krenohemi me heroin tonë kombëtar Gjergj Kastrioti, por e kemi vetëm në librat e historisë dhe e festojmë festën e tij vetëm një herë në vit. Pse mos të jetë më shumë se aq. Dhe, filluam bashkë me Danielin duke menduar po sikur ta bëjmë një film të shkurtër, ta bëjmë film të gjatë, ta bëjmë kështu apo ashtu, dhe unë shkruaja skenarin, takoheshim në mbrëmje me video lidhje dhe flisnim për orë të tëra se si do e zhvillojmë, ndërkohë Danieli kërkonte të gjente një grup artistësh që punonin në 3D grafistë për t’i konkretizuar këto hapa që bëmë. Deri sa para një viti e ca e mbaruam skenarin, më pas filloi puna për konkretizimin e këtyre personazheve për t’i bërë sa më real në mënyrë që t’ua tregojmë njerëzve që ‘ja po bëjmë diçka serioze’ dhe erdhëm në pikën që jemi sot”, tregon Florjani.

    Në anën tjetër, Daniel Kordhoni, autor dhe producent i filmit të animuar “Skenderbeg”, foli për pronën intelektuale të këtij projekti, duke thënë që janë kujdesu që
    personazhet t’i patentojnë dhe t’i mbrojnë të drejtat autoriale të projektit.

    Ai tregoi se kjo që është bërë deri më tani është vetëm fillimi i projektit, për të cilën iu duhen edhe ndihmë financiare për ta vazhduar më tej.

    “Unë personalisht si sipërmarrës që jam këtu në Francë, në qoftë se nuk do marrë donacionin e duhur ose mbështetjen e duhur nga organizata apo persona në fjalë, do të shkoj deri në atë pikë sa që do marr kredi dhe do ta bëj këtë projekt”, tha Danieli. /atvlive.tv

  • Historia e Kullës së Tahir Mehës në Prekaz!

    Historia e Kullës së Tahir Mehës në Prekaz!

    Sapo të futesh në Prekaz, vëreni se ky fsha ka një histori të lashtë kombëtare. Në hyrje të Prekazit është kulla apo oda siç njihet më shumë në Drenicë e Ilaz Kodrës e pak metra më tej, është ajo e familjes së Adem Jasharit. Rreth 700 metra prej saj është kulla e Tahir Mehës. Kjo kullë është një monument i trashëgimisë kulturore në Prekazin e Epërm të Skenderajt. Ky monument është i miratuar në kategorinë arkitekturore.

    “Kulla e vjetër kishte filluar në vitin 1913 dhe përfunduar në vitin 1916. Është ndërtuar nga meshkujt e lagjes Meha, nga shokët e Emin Latit, Nebih Mehës, Tahir Mehës edhe Beqir Mehës. Në këtë kullë kanë marrë pjesë Azem Bejta me shokë, Hasan Prishtina dhe njerëz atdhetarë të asaj kohe, sepse gjyshi i Tahirit, Emin Lati ishte bashkëluftëtar i Azem Bejtë Galicës. Po ashtu ka marrë pjesë edhe legjendari, komandanti i Drenicës Shaban Polluzha, me qenë se Nebih Meha ishte bashkëluftëtar i Shaban Polluzhës. I ka qendru kohës, është kullë e vjetër, është e lashtë, i ka qendru kohës deri me 13 maj 1981 kur mixha Tahir me gjyshin Nebiun luftuan kundër njësiteve speciale të Republikës Federative të Jugosllavisë. Po atë ditë kanë rënë dëshmorë mixha dhe gjyshi dhe është rrënuar kulla nga tanksi serb”, tregon në një bisedë për ATV-në, Ilir Meha, familjar i Heroit Kombëtar, Tahir Mehës. /atvlive.tv

  • Java Ndërkombëtare për Staf me aktivitete të shumta në Kolegjin AAB

    Java Ndërkombëtare për Staf me aktivitete të shumta në Kolegjin AAB

    Me aktivitete të shumta në fushën akademike, të shkencës dhe fushën e kulturës, në Kolegjin AAB po shënohet Java Ndërkombëtare për Staf.

    Venera Llunji, prorektore për bashkëpunim dhe marrëdhënie ndërkombëtare në Kolegjin AAB, në një intervistë në emisionin ALARM në ATV, tha se për këtë javë, pos aktiviteteve të shumta që do të zhvillohen në këtë kolegj, kanë ftuar edhe partnerët e tyre nga shtete të ndryshme evropiane.

    “Këtë javë e kemi javën ndërkombëtare për staf, me ç’rast kemi ftuar partnerët tanë dhe jo vetëm dhe planifikimi i kësaj jave nënkupton që kemi të bëjmë me aktivitete të ndryshme siç janë seminaret, tryezat e rrumbullakëta dhe përveç kësaj, edhe pjesa kulturore sepse qëllimi i javës ndërkombëtare është pikërisht ky, që të njihemi pak më mirë me partnerët, me të cilët kemi bashkëpunim të përditshëm, me të cilët i kemi lidhjet si në shkencë si në fushën e akademisë po ashtu edhe në fushën e kulturës”, tha Llunji.

    Ajo tha se të gjitha këto institucione që do të jenë të pranishme këtë javë në Kolegjin AAB, janë institucione me të cilat kanë edhe të nënshkruara marrëveshje
    bashkëpunimi.

    “Do të marrin pjesë institucione prej disa shteteve, siç janë nga Bullgaria, Çekia, pastaj Spanja, Lituania, do të thotë janë një numër i shteteve me të cilët ne kemi marrëveshje bashkëpunimi, të cilat kanë pritur edhe studentë tanë në kuadër të shkëmbimit të projekteve ERASMUS+, po ashtu edhe stafin akademik të cilët e kanë një javë që shkojnë dhe mbajnë ligjërata në këto institucione. E njëjta vlen edhe për Kolegjin AAB. Studentët dhe stafi i atyre institucioneve po ashtu vijnë si shkëmbim te ne”, tregoi Llunji.

    Ajo thotë se në këtë javë, për temë e kanë bashkëpunimin, kulturat pastaj zhvillimin si dhe thellimin e marrëdhënieve të Kolegjit AAB me këto institucione ndërkombëtare.

    “Kjo është një lloj marrëveshjeje dypalëshe që kemi me institucione të ndryshme e që normalisht na i hapin dyert për t’u marrë me aktivitete të llojllojshme. Këtë javë e kemi temë bashkëpunimin, kulturat pastaj zhvillimin ose thellimin e këtyre marrëdhënieve që kemi mes veti dhe po ashtu, zhvillimin e shumë projekteve të cilat vazhdimisht janë aty, thirrje të ndryshme që bëhen, e që normalisht na zhvillojnë edhe më shumë edhe ne si institucion, edhe stafin akademik, po ashtu edhe studentët të cilët i kemi pjesë të kolegjit”, tha Llunji. /atvlive.tv

    Emisionin e plotë e gjeni në videon më poshtë:

  • Ditari i një gazetari shqiptar në Beograd

    Ditari i një gazetari shqiptar në Beograd

    Më shumë se pesë dekada u njoh si gazetar dhe publicist. Me prejardhje nga Opoja e Komunës së Prizrenit, Fahri Musliu, që fillimisht filloi punën si gazetar në vendin e tij, në moshë të re, përcaktoi fatin e tij, duke u nisur për në Beograd për të studiuar gazetarinë dhe shkencat politike.

    Në një bisedë për rubrikën “Një libër për ty”, në emisionin e mëngjesit ALARM në ATV, gazetari Musliu tregoi se cilat rrethana e çuan atë të shkojë për studime në Beograd për t’u bërë më pas gazetar. Profesion ky që e përcolli deri në pensionim.

    “Pas shkollës së mesme kam punuar si mësues disa vite dhe në vitin 1971, në vjeshtë prapë pash shërbimit ushtarak vazhdova të punojë si mësues me gjimnaz, dhe konkurrova për një vend të punës si ofiqar i zyrës së vendit në fshat, mirëpo me që isha atëherë në një përplasje politike me strukturat komunale, ata e anuluan konkursin edhe pse unë i plotësoja kushtet, nuk donin të më pranojnë dhe kjo ndodhi dy herë. Atëherë nuk lejova veten që në herën e tretë të ndodh e njëjta gjë dhe vendosa ta braktis fshatin, vendlindjen, ta lë në shtëpi nënë, bashkëshorten dhe vajzën 6-mujore dhe shkova në studime në Beograd”, tha Musliu.

    Gjatë kohës në Beograd, Fahri Musliu ishte korrespodent i rregullt përmes raportimit për mediave të mëdha shqiptare.

    “Kisha qëllim që pas 4 apo 5 viteve kur ta kryej fakultetin të kthehem në komunë e të vazhdoj punën. Mirëpo, atje vazhdova të punoja e krahas studimeve, vazhdova të merrem me gazetari prapë duke shkruar për Rilindjen, sidomos për kulturë, për sport dhe studimet u prolonguan pak sepse merresha me veprimtari të tjera siç ishte lexime të ndryshme, ndërkohë regjistrova edhe albanologjinë për me i pltësu pak më tepër njohuritë e mia dhe në vitin 1976 konkurrova në Rilindje si korrespondent i rregullt nga Beogradi. Punova për Zërin e Amerikës nga viti 1993 deri 2015, kur fillova të punoj për Radio Televizionin e Kosovës dhe ndërkohë derisa punoja për RTK-në, punova edhe 4 vjet paralelisht edhe për BBC-në”, tregon Musliu.

    Ai thotë se edhe pas pensionimit ka vazhduar me shkrime, jo për mediat e Kosovës por për disa media të tjera jashtë.

    Si gazetar, Musliu është karakterizuar me elementet e guximit dhe këmbënguljes duke luftuar për të drejtat e tij gjatë praktikimit për të drejtat e punës.

    Fahri Musliu ka publikuar edhe një libër, i cili titullohet “Ditari i gazetarit shqiptar në Beograd”, në të cilin ka përmbledhur punën e tij gjatë periudhës Janar-Qershor të vitit 1999. /atvlive.tv

    Emisionin e plotë e gjeni në videon më poshtë:

  • Kjo është xhamia më e madhe në Berat, dhe dallohet për këtë veti!

    Kjo është xhamia më e madhe në Berat, dhe dallohet për këtë veti!

    Emisioni “Rrugës për…” në ATV me autor Lindrit Zogaj, këtë javë qëndroi në qytetin e Beratit. Atje, Lendriti u mirëprit nga banorët vendës, të cilët e njohën atë më shumë me specifikat kulturore që ka qyteti i Beratit.

    Gjatë kësaj vizite, Lendrit vizitoi edhe Xhaminë Sulltan Bajaziti II, ose ndryshe siç njihet “Xhamia Mbret”, e cila është xhamia më e madhe në qytetin e Beratit, e shpallur monument kulture që në vitin 1948.

    Xhamia është pjesë e kompleksit të Qendrës Islamike dhe është ndërtuar nga Sulltan Bajaziti II në fund të shekullit të XV.

    Për të mësuar më shumë për historinë si dhe arkitekturën e kësaj xhamie, ndiqeni në videon e më poshtme shpjegimin e përgjegjësi i Muzeut Etnografik në Berat.

    Emisionin e plotë e gjeni në videon më poshtë: