“Bistro X21, kafeneja ku do të punojnë persona me nevoja të veçanta

Përgatiti: Kastriot Tahiri

Po e përgatit kafenë e parë.

Por, këtë punë Qëndresa do ta bëjë edhe ditëve në vazhdim, në kafenenë e cila u hap në qendrën e Down Syndrome Kosova në Mitrovicë.

“Unë jam shankiste këtu, do të përgatis kafe. Jam shumë e lumtur”, tha Qëndresa Sylejmani, anëtare në DSK në Mitrovicë.

Bashkë me Qëndresën do të punojë edhe shoku i saj me down syndrom, Gentrit Ahmeti.

“Unë do të punoj si kamerier. Kam me shërbye pije, ushqim…”, tha Gentrit Ahmeti, anëtar në DSK në Mitrovicë.

Hapja e lokalit dhe punësimi i personave me Down Syndrom po vlerësohet pozitive për këtë kategori të shoqërisë.

“Kjo do t’iu shërbejë atyre për t’u pavarësuar….”, tha kryetarja e DSK-së, Sebahate Hajdini.

Qendra down syndrom Kosova në Mitrovicë, numëron rreth 100 anëtarë.