ATV

Author: Samir Dalipi

  • “Kthehu, djali po qan për ty” – kënga e dhimbshme që flet për braktisjen e fëmijës nga nëna

    “Kthehu, djali po qan për ty” – kënga e dhimbshme që flet për braktisjen e fëmijës nga nëna

    Suad Mehmeti në emisionin “LIBERO” ka ndarë historinë e dhimbshme që qëndron pas këngës së tij të njohur “Po të pret”, një krijim i realizuar në vitin 1999 dhe i bazuar në një ngjarje të vërtetë familjare.

    Ai kujtoi momentet kur nipi i tij ishte vetëm dy muajsh dhe po rritej pa përkujdesjen e nënës. Ishte pikërisht kjo situatë që e frymëzoi të shkruante tekstin e këngës, duke shprehur dhimbjen dhe boshllëkun që lë mungesa e një prindi në jetën e një fëmije.

    “…Atë e kam bërë kur nipi im kishte 2 muaj dhe nëna ime e lante dhe mendoja si mundet dikush me e lanë një fëmijë…”, u shpreh Mehmeti.

    Ai tregoi se përmes vargjeve ka dashur të përcjellë një mesazh të fortë për përgjegjësinë prindërore, sidomos në raste divorci.

    Mesazhi më prekës i këngës vjen përmes thirrjes së drejtpërdrejtë: “Është koha që të kthehesh, se edhe djali po na qan, po lyp nënë se nëna i duhet, se fëmija kërkon nënë, po të pret, po të pret ai ty”. Këto fjalë, sipas tij, pasqyrojnë nevojën jetike të një fëmije për dashurinë dhe praninë e nënës.

  • “Bota u rrëzua, as dushmanit s’ia dëshiroj” – Valton Krasniqi rrëfen përjetimin e rëndë pas ndarjes së prindërve

    “Bota u rrëzua, as dushmanit s’ia dëshiroj” – Valton Krasniqi rrëfen përjetimin e rëndë pas ndarjes së prindërve

    Këngëtari Valton Krasniqi, në emisionin “LIBERO” ka ndarë për publikun përjetimin e tij të vështirë pas ndarjes së prindërve në moshën 9-vjeçare.

    “Kur janë ndarë prindërit për mu bota është rrëzu komplet”, u shpreh ai, duke kujtuar ndjenjën e humbjes dhe pasigurisë që e ka shoqëruar në atë periudhë. Ai tregoi se, ndonëse ishte i vogël, kuptonte shumë nga ajo që po ndodhte rreth tij.

    Sipas tij, ndarja e prindërve në atë kohë ishte një përvojë shumë më e rëndë sesa perceptohet sot.

    “…Në atë kohë ka qenë diçka shumë e vështirë, sot është si mirëmëngjesi…”, theksoi ai, duke nënvizuar ndryshimin e mentalitetit ndër vite.

    Një nga momentet më të dhimbshme për të ishte ndarja fizike nga babai, pasi ai dhe nëna e tij u zhvendosën në diasporë. Krasniqi e përshkroi ndjenjën e zbrazëtisë dhe konfuzionit që e përjetonte:

    “…Kur e përqafsha nanën time mu doke gjithçka bosh sepse nuk e disha ku e kam vendin, te baba apo te nana…”

    Valtoni pranoi se e ka vuajtur shumë mungesën e babait, duke e cilësuar këtë përvojë si diçka që nuk do t’ia dëshironte askujt. Megjithatë, me kalimin e kohës, ai mori vendimin të qëndrojë me nënën, duke besuar se fëmija i përket asaj.

    Rrëfimi i tij është një kujtesë për ndikimin emocional që ndarjet familjare mund të kenë te fëmijët dhe rëndësinë e mbështetjes së tyre në momente të tilla të vështira.

    Linku i videos në Facebook!

  • Këngëtari 2 Namit flet për hitin “Oj Hanë”, habit me deklaratën: “Komunikoj me Hënën”

    Këngëtari 2 Namit flet për hitin “Oj Hanë”, habit me deklaratën: “Komunikoj me Hënën”

    Këngëtari 2 Namit në emisionin “LIBERO” ka folur rreth këngës së tij të suksesshme “Oj hanë”, duke zbuluar frymëzimin e thellë emocional që fshihet pas saj.

    Ai tregoi se që në momentin e krijimit, e kishte ndjerë se kënga do të bëhej virale. “E kam pasë ndjesinë se ka me shku viral kjo këngë prej momentit që e kam punu, e kam ditë…”, u shpreh 2 Namit.

    Por ajo që ka tërhequr më shumë vëmendje është mënyra unike se si ai përballet me emocionet dhe zhgënjimet në dashuri.

    “…E kam vendos mos me fol me askënd, po me i fol hënës,” thotë 2 Namit. Ai beson se hëna ruan sekretet dhe madje mund të përcjellë ndjenjat e tij te personi i munguar: “…Hëna do t’i ruaj sekretet dhe ndoshta do ia përcjell asaj kontaktin, sepse ne nuk kemi kontakt dhe Hëna e përçon mungesën…”, theksoi ai.

  • “Po e vrisni muzikën tonë” – Agim Poshka me letër të fortë publike kundër tallavasë, kritika të ashpra për kolegët

    “Po e vrisni muzikën tonë” – Agim Poshka me letër të fortë publike kundër tallavasë, kritika të ashpra për kolegët

    Këngëtari Agim Poshka në emisionin “LIBERO” shkroi një letër publike të pazakontë, të cilën e lexoi në rubrikën “Letër vetes”, por që në fakt ia drejtoi kolegëve të tij në industrinë muzikore.

    Në një mesazh të drejtpërdrejtë, Poshka ngriti shqetësimin për degradimin e muzikës shqiptare, duke e cilësuar fenomenin e tallavasë si një “virus” që po dëmton kulturën dhe estetikën muzikore.

    Ai kritikon ashpër muzikantët që, sipas tij, justifikohen me kërkesën e publikut. “Mos u fshihni pas fjalëve se ‘populli këtë kërkon’. Shija e publikut është pasqyra e asaj që ne prodhojmë”, thekson Poshka, duke e kthyer vëmendjen nga konsumatori te vetë krijuesit.

    Poshka shkon edhe më tej, duke ngritur pyetje të forta për brezin aktual të artistëve: “A doni të mbaheni mend si brezi që e këputi zinxhirin mijëvjeçar të traditës vetëm për pak para më shumë?”

    Në fund të letrës, Poshka bën thirrje për rikthim te rrënjët dhe ruajtje të identitetit kulturor…

    Letra e tij, ishte e shoqëruar në fund me hashtagun #AntiTallava!

    Për ta dëgjuar intervistën e plotë të Agim Poshkës, klikoni linkun e mëposhtëm:

  • “Si me bo aksident edhe mi thy 40 eshna”, Lena Kryeziu tregon se çka përjeton një aktor para shfaqjes

    “Si me bo aksident edhe mi thy 40 eshna”, Lena Kryeziu tregon se çka përjeton një aktor para shfaqjes

    Aktorja Lena Kryeziu Bokshi në emisionin “LIBERO” ka ndarë një rrëfim mbi emocionet intensive që përjeton një aktor para daljes në skenë, duke i përshkruar ato si ndër përvojat më të forta që mund të ndiejë një njeri.

    Ajo theksoi se emocionet e premierës janë të papërshkrueshme dhe shpeshherë aktori e kalon gjithë shfaqjen pa qenë plotësisht i vetëdijshëm për çdo moment.

    “…Emocionet e premierës janë të papërshkrueshme. Shpesh ndodh që e kapërcen komplet shfaqjen pavetëdije, sepse punon nënvetëdija si aktor dhe vetëm në fund e kupton që gjithçka ka përfunduar…”, u shpreh ajo.

    Sipas Kryeziut, para se të dalë në skenë, aktorët përjetojnë një përzierje emocionesh të forta, nga adrenalina te frika dhe ankthi.

    “…Para shfaqjes ke një lloj adrenaline dhe tremë të jashtëzakonshme. Janë shumë emocione të përziera. Kam lexuar diku se është si me bë një aksident dhe me i thy 40 eshna përnjëherë – dhe vërtet ashtu ndihet…”, tha aktorja.

    Megjithatë, ajo shton se pavarësisht intensitetit të këtyre ndjesive, përvoja mbetet unike dhe e pazëvendësueshme.

    “…Janë emocione shumë të forta, por s’ka më bukur. Është një gjendje surreale…”, përfundoi ajo.

    Për ta dëgjuar intervistën e plotë të Lena Kryeziu Bokshit, klikoni linkun e mëposhtëm:

  • Sogojeva: Turizmi në rritje me 9.6%, kriza politike po dëmton bizneset

    Sogojeva: Turizmi në rritje me 9.6%, kriza politike po dëmton bizneset

    Kryetari i Odës së Hotelerisë dhe Turizmit të Kosovës (OHTK), Hysen Sogojeva, ka bërë të ditur se sektori i turizmit në vend ka shënuar rritje, pavarësisht zhvillimeve globale dhe sfidave të brendshme, ndërsa ka kërkuar formimin sa më të shpejtë të institucioneve për të mos dëmtuar bizneset.

    Sogojeva në një intervistë për Ekonomia Online tha se të dhënat e tremujorit të parë tregojnë një trend pozitiv.

    “E përmenda atje luftën në Iran e pastaj pjesë të tjera, e sidomos dhe kjo pjesa jonë e cila ka nganjëherë po ka një destabilizim të themi. Megjithatë, megjithatë është një lajm i mirë se në tremujorin e parë, do të thotë të këtij viti, prapë e kemi një rritje diku prej 9.6% (të turistëve) e sidomos muaji shkurt nëse e krahasojmë me muajin e kaluar. Edhe pse 2025-a llogaritet jo vetëm për Kosovë po për në botë llogaritet si numrin më të madh të turistëve që e kemi pasë, qarkullimin turistik në botë në 2025. Do të thotë e ka mbërri atë, atë shkallën më të lartë, do të thotë që e ka parashikuar se kjo parashikimi ka qenë deri në 2030-ën me qenë 1 miliard e 600 milionë. 1 miliard e 500, afërsisht 1 miliard e 600 milionë qarkullimi botëror është rritë qysh tani. Do të thotë dhe 2025-a është me shkallën më të lartë. Edhe në Kosovë, do të thotë përkundër krejt këtyre lëvizjeve, mos të themi ashtu negative, megjithatë e kemi një rritje. Është një lajm i mirë për Kosovën”, tha ai.

    Sogojeva theksoi se zhvillimi i sektorit privat ka ndikuar në përmirësimin e ofertës turistike.

    “Duke ju falënderuar sektorit privat, sot kemi një akomodim më të rehatshëm, do të thotë kemi kapacitetet turistike më të zhvilluara në krahasim me vitet e kaluara dhe kjo mundëson, përveç rekreacioneve, do të thotë turistike që i kemi, natyrore, kulturore edhe historike, megjithatë akomodimi edhe kjo pjesa rekreative e bizneseve hoteliere e bën të veten që të kemi kemi sa më shumë të interesuar për këtë pjesë. Në anën tjetër, Kosova e dini që ende është e paeksploruar, megjithatë ai 800 milionëshi i banorëve në Evropë, një përqindje veç ashtu vjen nga ana jonë, për shkak se jemi ende të paeksploruar”, tha ai.

    Ai kritikoi zvarritjen e çështjes së zgjedhjes së presidentit/es dhe mundësinë e shkuarjes përsëri në zgjedhje, duke e konsideruar të dëmshme për bizneset.

    “Kjo është për keqardhje sepse për të gjitha bizneset në përgjithësi në Kosovë, por edhe bizneset hoteliere dhe turistike, sa më vonë që t’i kemi ndërtimin e institucioneve, aq më keq është për bizneset. Sa më herët që ato ndërtohen edhe fillojnë me punuar, fillojnë me kryer aktivitetet e veta për të mirën e këtyre bizneseve, do të thotë është më e mirë edhe për bizneset. Është për keqardhje kjo, prandaj edhe ne si odë bëjmë apel që kjo punë të shtyhet, të ecet edhe të bëhet një zgjidhje që sa më parë të kemi institucione, pavarësisht a do të shkohet në zgjedhje apo nuk shkohet në zgjedhje, do të thotë me pasë institucione të mirëfillta edhe me pasë po ashtu një ministri e cila kishte me i rregulluar çështjet e turizmit në përgjithësi”, tha ai.

    Sipas të dhënave të Agjencisë së Statistikave të Kosovës, muaji shkurt ka shënuar rritje të aktivitetit në sektorin e hotelerisë. Në total janë regjistruar 56,644 vizitorë, krahasuar me 51,795 në shkurtin e vitit 2025, që përfaqëson një rritje prej 9.4%.

    Nga këta, 24,416 ishin vizitorë vendorë, ndërsa 32,228 të huaj, duke reflektuar rritje të interesit edhe nga jashtë. Numri i net-qëndrimeve ka arritur në 112,367, ku 60,513 i përkasin vizitorëve të huaj dhe 51,854 atyre vendorë.

    Rritje e ndjeshme është shënuar te vizitorët nga Gjermania me 3,175 turistë (+26.5%) dhe 6,851 net-qëndrime (+43.0%), si dhe nga Zvicra me 2,300 vizitorë (+7.3%). Ndërsa Shqipëria mbetet burimi kryesor i turistëve me 10,820 vizitorë, pavarësisht rënies prej 10.2%.

    Në anën tjetër, Turqia ka shënuar rënie të vizitorëve dhe net-qëndrimeve.

    Të dhënat tregojnë se përveç rritjes së numrit të vizitorëve, turistët e huaj po qëndrojnë më gjatë në Kosovë, duke ndikuar pozitivisht në zhvillimin e sektorit të turizmit dhe hotelerisë.

    Ndërkohë, Turqia ka shënuar një rënie, me 2,637 vizitorë (-21.4%) dhe 4,177 net-qëndrime (-5.7%), duke treguar një zbehje të lehtë të fluksit nga ky treg.

    Një rritje e ndjeshme vihet re edhe te grupi i shteteve të tjera, ku numri i vizitorëve ka arritur në 13,296 (+15.6%), ndërsa net-qëndrimet janë rritur në 30,117 (+27.9%).

  • Vdekja e 59-vjeçarit në vendin e punës në Ferizaj, ndalohet për 48 orë një i dyshuar

    Vdekja e 59-vjeçarit në vendin e punës në Ferizaj, ndalohet për 48 orë një i dyshuar

    Një person është ndaluar nga Prokuroria Themelore në Ferizaj, në lidhje me rastin tragjik ku një 59-vjeçar humbi jetën pasi ra nga një objekt në ndërtim në Ferizaj.

    Sipas njoftimit zyrtar, me vendim të Prokurorit të Shtetit, i dyshuari me iniciale N.E. është ndaluar për 48 orë, nën dyshimin për kryerjen e veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”, sipas Kodit Penal të Republikës së Kosovës.

    Rasti ka ndodhur në rrugën “Remzi Hoxha”, ku viktima dyshohet se ka rënë nga kati i gjashtë i një objekti në ndërtim, ndërsa ekipet emergjente, pas daljes në vendin e ngjarjes, kanë konstatuar vdekjen e tij.

    “Me vendim të Prokurorit të Shtetit, është ndaluar një (1) person i dyshuar me iniciale N.E., në kohëzgjatje prej 48-orësh, për shkak të dyshimit për veprën penale ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’”, thuhet në njoftimin e Prokurorisë.

    Prokurori i shtetit ka udhëzuar Policia e Kosovës dhe Inspektoratin e Punës për ndërmarrjen e veprimeve hetimore, me qëllim të zbardhjes së plotë të rrethanave të rastit.

    Ndërkohë, me urdhër të prokurorit, trupi i pajetë i viktimës është dërguar për obduksion në Instituti i Mjekësisë Ligjore në Prishtinë.

    Autoritetet kanë bërë të ditur se brenda afateve ligjore do të ndërmerren veprimet e mëtejme ndaj të dyshuarit.

  • Komuna e Prishtinës ndëshkon “Ujësjellësin”, Rama: Ndërhyrjet e paautorizuara lanë në gjendje të pasigurt rrugët

    Komuna e Prishtinës ndëshkon “Ujësjellësin”, Rama: Ndërhyrjet e paautorizuara lanë në gjendje të pasigurt rrugët

    Kryetari i Prishtinës, Përparim Rama ka bërë të ditur se Komuna e Prishtinës ka ndërmarrë masa ndëshkuese ndaj “Ujësjellësit” për shkak të ndërhyrjeve të paautorizuara në infrastrukturën rrugore.

    Sipas Ramës, këto ndërhyrje kanë rezultuar me lënien e rrugëve në gjendje të mjerueshme dhe të pasigurt për qytetarët.

    Ai përmes një postimi në Facebook ka shkruar se sipas procedurave në fuqi, çdo intervenim duhet të lajmërohet paraprakisht në komunë, në mënyrë që të
    sigurohet zona e punimeve dhe të bëhet sanimi i menjëhershëm i asfaltit dhe trotuareve pas përfundimit të tyre.

    “Megjithëse ujësjellësi është paralajmëruar disa herë për respektimin e këtyre procedurave, praktika ka vazhduar, duke detyruar Inspeksionin e Komunës të shqiptojë gjoba në dy raste të ndara”, ka shkruar ai.

  • “S’ka Hoxhë që s’kam marrë mësime prej tij” – Eman Rrahmani rrëfen rrënjët e besimit dhe edukatës fetare, e falënderon nënën

    “S’ka Hoxhë që s’kam marrë mësime prej tij” – Eman Rrahmani rrëfen rrënjët e besimit dhe edukatës fetare, e falënderon nënën

    Deputeti Eman Rrahmani ka folur hapur për përkushtimin e tij ndaj fesë dhe ndikimin vendimtar që ka pasur familja në formimin e tij shpirtëror. Në emisionin “LIBERO”, ai theksoi se bazat e edukatës fetare i ka marrë që në fëmijëri, falë nënës së tij.

    “S’ka hoxhë prej të cilit s’kam marrë mësime,” u shpreh Rrahmani, duke nënvizuar se rrugëtimi i tij fetar është ndërtuar si nga mësimet e dijetarëve fetarë, ashtu edhe nga edukimi i hershëm familjar.

    Ai veçoi rolin e nënës si thelbësor në këtë proces, duke thënë: “Unë edukatën fetare, mësimet fetare dhe gjithçka që kam, e kam pikërisht prej nanës. Mua si fëmijë më ka eduku në frymë fetare – çka është e lejueshme dhe çka nuk është, çka është e dashur për Zotin, për nanën, për prindin, për secilin.”

    Rrahmani shtoi se nga kjo edukatë ka mësuar parimet bazë të drejtësisë dhe të së mirës, duke e konsideruar këtë trashëgimi si themelin e karakterit dhe bindjeve të tij.

    Për ta dëgjuar intervistën e plotë të Eman Rrahmanit, klikoni linkun e mëposhtëm:

  • “Nga një foto për dokumente te 300 selfie në WC” – Gani Ibërdemaj flet për fotografinë moderne

    “Nga një foto për dokumente te 300 selfie në WC” – Gani Ibërdemaj flet për fotografinë moderne

    Fotografi Gani Ibërdemaj në emisionin “LIBERO” ka ndarë një reflektim mbi transformimin drastik të artit të fotografisë ndër vite, duke krahasuar disiplinën e dikurshme me realitetin e sotëm digjital.

    Ai kujtoi se në të kaluarën çdo fotografi kishte peshë dhe kosto:
    “…Na, për dokumente, e kemi fotografu dikë vetëm një herë. Vetëm nëse e kemi vërejt që i ka mbyll sytë, e kemi bë edhe një tjetër. Sepse filmi, zhvillimi dhe letra kushtonin…”, u shpreh ai.

    Sipas Ibërdemajt, sot fotografia është bërë e pakufizuar dhe shpesh pa kriter. Ai kritikon fenomenin e fotografimit të tepërt, sidomos me telefona mobilë:
    “…Sot vajzat tona e kanë shndërru çdo WC e banjo hoteli në studio fotografie. Marrin telefonin dhe bëjnë 200-300 fotografi pa harxhu asgjë…”

    Fotografi thekson se dikur suksesi në këtë profesion varej nga njohja e teknikave dhe rregullave bazë, ndërsa sot teknologjia e ka lehtësuar gjithçka, por edhe e ka zbehur vlerën e mjeshtërisë:
    “Atëherë ose ke ditë me fotografu, ose s’ke ditë. Çdo profesion i ka rregullat e veta. Nëse nuk i ke ditë, kot je mundu.”

    Rrrjetet sociale dhe teknologjia a e kanë ndryshuar raportin e njerëzve me fotografinë – nga një art i menduar mirë, në një aktivitet të përditshëm masiv?

    Për ta dëgjuar intervistën e plotë të Gani Ibërdemajt, klikoni linkun e mëposhtëm: