Author: N.T.

Frenkie de Jong është shumë pranë nënshkrimit të një kontrate të re me FC Barcelona.

Në një intervistë ekskluzive për Mundo Deportivo, drejtori sportiv i klubit, Deco, shprehu optimizëm të madh për rinovimin e mesfushorit holandez.

Ai theksoi se De Jong është një lojtar kyç për projektin e Barcelonës dhe se bisedimet për kontratën e re janë duke ecur mirë.

“E shoh Frenkie de Jong shumë pranë nënshkrimit të kontratës së re. E shohim si një lojtar të rëndësishëm për projektin tonë. Jemi në bisedime dhe jam optimist,” tha Deco.

Kontrata aktuale e De Jong me Barcelonën skadon në qershor të vitit 2026. Drejtuesit e klubit, përfshirë presidentin Joan Laporta, kanë shprehur dëshirën për të rinovuar kontratën e tij për të shmangur mundësinë që ai të negociojë si lojtar i lirë nga janari i vitit 2026.

De Jong ka qenë një nga lojtarët më të rëndësishëm për Barcelonën që nga ardhja e tij në vitin 2019, duke kontribuar me paraqitje të shkëlqyera në mesfushë.

Në sezonin aktual, ai ka qenë një nga liderët e skuadrës, duke ndihmuar Barcelonën të synojë tituj të rëndësishëm.

Nëse rinovimi i kontratës realizohet, kjo do të jetë një hap i rëndësishëm për të ardhmen e Barcelonës, duke siguruar vazhdimësinë e një lojtari kyç në mesfushë.

Sipas raportimeve të Marca, Kylian Mbappé mund të pushoj në ndeshjen e ardhshme të Real Madrid ndaj Kairat Almaty në kuadër të Ligës së Kampionëve. Ky vendim vjen pas një periudhe intensive të ndeshjeve dhe përpjekjes për të menaxhuar lodhjen e lojtarëve kyç.

Mbappé, i cili ka qenë një nga lojtarët më të rëndësishëm për Real Madrid këtë sezon, mund të marrë një pushim për të ruajtur energjinë dhe për të qenë në formë optimale për ndeshjet më të rëndësishme që priten. Ky vendim është pjesë e strategjisë së trajnerit për të menaxhuar ngarkesën e lojtarëve dhe për të siguruar performancën maksimale gjatë gjithë sezonit.

Nëse ky vendim konfirmohet, do të jetë një mundësi për lojtarë të tjerë të Real Madrid të tregojnë aftësitë e tyre dhe të kontribuojnë në suksesin e ekipit në Ligën e Kampionëve.

Mesfushori i ri turk i Real Madrid, Arda Güler, është shpallur Lojtari i Muajit U-23 në La Liga për shtator 2025. Ky është nderi i dytë që 19-vjeçari fiton në këtë kategori, pas shpalljes së tij më parë në dhjetor 2024.

Güler ka pasur një fillim të shkëlqyer të sezonit, duke kontribuar me gola dhe asistime të rëndësishme për ekipin e tij, duke ndihmuar Real Madridin të shfaqë një start të fortë nën drejtimin e trajnerit Xabi Alonso. Performancat e tij kanë bindur ekspertët dhe tifozët se ai është një nga talentet më premtues të futbollit europian.

Ky nder i ri tregon përkushtimin dhe zhvillimin e vazhdueshëm të Güler si një nga yjet më të ndritshëm të futbollit botëror.

Numërimi mbrapsht ka nisur. NBA do të filloj sezonin e rregullt më 21 tetor, ndërsa deri atëherë tifozët kanë marrë një shijim të magjisë dhe spektaklit që si gjithmonë pritet të dhurojë kampionati më i fortë dhe më I bukur i basketbollit.

Të gjitha skuadrat e NBA bënë prezantimin e tyre në atë që quhet si “dita e medias”, një traditë e përvitshme përpara çdo edicioni të ri. Yjet e basketbollit amerikan zhvilluan setet e fotove zyrtare, ndërsa më pas dolën përpara mediave për të zbuluar pritshmëritë në vigjilje të sezonit.

Sipas parashikimeve, gara për titullin kampion në edicionin 2025/2026 do të jetë shumë e fortë, ndërsa Oklahoma City Thunder konsiderohet edhe një herë favorite.

Edhe një herë prozhektorët do të jenë të drejtuar nga LeBron James.

Legjenda e NBA do të luajë sezonin e tij të 23, por që me shumë mundësi do të jetë shansi I fundit për të fituar një tjetër titull kampion.

Gjithsesi, “King LeBron” do të ketë mundësi të thellojë rekordet e vendosura në karrierën e tij spektakolare.

Për këtë do të ketë ndihmën e Luka Donçiç, të kthyer në formë siç tregoi edhe në kampionatin europian të pak javëve më parë.

Por dyshja e yjeve të Lakers është poshtë në klasifikimin e pretendentëve. Lista kryesohet nga Thunder, ndërsa Cleveland, Denver, Neë York Knicks dhe Houston plotësojnë pesëshen e skuadrave të para që nisen si favorite në sezonin e ri të NBA.

Lojtarët e Liverpoolit patën një përvojë të pakëndshme në Stamboll përpara ndeshjes së sotme në Ligën e Kampionëve kundër Galatasarayt, e cila është planifikuar të zhvillohet në orën 21:00.

Tifozët e gjigantëve turq ndezën fishekzjarrë në mes të natës përpara hotelit ku po qëndron skuadra e Arne Slot, duke u përpjekur t’i shpërqendrojnë ata nga përgatitja për një ndeshje të rëndësishme.

Pamjet e filmuara rreth orës 2:00 të mëngjesit u shfaqën në mediat sociale, duke treguar fishekzjarrë që përshkonin qiellin mbi hotel dhe zhurmën shurdhuese të shpërthimeve. Qëllimi ishte i qartë, të prishte gjumin dhe pushimin e lojtarëve të Liverpoolit.

Kjo “pritje e zjarrtë” është vetëm një parapamje e asaj që e pret ekipin anglez sonte në stadiumin e mbushur plot “Rams Park”, ku Galatasaray tradicionalisht gëzon mbështetjen e madhe të tifozëve të tyre vendas.

Stambolli njihet në të gjithë botën për audiencën e tij të apasionuar pas futbollit, dhe atmosfera në derbit e gjigantëve turq Galatasaray, Fenerbahce dhe Besiktas konsiderohet si një nga më të zjarrtat në botën e futbollit.

Ndeshja e sotme mbart rreziqe të mëdha për të dyja ekipet, dhe do të jetë interesante të shihet nëse kjo “taktikë” nga tifozët vendas do të ketë ndonjë efekt në fushë.

Fundjava e fundit në kampionatet elitare evropiane ka qenë mjaft e suksesshme për futbollistët shqiptarë, të cilët kanë spikatur me gola, asistime dhe paraqitje të shkëlqyera.

Granit Xhaka ishte ndër më të dalluarit, duke dhuruar një asistim vendimtar në fitoren e Sunderlandit 0-1 në udhëtim ndaj Nottingham Forest. Performanca e tij e shkëlqyer e futi mesfushorin shqiptar në formacionin e javës në Premier League sipas SofaScore.

Edhe Medon Berisha bëri një paraqitje të jashtëzakonshme në Serie A, duke dhuruar një asistim të rëndësishëm që i shpëtoi Leccen nga humbja ndaj Bolognës (2-2). Si Xhaka, edhe ai u përfshi në formacionin e javës në kampionatin italian.

Nga Kroacia vjen një tjetër lajm i mirë: Arbër Hoxha shkëlqeu me Dinamo Zagrebin, ku shënoi një gol dhe dhuroi një asistim në fitoren 4-1 ndaj ish-skuadrës së tij, Slaven Belupo. Falë paraqitjes së tij, Hoxha u përfshi në formacionin më të mirë të javës në Kroaci.

Këto arritje dëshmojnë edhe një herë se futbollistët shqiptarë po bëhen gjithnjë e më shumë protagonistë në ligat më të forta të Evropës.

Edon Zhegrova ende nuk ka startuar nga minuta e parë me Juventusin, por ylli kosovar ka arritur të fitojë vëmendjen me paraqitjet e tij të para.

Ish-futbollisti i njohur i “Bianconerëve”, Alessio Tacchinardi, ka folur me superlativa për mesfushorin ofensiv, duke theksuar se ndër përforcimet e verës, ai pret më shumë pikërisht nga Zhegrova.
“Zhegrova ka treguar se mund të ndryshojë ekuilibrin e ndeshjes sapo të jetë në formë të plotë. Ai do të jetë një aset i rëndësishëm për trajnerin Igor Tudor. Për të fituar kampionate, ju duhen lojtarë të tillë,” ka deklaruar Tacchinardi për Tuttomercatoweb.

Duke e krahasuar me legjendat e futbollit, ish-mesfushori shtoi:
“Modrić është një lojtar i madh, por edhe Zhegrova mund të bëhet i tillë. Në kohën time kishim lojtarë punëtorë si unë, Gattuso e Ambrosini, por ndeshjet fitoheshin nga yje si Zidane dhe Del Piero. Sot nuk kemi më ata emra, por Juventusi ka talente si Yildiz, që po rritet shumë.”

Me kreativitetin, teknikën dhe instinktin e tij sulmues, Zhegrova shihet si një armë e fortë për Juventusin. Tifozët e “Zonjës së Vjetër” shpresojnë që Tudor t’i japë më shumë hapësira për të treguar potencialin e tij, ashtu siç bëri edhe gjatë kohës te Lille.

Babai i yllit të Barcelonës, Lamine Yamal, Mounir Nasraoui, është rikthyer në qendër të vëmendjes pas një paraqitjeje të fundit në rrjetet sociale.

Gjatë një Instagram Live, ku shihej duke gatuar, Nasraoui iu përgjigj me humor kritikëve që shpesh e vënë në dyshim stilin e tij të jetesës.

Ai deklaroi hapur se nuk ka ndërmend të punojë më, duke thënë me ironi:
“Faleminderit, bir, do të jetoj prej teje.”

Nasraoui më vonë shpjegoi se komentet e tij për Topin e Artë, ku theksoi se Yamal është “më i miri në botë”, ishin keqinterpretuar, duke shtuar se gjithçka kishte thënë ishte thjesht shprehje krenarie për të birin.
“Ka shumë njerëz që flasin. Pse nuk shkon në punë? Jeton me paratë e birit tënd… Po, zotërinj, faleminderit bir. Do të jem gjithmonë mirënjohës,” u shpreh ai duke sfiduar publikisht kritikët.

Kjo nuk është hera e parë që babai i Yamal bëhet pjesë e lajmeve. Në ceremoninë e Topit të Artë në Paris, ai tërhoqi vëmendje me britmat e tij të zjarrta në mbështetje të djalit, duke theksuar se “viti i ardhshëm do të jetë i yni”.

Në një tjetër transmetim, tifozët vunë re edhe një manekin të veshur me fanellën e Barcelonës në shtëpinë e tij, detaj që tregon lidhjen e fortë emocionale të familjes Nasraoui me Yamalin dhe klubin katalanas.

Skuadra e volejbollit Drita është gjobitur me 250 euro nga Federata e Volejbollit të Kosovës për shkak të aktivizimit të një lojtareje të huaj pa të drejtë loje.

Ndeshja e zhvilluar ndaj Fer Volley, e fituar në fushë nga ferizajaset me rezultat 3:1, është regjistruar zyrtarisht me shifrat 3:0 në tavolinë në favor të Fer Volley.

Sipas rregullores ndërkombëtare të FIVB, klubi që aktivizon një lojtare të huaj pa përfunduar procedurën e Certifikatës Ndërkombëtare të Transferimit (ITC) duhet të gjobitet deri në 30 mijë euro. Por në këtë rast, Komesari i Garave, Fadil Lumi, vendosi një gjobë shumë më të ulët – vetëm 250 euro.

Nga Fer Volley kanë paralajmëruar se do të ankohen edhe në Federatën Ndërkombëtare të Volejbollit (FIVB), duke theksuar se rregullorja nuk është respektuar siç duhet.

“Pavarësisht vërejtjeve të delegatit se lojtarja nuk kishte të drejtë loje, Drita vendosi ta aktivizonte. Pas ankesës sonë dhe raportit të delegatit, FVK mori vendim që ndeshja të regjistrohet 0:3 në favorin tonë”, thuhet në reagimin e klubit nga Ferizaj.

Ylli francez i basketbollit, Victor Wembanyama, vazhdon të befasojë botën sportive me zhvillimin e tij fizik.

Në konferencën për shtyp të organizuar nga San Antonio Spurs para fillimit të sezonit të ri në NBA, u konfirmua se 21-vjeçari ka arritur lartësinë prej 2.23.5 metrash, rreth 2.5 centimetra më shumë se vitin e kaluar.

Sezoni i kaluar për të u shoqërua me disa probleme fizike, por Spurs kishin paralajmëruar se trupi i tij ishte ende në zhvillim. Tashmë, dëmtimi i shpatullës i përket së kaluarës dhe Wembanyama është gati për sezonin e ri.

“Kam punuar shumë me trupin tim. Nuk ka më vend për përparim fizikisht, sepse mendoj se kam arritur maksimumin. Tani është koha të luaj basketboll,” u shpreh gjiganti francez.

Para lëndimit, ai zhvilloi 46 ndeshje, duke regjistruar mesatarisht 24.3 pikë, 11 kërcime dhe 3.8 bllokime për ndeshje, statistika që e renditën mes lojtarëve më dominues të NBA-së.

Në prag të sezonit të ri, pritshmëritë për Wembanyaman dhe Spurs janë jashtëzakonisht të larta, ndërsa tifozët shpresojnë se francezi do të shkëlqejë edhe më shumë.