Author: K.B.

Për shkak të ndërprerjes së shërbimeve të internetit nga Starlink, pushtuesit rusë përballen me një katastrofë – fronti është bllokuar dhe ushtarët e tyre nuk po avancojnë.

Komanda ushtarake po has në probleme ndërsa operacionet sulmuese janë ndalur në shumë zona.

Lëshueset nuk do të jenë më në gjendje të dërgojnë dronët e tyre në Ukrainë.

🤡 After Starlink was switched off, the soldiers of the Russian army are asking for donations to buy equipment

"We've lost communication!" — complain the occupiers.

They claim they have no radio bridges or stations for "offensive operations and repelling enemy attacks." pic.twitter.com/2hTLAvJTkV

— NEXTA (@nexta_tv) February 6, 2026

Forcat e Armatosura të Ukrainës vazhdojnë të përdorin Starlink. Musk shkroi në X se për funksionim të duhur, terminalet duhet të regjistrohen në Ukrainë.

Tani që Musk ka ndërprerë qasjen e ushtrisë ruse tek Starlink-et e paligjshme që përdoreshin më parë për sulme me dronë, disa rusë po kërkojnë që presidenti rus, Vladimir Putin të kërkojë ndihmë nga homologu bjellorus, Alexander Lukashenko.

Bjellorusia pretendon se shkencëtarët e saj kanë zhvilluar një sistem të brendshëm të ngjashëm me Starlink.

Kryeministri në detyrë i Republikës së Kosovës, Albin Kurti, priti të enjten në takim ish-Presidentin e Malit të Zi, Millo Gjukanoviq.

Gjukanoviq i uroi Kryeministrit fitoren në zgjedhje, duke theksuar rëndësinë e proceseve demokratike dhe për mbështetjen e qytetarëve ndaj vizionit qeverisës.

Në njoftim thuhet se u diskutua për zhvillimet aktuale rajonale dhe globale, me fokus në situatën e sigurisë dhe dinamikat që ndikojnë në Ballkanin Perëndimor.

Kryeministri theksoi angazhimin e Qeverisë së Republikës së Kosovës për avancimin e marrëdhënieve të mira fqinjësore, për paqe të qëndrueshme dhe për forcimin e bashkëpunimit rajonal, në funksion të paqes dhe sigurisë dhe perspektivës evropiane të rajonit.

Tutje u tha se Qeveria e re do të vazhdojë ta ketë synim të palëkundur integrimin euro-atlantik dhe prioritet zhvillimin ekonomik, mirëqenien e qytetarëve dhe sigurinë e tyre, pa dallim.

Krimet zgjedhore po vazhdojnë të dalin në pah edhe pas përfundimit të procesit të votimit.

Sinjali mëson se dje është intervistuar dhe më pas ndaluar për 48 orë Lirim Cacaj rreth 27 vjeç, nën dyshimin për veprën penale “Falsifikimi i rezultateve të votimit”.

Rasti lidhet me procesin zgjedhor të zhvilluar më 28.12.2025 në Shkollën Teknike “Tafil Kasumaj” në Deçan.

Pas autorizimit të Prokurorit të Shtetit dhe analizimit të materialit zgjedhor të pranuar nga KQZ-ja, janë identifikuar elemente konkrete të manipulimit gjatë procesit të numërimit të votave, për të cilat dyshohet se është përgjegjës i dyshuari.

Pas intervistimit, Prokurori i Shtetit ka nxjerrë aktvendim për caktimin e masës së ndalimit prej 48 orësh ndaj Cacajt, ndërsa hetimet po vazhdojnë për të sqaruar plotësisht përmasat e ndërhyrjes në procesin zgjedhor dhe për të identifikuar persona të tjerë të mundshëm të përfshirë.

Rasti është duke u trajtuar nga njësitë kompetente dhe priten zhvillime të reja.

Para 27 viteve, më 6 shkurt të vitit 1999 i filloi punimet Konferenca e Rambujesë. Ky takim, i cili u mbajt në afërsi të Parisit të Francës, synoi zgjidhjen e krizës në Kosovë.

Iniciues të konferencës, që zgjati deri më 23 shkurt ishte Grupi i Kontaktit, ndërsa ndërmjetës ishin Christopher Hill nga SHBA-të, Boris Maiorsky, Rusi dhe Wolfgang Petritsch nga BE.

Delegacioni i Kosovës kishte pranuar parimisht propozim-marrëveshjen për zgjidhjen e krizës në Kosovë, të cilën e kishte propozuar Grupi i Kontaktit. Delegacioni serb, sado që parimisht pranoi këtë propozim-marrëveshje, mbrojti qëndrimin që trupave të NATO-s të mos u lejohet kalimi nëpër Serbi dhe forcat ndërkombëtare në Kosovë të jenë në kuadër të Kombeve të Bashkuara.

Edhe rrethi i dytë i bisedime që filloi më 15 mars në Paris përfundoi pa sukses. Delegacioni kosovar dhe ai serb kishin nënshkruar më 18 mars marrëveshje të ndryshme. Delegacioni i Kosovës kishte nënshkruar marrëveshjen e ofruar nga bashkëbiseduesit ndërkombëtarë, ndërkohë që delegacioni serb kishte nënshkruar projektmarrëveshjen politike – marrëveshjen për vetëqeverisjen në Kosovë.

As tentimi i fundit, më 22 mars 1999 i të dërguarit special të SHBA-ve, Richard Holbrooke nuk ishte i suksesshëm. Ai nuk ia doli ta bind presidentin e atëhershëm të RSFJ, Sllobodan Millosheviq që të pranojë marrëveshjen për Kosovën dhe vendosjen e trupave ndërkombëtare

Më 24 mars 1999, NATO filloi bombardimin e trupave ushtarake dhe paramilitare të Serbisë. Bombardimet përfunduan më 6 qershor 1999 me nënshkrimin e Marrëveshjes së Kumanovës që parashihte tërheqjen e trupave jugosllave nga Kosova dhe vendosjen e trupave paqësore ndërkombëtare.

Më pas, Këshilli i Sigurimit i OKB-së miratoi rezolutën 1244 me të cilën u vendos protektorati, prania ndërkombëtare në Kosovës, UNMIK-ut si mision civil dhe KFOR-it, mision ushtarak.

Ndërkaq, më 17 shkurt 2008, Kosova shpalli pavarësinë.

Vitin e kaluar një pjesëtare e FSK-së, fitoi rastin në Gjykatën Themelore të Prishtinës ndaj Ministrisë së Mbrojtjes. Këta të fundit nuk ia kishin paguar orët shtesë, çka e shtyri t’i ndjek rrugët ligjore. Tëvë1 ka siguruar aktgjykimin.

Është aktgjykim i vitit 2025.

Përmes tij, Gjykata Themelore e Prishtinës, i dha të drejtë një pjesëtare të FSK-së ndaj Ministrinë e Mbrojtjes.

Behët fjalë për kompensimin e orëve shtesë, të cilat duhej t’i paguheshin një ushtarakeje.

Fillimisht, sipas aktgjykimit, paditësi përmes eprorit të tij, i është drejtuar me kërkesë Drejtorisë së Burimeve Njerëzore në Ministrinë e Mbrojtjes.

Por, kjo kërkesë i ishte refuzuar.

Kjo shtyri që të drejtën e saj, kjo pjesëtare ta kërkonte përmes rrugëve ligjore.

“E paditura përkundër faktit se ka pranuar kërkesën verbale të paditësi nuk i është përgjigjur në kërkesës e paditësit dhe nuk ka kryer obligim e saj të dalura nga Rregulloja (QRK) me nr 02/2020. Paditësi për punë e kryer tek e paditura kompensohet ne shumë prej 875.19 euro e cila shumë nuk është në përputhje me shumën e cila i takon sipas gradës së paditësit dhe dispozitave nga rregulloja (QRK) nr 02/2020”, thuhet në aktgjykim.

Pas gjithë kësaj, erdhi edhe vendimi i gjykatës.

“Detyrohet e paditura Ministria e Mbrojtjes së Kosovës- Forca e Sigurisë së Kosovës, që paditëses në emër të kompensimit të diferencës në pagë t’iu a paguaj shtesën dhe orët e mbajtura të kujdestarisë, të gjitha këto me kamatë ligjore prej 8% që nga dita e paraqitjes së kësaj padie e deri në pagesën përfundimtare si dhe të kompensoj të gjitha shpenzime e procedurës gjyqësore..”, thuhet tutje në aktgjykim.

E këtë rrugë, së fundmi, e ndoqën edhe një numër tjetër i pjesëtarëve të FSK-së.

Edhe këta, paditën Ministrinë e Mbrojtjes, për mos-kompensimin e orëve shtesë e kujdestarinë, ndonëse një gjë të tillë e parasheh rregullorja për pagat.

E këtë gjendje po e quan shqetësuese, edhe ish-komandanti i FSK-së Kadri Kastrati.

“Paguajnë shtesa për fëmijë që jetojnë jashtë, punojnë jashtë dhe marrin ato shtesa në shtetet ku ata jetojnë, kemi prapë një dukuri shumë negative marrin pensione njerëzit që marrin pensione edhe nga jashtë Kosovës dhe nuk kanë për më iu dhënë pjesëtarëve të vet është me të vërtetë për keqardhje dhe kjo i demotivon ata njerëz dhe kemi dukuri shume negative që në disa vitet e fundit një numër jashtëzakonisht i madh e kanë braktisur ushtrinë pikërisht për nevoja ekonomike”, shprehet ish- komandanti i FSK-së.

Tëvë 1, sërish të enjten ka insistuar për një përgjigje nga Ministria e Mbrojtjes.

Por këta të fundit, nuk kanë kthyer përgjigje.

Anëtarët e Batalionit të parë të të Mekanizuar Tigrat të ushtrisë kroate kanë përfunduar fazën e dytë të trajnimit para-vendosjes për operacionin e mbështetjes së paqes të NATO-s, KFOR, në Kosovë, ku ata do të marrin përsipër detyrat nga anëtarët e kontingjentit të 44-të kroat në maj.

Ministria e Mbrojtjes së Kroacisë ka njoftuar se pjesë e aktiviteteve përgatitore, anëtarët e batalionit kryen së fundmi një nga ciklet kryesore të trajnimit që zgjati 72 orë.

Stërvitja u zhvillua në një ritëm të vazhdueshëm, në kushte dite dhe nate, me qëllim kontrollin dhe rritjen e nivelit të gatishmërisë për zbatimin e operacioneve të stabilizimit në zonën e misionit.

Gjatë stërvitjes, detyrat përfshinin sigurimin e zonave, kryerjen e patrullave, kontrollin e lëvizjeve, trajtimin e popullsisë civile dhe reagimin ndaj incidenteve të ndryshme të sigurisë. Theks i veçantë iu vu komandës dhe kontrollit, vendimmarrjes në rrethana komplekse dhe në ndryshim, si dhe koordinimit të ndërsjellë brenda njësisë.

Zbatimi i ciklit përgatitor konfirmoi më tej nivelin e stërvitjes dhe gatishmërisë së Batalionit të 1-rë të Mekanizuar, Tigrat, për të marrë përsipër detyra në një mjedis ndërkombëtar, thekson komunikata.

Pjesëmarrja në operacionin e mbështetjes së paqes të NATO-s, KFOR, në Kosovë është një vazhdim i kontributit të Republikës së Kroacisë në sigurinë dhe stabilitetin ndërkombëtar dhe një konfirmim i profesionalizmit dhe besueshmërisë së pjesëtarëve të Ushtrisë Kroate, thuhet në komunikatë.

Në seancën e së enjtes në Gjykatën Themelore në Prishtinë, në rigjykimin ndaj të akuzuarit për krime lufte Dushko Arsiq, janë dëgjuar dëshmitarët Gani Krasniqi dhe Arsim Maqedonci. Dëshmitari Krasniqi dëshmoi se Arsiq ia kishte maltretuar djalin, duke e detyruar ta barte në shpinë një person të vrarë.

Dëshminë para trupit gjykues e nisi i pari dëshmitari Krasniqi, i cili tha se djali i tij ishte maltretuar nga tani i akuzuari Arsiq, emrin e të cilit e kishte kuptuar pas ngjarjes, raporton “Betimi për Drejtësi”.

“Kam dalë e pash u çelë dera e oborrit, e kam pa që hyri djali i përgjakur dhe mezi që ecke. Gjakun e kishte tek sytë edhe në gjoks”, tha Krasniqi.

Derisa rrëfeu bisedën që e kishte bërë me djalin, Krasniqi tha se djali i tij ishte detyruar që ta barte trupin e viktimës B.Sh., ndërkohë që ishte rrahur gjatë rrugës. Sipas tij, aty ishin Dragani, Bobani dhe Dushko.

“E kam pyet kush të bani kështu, çka ki? Ka thanë se te shpija e Smajlit e kanë rrahur Dushko Arsiqi edhe e ka vra edhe një djalë aty t’u kalu, ma kanë ngarku në shpinë edhe shqelma t’u e rrah e kanë çu deri te ara e Smajlit, rreth gardhit aty që është një rrugë e vjetër. Më ka tregu se më së shumti ka përjetu dhimbje kur u ngrit me trupin e atij djalit në shpinë, këtë nuk e harroj kurrë”, tha Krasniqi.

Më pas, u dëgjua edhe dëshmitari Maqedonci, i cili deklaroi se mbetet pranë dëshmisë së dhënë paraprakisht.

Sipas planifikimit të kësaj Gjykate, në radhë për dhënien e dëshmisë ishte dëshmitari Arsim Krasniqi, mirëpo kryetari i trupit gjykues, Vesel Ismaili konstatoi se ai nuk e ka pranuar ftesën në mënyrë të rregullt.

Gjykata Themelore në Prishtinë më 2 shkurt 2024 e ka dënuar me 13 vjet burg të akuzuarin Arsiq. Por, Gjykata e Apelit e ka kthyer rastin në rigjykim.

Sipas aktakuzës së ngritur nga Prokuroria Speciale më 2 nëntor 2022, thuhet se ekziston dyshimi i bazuar se Arsiq në bashkëkryerje me pjesëtarë të tjerë të Policisë serbe dhe grupet paramilitare, në muajt janar-qershor 1999, ka marrë pjesë në dëbimin dhe shpërnguljen e qytetarëve nga Prishtina dhe rrethina. Aktakuza e ngarkon Arsiqin se bashkë me grupin tjetër kanë filluar të bëjnë plaçkitjen e shtëpive, si dhe më pas me qëllim të dëmtimit të pronës së shqiptarëve ia kanë vënë zjarrin.

Aktakuza e bën përgjegjës Arsiqin edhe për keqtrajtimin e civilëve shqiptarë, plagosje, si dhe për vrasje.

Arsiq akuzohet se ka marrë pjesë në ekzekutimin e tani të ndjerit B.Sh., ashtu që më 20 prill 1999, në fshatin Butovc të Komunës së Prishtinës, në vendin e quajtur “varrezat e Maqedoncve”, derisa viktima kishte qenë duke ecur, e kanë gjuajtur me pushkë automatike dhe pasi që e kanë goditur, e kanë urdhëruar të dëmtuarin A.K., i cili atë kohë ishte 15 vjeçar, që trupin e viktimës B.Sh., ta mbajë në shpinë edhe pse i dëmtuari ka pasur lëndime të konsiderueshme fizike për shkak se i akuzuari paraprakisht e kishte maltretuar fizikisht dhe psiqikisht, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë.

Me këtë, Arsiq akuzohet se ka kryer veprën penale “Krime lufte kundër popullatës civile” nga neni 142 lidhur me nenin 22 të Ligjit Penal të RSFJ-së.