Kuvendi i Kosovës ka miratuar rezolutën në mbrojtje të ish-krerëve të UÇK-së në Hagë.
Derisa LDK nuk mori pjesë, rezoluta kaloi me 90 vota për, një kundër nga deputeti i LVV-së, Fatos Geci dhe asnjë abstenim.
Author: K.B.
-
Bedri Hamza: Dy kuvende, një qëndrim – në mbrojtje të çlirimtarëve në Hagë
Kryetari i Partisë Demokratike të Kosovës, Bedri Hamza, ka reaguar pas votimit të një Deklarate dhe një Rezolute në Kuvendin e Kosovës dhe në Kuvendin e Shqipërisë.
Hamza tha se në momente të rëndësishme kombëtare kërkohet unitet i plotë institucional.
“Dy kuvende, një qëndrim. Në emër të popullit, në mbrojtje të së vërtetës, historisë dhe sakrificës sonë,” ka shkruar Hamza, duke nënvizuar mbështetjen për ish-udhëheqësit e UÇK-së që po gjykohen në Hagë.
Ai theksoi se Hashim Thaçi, Kadri Veseli, Jakup Krasniqi, Rexhep Selimi dhe të gjithë çlirimtarët në Hagë “nuk janë vetëm”, duke falënderuar deputetët e Kosovës dhe Shqipërisë që, sipas tij, folën zëshëm në mbrojtje të dinjitetit, krenarisë dhe vlerave të luftës së UÇK-së.
Hamza e cilësoi këtë si një moment reflektimi dhe bashkimi kombëtar në mbrojtje të së vërtetës historike dhe sakrificës mbi të cilën është ndërtuar liria.
-
Edhe “Liria ka Emër” përshëndet miratimin e Rezolutës në mbrojtje të çlirimtarëve
Platforma “Liria ka Emër” ka përshëndetur miratimin nga Kuvendi i Kosovës të Rezolutës në mbrojtje të çlirimtarëve që po gjykohen në Hagë.
Përmes një reagimi, kjo platformë tha se ky është një mesazh i rëndësishëm solidariteti dhe kujtese për sakrificën mbi të cilën është ndërtuar liria.
“Në momente të tilla, uniteti dhe zëri i përbashkët janë thelbësorë. “Liria ka Emër” do të vazhdojë angazhimin qytetar me qetësi dhe dinjitet, në mbrojtje të së vërtetës dhe vlerave të luftës çlirimtare”, thuhet në njoftim.
-
Kuvendi miraton rezolutën në mbrojtje të krerëve të UÇK-së që ndodhen në Hagë
Kuvendi i Kosovës ka votuar rezolutën mbrojtjen e krerëve të UÇK-së.
90 vota pro, 1 kundër dhe asnjë abstenim, ka kaluar kjo reoluztë.
Lidhja Demokratike e Kosovës ishte pro rezolutën, por kërkoi që të futet edhe pika për drejtësi për vrasjet politike.
Ndërsa, Përparim Gruda tha se teksti është hartuar nga një grup ekspertesh, duke thënë se nuk mund të ndryshohet.
-
Deputetët e Listës Serbe lëshojnë sallën kur po lexohej “Rezoluta për Hagën”
Në seancën e jashtëzakonshme plenare të Kuvendit të Kosovës, pikë e parë e rendit të ditës është caktuar votimi i Rezolutës për Hagën, e cila shpreh shqetësimin për procesin që po konsiderohet si i padrejtë ndaj ish-krerëve të UÇK-së në Hagë.
Përparim Gruda i PDK-së, doli para foltores për të lexuar tekstin e rezolutës.
E në të njëjtën kohë, deputetët e Listës Serbe lëshuan sallën.
-
Presidentja Osmani dekoron mjekun australian me Medaljen “Shën Tereza”
Presidentja e Kosovës, Vjosa Osmani, i ka ndarë Medaljen Presidenciale “Shën Tereza” Dr. Patrick “Paddy” Dewan, në shenjë mirënjohjeje për kontributin e tij të jashtëzakonshëm në ofrimin e ndihmës profesionale mjekësore për trajtimin e sëmundjeve të rralla tek fëmijët në Kosovë.
Gjatë ceremonisë, Osmani theksoi se Dr.Dewan, ndër vite, ka punuar ngushtë me mjekët vendorë në Klinikën e Kirurgjisë Pediatrike, duke dhënë kontribut të çmuar në trajtimin e rasteve komplekse dhe në ngritjen e kapaciteteve profesionale në këtë fushë.
Ajo vlerësoi lart përkushtimin e tij të vazhdueshëm, si dhe angazhimin për sigurimin e pajisjeve të nevojshme për ndërhyrje kirurgjike, me mbështetjen e komunitetit shqiptar në Australi, çka ka ndikuar drejtpërdrejt në përmirësimin e shërbimeve shëndetësore për fëmijët në vend.
Sipas njoftimit, Medalja Presidenciale “Shën Tereza” i ^shtë ndarë Dr. Dewan në emër të qytetarëve të Republikës së Kosovës, “për kontributin e tij të jashtëzakonshëm dhe përkushtimin shumëvjeçar në trajnimin e kuadrit mjekësor nga Kosova, si dhe për shërbimin e tij në të mirë të fëmijëve të Kosovës”.
-
Zgjedhjet brenda AAK-së, mësohet data e Kuvendit të Përgjithshëm
Kuvendi i Përgjithshëm i Aleancës për Ardhmërinë e Kosovës do të mbahet më 7 qershor të këtij viti, ku do të zgjidhet kryetari i ri i partisë.
Kështu u bë e ditur në njoftimin zyrtar të subjektit politik, ku po ashtu u theksua se kuvendet e nëndegëve do mbahen nga 20 shkurti deri më 31 mars 2026.
“Në përputhje të plotë me Statutin e partisë, fillimisht anëtarët e Këshillit të Përgjithshëm votuan në mënyrë unanime për formimin e Komisionit për Përzgjedhjen e Kandidatëve dhe Nominime, Komisionit Statutar, Komisionit të Etikës, si dhe për plotësim-ndryshimin e Rregullores për Zgjedhjet në AAK. Në vijim të takimit u votua edhe për formimin e Komisionit për Organizimin dhe Koordinimin e Zgjedhjeve të Brendshme, duke i hapur rrugë shpalljes zyrtare të procesit zgjedhor brenda Aleancës”, thuhet në njoftim.
Po ashtu, kryetari Ramush Haradinaj, gjatë fjalës së tij, bëri të ditur se nuk do të kandidojë për një mandat tjetër në krye të partisë.
Ai falënderoi të gjitha strukturat e Aleancës në të gjitha nivelet për angazhimin dhe përkushtimin e deritanishëm, duke shprehur bindjen se pas përfundimit të zgjedhjeve të brendshme, AAK do të dalë edhe më e fortë dhe më e përgatitur në sfidat që e presin.
Ndërkaq, nënkryetari aktual i partisë, Ardian Gjini, ka bërë të ditur kandidaturën e tij për kryetar të Aleancës, duke mirëpritur njëkohësisht edhe kandidaturat e tjera.
-
Miratohet kërkesa e Besnik Tahirit, “Rezoluta për Hagën” del e para në rend të ditës
Shefi i GP të AAK-ës, Besnik Tahiri, ka kërkuar që pika e tretë e rendit të ditës, ajo për Rezolutën për Hagën, të dalë e para.
“Kërkoj që pika e tretë, ajo e Rezolutës për Hagën, të vendoset në pikën e parë, pasi kryetari Ramush Haradinaj e ka një obligim dhe ka dëshirë të jetë pjesë e votimit të kësaj rezolute”, tha Tahiri.
Kjo u aprovua nga kryetarja e Kuvendit, Albulena Haxhiu, teksa kërkoi që të votohet për ndërrimin e rendit të ditës.
101 deputetët e pranishëm votuan pro.
Paraprakisht, Rezoluta për Hagën ishte paraparë të ishte pika e tretë e rendit të ditës në seancën e sotme të jashtëzakonshme plenare.
-
Arbërie Nagavci shefe e Grupit Parlamentar të Lëvizjes Vetëvendosje
Arbërie Nagavci është shefe e Grupit Parlamentar të Lëvizjes Vetëvendosje.
Lajmin për Express e ka konfirmuae zëdhënësi i LVV-së, Arlind Manxhuka.
“Po, shefe e grupit eshte zgjedhur deputetja Arberie Nagavci”, tha ai.
Nagavci e cila mbeti jashtë kabinetit qeveritar, mbrëmë gazetarëve u tha se ka biseduar me kryeministrin Albin Kurti qysh në zgjedhjet e 9 shkurtit për angazhime të tjera.
“Pas zgjedhjeve të 9 shkurtit me kryeministrin kemi diskutuar qysh në atë kohë për angazhime të tjera dhe kontributin tim në pozita tjera… Mbi të gjitha do të jem deputete, shpejt i shohim dhe angazhimet tjera”, tha Nagavci mbrëmë.
-
Betohen 18 deputetët e rinj që zëvendësuan ata që u bën pjesë e kabinetit qeveritar
Para nisjes së seancës së jashtëzakonshme të Kuvendit të Kosovës, 18 deputetët e rinj kanë nënshkruar tekstet e betimit.
Kjo pasi deputetë të Lëvizjes Vetëvendosje u bën pjesë e kabinetit qeveritar.
Emrat më poshtë:
