ATV

Author: K.B.

  • NATO njeh Korridorin 8 si strategjik, Tirana paralajmëron rritje angazhimi në Kosovë

    NATO njeh Korridorin 8 si strategjik, Tirana paralajmëron rritje angazhimi në Kosovë

    Korridori 8, me pikënisje në kompleksin detar Durrës–Porto Romano dhe dalje në Detin e Zi, u njoh zyrtarisht këtë të enjte si korridor sigurie për mbrojtjen kolektive nga NATO.

    Vendimi u mor në takimin e kësaj të enjteje në Bruksel të ministrave të Mbrojtjes të vendeve anëtare të NATO-s, ku i pranishëm ishte edhe ministri shqiptar i Mbrojtjes, Pirro Vengu.

    Në një videomesazh të shpërndarë nga kryeministri Edi Rama në rrjetet sociale, Vengu shprehet se kjo është një arritje konkrete që e vendos Shqipërinë në zemër të infrastrukturës strategjike të Aleancës dhe forcon ndjeshëm sigurinë rajonale.

    “Pas një pune disa vjeçare të disiplinuar, të qartë, të qëndrueshme, sot në Bruksel në ministerialin e ministrave të Mbrojtjes, Korridori 8, me pikënisje në kompleksin portual Durrës Porto-Romano, dhe me dalje në Detin e zi, u përfshi zyrtarisht në planet dhe në infrastrukturën kritike ushtarake të aleancës. Kjo është një arritje konkrete që e pozicionon Shqipërinë në zemrën e të gjitha planeve rajonale dhe në zemrën e të gjitha infrastrukturave ku aleanca do të përqendrohet në vitet në vijim.”, shprehet Vengu.

    Mes të tjerash, Vengu shprehet se ky takim në Bruksel, shërbeu si një mundësi për të diskutuar për të ardhmen e operacioneve ku vendi ynë merr pjesë, rritjen e kapaciteteve por edhe për mundësitë që krijohen për Kosovën.

    “Nga ana tjetër, ministeriali ishte një mundësi për të diskutuar me të gjithë aleatët për të ardhmen e operacioneve ku Shqipëria bën pjesë, veçanërisht operacioni i KFOR-it në Kosovë. Po vlerësohet rritja e kapaciteteve. Shqipëria do rrisë kapacitetet e saj dhe përfshirjen e saj në këtë mision, përfshirë dhe për herë të parë me forcën e saj ajrore. Ndërkohë që në partneritet të ngushtë me Shtetet e Bashkuara të Amerikës, dhe me komandën Amerikane në Europë, po bëhen të gjitha rivlerësimet e nevojshme për të ardhmen e këtij misioni, çka përbën edhe një okazion shumë të mirë për qeverinë e re të sapozgjedhur të Kosovës, që të rrisë bashkëpunimin cilësor, gjithnjë e më të ngushtë me aleancën.”, tha Vengu.

    Pika e tretë e bisedimeve sipas tij, kishte të bënte me mënyrën se si të gjitha vendet aleate jo vetëm po rrisin investimet në mbrojtje, por po ristrukturojnë mënyrën se si industria ushtarake fillon dhe të gjenerojë dhe më shumë kapacitete.

    “Shqipëria e ka nisur me vendosmëri këtë rrugë dhe çdo ditë po krijojmë kapacitete të reja përsa i përket industrisë tonë me disa kontrata të lidhura dhe disa kontrata në negocim e sipër. Të gjithë këto elementë u mirëpritën nga mbarë aleatët.”, shtoi ai.

    Ministri i Mbrojtjes shtoi se vendi ynë dhe Turqia kanë nisur përgatitjet për mbajtjen e Samitit të NATO-s, në Tiranë në vitin 2027.

  • Rasti spiunazhit ndaj zyrtares së OSBE-së, Apeli shpall prova të pranueshme gjetjet në telefonin e saj

    Rasti spiunazhit ndaj zyrtares së OSBE-së, Apeli shpall prova të pranueshme gjetjet në telefonin e saj

    Gjykata e Apelit të Kosovës me vendimin e 20 janarit 2026 ka vendos të aprovojë ankesën e Prokurorisë Speciale ndaj të akuzuares për spiunazh, Jelena Gjukanoviq ashtu që ka ndryshuar vendimin e Themelores duke llogarit prova të pranueshme gjetjet në telefonin e të akuzuares.

    Ankesë ndaj vendimit të Themelores ka paraqitur Prokuroria Speciale duke kërkuar që aktvendimi të ndryshohet ndërkaq mbrojtësi i Gjukanoviq, avokati Predrag Miljkoviq ka propozuar që ky vendim të vërtetohet.

    Ndërkaq Prokuroria Apelit ka propozuar njësoj si ajo Speciale që provat e siguruara nga telefonin i Gjukanoviq të merren si prova të pranueshme.

    Sipas vendimit të Apelit, pretendimet ankimore të prokurorisë janë të bazuara, për faktin se gjykata e shkallës së parë gabimisht ka ardhur në përfundim se këto prova duhet të shpallen të papranueshme.

    Apeli ka theksuar në vendim se shkalla e parë gabimisht ka ardhur në përfundimet se provat e siguruara nga ekzaminimi i këtyre pajisjeve janë në kundërshtim me nenin 103 e 251 të Kodit të Procedurës Penale të Republikës së Kosovës (KPPRK) respektivisht se janë të papranueshme.

    Apeli ka gjet se neni 103 është interpretuar gabimisht nga shkalla e parë për faktin se në rastin konkret kontrolli i shtëpisë-banesës së të akuzuarës është bërë me urdhër-leje verbale të prokurorisë e cila më vonë ka kërkuar konfirmimin e urdhrit, ku për këtë kontroll e ka marrë konfirmimin retroaktiv të gjykatës lidhur me legjitimitetin e kontrollit dhe provave të siguruara gjatë tij.

    Ky konfirmim është bërë nga gjyqtari i procedurës paraprake dhe atë në harmoni me nenin 107 të KPPRK, për arsyet e kontrollit të përcaktuara sikurse në nenin 108 të KPPRK.

    Apeli ka gjetur se në rastin konkret kontrolli e sekuestrimi është konfirmuar me konfirmim retroaktiv të gjykatës e atë me Aktvendimin e datës 03.03.2025, ku decidivisht provat e siguruara gjatë kontrollit, duke përfshirë pajisjet elektronike (telefonat celularë), janë siguruara-sekuestruar në bazë të një vendimi-urdhri gjyqësor për konfirmim retroaktiv.

    Gjithnjë sipas Apelit neni 103 i KPPRK-së referohet (rregullon) kontrollin dhe sekuestrimin e provave dhe pasurisë së specifikuar, por nuk rregullon ekzaminimin e përmbajtës së provave elektronike, respektivisht pajisjeve telefonike.

    Sipas Apelit, neni 145 paragrafi 2 i KPPRK-së është zbatuar gabimisht nga shkalla e parë kjo pasi që i ka dhënë të drejtë prokurorit që të autorizojë policinë apo ekspertin për të shqyrtuar, analizuar e kërkuar për informata ose të dhëna brenda pajisjeve kompjuterike, pajisjeve elektronike për ruajtje ose pajisjeve të ngjashme, e që kjo nënkupton edhe analizimin e pajisjeve telefonike të sekuestruara nga akuzuara Gjukanoviç.

    Lidhur me nenin 36 të Kushtetutë së Republikës së Kosovë sipas Apelit në rastin konkret ekzaminimi i pajisjeve kompjuterike, pajisjeve elektronike e pajisjeve të ngjashme, është e rregulluar me dispozitat e nenit 145 të KPPRK dhe se ligji nuk përmban asnjë zbrazëtirë ligjore në raport me këtë ekzaminim, respektivisht ekzaminimin e pajisjeve elektronike, duke përfshirë edhe telefonat celularë.

    Prandaj Kolegji penal i Gjykatës së Apelit të Kosovës, po ashtu vlerëson se në rastin konkret relevante për këtë stad të procedurës është se provat janë të pranueshme e të marra në harmoni me dispozitat ligjore, akuza mbështetet në prova thelbësisht të mbështetshme dhe nuk ka rrethana për hedhjen e aktakuzës.

    Kolegji i gjyqtarëve që ka marrë vendimi ka këtë përbërje: Valon Kurtaj-Kryetar i kolegjit, Afërdita Bytyçi e Ferit Osmani, anëtarë të kolegjit

    E akuzuara Gjukanoviq ishte deklaruar e pafajshme më 16 shtator 2025.

    Ndryshe, Prokuroria Speciale e Republikës së Kosovës (PSRK) më 2 shtator 2025 ka ngritur aktakuzë nda Jelena Gjukanoviqit, e cila ngarkohet se nga data e pacaktuar e në vazhdimësi deri në momentin e arrestimit të saj, më datë 28 shkurt 2025, në cilësinë e zyrtares vendore të misionit të OSBE-së në Kosovë, pranë Zyrës Rajonale në Mitrovicë, në pozitën “Zyrtare e Programit Kombëtar në Qendrën Rajonale në Mitrovicë”, me vetëdije të plotë dhe me dashje direkte ka kryer veprime të përsëritura që përbëjnë ndihmë aktive për veprimtarinë informative të Agjencisë për Inteligjencë dhe Siguri të Republikës së Serbisë (e njohur si BIA), duke i ofruar të dhëna, dokumentet dhe informacione të ndjeshme, të siguruara gjatë ushtrimit të detyrës së saj zyrtare në kuadër të aktivitetit të misionit të OSBE-së, ndihmë kjo e realizuar përmes komunikimeve të shumta me tani të dënuarin për veprën penale të spiunazhit, agjentin rezident të BIA-s, Aleksandër Vllajiq.

    Aktakuza thotë se Gjukanoviq i ka përcjellë Vllajiqit informacione të dokumentuara që lidhen drejtpërdrejt me rendin kushtetues, sigurinë institucionale dhe veprimtarinë e brendshme të institucioneve të Republikës së Kosovës, të cilat informacione pastaj janë transmetuar tek zyrtarët e lartë të BIA-s, tek përgjegjësi i BIA-s për rajonin e Novi Pazarit në Serbi dhe BIA-s në Beograd.

    Gjithnjë sipas aktakuzës, e akuzuara përmes influencimit dhe ndikimit të saj, nga pozita që mbante në OSBE dhe udhëzimeve që kishte marrë nga tani i dënuari për spiunazh Aleksandër Vllajiq dhe zyrtarët e BIA-s, gjatë takimeve zyrtare dhe përpilimit të raporteve të OSBE-së, për pasqyrimin e situatës politike dhe të sigurisë në Kosovë, ka kontribuar në krijimin e një narrative armiqësore ndaj institucioneve të sigurisë, shtetësisë dhe integritetit të Republikës së Kosovës, kështu përmes këtyre veprimeve të qëllimshme, e akuzuara ka cenuar rëndë rendin kushtetuese dhe sigurinë kombëtare dhe ka vënë në rrezik serioz jetën dhe sigurinë personale të zyrtarëve shtetërorë, qytetarëve të vendit si dhe personelit ndërkombëtar të Misionit të OSBE-së në Kosovë.

    Me këtë, e akuzuara Jelena Gjukanoviq akuzohet se ka kryer veprën penale “Spiunazhi” nga neni 124, par.3 lidhur me nenin 77 të Kodit Penal të Republikës së Kosovës.

    Organizata për Siguri dhe Bashkëpunim në Evropë (OSBE) është një organizatë ndërkombëtare që merret me sigurinë, demokracinë dhe të drejtat e njeriut, e cila përmes misionit të saj ka prezencë zyrtare dhe seli edhe në Kosovë.

  • Pse Edon Zhegrova “fsheh” të dashurën e tij nga publiku

    Pse Edon Zhegrova “fsheh” të dashurën e tij nga publiku

    Futbollisti i Kombëtares, Edon Zhegrova nuk është se ekspozon edhe aq shumë në rrjetet sociale, sa i përket jetës private.

    Tashmë sa vite ai po shijon një histori dashurie, me vazjën e cila quhet Elsa, shkruan IndeksOnline.

    Marrëdhënia e tyre duket se po ecën mirë, megjithatë Zhegrova ka vendosur që mos të ndajë më shumë detaje me fansat, sa i përket romancës.

    Nga ana tjetër, edhe llogaria e Elsës në Instagram duket se është kaq private. Ajo ka një numër të vogël ndjekësish.

    Kujtojmë se Zhegrova zhvillon karrierën e tij tek ekipi italian “Juventus”, tashmë sa muaj.

  • Suplementi i njohur në palestër mund të ketë “shumë përfitime” për pacientët me Alzheimer

    Suplementi i njohur në palestër mund të ketë “shumë përfitime” për pacientët me Alzheimer

    Një suplement i përdorur gjerësisht në palestër mund të sjellë shpresë të re për miliona njerëz që jetojnë me sëmundjen e Alzheimerit, sipas disa shkencëtarëve dhe neurofiziologëve.

    Kreatina — shpesh e konsideruar thjesht si suplement për ndërtimin e muskujve — po tërheq gjithnjë e më shumë vëmendje për potencialin e saj në mbështetjen e shëndetit të trurit.

    Louisa Nichola, neurofiziologe dhe trajnere e performancës njerëzore, foli për përfitimet e kreatinës në një paraqitje në podcastin “The Diary of a CEO” në fillim të shkurtit. Ajo i tha moderatorit Steve Bartlett se beson se kreatina ka “shumë përfitime” dhe se ajo vetë ua jep prindërve të saj 71-vjeçarë, jo vetëm për shëndetin fizik, por edhe për atë neurofiziologjik.

    Kreatina është një molekulë natyrale që prodhohet në mëlçi dhe gjendet gjithashtu në ushqime si mishi i kuq dhe peshku. Megjithatë, suplementimi mund të rrisë rezervat e saj në organizëm përtej asaj që sigurohet zakonisht përmes dietës.

    Dihet prej kohësh se kreatina ndihmon në rritjen e energjisë qelizore duke shtuar nivelet e fosfokreatinës, e cila ndihmon në rigjenerimin e ATP-së — molekulës kryesore të energjisë në trup. Ky proces mund të përfitojë si qelizat muskulore, ashtu edhe ato nervore.

    Sipas Verywell Health, ndonëse kreatina njihet kryesisht për përmirësimin e performancës muskulore, ajo mund të rrisë nivelet e kreatinës në tru deri në 15% dhe të përmirësojë funksionin njohës, veçanërisht në kushte stresi.

    Në një studim, personat me Alzheimer që morën 20 gramë kreatinë monohidrat në ditë shfaqën një rritje prej 11% të niveleve totale të kreatinës në tru. Këto rritje u shoqëruan me përmirësime të matshme në funksionet njohëse, si kujtesa e punës, përqendrimi dhe funksionet ekzekutive. Pjesëmarrësit performuan më mirë në teste njohëse, përfshirë detyra klasifikimi dhe leximi, pas suplementimit.

    Nichola theksoi se pacientët jo vetëm që ruajtën funksionet njohëse, por gjithashtu patën më shumë energji dhe ishin në gjendje të ushtronin më shumë aktivitet fizik. Sipas saj, kreatina mund të ndihmojë në mbrojtjen e trurit nga dëmtimet si tronditjet cerebrale, goditjet në tru dhe efektet e stresit, duke vepruar sidomos në sfondin e situatave stresuese.

    Studiuesit vunë re përputhshmëri të lartë me trajtimin dhe ndryshime të rëndësishme biokimike, çka sugjeron se metabolizmi energjetik i trurit — shpesh i dëmtuar në Alzheimer — mund të mbështetet nga kreatina.

    Megjithatë, ekspertët theksojnë se këto gjetje janë ende paraprake. Sipas Dr. Oracle, aktualisht nuk ka prova të mjaftueshme për të rekomanduar kreatinën si mjet për parandalimin e demencës apo rënies njohëse.

    Studime të publikuara në PubMed sugjerojnë se kreatina ndihmon në ruajtjen e ekuilibrit energjetik në neurone dhe potencialisht mund të ulë neuroinflamacionin dhe stresin oksidativ — dy faktorë kyç në zhvillimin e Alzheimerit.

    Megjithëse kreatina nuk zëvendëson trajtimet e miratuara për Alzheimerin, evidencat në rritje tregojnë se ky suplement me kosto të përballueshme mund të mbështesë shëndetin e trurit dhe, në të ardhmen, të bëhet pjesë e strategjive më të gjera terapeutike.

  • Tully: Dëshmitari që tha se ka dijeni për urdhra të lëshuara nga Selimi, anëtarët e familjes e përshkruajnë si gënjeshtar

    Tully: Dëshmitari që tha se ka dijeni për urdhra të lëshuara nga Selimi, anëtarët e familjes e përshkruajnë si gënjeshtar

    Avokati Eric Tully tha se i vetmi dëshmitar i cili ka deklaruar se ka pasur dijeni për urdhra të lëshuara nga Rexhep Selimi në cilësinë e Rendit Publik, ka qenë dëshmitari Ë 04748.

    Por, sipas Tully, ky është një dëshmitar i cili nga vetë familjaret e tij është përshkruar si gënjeshtar.

    “I vetmi dëshmitar që ka thirru ZPS-ja që pretendoi se kishte dijeni për urdhra specifik të lëshuar prej z.Selimi në cilësinë e rendit Puvlik ka qenë dëshmitari 04 748 që është përshkruar nga vetë anëtarët e familjes si gënjeshtar”, tha Tully, raporton Betimi për Drejtësi.

    Avokat Tully tha se ky dëshmitar nuk ka qenë në UÇK dhe ka pasur injorancë totale se si ka funksionuar UÇK-ja.

    “Një person që nuk ka qenë as në UÇK në atë kohë e jo më të ketë qenë në ministrinë e Rendit Publik. Ai e kishte një injorancë totale se si ka funksionuar UÇK-ja aso kohe”, tha Tully.

    Përveç kësaj, Tully tha se ky dëshmitar në mënyrë të pabazë ka thënë se ka njohuri për marrëveshje të fshehtë në mes KFOR-it dhe Policisë.

    “Ishte një person që në mënyrë krejt të pabazë ka pretenduar se ka pasur njohuri për marrëveshje të fshehta në mes KFOR-i dhe Policisë dhe pavarësisht spekulimeve të tij lidhur me urdhra të lëshuar nga Selimi, ai e pranoi gjatë kundërpyetjeve se nuk kishte pasur dijeni personale lidhur me ndonjë urdhër të marrë prej Policisë në verën e 1999-ës”, tha ai.

    Tutje, ai tha se nuk kishte asnjë njohuri që ndonjë prej komandantëve kishte marrë urdhra nga kjo ministri.

    Sipas Tully, i vetmi dokument që ZPS-ja e konsideron si urdhër, është një komunikatë e lëshuar në emër të Selimi me 14 qershor të 1999-ës.

    “ZPS-ja nuk ka thirrur dëshmitarë të vetëm që ta njoh këtë dokument. As nuk kemi ndonjë precedent. Edhe formulimi është kaq i vagullt dhe asgjë në përmbajtje nuk tregon se pushteti i Shefit të Policisë të UCK-së ishte transferuar ministrit të Rendit Publik”, tha Tully.

    Tully: Dëshmitari që tha se ka dijeni për urdhra të lëshuara nga Selimi, anëtarët e familjes e përshkrujnë si gënjeshtar

    Avokati Eric Tully tha se i vetmi dëshmitar i cili ka deklaruar se ka pasur dijeni për urdhra të lëshuara nga Rexhep Selimi në cilësinë e Rendit Publik, ka qenë dëshmitari Ë04748.

    Por, sipas Tully, ky është një dëshmitar i cili nga vetë familjaret e tij është përshkruar si gënjeshtar.

    “I vetmi dëshmitar që ka thirru ZPS-ja që pretendoi se kishte dijeni për urdhra specifik të lëshuar prej z.Selimi në cilësinë e rendit Puvlik ka qenë dëshmitari 04 748 që është përshkruar nga vetë anëtarët e familjes si gënjeshtar”, tha Tully.

    Avokat Tully tha se ky dëshmitar nuk ka qenë në UÇK dhe ka patur injorancë totale se si ka funksionuar UÇK-ja.

    “Një person që nuk ka qenë as në UÇK në atë kohë e jo më të ketë qenë në ministrinë e Rendit Publik. Ai e kishte një injorancë totale se si ka funksionuar UÇK-ja aso kohe”, tha Tully.

    Përveç kësaj, Tully tha se ky dëshmitar në mënyrë të pabazë ka thënë se ka njohuri për marrëveshje të fshehtë në mes KFOR-it dhe Policisë.

    “Ishte një person që në mënyrë krejt të pabazë ka pretenduar se ka pasur njohuri për marrëveshje të fshehta në mes KFOR-i dhe Policisë dhe pavarësisht spekulimeve të tij lidhur me urdhra të lëshuar nga Selimi, ai e pranoi gjatë kundërpyetjeve se nuk kishte pasur dijeni personale lidhur me ndonjë urdhër të marrë prej Policisë në verën e 1999-ës”, tha ai.

    Tutje, ai tha se nuk kishte asnjë njohuri që ndonjë prej komandantëve kishte marrë urdhra nga kjo ministri.

    Sipas Tully, i vetmi dokument që ZPS-ja e konsideron si urdhër, është një komunikatë e lëshuar në emër të Selimi me 14 qershor të 1999-ës.

    “ZPS-ja nuk ka thirrur dëshmitarë të vetëm që ta njoh këtë dokument. As nuk kemi ndonjë precedent. Edhe formulimi është kaq i vagullt dhe asgjë në përmbajtje nuk tregon se pushteti i Shefit të Policisë të UCK-së ishte transferuar ministrit të Rendit Publik”, tha Tully.

    Tully: ZPS s’ka vërtetu që veprimet ose joveprimet e Selimit si ministër i Rendit Publik kanë ndikuar në kryerjen e krimeve

    Eric Tully, avokat i Rexhep Selimit ka thënë se Prokuroria nuk e ka vërtetuar se veprimet ose mosveprimet e klientit të tij si ministër i Rendit Publik kanë ndikuar në kryerjen e krimeve në aktakuzë.

    Po ashtu, Tully tha se nuk është vërtetuar nëse Selimi është përgjegjës për veprimet e personave të tjerë për kryerjen e krimeve në aktakuzë.

    “ZPS-ja nuk ka dhënë prova për të vërtetuar që veprimet ose mosveprimet e z.Selimi si ministër i Rendit Publik kanë luajtur ndonjë rol në kryerjen e krimeve në aktakuzë apo që ai është përgjegjës për veprimet e personave të tjerë lidhur me kryerjen e krimeve në aktakuzë”, tha Tully.

    Tully tha se në dosjen përfundimtare Prokuroria si duket nuk është e vendosur sa i takon përshkrimit të autoritetit të Selimit.

    Avokati tha se në paragrafin 503 të dosjes përfundimtare të Prokurorisë, thuhet se Selimi kishte kontroll operativ mbi Policinë. Ndërkohë që në paragrafin 532, Tully thotë se Prokuroria potencon se pretendon se ai kishte autoritet operacionale mbi policinë dhe që ai ishte i pozicionuar për të udhëzuar pozicionet e tyre.

    “Pavarësisht termave që përdorë… ajo nuk ka dhënë asnjë provë për mbështetjen asnjë prej qëndrimeve të saj”, tha Tully.

  • Si t’i mbani tubat pa bllokime, ndiqni rregullin kryesor të hidraulikëve

    Si t’i mbani tubat pa bllokime, ndiqni rregullin kryesor të hidraulikëve

    Shumë prej nesh nuk mendojnë për bllokimin e tubave të kullimit, por kur kjo ndodh, mund të çojë në tejmbushjen e lavamanit dhe nevojën për të thirrur një hidraulik, për të shmangur përmbytjen e shtëpisë. Një nga shenjat e para paralajmëruese është kur uji fillon të kullojë shumë ngadalë nga lavamani, vaskë apo dushi.

    Kompania hidraulike MK Robinson në Newcastle ka theksuar se është e lehtë të mbash tubat të pastër, për sa kohë që nuk hidhni yndyrë në vrimën e kullimit. Sipas tyre, yndyra dhe vaji i gatimit janë shkaktarët kryesorë të bllokimeve në kuzhinë. Ato ngurtësohen dhe ngjiten në muret e tubave, duke krijuar gradualisht bllokim. Në vend që ta hidhni vajin e përdorur në lavaman, lëreni të ftohet e të ngurtësohet në një enë dhe më pas hidheni në kosh.

    Yndyra është shkaku kryesor i bllokimit, sepse ngjitet në muret e tubave dhe mbledh mbetje të tjera ushqimore, duke formuar një shtresë të trashë që hiqet me vështirësi.

    Duhet theksuar se edhe mbetjet e ushqimit dhe sapuni nga produktet e dushit mund të krijojnë një masë të trashë dhe rrëshqitëse në tuba.

    Në kuzhinë, sigurohuni që gjithmonë të hidhni mbetjet e ushqimit në kosh para se të lani enët. Gjalpi, salcat e sallatës, djathi, qumështi dhe ushqimet e tjera me yndyrë mund të shkaktojnë bllokime.

    Në banjë, bllokimet shpesh shkaktohen nga grimi, kremrat kundër diellit, vaji i kokosit, locionet dhe kremrat e trupit.

    Mjafton të merrni disa sekonda për të hedhur mbetjet e ushqimit ose për të fshirë kremrat e tepërt me letër para larjes, dhe tubat do të qëndrojnë të pastër për më gjatë.

    Nëse uji po kullohet shumë ngadalë, mund ta zgjidhni vetë problemin përpara se të përkeqësohet. Një nga mënyrat më të thjeshta është të hidhni ujë të valuar në vrimën e kullimit. Sipas ekspertëve, uji i nxehtë ndihmon në shkrirjen e yndyrës dhe në lirimin e grumbullimeve që krijohen me kalimin e kohës.

    Uji i valuar shkrin yndyrën, sapunin dhe vajin, si dhe ndihmon në pastrimin e brendshëm të tubave, duke parandaluar bllokime më të mëdha.

    Gjithashtu, detergjenti i enëve është një zgjidhje e mirë për bllokime të vogla, pasi është krijuar për të shpërbërë yndyrën. Mund të përdorni edhe kristale sode si alternativë më natyrale ndaj pastruesve kimikë për tuba.

    Megjithatë, mënyra më e mirë është kujdesi i përditshëm: mos hidhni yndyrë apo produkte të vajshme në lavaman, dhe uji do të rrjedhë lirshëm pa probleme.

  • Sa shpesh duhet t’i hidhni dhe t’i zëvendësoni produktet për larjen e enëve?

    Sa shpesh duhet t’i hidhni dhe t’i zëvendësoni produktet për larjen e enëve?

    Mjetet që përdorim për larjen e enëve, si çdo gjë tjetër, duhet të pastrohen rregullisht që të jenë të pastra dhe të sigurta.

    Por pas një periudhe të caktuar, shumë prej tyre nuk mund të përdoren më dhe duhet të zëvendësohen.

    Nëse nuk i ndërroni, ato mund të përhapin baktere të rrezikshme, të ulin pastërtinë dhe të ndikojnë negativisht në shëndet.

    -Sa shpesh duhet t’i zëvendësoni?

    Sfungjeri i kuzhinës

    Sfungjerët janë shumë të dobishëm për pastrimin e lavamanit dhe sipërfaqeve, por mbledhin baktere shumë shpejt.

    Shtrydheni mirë pas çdo përdorimi;

    Lëreni të thahet;

    Hidheni kur fillon të çahet ose kur mban erë të keqe.

    Ekspertja e pastrimit Heather Barrigan thotë:

    “Sfungjerët duhet të zëvendësohen çdo dy deri në katër javë. Kjo siguron që enët të jenë plotësisht të pastra dhe pa mikrobe”.

    Nëse përdorni leckë për larjen e enëve, ajo duhet të lahet çdo ditë.

    Leckat e enëve

    Leckat duhet të lahen rregullisht për të parandaluar bakteret.

    Shpëlajini shpesh me ujë të nxehtë;

    Idealisht, lajini çdo ditë;

    Zëvendësojini pas rreth 30 përdorimesh ose kur fillojnë të grisen.

    Leckat me mikrofibër janë më rezistente dhe mund të lahen e ripërdoren shumë herë.

    Furça e kuzhinës

    Furçat për pastrim mund të bëhen shumë të pista me kalimin e kohës.

    Lajini çdo javë;

    Janë më të qëndrueshme se sfungjerët dhe leckat;

    Zëvendësojini kur fillojnë të dëmtohen, zakonisht pas disa muajsh, në varësi të përdorimit.

    Telat pastrues (sfungjer metalik)

    Përdoren për të hequr papastërtitë e forta dhe mbetjet e ushqimit.

    Pastrojini me ujë të ngrohtë dhe zbardhues;

    Lërini në këtë solucion për 1–2 orë dhe më pas shpëlajini;

    Zëvendësojini çdo javë.

    Dorashkat për larje

    Dorashkat mbrojnë duart nga detergjentët që mund të irritojnë lëkurën.

    Nëse i përdorni për tualetin ose zona shumë të papastra, hidhini pas çdo përdorimi;

    Lajini pas çdo përdorimi;

    Zëvendësojini kur fillojnë të dëmtohen ose të çahen.

  • Albatros Rexhaj me video pas incidentit të mbrëmshëm: Çështje e mbyllur, unë jam intelektual, arma ime është fjala

    Albatros Rexhaj me video pas incidentit të mbrëmshëm: Çështje e mbyllur, unë jam intelektual, arma ime është fjala

    Një incident ndodhi mbrëmë në emisionin “Opinion” të Blendi Fevziut ku po diskutohej për temën e gjykimit të ish-krerëve të UÇK-së në Hagë.

    Një përpalsje e tensionuar ndodhi mes gazetarit Berat Buzhala e panelistit Albatros Rexhaj.

    Ky i fundit sot doli me një video duke sqaruar incidentin e mbrëmshëm dhe tha se s’pati kontakt fizik mes tyre.

    “Pavarësisht si duket në video, situata në studio ishte ndryshe. Nuk ka pasë kontakt mes meje edhe Beratit. Ai thjesht i nervozuar ngritët nga karrigia e tij e vjen në drejtimin timin edhe rri nja dy sekonda edhe shkon”.

    Rexhaj tha se e ruajti qetësinë dhe nuk lëvizi fare nga vendi.

    “Ne jemi intelektualë. Unë jam intelektual. Arma ime është fjala, është mendimi. Në studio kam shkuar për të debatuar e për të diskutuar”.

    Mbrëmë pas këtij incidenti reagoi edhe Buzhala duke kërkuar falje për sjelljen e tij gjatë emisionit.

  • Si të gjeni xhinset e duhura që i përshtaten fizionomisë së trupit tuaj!

    Si të gjeni xhinset e duhura që i përshtaten fizionomisë së trupit tuaj!

    Lloji i trupit: Nëse jeni të mbushura në pjesën e poshtme të trupit

    Nëse keni pjesën e sipërme të trupit më të hollë dhe ijet ose kofshët më të rënda, zgjidhni xhinse të larta që theksojnë belin tuaj xhinset që zvogëlohen drejt kyçit të këmbës priren të duken më të këndshme për ju në krahasim me ato të ndezura që mund ta bëjnë kornizën tuaj të duket më e madhe. Xhinset e larta janë gjithashtu perfekte për gratë me bust të gjatë pasi mund të ulen të qeta në ijet tuaja.

    Lloji i trupit: Nëse jeni të mbushura në pjesën e sipërme të trupit

    Nëse pjesa e sipërme e trupit tuaj është më e rëndë se e poshtme, xhinset gjysmë të gjera janë zgjedhja juaj më e mirë. Megjithatë, ju mund të zgjidhni xhinse të larta të gjera, të ndezura ose të shkurtra për të barazuar kornizën tuaj. Qëndroni larg xhinseve jashtëzakonisht të ngushta dhe zgjidhni stile pak të lirshme.

    Lloji i trupit: Nëse jeni me përmasa plus ose keni një kornizë të gjerë dhe me kurbë

    Xhinset e mesme dhe të larta në të zeza dhe blu blu do t’ju japin një siluetë më të strukturuar. Zgjidhni pëlhura elastike dhe xhinse të montuara që do t’ju ndihmojnë t’i bëni këmbët tuaja të duken më të gjata. Pavarësisht nga lartësia juaj, këto xhinse do t’ju bëjnë të ngjani bukur.

    Lloji i trupit: Nëse jeni e imët

    Një lloj trupi i imët nuk do të thotë domosdoshmërisht se jeni i dobët. Do të thotë që në thelb je i vogël, i dobët dhe mund të blesh me kënaqësi në seksionin e fëmijëve. Mund t’ju duhet të luftoni me gjatësinë, por pjesa e mirë është se të gjitha llojet e siluetave ju duken lajkatare. Nëse dëshironi të dukeni më të gjatë, zgjidhni xhinse të shkurtra deri në kyçin e këmbës ose 3/4 dhe xhinse të larta.

    Lloji i trupit: Nëse jeni e gjatë dhe e dobët

    Për ju, xhinset e mesme dhe të ulëta funksionojnë më së miri. Nëse dëshironi të vishni xhinse të ndezura, duhet të dini se silueta do të zgjasë edhe më shumë kornizën tuaj. Xhinset boyfriend dhe mom do t’ju ndihmojnë të shtoni pak peshë në kornizën tuaj, pasi ato ofrojnë një përshtatje të relaksuar nga ijet në kofshë dhe zvogëlohen deri në fund.

  • Lidhja Demokratike e Kosovës del me komunikatë pasi nuk e votoi rezolutën

    Lidhja Demokratike e Kosovës del me komunikatë pasi nuk e votoi rezolutën

    Lidhja Demokratike e Kosovës (LDK) ka reaguar përmes një deklarate publike lidhur me rezolutën e miratuar në Kuvend, duke theksuar se drejtësia nuk mund të trajtohet në mënyrë të pjesshme apo selektive.

    Në reagim thuhet se Kuvendi i Republikës së Kosovës ka “detyrim historik dhe politik të flasë me një zë të përgjegjshëm, të plotë dhe të drejtë për drejtësinë”, e jo përmes rezolutave që, sipas LDK-së, mbesin të pjesshme në përmbajtje dhe mesazh.

    LDK ka theksuar se mbështet fuqishëm parimin e gjykimit të drejtë, të paanshëm dhe në përputhje me standardet më të larta kushtetuese dhe ndërkombëtare për çdo qytetar të Kosovës, duke e cilësuar këtë si vlerë themelore të shtetit ligjor dhe të orientimit euro-atlantik të vendit.

    Megjithatë, sipas kësaj partie, drejtësia nuk mund të jetë koncept i fragmentuar.

    “Ajo ose vlen për të gjithë, ose rrezikon të humbasë legjitimitetin e saj”, thuhet në deklaratë.

    Deputetët e LDK-së kanë kërkuar që rezoluta të përfshijë qartë dhe pa ekuivoke obligimin institucional për zbardhjen e të gjitha vrasjeve të pazbardhura pas luftës, përfshirë edhe vrasjet politike. Sipas tyre, kjo është një borxh ndaj viktimave, shoqërisë dhe vetë shtetit të Kosovës.

    Refuzimi për ta përfshirë këtë kërkesë, sipas LDK-së, e ka bërë rezolutën “të paplotë në thelb dhe të mangët në mesazh”. Për këtë arsye, Grupi Parlamentar i kësaj partie ka bërë të ditur se nuk pranon të legjitimojë, siç e quan, një qasje të njëanshme ndaj drejtësisë.

    Në fund, LDK thekson se qëndrimi i saj është aktiv dhe parimor, duke nënvizuar se nuk shmanget nga përgjegjësia, por e ushtron atë; nuk hesht për drejtësinë, por kërkon që ajo të jetë e plotë; dhe nuk relativizon historinë, por refuzon instrumentalizimin e saj politik.

    LDK ka bërë të ditur se do të vazhdojë të kërkojë drejtësi për të gjitha viktimat, procese të drejta e të paanshme dhe një shtet që, sipas saj, ka guximin të përballet me të vërtetën, e jo ta përzgjedhë atë.