Author: K.B.

Kryetari i Komunës së Prishtinës, Përparim Rama ka njoftuar se gjatë kësaj jave pritet të përfundoj lidhja e rrugës “A” me rrugën “B”.

Përmes një postimi në rrjetin social në Fcebook Rama, bëri të ditur se ekipet janë duke punuar në terren dhe se ky investim synon të lehtësojë qarkullimin.

Tutje thuhet se po vazhdojnë punimet edhe në vendosjen e anësoreve në segmentin e fundit të rrugës “A”.

“Gjatë kësaj jave pritet të kryhet lidhja e Rrugës ‘A’ me Rrugën ‘B’. Vazhdojnë punimet në vendosjen e anësoreve në segmentin e fundit të rrugës ‘A’ “, ka thënë në njoftim Rama.

Ish-presidentja e vendit, Vjosa Osmani, nuk ka pranuar të deklarohet për zhvillimet brenda LDK-së, duke thënë se e mbështet në plotni deklaratën e sekretarit të partisë, Ilir Ferati.

Osmani u pyet se a do ta mbajë postin e deputetes, gjë për të cilën tha se do të deklarohet kur të vijë koha.

“Është deklaruar sekretari i LDK-së, ju lus për mirëkuptim. Më dukët goxha shumë ju ka treguar edhe është deklaruar për krejt çështjet që janë me rëndësi, vetëm e mbështes atë deklaratë në tërësinë e saj. Për të gjitha çështjet e tjera, kur të vijë koha deklarohem”, tha Osmani.

Sekretari i LDK’së: S’ka nënshkrime të deponuara në parti, Abdixhiku i ka kaluar tri Kuvende me votë të fshehtë e nuk iu ik procedurave

Sekretari i Lidhjes Demokratike të Kosovës (LDK), Ilir Ferati, ka deklaruar se deri më tani në zyrat e partisë nuk është deponuar asnjë kërkesë për mbajtjen e Kuvendit të Jashtëzakonshëm, pavarësisht raportimeve se të martën do të dorëzohen nënshkrimet për një gjë të tillë, raporton KosovaPress.

Ferati para mediave të martën tha se nuk ka asnjë informacion zyrtar që dëshmon se një iniciativë e tillë do të formalizohet. /KP/

Policia e Kosovës, përkatësisht Drejtoria për Bashkëpunim Ndërkombëtar Policor në koordinim dhe në bashkëpunim me njësitë e tjera relevante të Policisë së Kosovës dhe institucionet e drejtësisë, me datën 14.07.2026 ka realizuar ekstradimin e dy të dyshuarve, njërin nga Shqipëria për në Kosovë, ndërsa tjetrin nga Kosova për në Shqipëri.

Sipas një njoftimi për media thuhet se të dyshuarit janë arrestuar pasi që kërkoheshin përmes INTERPOL-it me letër-rreshtim ndërkombëtar të lëshuar nga institucionet e drejtësisë së Kosovës dhe Shqipërisë.

“Njëri nga të dyshuarit ka qenë i kërkuar për veprat penale ‘Blerje, posedim, shpërndarje e substancave narkotike dhe kalim i pa autorizuar i vendkalimeve kufitare’, ndërsa i dyshuari tjetër ka qenë i kërkuar për përfshirje në veprën penale të ‘Trafikimit me narkotikë’, që të dy janë adresuar tek kompetentët për trajtim të mëtejmë sipas procedurave të parapara ligjore”, thuhet nw njoftim.

Po ashtu siç thuhet nw njoftim, mw datën e njëjtë, në Prishtinë, Drejtoria për Bashkëpunim Ndërkombëtar Policor në bashkëpunim me Departamentin e Kufirit të PK-së ka bërë arrestimin e shtetasit turk pasi që i njëjti kërkohej përmes INTERPOL-it me letër-rreshtim ndërkombëtar të lëshuar nga autoritetet e Malit të Zi dhe ato të Turqisë për veprat të ndryshme penale “Mashtrim, Shmangie nga tatimi dhe Falsifikim i dokumenteve zyrtare”.

Me urdhër të prokurorit kompetent i arrestuari është dërguar në ndalim policor për 48 orë për të vazhduar me procedurat e tjera ligjore.

Policia e Kosovës do të vazhdojë me shkëmbimin e informacioneve me institucionet vendore, shtetet dhe organizatat ndërkombëtare me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitetet tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit.

Hoxha, ka reaguar në platformën X duke dënuar deklaratën e një anëtari të Qeverisë së Serbisë për spastrimin etnik në Kosovë, duke e cilësuar atë të papranueshme dhe fyese për viktimat e luftës.

Ai theksoi se normalizimi i krimeve kundër njerëzimit minon pajtimin dhe se e ardhmja evropiane e rajonit mund të ndërtohet vetëm mbi të vërtetën, përgjegjësinë dhe respektin për viktimat.

Ministrja në qeverinë e Aleaksandar Vuçiqit ka deklaruar se po të kishte pasur lirinë e veprimit që kishte Slobodan Milosheviç, do ta kishte “spastruar etnikisht Kosovën gjatë luftës’. “Për të metat dhe budallallëkun tonë, nëse do të kisha qenë e lirë si Millosheviçi, do ta kisha pastruar etnikisht Kosovën në vitin 1998”, deklaroi ministrja serbe.

Reagimi i plotë Ministrit:

Deklarata e një anëtari të qeverisë së Serbisë, që shpreh publikisht keqardhje që në Kosovë nuk është kryer një spastrim etnik edhe më i madh, është e papranueshme, tronditëse dhe një fyerje e rëndë për viktimat e luftës.

Relativizimi dhe normalizimi i një prej krimeve më të rënda kundër njerëzimit, krime të dënuara nga historia, nga drejtësia ndërkombëtare dhe nga vetë ndërgjegjja njerëzore, bien ndesh me vlerat mbi të cilat është ndërtuar Evropa e sotme. Ato minojnë përpjekjet për pajtim dhe bashkëpunim, ushqejnë mosbesimin dhe urrejtjen, si dhe rihapin plagë që ende nuk janë shëruar.

Askush nuk mund të ndërtojë besim duke rikthyer hijet më të errëta të së kaluarës, aq më pak duke lartësuar politika dhe figura që mbajnë përgjegjësi për tragjedi, vuajtje dhe krime që kanë lënë gjurmë të thella në historinë e rajonit tonë siç është “kasapi i Ballkanit”.

Procesi i normalizimit dhe i pajtimit, për të cilin Kosova, Serbia dhe i gjithë rajoni ynë kanë aq shumë nevojë, kërkon para së gjithash përgjegjësi, reflektim dhe guxim për t’u përballur me të kaluarën.

Ai nuk mund të ndërtohet kurrë mbi deklarata që justifikojnë apo lartësojnë politikat që sollën aq shumë dhimbje e shkatërrim, por vetëm e vetëm mbi të vërtetën, respektin për viktimat dhe angazhimin e sinqertë për një të ardhme të përbashkët evropiane.

Bashkimi Evropian ka dënuar deklaratën e ministres serbe për Administratë Publike dhe Vetëqeverisje Lokale, Snezhana Paunoviq, e cila tha se po të ishte në vend të ish-presidentit serb Sllobodan Millosheviq në vitin 1998, do ta kishte “spastruar etnikisht Kosovën”.

Zëdhënësja e Komisionit Evropian, Anitta Hipper, deklaroi se, megjithëse BE-ja nuk komenton deklarata individuale, në Evropë nuk ka vend për retorikë që arsyeton ose promovon spastrimin etnik.

“Deklarata të tilla bien ndesh me vlerat e dinjitetit njerëzor, pajtimit, llogaridhënies dhe marrëdhënieve të mira fqinjësore, mbi të cilat është ndërtuar Bashkimi Evropian”, tha Hipper para gazetarëve në Bruksel.

Ajo shtoi se deklarata të tilla janë gjithashtu në kundërshtim me zotimet që Serbia ka marrë në kuadër të dialogut për normalizimin e marrëdhënieve me Kosovën, të ndërmjetësuar nga Bashkimi Evropian.

“Ne presim që të gjithë liderët të veprojnë me përgjegjësi, të përmbahen nga retorika nxitëse dhe të kontribuojnë në krijimin e një klime besimi dhe stabiliteti rajonal”, theksoi Hipper.

Deklarata e ministres serbe ka shkaktuar reagime të shumta.

Lëvizja e Qytetarëve të Lirë (PSG) në Serbi kërkoi shkarkimin e menjëhershëm të Paunoviqit, duke e akuzuar atë për përdorim të gjuhës së urrejtjes dhe promovim të persekutimit etnik. Sipas kësaj partie, deklarata e saj përbën një avokim të vetëdijshëm të spastrimit etnik.

PSG theksoi se sqarimi i mëvonshëm i ministres, sipas të cilit ajo kishte nënkuptuar dëbimin e njerëzve në “vendin e tyre të origjinës”, dëshmon se deklarata nuk ishte një lapsus.

Po ashtu, kjo parti shprehu shqetësim edhe për deklarata të tjera të saj, të cilat, sipas PSG-së, i portretizojnë shqiptarët në mënyrë raciste dhe fyese.

Në lidhje me këtë reagoi edhe deputeti shqiptar në Kuvendin e Serbisë, Shaip Kamberi, i cili deklaroi se qëndrime të tilla tregojnë se politika e Serbisë nuk është shkëputur nga trashëgimia e regjimit të Millosheviqit.

Sipas Kamberit, deklarata e Paunoviqit është skandaloze, e papranueshme dhe kërkon reagim të menjëhershëm nga institucionet përgjegjëse.

Paunoviq e bëri deklaratën të shtunën në një intervistë për televizionin serb Kurir, duke thënë se, po të ishte në vend të Sllobodan Millosheviqit në vitin 1998, “do ta kishte spastruar etnikisht Kosovën”. Ajo e cilësoi këtë si “deklaratën më të ashpër” që kishte bërë ndonjëherë.

Ndryshe, ministrja Snezhana Paunoviq deklaroi, gjatë një interviste në Kurir, se “nëse do të kishte qenë në vendin e Sllobodan Millosheviqit, do ta kishte pastruar etnikisht Kosovën në vitin 1998”, gjë që, tha ajo, është “kualifikimi më i ashpër që ka bërë ndonjëherë në jetën e saj”.

Sekretari i LDK’së, Ilir Ferati, ka folur për media në selinë e LDK’së për nënshkrimet që po mblidhen për thirrjen e një Kuvendi të jashtëzakonshëm të LDK’së.

Ai ka thënë se deri më tani s’ka nënshkrime të dorëzuara, duke thënë se në rast se do të dorëzohen, LDK do ti trajtojë me seriozitet.

Ferati ka thënë se Abdixhiku i ka kaluar tri Kuvende me votë të fshehtë dhe nuk iu ik procedurave statutare të LDK’së.

“Deri më tani s’ka asnjë nënshkrim të deponuar. Nëse do të ketë kërkesa brenda organeve të LDK’së sigurisht që me urgjencë do t’i trajtojmë si parti dhe do të shqyrtohen deri në realizimin përfudnimtar të kërkesave që e plotësojnë shumicën e numrit të caktuar të delegatëve”, ka deklaruar Ferati.

“Jemi të gatshëm me i trajtu e me dalë deri në Kuvend. Kryetari Abdixhiku i ka kalu tri Kuvende me votë të fshehtë, nuk i ik procedurave statutare të LDK’së”, ka thënë ai.

Drejtori i Shërbimeve Tekniko-Administrative në Qendrën Klinike Universitare të Kosovës (QKUK), Fisnik Dobra, ka deklaruar se ka nisur zëvendësimi i shtretërve të dëmtuar në Klinikën e Pediatrisë, në kuadër të një projekti për modernizimin e infrastrukturës dhe furnizimin me inventar medicinal.

Sot është bërë ndërrimi i disa shtretërve të cilët kanë qenë të dëmtuar. Janë ndërruar me shtretër të rinj, ju e patë edhe vetë, ishit dëshmitarë të ndryshimeve që janë bërë. Desha t’ju njoftoj se ky është vetëm fillimi i një projekti, nga një kontratë që është lidhur nga Agjencia Qendrore e Prokurimit e 10 qershorit, për modernizimin e infrastrukturës. Këtu konkretisht bëhet fjalë për furnizim me inventar për klinikat, inventar medicinal”, deklaroi Dobra, raporton ekonomiaonline.

Ai bëri të ditur se deri në fund të kësaj jave priten planifikimet nga të gjitha klinikat për nevojat me inventar të ri, në kuadër të një kontrate që përfshin 51 artikuj.

Deri të premten e kësaj jave, i presim të dhënat nga klinikat me planifikimet për inventar të ri, për shtretër dhe të tjera, nga një kontratë me 51 artikuj. Pastaj do të mblidhen të gjitha ato të dhëna, do të strukturohen dhe do të bëhet kërkesa për furnizime. Besojmë që për një periudhë shumë të shkurtër, shumë të shpejtë, do të bëhen furnizimet sipas kontratës që është lidhur nga AQP-ja”, tha ai.

Ai shtoi se gjatë ditës së sotme janë zëvendësuar shtatë shtretër, ndërsa pritet të ndërrohet edhe një tjetër.

Sot janë ndërruar shtatë shtretër. Besojmë që gjatë ditës bëhet edhe ndërrimi i një shtrati, domethënë janë tetë shtretër gjithsej”, tha ai.
Dobra njoftoi gjithashtu se në Klinikën e Pediatrisë kanë përfunduar renovimet e disa nyjeve sanitare në një pjesë të repartit, ndërsa së shpejti do të nisë edhe renovimi i pjesës tjetër.

Në Klinikën e Pediatrisë, para jo shumë ditëve, para disa javëve, janë rinovuar disa banjo ose disa nyje sanitare. Ato janë ndërruar në pjesën matanë të reparteve të tjera. Tani, shumë shpejt, do të fillojë edhe rinovimi i nyjeve sanitare në pjesën këtej, për të cilat ju po aludoni. Pra, besojmë që shpejt do të bëhet realizimi i rinovimit”, ka shtuar Dobra.

Pas reagimeve të ashpra që shkaktoi deklarata e saj se, po të ishte në vend të Sllobodan Millosheviqit në vitin 1998, do ta “spastronte etnikisht Kosovën”, ministrja serbe Snezhana Paunoviq është përpjekur të arsyetohet, ndonëse deklarata e saj është e regjistruar në video.

Në një reagim me shkrim, pas kërkesave për dorëheqje nga opozita dhe organizata joqeveritare, Paunoviq pretendoi se fjalët e saj janë keqinterpretuar dhe se është bërë “propagandë” kundër saj.

Megjithatë, ajo nuk u distancua nga qëndrimet e saj, përkundrazi deklaroi se nuk heq dorë nga politika e Partisë Socialiste të Serbisë (SPS), e cila udhëhiqej nga Sllobodan Millosheviqi.

“Jam socialiste dhe nuk heq dorë nga politika e SPS-së. Serbia është shtëpia ime, ndërsa SPS është dhoma ime në atë shtëpi”, tha Paunoviq, duke shtuar se mbetet krenare për politikën e partisë së saj në vitet ’90.

Ajo i cilësoi reagimet si propagandë dhe tha se është e gatshme të debatojë për politikën e SPS-së dhe ngjarjet e viteve ’90. /Danas

Nga Dhomat e Specializuara të Kosovës në Hagë lidhur me kërkesën e mbrojtjes së Hashim Thaçit për lirim me kusht dhe ofrim të disa garancive përfshirë edhe dorëzanin prej 50 mijë euro, është thënë se vendimi i takon vetëm gjyqtarit.

“Është gjykatësi i vetëm ai që vendos për paraburgimin në përputhje me ligjin dhe rregulloren. Gjykatësi i vetëm do të lëshojë vendim lidhur me këtë në kohën e duhur së bashku me arsyetimin për këtë vendim. Lirimi me kusht i Thaçit, Specialja: Vendimi i takon vetëm gjyqtarit”, thuhet në përgjigjen e Gjykatës Speciale për Rtv21.

Përveç garancisë prej 50 mijë eurosh, thuhet se Thaçi nuk do të largohet nga territori i Kosovës dhe se ai do të dorëzojë pasaportën dhe çdo dokument tjetër udhëtimi.

Gjithashtu thuhet se Thaçi do të përmbahet nga bërja e çdo deklarate publike, drejtpërdrejt ose tërthorazi në media dhe, ose në rrjetet sociale, si dhe, ai nuk do të diskutojë përmbajtjen e çështjes së tij me askënd, përveç anëtarëve të caktuar të ekipit të tij mbrojtës.

Deputeti shqiptar në Parlamentin e Serbisë, Shaip Kamberi ka reaguar ashpër pas deklaratës skandaloze të ministres për Pushtetin Lokal, Snežana Paunoviq.

Ajo ka deklaruar se “po të ishte në vendin e Sllobodan Millosheviqit më 1998, do ta spastronte etnikisht Kosovën”.

Për këtë, Kamberi ka thënë se do të iniciojë shkarkimin e saj.

“Në të kundërtën, heshtja dhe mungesa e veprimit do të kuptohen si miratim i deklaratës së saj dhe si qëndrim zyrtar i të gjithë Qeverisë.”, ka thënë Kamberi.

Ai ka thënë se deklaratat fashiste të ministrave të qeverisë serbe tregojnë më së miri se Serbia e Millosheviqit vazhdon të mbetet e njejtë, duke kërkuar cilësuar atë si të papranueshme dhe që kërkon reagim të menjëhershëm institucional.

“Për këtë arsye, sot, nëpërmjet një shkrese zyrtare, kam kërkuar reagim nga të gjitha ambasadat relevante ndërkombëtare në Beograd.”, ka shkruar Kamberi.

Ai ka thënë se një deklaratë e tillë nuk mund të konsiderohet e izoluar.

Sipas tij, deklarata të tilla janë rezultat i mohimit sistematik të krimeve të luftës, glorifikimit të kriminelëve të dënuar të luftës, relativizimit të vendimeve të gjykatave ndërkombëtare dhe revizionizmit të historisë.

“Për shqiptarët e Luginës së Preshevës, deklarata të tilla nga përfaqësues të institucioneve shtetërore përbëjnë një burim shtesë pasigurie. Kur një anëtar i Qeverisë flet për spastrim etnik, pjesëtarët e komuniteteve pakicë me të drejtë shtrojnë pyetjen se çfarë sigurie mund të presin nga këto institucione.”, ka thënë Kamberi.

Si vend kandidat për anëtarësim në Bashkimin Evropian, sipas tij, Serbia ka obligim të respektojë dhe të mbrojë të drejtat e komuniteteve pakicë.

“Deklarata të tilla janë në kundërshtim të drejtpërdrejtë me këto obligime dhe tejkalojnë çdo standard demokratik mbi të cilin bazohet Bashkimi Evropian.”, ka thënë Kamberi.