Author: K.B.

Ministri shqiptar në largim i Mbrojtjes, Piro Vengu tha se ishte privilegj të mbante postin një ditë pasi kryeministri Edi Rama e shkarkoi nga kjo pozitë, duke e vendosur në vend të tij, Ermal Nufin.

“Është vërtet kënaqësi që në këtë moment të tranzitimit të detyrës sime, të linim këtë shenj sot sëbashku me partnerët tanë amerikan. Sot dorëzojmë në forcën tokësore sistemin JAVELIN, të porositur prej vitesh dhe pjesë e një bashkëpunimi të ngushte me SHBA. Ky nuk është vetëm një simbol force, por është edhe një mesazh qarëtësie strategjike”, tha ai, raporton Euronews.al.

Vengu deklaroi mes tjerash se Shqipëria ka vendosur të investojë në ushtri në kohë paqeje.

“ Dua të falënderoj partnerët amerikanë, që na japin një mbështetje domethënëse. Shqipëria ka vendosur që të investojë me plan buxhetor, ne po rrisim besueshmërinë, duke shkurajuar rreziqet me kapacitete reale. Shqipëria nuk armatoset për të sulmuar ndonjë vend, por për mbrojtjen e saj. Mbrojtja nuk është luks, por është kusht ekzistence për një shtet serioz, sidomos për procesin e integrimit europian”, u shpreh Vengu.

Sindikata e Policisë së Kosovës ka shprehur pakënaqësinë e saj lidhur me suspendimin e gjashtë zyrtarëve policorë ne Gjakovë nga Inspektorati Policor i Kosovës, duke e konsideruar këtë veprim si të ngutshëm dhe jo adekuat për rrethanat e rastit.

Sindikata thekson se suspendime të tilla dëmtojnë rëndë institucionin e Policisë, gjë që ndikon drejtpërdrejt në ruajtjen e rendit dhe qetësisë publike, duke krijuar mungesë të fuqisë punëtore në stacionet policore, si dhe në cenimin e autoritetit dhe besueshmërisë së organit të sigurisë.

“Pa dashur të ndërhyjë në kompetencat dhe pavarësinë institucionale të Inspektoratit Policor të Kosovës, Sindikata, duke u bazuar në audio incizimin e publikuar në media dhe pas analizimit të plotë të ngjarjes, ka vlerësuar se zyrtarët policorë të suspenduar kanë kryer detyrën e tyre me profesionalizëm dhe në përputhje me ligjin”, thuhet në reagim.

Tutje në njoftimin e Sindikatës, thuhet se sipas të dhënave të bëra publike, zyrtarët policorë janë kërcënuar me jetë në vendin e tyre të punës, përkatësisht në stacionin policor, në prani të dëshmitarëve – zyrtarë policorë. Në audio incizim dëgjohet i dyshuari duke përcaktuar edhe kohën e mundshme të sulmit ndaj zyrtarëve policorë

“Për këtë arsye, me të drejtë ai është trajtuar si i dyshuar për veprat penale të kërcënimit dhe pengimit të personit zyrtar në kryerje të detyrës, dhe me urdhër të prokurorit është caktuar masa e paraburgimit. Po ashtu, ekziston dyshimi se audio incizimi i publikuar është i shkëputur në pjesë dhe jo i plotë, i shkëputur nga i dyshimti. Ku Sipas legjislacionit në fuqi, asnjë audio incizim i paautorizuar dhe i pa urdhëruar nga organet kompetente nuk mund të konsiderohet provë ligjore ne asnjë rast e as ne raste konkret”.

Andaj, Sindikata e Policisë së Kosovës i ka bërë thirrje Inspektoratit Policor që të rishqyrtojë vendimin dhe të mundësojë kthimin e menjëhershëm në detyrë të zyrtarëve policorë, pasi konsideron se ata në këtë rast kanë qenë viktima të kërcënimit me jetë nga i dyshuari dhe kanë vepruar në përputhje me ligjin gjatë ushtrimit të detyrës së tyre.

Avokati i Smakajt, Jonathan Rees, tha se klienti i tij asnjëherë nuk ka diskutuar me Bislim Zyrapin për dëshminë e tij në Hagë.

“Smakaj, pavarësisht se ka qenë mik me Bislim Zyrapin dhe është takuar me të rregullisht, nuk ka pasur diskutime me Zyrapin lidhur me dëshminë e tij për çështjen 6 [për krime lufte dhe krime kundër njerëzimit] dhe nuk i ka treguar asnjë dokument lidhur me të”, tha Rees.

Sa i përket dokumentit që ZPS thotë se ai gjeti në veturë Smakajt, mbrojtja e tij tha se nuk ka asnjë dëshmi se ky dokument ishte në veturën e Smakajt dhe as kush e solli aty, duke mohuar se ishte marrë nga Smakaj në Hagë.

Ai madje tha se ZPS nuk ka dhënë dëshmi se kush e ka printuar këtë dokument të titulluar “për avokatët” në qendrën e paraburgimit në Hagë.

Policia ka rrethuar një ndërtesë në qendër të Podgoricës, ku banon biznesmeni Aco Gjukanoviq.

Në të njëjtën ndërtesë, ndodhet edhe një degë e “Prva Banka”, në pronësi të tij.

Sipas raportimeve të mediumit “Vijesti”, inspektorët pritet të kryejnë kontroll në pronat e Aco Gjukanoviqit, vëllait të ish-kryeministrit dhe ish-presidentit shumëvjeçar të Malit të Zi, Milo Gjukanoviq.

Një pjesë e rrugës është mbyllur për qarkullim.

Qendra për Gazetari Hulumtuese e Malit të Zi kishte raportuar në shtator të vitit 2023 se Aco ishte zhvendosur në Luksemburg menjëherë pas zgjedhjeve të vitit 2020, ku kishte nisur projekte të reja biznesi.

Kryetari i Sindikatës së Korporatës Energjetike të Kosovës, Xhelal Jashari, në një intervistë për Ekonomia Online, ka treguar se Migjen Sadiku, 55-vjeç, punëtor në KEK, i cili humbi jetën sot në vendin e tij të punës, punonte në departamentin e sigurisë fizike.

Lajmin fillimisht e morën për një incident në Termocentralin Kosova B, dhe më pas kuptuan se bëhej fjalë për një ngjarje tragjike që i mori jetën kolegut të tyre.

“Para disa orësh kemi marrë informacion për një incident në Korporatën Energjetike të Kosovës, në Termocentralin Kosova B, ku, sipas organeve policore dhe ekipeve mjekësore, është konfirmuar se punëtori Migjen Sadiku ka ndërruar jetë në vendin e punës.

Presidentja e Vjosa Osmani ende nuk e ka nënshkruar Ligjin për Buxhetin e Kosovës, duke shkaktuar pasiguri institucionale dhe ekonomike në vend. Udhëheqësi i OJQ-së AVONET, Kenan Gashi, ka ngritur shqetësimin për pasojat që po sjell kjo vonesë.

Sipas Gashit, Kosova po kalon një periudhë me sfida të shumta politike dhe tensione të brendshme, ndërsa përplasjet mes pozitës dhe opozitës e kanë vështirësuar miratimin e buxhetit në Kuvend. Megjithëse dokumenti financiar është votuar me vështirësi, ai ende nuk ka hyrë në fuqi për shkak të mungesës së dekretimit nga ana e Presidentes.

“Cila është pengesa apo arsyeja e mosnënshkrimit? A kemi të bëjmë me çështje procedurale, dilema kushtetuese apo kalkulime politike?”, ka pyetur Gashi, duke theksuar se çdo ditë vonesë prodhon pasoja konkrete për funksionimin e shtetit.

Sipas tij, organizatat buxhetore, si në nivel lokal ashtu edhe në atë qendror, po përballen me mungesë fondesh për mbulimin e obligimeve financiare, pagesat ndaj operatorëve ekonomikë dhe inicimin e procedurave të reja të prokurimit publik.

Deputeti i AAK-së, Bekë Berisha, thotë se çdo kandidat për president duhet të ketë integritet, të flasë shqip rrjedhshëm, të jetë afër popullit dhe të respektojë traditën.

Ai thekson se kandidati nuk duhet të marrë përgjegjësi për nënshkrimet e Zajednicës, të caktojë datë të drejtë për zgjedhje dhe të mos veprojë si noter.

Sipas Berishës, këto kushte garantojnë një garë të drejtë dhe një figurë presidenciale të besueshme.