Author: K.B.

Anëtari i Kryesisë së Lidhjes Demokratike të Kosovës, ish-kryeministri Avdullah Hoti reagoi ndaj deklaratës së ministrit për Komunitete dhe Kthim, Nenad Rashiq, lidhur me transferimin e 24 hektarëve tokë Manastirit të Deçanit, që ai tha se kryeministri Albin Kurti e kishte bërë për shkak të tij.

Në një reagim në Facebook, Hoti tha se deklarata e Rashiqit “e zhvesh plotësisht” Kurtin nga, siç e quajti ai, retorika mashtruese që ka përdorur për këtë çështje.

“Për vite u fol për “tradhti” dhe “falje të tokës për manastirin”. Sot, ministri i tij e thotë hapur se vendimi për faljen e tokës së manastirit ishte shumë i thjeshtë: “Do ta bëjmë, por ta dish – për shkakun tënd.” Pra, ajo që dikur ishte tradhti, kur u bë vetë Kryeministër u bë lehtësisht për hatër”, shkroi Hoti.

“Kaq “serioze” është vendimmarrja shtetërore e Kurtit. Hi syve për qytetarët, ndërsa vendime të kundërta e për hatër në prapaskenë”, shtoi ai.

Sot në Gjakovë u bë rivarrimi me nderime i Myrteza Dylhasit, i zhdukur më 27 mars 1999 gjatë luftës në Kosovë.

Për 27 vjet, Myrteza Dylhasi ishte në listën e personave të zhdukur, si pjesë e grupit prej 11 qytetarësh të rrëmbyer dhe zhdukur nga forcat serbe, në rastin e njohur si rasti i ‘Shtëpisë së Familjes Qerkezi’.

Mbetjet mortore të tij u gjetën në lokalitetet përgjatë rrjedhës së lumit Drini i Bardhë. Pas ekzaminimeve mjeko-ligjore e angazhimit të vazhdueshëm të ekspertëve dhe analizave të ADN-së, u bë i mundur identifikimi dhe rivarrimi i tij me dinjitet.

Nga i njëjti grup, gjashtë persona vazhdojnë të jenë të zhdukur, ndërsa familja Dylhasi mbetet në pritje edhe për zbardhjen e fatit të Skender Dylhasit, babai i Myrteza Dylhasit.

Ky rast dëshmon se procesi i kërkimit vazhdon dhe se përkushtimi i Komisionit Qeveritar për Persona të Zhdukur mbetet i palëkundur deri në ndriçimin e fatit të çdo personi të zhdukur.

Me këtë rast, shprehim ngushëllimet më të sinqerta për familjen Dylhasi dhe nderimin më të thellë për qëndresën e tyre 27 vjeçare në kërkim të së vërtetës.

Shefja e stafit të presidentes, Vjosa Osmani, Learta Hollaj ka reaguar për dekretin e nxjerrë nga e para e shtetit për shpërndarjen e Kuvendit të Kosovës.

“Presidentja zbatoi atë që Kushtetuta kërkon. Pra, kreu një detyrim kushtetues e jo një dëshirë. Ajo do ta shkelte Kushtetutën sikur mos ta nxirrte një dekret të tillë.

Ta akuzosh atë për verbërim pushteti, monarki, arbitraritet e lloj-lloj fyerjesh që është turp t’i përmendim këtu, tregon se nuk keni as tolerancë minimale për njerëzit që thjesht mund të kenë interpretim ndryshe të Kushtetutës nga ai i juaji. Presidentja vetë ka thënë se e mirëpret dërgimin e këtij dekreti në Gjykatën Kushtetuese dhe se çfarëdo vendimi do ta respektojë.

Në një republikë, zelli për Kushtetutën është detyrë, jo ambicie.”

Bashkimi Evropian është deklaruar lidhur me situatën politike në vend ku sot, presidentja Vjosa Osmani njoftoi se ka nxjerr dekret për shpërndarjen e kuvendit,

Një zëdhënësi i Bashkimit Evropian i ka thënë Radios Evropa e Lirë të premten se blloku i sheh me “keqardhje” zhvillimet e fundit politike në Kosovë.

“Tani, po presim vendimin e Gjykatës Kushtetuese”, tha zëdhënësi, duke iu referuar ankesës së partisë në pushtet kundër dekretit të presidentes së Kosovës, Vjosa Osmani, për ta shpërndarë Kuvendin.

Ardian Gjini, nënkryetari i AAK-së ka mbajtur konferencë për media lidhur me zgjedhjet e parakohshme.

Ai tha se janë mbledhur me Këshillin Drejtues të Alencës për ta pezulluar procesin e brendshëm zgjedhor të partisë.

“Sot Këshilli Drejtues i Aleancës ka marrë vendim të parë për pezullimin e procesit të brendshëm zgjedhor. Siç e dini, ne e kemi filluar këtë proces, mirëpo meqenëse do të kemi zgjedhje nacionale datën nuk e dimë, por do t’i kemi atëherë ka qenë interaktiv që ne këtë proces ta pezullojmë”, tha Gjini.

Ai tha se po përgatiten për zgjedhjet e reja për të fituar.

“Në ana tjetër, i kemi krijuar edhe ekipet për zgjedhjet, të cilat janë prapë obligimet tona statutore edhe politike, si shtabi zgjedhor dhe miratimin e autorizimeve për listat dhe për gjithçka që e pret Aleancën në këto zgjedhje. Ne po përgatitemi, po përgatitemi për zgjedhje, do ta bëjmë më të mirën tonë, do të synojmë me i fitu zgjedhjet. Nuk po synojmë diçka tjetër. Çka do të sjellë koha tash e mëtutje, me siguri se do t’ju informojmë me kohë”, tha ai.

I pyetur se a kanë qenë këto zgjedhje të evitueshme, Gjini theksoi se po mirëpo kryeministri Kurti dhe LVV kanë gabuar rëndë.

“Gjithmonë zgjedhjet janë të evitueshme nëse veç nuk ka përfunduar mandati i Parlamentit. Edhe këto zgjedhje kanë qenë të evitueshme. Në një aspekt, është keq që kanë ndodhur. Ne për një kohë të gjatë i kemi thënë mendimet tona edhe në publik se partia më e madhe, partia në pushtet, nuk ka pasë vullnet me gjetë rrugë për me i evitu. Në demokraci ka nevojë me gjetë rrugë, me gjetë kompromis, me gjetë mënyra për me qeveris për vendin, jo me e zaptu vendin, jo me i zaptu institucionet. Ne mendojmë që kanë gabu rëndë. Kanë gabu rëndë, ka pasë zgjidhje, ka pasë mundësi me i evitu zgjedhjet, mirëpo tani jemi para aktit të kryem”, shtoi Gjini. /eo

KDI ka reaguar lidhur me zhvillimet e situatës politike në vend, duke theksuar se, është e nevojshme që me urgjencë të ketë qartësim nga Gjykata Kushtetuese.

Në komunikatën për media, KDI thotë edhe se, mungesa e përgjegjësisë politike për marrëveshje lidhur me zgjedhjen e presidentit të ri të vendit, ”rrezikon ta fusë vendin në një situatë të paqartësisë kushtetuese”, përcjell Express.

”Prandaj, duke pasur parasysh që situata e tanishme që mund të prodhojë pasoja të pakthyeshme, i bëjmë thirrje Gjykatës Kushtetuese që, në përputhje me rolin e saj si gardiane e mbrojtjes së rendit kushtetues dhe konform interesit publik, të përdorë mekanizmat proceduralë për trajtim të përshpejtuar dhe të ofrojë qartësi kushtetuese përpara zhvillimit të procesit zgjedhor”, thuhet mes tjerash nga KDI.

Komunikata:
KDI: Përballë zhvillimeve të fundit institucionale, nevojitet qartësim urgjent nga Gjykata Kushtetuese

KDI shpreh keqardhje të thellë që, pavarësisht krizave të njëpasnjëshme gjatë vitit të fundit, përfaqësuesit politikë në Kuvend nuk arritën të gjejnë zgjidhje për zgjedhjen e Presidentit të vendit. Mungesa e përgjegjësisë politike dhe institucionale për arritjen e një marrëveshjeje për një çështje kaq të rëndësishme tashmë rrezikon ta fusë vendin në një situatë të paqartësisë kushtetuese.

Prandaj, duke pasur parasysh që situata e tanishme që mund të prodhojë pasoja të pakthyeshme, i bëjmë thirrje Gjykatës Kushtetuese që, në përputhje me rolin e saj si gardiane e mbrojtjes së rendit kushtetues dhe konform interesit publik, të përdorë mekanizmat proceduralë për trajtim të përshpejtuar dhe të ofrojë qartësi kushtetuese përpara zhvillimit të procesit zgjedhor.

Në një demokraci kushtetuese, është me rëndësi thelbësore që veprimet e institucioneve që prodhojnë pasoja të mëdha politike dhe institucionale të mbështeten në një interpretim të qartë të Kushtetutës. Asnjë prej proceseve që prekin funksionimin e institucioneve dhe proceset eventuale zgjedhore nuk do të duhej të zhvilloheshin nën një paqartësi kushtetuese. Çdo vonesë në interpretime të tilla krijon pasiguri juridike, institucionale dhe politike.

Njëkohësisht, u bëjmë thirrje të gjithë akterëve institucionalë dhe politikë që të veprojnë me përgjegjësi dhe të përmbahen nga veprime apo deklarime që mund të kontribuojnë në rritjen e paqartësive kushtetuese dhe tensionimin e mëtejshëm të situatës politike. Respektimi i rendit kushtetues, maturia institucionale dhe besimi në mekanizmat kushtetues janë thelbësore për ruajtjen e stabilitetit demokratik dhe funksionimin normal të institucioneve të vendit.

Ministri i Energjisë i Katarit , Saad al-Kaabi, ka paralajmëruar se një luftë në Lindjen e Mesme mund të rrëzojë ekonomitë globale dhe vlerësoi se të gjithë eksportuesit e energjisë në Gjirin Persik do të ndalonin prodhimin brenda disa javësh, duke i çuar çmimet e naftës në 150 dollarë për fuçi .

Al-Kaabi, duke folur për Financial Times, tha se edhe nëse lufta përfundon menjëherë, Katarit do t’i duheshin javë deri në muaj për t’u rikthyer në furnizimet normale pas një sulmi me dron iranian në uzinën më të madhe të gazit natyror të lëngshëm (LNG) në vend. Katari, prodhuesi i dytë më i madh në botë i LNG-së , u detyrua të deklaronte forcë madhore këtë javë pas sulmit në uzinën e Ras Laffan.

Mediat e huaja shkruajnë që edhe pse Katari eksporton vetëm një përqindje të vogël të gazit të tij në Evropë, ministri i energjisë tha se Evropa do të pësonte humbje të konsiderueshme, pasi blerësit aziatikë do të ofronin më shumë për aq gaz sa është në dispozicion në treg, ndërsa vendet e tjera të Gjirit do të kishin vështirësi në përmbushjen e detyrimeve të tyre kontraktuale.

“Të gjithë ata që nuk e kanë deklaruar forcën madhore pritet ta bëjnë këtë në ditët në vijim nëse kjo situatë vazhdon. Të gjithë eksportuesit në rajonin e Gjirit do të detyrohen të deklarojnë forcën madhore. Nëse nuk e bëjnë, do të detyrohen ligjërisht të paguajnë për të, dhe kjo është zgjedhja e tyre.”, tha Kaabi.