ATV

Author: K.B.

  • Ekspozitë e madhe për Van Gogh-un hapet në Londër

    Ekspozitë e madhe për Van Gogh-un hapet në Londër

    Një ekspozitë e re kushtuar piktorit të famshëm holandez Vincent van Gogh është hapur në Galerinë Kombëtare në Londër, duke sjellë për publikun një koleksion të gjerë veprash të artistit.

    Ekspozita përfshin disa nga pikturat dhe skicat më të njohura të Van Gogh, si dhe dokumente që tregojnë zhvillimin e stilit të tij artistik gjatë viteve të fundit të jetës.

    Organizatorët kanë bërë të ditur se ekspozita do të qëndrojë e hapur për vizitorët deri në verën e këtij viti.

    Ngjarja pritet të tërheqë mijëra turistë dhe studiues të artit nga vende të ndryshme të botës.

  • Me 13 mars hapet ekspozita “Butësia kontrollon fortësinë” në Bibliotekën Kombëtare të Kosovës

    Me 13 mars hapet ekspozita “Butësia kontrollon fortësinë” në Bibliotekën Kombëtare të Kosovës

    Në Bibliotekën Kombëtare të Kosovës do të hapet më 13 mars, nga ora 19:00, ekspozita me titull “Butësia kontrollon fortësinë”, e realizuar nga artistet vizuale Anaïs Horn dhe Verena Walzl, ndërsa e kuruar nga Blerta Hoçia.

    Hapja solemne do të mbahet në hollin e ekspozitave të Bibliotekës Kombëtare, duke sjellë para publikut një projekt artistik që ndërthur qasje bashkëkohore të artit vizual dhe reflektime mbi raportin mes butësisë dhe forcës.

    Ekspozita do të qëndrojë e hapur për vizitorët deri më 15 maj 2026, duke u ofruar të interesuarve mundësinë të njihen nga afër me punimet e dy artisteve dhe konceptin kuratorial të projektit.

  • Ekipi iranian i futbollit të femrave mbërrin në Malajzi nga Australia

    Ekipi iranian i futbollit të femrave mbërrin në Malajzi nga Australia

    Anëtarët e ekipit iranian të futbollit të femrave mbërritën në Malajzi pasi Australia u dha viza humanitare gjashtë lojtareve dhe një anëtari të stafit.

    Ato kishin shprehur shqetësime për sigurinë gjatë kthimit në Iran për shkak se nuk kënduan himnin kombëtar në Kupën Aziatike të Femrave.

    Ekipi iranian i futbollit të femrave u largua nga Australia pa shtatë anëtare të saj, pas protestave plot lot për largimin e tyre jashtë Aeroportit të Sidneit dhe përpjekjeve të fundit frenetike brenda terminalit nga zyrtarët australianë, të cilët u përpoqën të siguroheshin që gratë të kuptonin se po u ofrohej azil, shkruan AP.

    Ndërsa koha e fluturimit të ekipit po afrohej dhe ato kaluan kontrollin e sigurisë të martën vonë, secila grua u mor mënjanë për t’u takuar vetëm me zyrtarët, të cilët shpjeguan nëpërmjet përkthyesve se ato mund të zgjidhnin të mos ktheheshin në Iran.

  • Hoxhaj: Koalicioni Kurti – Osmani prodhoi krizë të thellë shtetërore dhe mungesë stabiliteti

    Hoxhaj: Koalicioni Kurti – Osmani prodhoi krizë të thellë shtetërore dhe mungesë stabiliteti

    Ish-kryetari i PDK-së, Enver Hoxhaj, ka kritikuar ashpër situatën aktuale politike në Kosovë, duke e cilësuar atë si rezultat të një bashkëpunimi të dështuar mes kryeministrit Albin Kurti dhe ish-presidentes Vjosa Osmani.

    Hoxhaj tha se koalicioni i krijuar në vitin 2021 ka prodhuar mungesë stabiliteti dhe kriza të vazhdueshme politike.

    “Koalicioni i ‘shpresës’ i vitit 2021 ka prodhu një mungesë totale të stabilitetit të brendshëm, kriza politike, drama personale. Kur po i shoh këto dramat personale të një divorci politik, se kush kë e tradhëtoi dhe kur e pash intervistën e znj. Osmani, ku nga fillimi deri në fund i dëgjon tri fjalë: komplot, puç, konspiracion. Me thënë të drejtën kjo nuk është më gjendje politike, kjo është gjendje psikologjike. Fjala puç, fjala komplot dhe fjala konspiracion flasin për paranoja”, deklaroi Hoxhaj.

    Ai tha se situata e krijuar politike po e dëmton drejtpërdrejt qytetarin dhe po e shkatërron besimin në politikë.

    “Kësi drame, paranojash, kësi traume e cila po e lodh qytetarin e Kosovës, e cila po e varfëron qytetarin e Kosovës, e cila në fakt po e shkatërron çdo koncept se për çka qëndron politika”, u shpreh ai.

    Sipas Hoxhajt, vendi tashmë po përballet me një krizë të thellë shtetërore dhe mungesë të qartë drejtimi për të ardhmen.

    “Jemi duke u përballë me një gjendje ku vitin e kaluar kishim një krizë të mirëfilltë shtetërore dhe tash kemi hy në një krizë të madhe shtetërore. Unë nuk po shoh se si ky binom që e ka drejtu Kosovën që të ofrojë një qasje të arsyeshme e racionale se çfarë do të ndodhë gjatë javëve të ardhme, gjatë muajve të ardhshme, gjatë viteve të ardhshme dhe ku do të jetë Kosova”, tha ai, në Frontal në T7.

    Në fund, Hoxhaj theksoi se përgjegjësia për situatën aktuale bie mbi Kurtin dhe Osmanin, ndërsa shtoi se PDK do të udhëheqë krijimin e institucioneve të reja pas zgjedhjeve të ardhshme.

    “Qytetarët e Kosovës duhet ta kuptojnë që bashkëfajtorë për këtë situatë të një krize të re politike është Kurti dhe Osmani. Unë jam mëse i bindur që kurdo që të mbahen zgjedhjet, PDK do të jetë ajo që do të udhëheq procesin e krijimit të institucioneve të reja”, deklaroi Hoxhaj.

  • Studim: Gratë që lindin fëmijë pas moshës 33 vjeç, mund të jetojnë deri 95 vjeç

    Studim: Gratë që lindin fëmijë pas moshës 33 vjeç, mund të jetojnë deri 95 vjeç

    Gratë që lindin fëmijën e fundit pas moshës 33 vjeç kanë më shumë gjasa të jetojnë deri në 95 vjeç, sugjeron një studim.

    Studiues nga Universiteti i Utah dhe Universiteti i Bostonit analizuan të dhënat e jetëgjatësisë së mijëra grave. Gjetjet e tyre tregojnë një lidhje mes moshës kur një grua lind fëmijën e fundit dhe mundësisë për të jetuar shumë gjatë.

    Analiza zbuloi se gratë që kanë lindur fëmijën e fundit pas moshës 33 vjeç kanë rreth dyfish më shumë gjasa të jetojnë deri në 95 vjeç ose më shumë, krahasuar me gratë që e kanë pasur lindjen e fundit deri në moshën 29 vjeç.

    Shkencëtarët theksojnë se kjo nuk do të thotë se lindja në moshë më të madhe shkakton jetë më të gjatë. Sipas tyre, aftësia për të mbetur shtatzënë në një moshë më të vonë mund të jetë një tregues se organizmi plaket më ngadalë dhe se gruaja gëzon një shëndet më të mirë në përgjithësi.

    Studime të tjera e kanë lidhur gjithashtu moshën më të vonë të mëmësisë me telomere më të gjata, një tregues në nivel qelizor i procesit të plakjes, duke mbështetur kështu idenë se koha e riprodhimit mund të lidhet me jetëgjatësinë.

  • Aksion kontrollues në Kosovë, gjoba për 37 shoferë të kamionëve

    Aksion kontrollues në Kosovë, gjoba për 37 shoferë të kamionëve

    Janë shqiptuar 37 masa për kundërvajtje, gjatë një kontrolli aksional ndaj shoferëve të kamionëve në të gjithë vendin, njoftoi sot Ministria e Punëve Brendshme.

    “Dje, në periudhën nga ora 9 e mëngjesit deri në orën 14:00, në zonat e disa Sektorëve për Punë të Brendshme, Njësia Mobile për Sigurinë në Trafikun Rrugor në Departamentin e Çështjeve të Trafikut kreu kontroll aksional të intensifikuar në trafikun rrugor, me qëllim sanksionimin e shkeljeve të kryera nga drejtuesit e automjeteve të mallrave. Gjatë kontrollit, u vendosën gjithsej 37 masa për shkelje të rregullave të trafikut”, informoi MPB.

    Nga këto, 12 masa kanë të bëjnë për shkak të mbingarkesës, transportit të jashtëzakonshëm dhe mospërdorimit të një mushamaje, një gjobë për pajisje të detyrueshme në kamionë, një gjobë për automjet teknikisht të dëmtuar dhe 10 gjoba për shkelje të tjera të trafikut.

    “Përveç kësaj, u paraqitën 13 kërkesa për të filluar procedurë kundërvajtjeje kundër personave ligjorë dhe përgjegjës. Janë përgatitur raporte përkatëse për të gjithë shkelësit. Kontrollet e trafikut do të vazhdojnë në periudhën në vijim. U bëjmë thirrje të gjithë përdoruesve të rrugës që të respektojnë vazhdimisht rregullat dhe rregulloret e trafikut. Vetëm me sjellje të përgjegjshme mund të kontribuojmë së bashku për rrugë më të sigurta”, thonë nga MPB.

  • Komuna e Kamenicës kërkon lirimin e hapësirave publike deri më 31 mars

    Komuna e Kamenicës kërkon lirimin e hapësirave publike deri më 31 mars

    Komuna e Kamenicës po kërkon lirimin e hapësirave publike deri më 31 mars të këtij viti.

    Zotrim Kastrati, drejtor për shërbime publike dhe inspektorat në këtë komunë, në emisionin “Fol me Arin”, tha se ky vendim është marrë për shkak se rreth 90% e kioskave nuk shfrytëzohen nga pronarët e tyre.

    “Me këtë vendim komuna kërkon të vendosë ligjshmëri, rregulla për shfrytëzimin e hapësirave publike, si dh sigurimin e trajtimit të barabartë për qytetarët në biznes”, tha ai në Klan Kosova.

  • Superkompjuteri parashikon 15 fituesit e ardhshëm të Ligës së Kampionëve, nuk mungojnë befasitë

    Superkompjuteri parashikon 15 fituesit e ardhshëm të Ligës së Kampionëve, nuk mungojnë befasitë

    Superkompjuteri ka parashikuar 15 fituesit e ardhshëm të Ligës së Kampionëve, me një ekip surprizë të përzgjedhur.

    Faza e 1/8-tës së Ligës së Kampionëve për sezonin 2025/26 fillon këtë javë, me secilin nga 16 ekipet që do të luajnë midis të martës dhe të mërkurës.

    Kampionët në fuqi, Paris Saint-Germain, do të presin Chelsean në ndeshjen e parë në një përballje që është parashikuar të jetë një nga më të fortat e raundit, ndërsa fituesit e sezonit 2023/24, Real Madrid, kanë tërhequr një short të vështirë kundër Manchester Cityt.

    Gjatë 15 viteve të fundit, PSG, Chelsea dhe City janë tre ekipet që kanë fituar Ligën e Kampionëve për herë të parë, me Chelsean që ngriti trofeun e parë në 2012 dhe City duke bërë të njëjtën gjë në 2023.

    Ka disa kandidatë që mund të arrijnë triumfin e tyre të parë gjatë 15 viteve të ardhshme, me Arsenal, Atletico Madrid, Bayer Leverkusen dhe Newcastle aktualisht të renditur më mirë si ekipe që janë ende në këtë garë.

    Superkompjuteri tani ka dhënë versionin e tij se cilat ekipe do të triumfojnë në Ligën e Kampionëve deri në 2040 dhe mund të themi se kishte disa surpriza drejt fundit.

    Superkompjuteri parashikon që Real Madridi do të fitojë titullin e tyre rekord të 16-të këtë sezon, para se Manchester City të ngjitet në majë në 2027, nëse Pep Guardiola do të jetë ende trajner i tyre.

    Bayern Munich (2028), Paris Saint-Germain (2029) dhe Real Madrid (përsëri, 2030) janë fituesit e ardhshëm, me superkompjuterin që parashikon se Barcelona (2031) do të përfundojë një boshllëk 16-vjeçar pa trofe evropian.

    Manchester City më pas fiton titullin për herë të tretë në 2032, para se Arsenal të bëhet fituesi i parë i ri që nga 2025 duke ngritur edicionin e 2033.

    Bayern Munich (2034), Liverpool (2035), Real Madrid (2036) dhe Chelsea (2037) janë katër fituesit e ardhshëm, para se gjërat të bëhen pak më interesante.

    Inter parashikohet të fitojë titullin e parë të Ligës së Kampionëve pas 28 vitesh në 2038, me superkompjuterin që duket se parashikon një perspektivë më pozitive për futbollin italian gjatë sezoneve të ardhshme.

  • Syzet nuk do ta fshijnë më grimin në hundë – Metoda e thjeshtë që funksionon gjithë ditën

    Syzet nuk do ta fshijnë më grimin në hundë – Metoda e thjeshtë që funksionon gjithë ditën

    Mbajtja e syzeve shpesh e fshin grimin në hundë, por një metodë e thjeshtë me një produkt të zakonshëm kozmetik mund ta mbajë atë në vend për orë të tëra

    Shumë persona që mbajnë syze çdo ditë e dinë sa problematik mund të jetë grimi në hundë. Pavarësisht sa me kujdes vendosni pudrën, korrektuesin apo bazën, pas disa orësh shpesh shfaqen gjurmë aty ku korniza e syzeve shtyp lëkurën. Në atë zonë grimi fshihet ose përhapet, duke e bërë tenin të duket i pabarabartë dhe të vështirë për t’u korrigjuar gjatë ditës.

    Shumë përpiqen ta zgjidhin këtë problem duke shtuar shtresa të tjera pudre ose duke rregulluar shpesh grimin, por kjo zakonisht jep vetëm efekt të përkohshëm dhe shpesh duket jo natyrale. Megjithatë, ekziston një truk i thjeshtë që muajt e fundit është bërë shumë popullor në rrjetet sociale dhe që i lejon përdoruesit e syzeve të mbajnë grimin pa stres.

    Truku me hijen e lëngshme të syve

    Për këtë truk ju duhet vetëm një hije e lëngshme për sy në një nuancë të ngjashme me ngjyrën e lëkurës. Edhe pse mund të duket e pazakontë përdorimi i hijes në hundë, ekziston një arsye logjike pse kjo metodë funksionon.

    Hijet e lëngshme janë krijuar që të jenë shumë rezistente në qepalla, një nga pjesët më lëvizëse të fytyrës. Për këtë arsye formula e tyre i reziston mirë lëvizjes dhe fërkimit.

    Kur një sasi shumë e vogël e hijes së lëngshme vendoset në pjesën e hundës ku mbështeten syzet dhe më pas fiksohet lehtë me pudër pluhur, krijohet një shtresë më rezistente ndaj fërkimit. Në këtë mënyrë korniza e syzeve nuk e fshin më grimin nga ajo zonë.

    Rezultati është i thjeshtë: syzet mund t’i vendosni dhe t’i hiqni gjatë ditës, ndërsa grimi qëndron në vend shumë më gjatë.

    Si të aplikohet saktë ky truk

    Për rezultatet më të mira, ndiqni disa hapa të thjeshtë:

    • Pasi të vendosni bazën dhe korrektuesin, prisni pak që grimi të stabilizohet në lëkurë.
    • Vendosni një sasi shumë të vogël të hijes së lëngshme në ngjyrë të lëkurës pikërisht në pjesën e hundës ku qëndron korniza e syzeve.
    • Përhapeni lehtë me gisht ose me sfungjer në mënyrë që të përzihet me pjesën tjetër të grimit.
    • Në fund, fiksojeni lehtë me një shtresë të hollë pudre transparente.

    Në këtë mënyrë krijoni një shtresë mbrojtëse që e bën grimin më rezistent ndaj fërkimit që shkaktojnë syzet.

    @roseandben Replying to @Tik Toker this pleases the color theory witch 🧙🏻🪄🎨 @M·A·C Cosmetics studio fix foundation- N6 and correctors: Orange and purple 🎨 #colortheory ♬ original sound – Rose Siard

    Një këshillë tjetër e vogël që ndihmon

    Përveç këtij truku, ekziston edhe një këshillë tjetër që mund ta zgjasë qëndrueshmërinë e grimit. Para se të vendosni syzet, mund ta matoni lehtë pjesën e hundës me një shtresë shumë të hollë pudre pluhur. Kjo zvogëlon rrëshqitjen e kornizës dhe ndihmon që grimi të mos fshihet shpejt.

    Po ashtu është e rëndësishme që korniza e syzeve të jetë e pastër. Nëse mbi të ka gjurmë pudre ose yndyre nga lëkura, fërkimi mund të jetë më i madh dhe grimi të hiqet më shpejt.

  • Pse duhet të vendosni vaj në flokë para larjes: Sekreti i grave të Azisë për flokë të fortë dhe me shkëlqim

    Pse duhet të vendosni vaj në flokë para larjes: Sekreti i grave të Azisë për flokë të fortë dhe me shkëlqim

    Ky ritual i lashtë, i përdorur sidomos në Indi, Kinë dhe Japoni, ndihmon në ushqimin e flokëve, stimulimin e rritjes dhe mbrojtjen nga dëmtimet

    Vendosja e vajit në flokë para larjes është një nga sekretet më të njohura të kujdesit për flokët që përdoret prej shekujsh në Azi. Ky ritual, i njohur sidomos në Indi, Kinë, Japoni dhe Kore, konsiderohet një nga arsyet pse shumë gra në këto vende kanë flokë të gjatë, të fortë dhe me shkëlqim.

    Flokët e gjatë janë burim krenarie për shumë gra në këto kultura, prandaj ato kujdesen me shumë përkushtim për t’i mbrojtur nga dëmtimet që mund të shkaktohen nga nxehtësia, uji i fortë ose mjetet për stilim.

    Në traditën ajurvedike të bukurisë, një nga praktikat më të zakonshme është përdorimi i vajit në lëkurën e kokës si trajtim javor para larjes së flokëve.

    Në Indi, ku ka lindur mjekësia ajurvedike, gratë më të moshuara shpesh kujdesen për shëndetin e flokëve të vajzave dhe mbesave të tyre. Ato kalojnë kohë së bashku duke aplikuar vaj në flokë, duke masazhuar lëkurën e kokës dhe duke ndihmuar në larjen e flokëve. Ky ritual është një mënyrë për të forcuar lidhjet familjare, por edhe për të ruajtur bukurinë dhe shëndetin e flokëve.

    Ashtu si përdoren kremrat hidratues për trupin dhe fytyrën, edhe flokët kanë nevojë për kujdes shtesë, sepse janë vazhdimisht të ekspozuar ndaj faktorëve të jashtëm.

    Vaji për flokë nuk ndikon vetëm në dendësinë e tyre, por edhe në cilësinë e përgjithshme. Pas përdorimit të vajit, flokët bëhen më të ushqyer, më të shndritshëm dhe më të lehtë për t’u stiluar. Masazhi i lëkurës së kokës dhe krehja ndihmojnë gjithashtu në stimulimin e folikulave të flokëve dhe në relaksimin e skalpit.

    Në treg ekzistojnë shumë lloje vajrash për flokë, por jo të gjitha janë të përshtatshme për çdo tip flokësh.

    Vaji i ricinit
    Një nga vajrat më të njohur është vaji i ricinit. Ai përdoret prej mijëra vitesh për të reduktuar inflamacionin në lëkurën e kokës dhe për të nxitur rritjen e flokëve.

    Vaji i amlas
    Një tjetër vaj shumë i përdorur për masazh të skalpit është vaji i amlas, i cili mund të gjendet në dyqanet e produkteve bimore. Ky vaj është i pasur me vitaminë C dhe, përveçse stimulon rritjen e flokëve, ndihmon edhe në trajtimin e skalpit të thatë dhe që kruhet.

    Përveç këtyre, mund të përdoren edhe vajra ajurvedike, të cilat zakonisht bazohen në vaj susami ose vaj kokosi të kombinuar me ekstrakte bimore.

    Si të përdorni vajin
    • Ngrohni disa pika vaj në pëllëmbë dhe aplikojeni në majën e kokës, në flokë plotësisht të thatë.
    • Masazhoni butësisht lëkurën e kokës për disa minuta dhe përdorni vajin e mbetur për të hidratuar majat e flokëve.
    • Për rezultate më të mira, lëreni vajin gjatë natës dhe shpëlajeni në mëngjes.
    • Ditën tjetër përdorni shampon dhe balsamin tuaj të zakonshëm dhe stilojini flokët si zakonisht.
    • Përsëriteni këtë trajtim një herë në javë dhe do të vini re se flokët bëhen më të fortë, më të shëndetshëm dhe rënia e tyre zvogëlohet.
    • Gjatë aplikimit mund të përdorni edhe një furçë speciale për masazh të skalpit, por pa ushtruar presion të madh për të mos irrituar lëkurën e kokës.