ATV

Author: K.B.

  • LDK prezanton Rezolutën për uljen e çmimeve të karburanteve

    LDK prezanton Rezolutën për uljen e çmimeve të karburanteve

    Kryetarja e Grupit Parlamentar të LDK-së, Jehona Lushaku-Sadriu në seancën e jashtëzakonshme për naftën, tha se rritja e vazhdueshme e çmimit të këtij produkti, nuk është vetëm një lëvizje në treg, por baza e një krize ekonomike dhe sociale me ndikim në familjet kosovare.

    “Duke pasur parasysh se edhe para rritjes se çmimit të naftës, vendi përballej me një numër të lartë të inflacionit prej 6%, mbi këtë rritja e çmimit të naftës përkthehet automatikisht në rritje e tutje të të gjitha produkteve bazike”, ka thënë Lushaku-Sadriu.

    Deputetja e LDK-së tha se institucionet e Republikës së Kosovës deri më tani nuk kanë ndërmarr asnjë masë për të mbrojtur qytetarët.

    Ajo prezantoi edhe Rezolutën e propozuar nga LDK-ja, dhe e përkrahur nga partitë e tjera opozitare, e cila përmban këto pika:

    Kuvendi kërkon nga Qeveria uljen e përkohshme të akcizës. Qeveria duhet të aplikojë menjëherë ulje të akcizës nga 36 cent në litër në 20 cent në litër, me afat të përkohshëm deri në stabilizimin e çmimeve në bursa ndërkombëtareKuvendi kërkon nga Qeveria ulje të përkohshme të TVSH në karburante, duke qenë se v18% është ad volarem, dmth rritet bashkë me çmimin, qytetarët paguajnë më shumë taksë sesa rritet çmimi. Qeveria duhet të ulë TVSh për naftë nga 18% në 8% deri në stabilizimin e çmimeveKuvendi kërkon nga Qeveria subvencionim të çmimit të naftës për sektorët më të ndjeshëm. Qeveria urgjentisht të gjeje forma për të subvencionuar çmimin e naftës për bujqit, bujqësinë, transportin publik dhe prodhuesit vendorë.

    “Kjo Rezolutë hyn në fuqi menjëherë pas miratimit në Kuvend”, tha Sadriu-Lushaku.

  • Celine Dion thyen rekorde: Miliona njerëz duan bileta për në Paris

    Celine Dion thyen rekorde: Miliona njerëz duan bileta për në Paris

    Kthimi i Celine Dion në skenën e Parisit gjeneroi një interes të paparë nga publiku dhe kërkesa për bileta përshkruhet si historike. Të hënën në mbrëmje, në ditëlindjen e saj të 58-të, diva kanadeze e muzikës njoftoi dhjetë shfaqje ekskluzive në La Défense Arena të Parisit, të cilat do të zhvillohen nga 12 shtatori deri më 14 tetor.

    Në selinë qendrore të prodhuesit të saj AEG në Paris, nuk mund ta fsheh kënaqësinë time.

    “Kjo është çmenduri, një tërbim i vërtetë, një moment historik!”, komentuan ata një ditë pas njoftimit. AXS, shërbimi i biletave i AEG, tha se sistemi i tyre “i rezistoi në mënyrë të përkryer këtij presioni të jashtëzakonshëm”, shkruan Le Parisien.

    Një gazetë franceze raportoi se kishte deri në “9 milionë regjistrime për të provuar të blinin bileta”. Nëse ky informacion është i saktë, mund të jetë një rekord botëror.

    Jackie Lombard, e cila ka prodhuar shfaqjet e Celine Dion në Francë që nga viti 2016 dhe është gjithashtu përgjegjëse për mbërritjet e Madonna-s dhe Michael Jackson, është gjithashtu e habitur.

    “Nuk kam përjetuar kurrë diçka të tillë më parë,” tha ajo. “Kërkesa është aq e madhe sa Celine mundi të bënte njëqind koncerte! Nuk fjeta gjithë natën. Mora dhjetëra mesazhe nga Shtetet e Bashkuara dhe Anglia. Jam e habitur nga tërbimi që ka shkaktuar kjo.”

    Shifra të papara dhe sulme robotësh

    Dhe shifrat i konfirmojnë fjalët e saj. Vetëm një orë pas videomesazhit të Celine Dion të hënën në mbrëmje, 500,000 njerëz ishin tashmë duke pritur në faqen e saj zyrtare celinedion.com.

    Deri në mesditën e së martës, sipas informacionit të disponueshëm, më shumë se një milion përdorues nga e gjithë bota ishin regjistruar dhe u regjistruan më shumë se 10 milionë përpjekje për të lidhur të ashtuquajturit bot – robotë kompjuterikë që përpiqen të sigurojnë bileta gjatë natës me qëllim që më vonë t’i rishisin ato me çmime dukshëm më të larta në tregun e zi.

    Organizata thotë se pikërisht për këtë arsye është i nevojshëm ky sistem verifikimi.

    Regjistrimet tani janë mbyllur dhe është tepër vonë për të gjithë ata që donin të provonin fatin e tyre dhe të siguronin bileta për një nga dhjetë koncertet që do të mbajë Celine Dion. Janë në shitje gjithsej 330,000 bileta për dhjetë shfaqje, duke marrë parasysh që salla pret 33,000 vizitorë çdo natë. Çmimet variojnë nga 89.50 deri në 298.50 euro.

    Luftimi i Sindromës së Personit të Ngurtë

    Sindroma e Personit të Ngurtë, me të cilën përballet Dion, është një çrregullim i rrallë neurologjik që shkakton ngurtësi muskulore dhe spazma të dhimbshme që ndodhin me ndërprerje dhe mund të përkeqësohen me kalimin e kohës. Dion ka treguar më parë se si sëmundja ndikoi në zërin e saj karakteristik.

    Këngëtarja e “My Heart Will Go On” zbuloi për herë të parë në vitin 2022 se vuante nga sindroma, gjë që e detyroi të anulonte pjesën tjetër të turneut të saj. Në një postim emocionues në atë kohë, ajo shpjegoi: “Fatkeqësisht, këto spazma ndikojnë në çdo aspekt të jetës sime të përditshme. Ndonjëherë ato më vështirësojnë ecjen dhe nuk më lejojnë të përdor kordat vokale për të kënduar siç këndoja më parë.”

  • Hamza: Kategoritë sociale duhet të përkrahen me ligj e të nxirren nga ajo gjendje, jo t’iu blihet vota siç bëri Qeveria Kurti

    Hamza: Kategoritë sociale duhet të përkrahen me ligj e të nxirren nga ajo gjendje, jo t’iu blihet vota siç bëri Qeveria Kurti

    Kreu i PDK-së, Bedri Hamza, në seancën e sotme të Kuvendit të Kosovës, ka thënë se inflacioni në Kosovë po vazhdon dhe rritja ekonomike është nën 4%.

    Hamza ka thënë se kërkohet më shumë targetim i skemave sociale, jo vetëm për t’iu dhënë para në kërkim të votës, por për t’i targetuar ato kategori për t’i nxjerrë nga gjendja.

    “Inflacioni vazhdon, norma e rritjes ekonomike nën 4 %. Ndryshimet në strukturën e shpenzimeve e kanë përkeqësuar strukturën, në dëm të parasë publike. Janë shpërnda para, ku kërkohet më shumë targetim i skemave sociale. Jo vetëm me dhënë para për me kërkuar votë, por me i targetu kategoritë që me i nxjerrë prej asaj gjendje”, ka thënë Hamza.

    Hamza ka thënë se Qeveria Kurti nuk është kujdesuar për zhvillim ekonomik e përmirësim të standardit të jetesës, por vetëm për blerje të votës përmes parasë publike.

    Kreu i PDK’së ka thënë e kategoritë sociale duhet të përkrahen, por me ligj.

    Hamza tha se Qeveria nuk është duke i lexuar as zhvillimet dhe indikatorët makroekonomikë dhe financiarë.

    “Kemi raportin e fundit të FMN-së, i cili nuk thotë diçka më tepër se ato që i kemi thënë ne. Rritja ekonomike, për vitin 2025, vlerësohet se është 3.6, që është më e ulëta me vitet e fundit. Për më keq, parashikimet janë edhe më të zbehta, ku për vitin 2026 parashihet rritje ekonomike prej 3.3 për qind”.

    “Inflacioni, për me thënë në gjuhën popullore, rritja e çmimeve dhe përkeqësimi i standardit të jetesës së qytetarëve të Kosovës, varfërimi i qytetarëve, në shkurt të këtij viti në krahasim me shkurtin e vitit paraprak, është 6%. Prandaj, ne e përkrahim çdo masë e cila shkon në drejtim të përmirësimit të standardeve të qytetarëve të Kosovës”, u shpreh deputeti i PDK-së.

  • Italia blen kryevepër të Rilindjes për 12.6 milionë euro për ta rikthyer në vend

    Italia blen kryevepër të Rilindjes për 12.6 milionë euro për ta rikthyer në vend

    Italia ka ndërmarrë një tjetër hap për mbrojtjen e trashëgimisë së saj kulturore, duke blerë një vepër të çmuar të periudhës së Rilindjes për 12.6 milionë euro.

    Bëhet fjalë për pikturën fetare “Ecce Uomo” të artistit Antonello da Messina, e cila ishte nxjerrë në ankand në New York. Vepra paraqet Jezusin me kurorë me gjemba dhe një litar në qafë, në momentin kur Pontius Pilate ia dorëzon turmës për kryqëzim.

    Piktura vlerësohet jo vetëm për rëndësinë artistike, por edhe për historinë e saj të veçantë. Ajo është përdorur për lutje private për vite me radhë dhe është ruajtur në një çantë lëkure, gjë që ka shkaktuar dëmtime në anën tjetër të panelit, ku paraqitet figura e Saint Jerome.

    Kjo blerje vjen pak kohë pasi Italia investoi rreth 30 milionë euro për një portret të rrallë nga Caravaggio, një nga shpenzimet më të mëdha shtetërore për një vepër arti.

    Ministri i Kulturës, Alessandro Giuli, ka theksuar se ky është vetëm fillimi i një strategjie për të rikthyer në Itali vepra me rëndësi të veçantë dhe për t’i bërë ato të aksesueshme për publikun.

    “Ecce Uomo” do të ekspozohet fillimisht në Muzeun Kombëtar të Abruzzos, përpara se të udhëtojë në institucione të tjera kulturore në të gjithë vendin.

  • Në një pompë në Kosovë, çmimi i naftës shkon mbi 2 euro për litër

    Në një pompë në Kosovë, çmimi i naftës shkon mbi 2 euro për litër

    Pas rritjes së fundit, çmimi i naftës në Kosovë ka shkuar nga 1.82 euro për litër dje në 2.03 euro për litër sot.

    Kjo ngritje e shpejtë ndikon drejtpërdrejt në qytetarë dhe biznese, duke rritur kostot e jetesës dhe operimit.

    Autoritetet po monitorojnë situatën dhe kërkojnë furnizime të qëndrueshme në treg.

  • Kurti: Javën e ardhshme takimet me opozitën për presidentin

    Kurti: Javën e ardhshme takimet me opozitën për presidentin

    Kreu i Qeverisë së Kosovës dhe lideri i LVV-së, Albin Kurti, ka thënë se do të ketë takime javën e ardhshme për çështjen e presidentit.

    Kurti duke shkuar për në seancë të Kuvendit ka thënë se është në kontakt edhe me kryetarin e LDK-së, Lumir Abdixhiku, dhe me kreun e PDK-së, Bedri Hamza.

    “Do të ketë takime në javën e ardhshme”, ka thënë Kurti.

    Gjykata Kushtetuese u ka dhënë kohë ligjvënësve të Kosovës mbi një muaj kohë për ta zgjedhur presidentin e ri të vendit, pasi e rrëzoi një dekret të presidentes së tanishme, Vjosa Osmani, më 25 mars për shpërndarjen e Kuvendit pas moszgjedhjes së presidentit në një seancë më 5 mars.

    Negociatat mes LVV-së dhe partive opozitare për gjetjen e një emri për president kishin dështuar pavarësisht takimeve të shumta. Kurti ndërkohë nuk ka pranuar që ta kandidojë edhe për një mandat, Vjosa Osmanin, gjë që ka çuar në një përplasje në mes të kabinetit të Vjosa Osmanit dhe kabinetit të Kurtit.

    Kësisoj, në seancën e 5 marsit, partia në pushtet i paraqiti dy kandidatë për president: Glauk Konjufcën dhe Fatmire Kollçaku-Mullhaxhën. Seanca u ndërprerë në mungesë kuorumi, pasi ishte braktisur nga partitë opozitare.

    Një ditë pas ndërprerjes së seancës më 5 mars, Osmani nxori dekretin për shpërndarjen e Kuvendit.

    Nëse procesi i zgjedhjes së presidentit dështon brenda afateve të përcaktuara me Kushtetutë, vendi shkon në zgjedhje.

  • Nga tregtia te siguria ushqimore – Kosova dhe Shqipëria thellojnë bashkëpunimin strategjik në bujqësi

    Nga tregtia te siguria ushqimore – Kosova dhe Shqipëria thellojnë bashkëpunimin strategjik në bujqësi

    Ministri i Bujqësisë, Pylltarisë dhe Zhvillimit Rural, Armend Muja, ka pritur sot në takim Ministrin e Bujqësisë dhe Zhvillimit Rural të Shqipërisë, Andis Salla, me të cilin diskutoi për thellimin e bashkëpunimit bilateral në sektorin e bujqësisë dhe zhvillimit rural.

    Sipas një njotimi për media thuhet se gjatë takimit, Muja shprehu gatishmërinë e plotë për të avancuar dhe zgjeruar bashkëpunimin me Shqipërinë, duke theksuar se bashkërendimi i politikave dhe projekteve të përbashkëta është kyç për zhvillimin e qëndrueshëm të sektorit agro-ushqimor në të dy vendet.

    “Në fokus të diskutimeve ishin lehtësimi i tregtisë ndërmjet dy vendeve dhe reduktimi i barrierave administrative, si dhe mbështetja e eksporteve dhe qasja në tregjet ndërkombëtare. Po ashtu, u diskutua edhe për tema të tjera në fushën e promovimit të përbashkët”, thuhet në njoftim.

    Tutje siç thuhet në njoftim, palët diskutuan gjithashtu për realizimin e projekteve të përbashkëta dhe forcimin e bashkëpunimit me donatorë ndërkombëtarë, me qëllim rritjen e investimeve dhe zhvillimin e kapaciteteve në sektorin bujqësor.

    “Në kuadër të sigurisë ushqimore, u theksua rëndësia e forcimit të rolit të Agjencisë së Ushqimit dhe Veterinarisë (AUV), si dhe nevoja për njohjen dhe unifikimin e certifikatave dhe procedurave ndërmjet dy vendeve. Po ashtu, u diskutua identifikimi i laboratorëve dhe metodave për akreditim reciprok, si dhe shkëmbimi i informatave për nevojat e akreditimit të Agjencisë për Zhvillimin e Bujqësisë (AZHB). Një pjesë e rëndësishme e diskutimeve iu kushtua edhe shërbimeve këshillimore në bujqësi, përmes Qendrave për Transfer të Teknologjisë Bujqësore (QTTB), si dhe avancimit të digjitalizimit dhe inovacionit në sektorin e bujqësisë dhe pylltarisë”, thuhet në njoftim.

  • Faton Peci tha se u hodh poshtë kallëzimi penal ndaj tij për grantet në bujqësi, Prokuroria Speciale e demanton

    Faton Peci tha se u hodh poshtë kallëzimi penal ndaj tij për grantet në bujqësi, Prokuroria Speciale e demanton

    Ish-ministri i Bujqësisë dhe aktualisht kryetar i Mitrovicës, Faton Peci, tha se Prokuroria Speciale e ka hedhur poshtë kallëzimin penal ndaj tij për grantet në bujqësi sa ishte në krye të kësaj ministrie. Por, këtë e ka demantuar Prokuroria Speciale e cila tha se rasti i cili është hedhur poshtë ka të bëjë me çështjen e ushtrimit të dy funksioneve në Kuvendin dhe Qeverinë e Kosovës.

    “Prokuroria e Republikës së Kosovës sqaron opinionin publik se rasti për të cilin po raportohet se është hedhur kallëzimi penal ndaj F.P., nuk ndërlidhet me hetimet që janë duke u zhvilluar lidhur me dyshimet për keqpërdorim të granteve në sektorin e bujqësisë. Rasti në fjalë ka të bëjë me një kallëzim penal të paraqitur nga subjekti politik LDK, i cili ndërlidhet me çështjen e ushtrimit të dy funksioneve në Kuvendin dhe Qeverinë e Kosovës”, thuhet në njoftimin e Prokurorisë.

    Prokuroria Speciale e Republikës së Kosovës tha se “mbetet e përkushtuar për të informuar drejt opinionin publik, duke respektuar parimin e transparencës, si dhe duke ruajtur integritetin e procedurave hetimore”.

    Hidhet poshtë kallëzimi penal i LDK-së kundër Faton Pecit për grantet në bujqësi

  • Çfarë mund të tregojë aroma juaj natyrale për shëndetin tuaj

    Çfarë mund të tregojë aroma juaj natyrale për shëndetin tuaj

    Shpesh e shohim aromën e trupit si një bezdi – diçka që duhet mbuluar me deodorant ose një dush të shpejtë. Megjithatë, aromat që prodhon trupat tanë në fakt mund të zbulojnë shumë gjëra të habitshme rreth shëndetit tonë.

    Nga vjen aroma e trupit?

    Aroma jonë fillon me djersën – por jo të gjitha janë njësoj. Shumica e aromave të trupit ndodhin kur bakteret reagojnë me sekrecionet e gjëndrave apokrine, të cilat ndodhen kryesisht në sqetulla dhe ijë, raporton Science Focus .

    Këto gjëndra sekretojnë një lëng më të trashë dhe të pasur me proteina, i cili në vetvete ka një erë shumë të lehtë. Megjithatë, kur zbërthehet nga bakteret në lëkurë, krijon një erë të fortë dhe të veçantë nën sqetulla.

    Në të kundërt, gjëndrat ekrine, të cilat janë të shpërndara pothuajse në të gjithë trupin, sekretojnë një përzierje të holluar uji dhe kripe. Zakonisht nuk ka erë të fortë, por mund të kontribuojë në një erë të pakëndshme kur bakteret shumohen në lëkurë.

    Çfarë mund të thotë aroma e trupit për shëndetin?

    Ndryshimet delikate në aromë ndonjëherë mund të tregojnë probleme shëndetësore. Për shembull, diabeti i kontrolluar dobët mund të shkaktojë një erë të ëmbël frutash ose erë lëkure, e cila shpesh përshkruhet si erë karameli ose acetoni.

    Kjo mund të jetë një shenjë e ketoacidozës diabetike, një gjendje emergjente në të cilën ketonet grumbullohen në gjak për shkak të mungesës së insulinës.

    Në mënyrë të ngjashme, sëmundja e mëlçisë është shoqëruar prej kohësh me një erë karakteristike të ndenjur ose “fekale”, ndërsa dështimi i veshkave mund të shkaktojë një erë të ngjashme me amoniakun pasi trupi nuk arrin të nxjerrë substancat e dëmshme.

    Infeksionet gjithashtu mund të ndryshojnë erën, ashtu si edhe ndryshimet hormonale si shtatzënia, periudha pas lindjes, cikli menstrual dhe menopauza.

    Është interesante që shkencëtarët po hetojnë nëse nuhatja e njeriut mund të ndihmojë në diagnostikimin më të hershëm dhe më të saktë të sëmundjeve.

    Hulumtimet e fundit, për shembull në sëmundjen e Parkinsonit, kanë treguar se disa komponime organike të paqëndrueshme të lëshuara përmes lëkurës mund të ndryshojnë shumë kohë përpara se të shfaqen simptomat e dukshme neurologjike.

    Kjo fushë kërkimi u frymëzua pjesërisht nga njerëz me një shqisë shumë të zhvilluar të nuhatjes – përfshirë një grua që vuri re një erë specifike myshku tek burri i saj vite para se ai të diagnostikohej me sëmundjen e Parkinsonit.

    Stili i jetesës, ushqyerja dhe gjenetika

    Sigurisht, jo të gjitha aromat janë shkak për shqetësim. Ushqime si hudhra, qepa dhe salca me salcë kerri përmbajnë përbërës të paqëndrueshëm që ekskretohen nëpërmjet djersës. Alkooli, kafeina dhe ilaçe të ndryshme gjithashtu mund të ndryshojnë aromën e trupit.

    Edhe stresi mund të ndikojë në mënyrën se si nuhasim, përmes ndryshimeve në përbërjen e djersës.

    Mikrobioma natyrale e lëkurës – bashkësia e baktereve që jetojnë në lëkurën tonë – luan gjithashtu një rol të rëndësishëm, prandaj disa njerëz kanë një erë më të fortë se të tjerët.

    Çfarë mund të bëni nëse era e trupit është shqetësuese?

    Higjiena e mirë është më e rëndësishmja. Larja e rregullt me ​​sapun, veçanërisht në zonat e trupit me shumë gjëndra apokrine, zvogëlon numrin e baktereve që zbërthejnë djersën.

    Antiperspirantët zvogëlojnë sekretimin e djersës, ndërsa deodorantët maskojnë erën.

    Veshja e rrobave që marrin frymë, siç janë pambuku ose materialet që thithin lagështinë, mund të kufizojë rritjen e baktereve, veçanërisht gjatë ushtrimeve. Hidratimi i mjaftueshëm dhe një dietë e ekuilibruar gjithashtu mund të zvogëlojnë erën.

    Nëse ndryshimet në erë janë afatgjata, të pashpjegueshme ose të shoqëruara me simptoma të tjera – veçanërisht diabeti, sëmundja e mëlçisë ose e veshkave – duhet të kërkoni ndihmë mjekësore.

  • Nga sot Wizz Air korrigjon emrin e destinacionit, nga “Priština” në “Prishtina”

    Nga sot Wizz Air korrigjon emrin e destinacionit, nga “Priština” në “Prishtina”

    Kompania ajrore Wizz Air ka korrigjuar përkatësinë e destinacionit Prishtinë, duke e ndryshuar nga “Priština” në “Prishtina” ose “Pristina”. Lajmin e ka dhënë ambasadori i Kosovës në Gjermani, Faruk Ajeti.

    “Falë reagimit të qytetarëve tanë dhe angazhimit tonë diplomatik, kompania ajrore Wizz Air ka korrigjuar përkatësinë e destinacionit Prishtinë, duke e ndryshuar nga “Priština” në “Prishtina” ose “Pristina”.

    Ky është një shembull tjetër i qartë se reagimi qytetar dhe diplomacia aktive japin rezultate konkrete.

    Nëse hasni ndonjë institucion apo kompani gjermane ku Republika e Kosovës apo qytetet tona nuk paraqitet në mënyrë korrekte, ju lutemi të na shkruani në [email protected], duke bashkëngjitur dëshmitë përkatëse, në mënyrë që këto pasaktësi të adresohen dhe korrigjohen” shkruan Ajeti në njoftim.