Author: K.B.

Trump: Ne mund ta haim lehtësisht Ngushticën e Hormuzit, të marrim naftën dhe të pasurohemi

Presidenti i Shteteve të Bashkuara, Donald Trump, deklaroi të premten se ShBA mund të hapë Ngushticën e Hormuzit “me pak më shumë kohë”, ndërsa rritet presioni mbi administratën e tij për të gjetur një zgjidhje të shpejtë për konfliktin me Iranin.

“Me pak më shumë kohë, ne mund ta hapim lehtësisht Ngushticën e Hormuzit, të marrim naftën dhe të bëjmë një pasuri,” shkroi Trump në rrjetin social Truth Social.

Gati pesë javë pas nisjes së sulmeve ajrore të përbashkëta SHBA-Izrael në Iran, lufta vazhdon të përhapë kaos në rajon dhe të trondisë tregjet financiare, duke rritur presionin ndaj Trump për një zgjidhje të shpejtë.

Rihapja e këtij kanali është bërë prioritet për qeveritë ndërkombëtare, ndërsa çmimet e energjisë dhe nftës vazhdojnë të rriten.

Deputeti i AAK-së, Daut Haradinaj, ka publikuar me emër një mërgimtar, i cili përdori gjuhë të tmerrshme ndaj Ramush Haradinajt.

Postimi:

Ky koment është një shpifje e ulët e bërë nga një individ në një postim të mbrëmshëm të Adriatik Kelmendit për Ramush Haradinajn.

Autori i këtij komenti, së bashku me të gjithë ata që përhapin shpifje të tilla, do të mbajnë përgjegjësi dhe do të përballen pa kompromis me drejtësinë.

Kryetari i Komunës së Mitrovicës, Faton Peci ka bërë të ditur se po mbështet me 250 euro në muaj për gjysmë orari punë praktike personat me nevoja të veçanta.

Peci përmes një postimi në rrjetin social në Facebook ka shkruar se angazhimi i tyre është që të gjithë të kenë mundësi dhe trajtim të barabartë, duke iu ofruar mbështetje financiare dhe hapësirë profesionale.

“Komuna e Mitrovicës mbështet me 250 euro në muaj për gjysmë orari pune praktike personat me nevoja të veçanta. Angazhimi ynë është që të gjithë të kenë mundësi dhe trajtim të barabartë, duke iu ofruar mbështetje financiare dhe hapësirë profesionale. Jemi në shërbim të të gjithëve, pa dallim”, ka shkruar Peci.

Deputetja e AAK-së, Time Kadrijaj, në seancën e sotme ku po debatohet për rritjen e çmimeve të naftës, tha se është për të qeshur të dëgjosh deputeten e Vetëvendosjes, Rozeta Hajdari, duke folur për korrupsion.

Ajo iu referua aktakuzës së ngritur ndaj Hajdarit, e cila sa ka qenë ministre e Industrisë dhe Tregtisë dyshohet se ka keqpërdorur rezervat shtetërore.

“Viti i gjashtë që po udhëheq kjo qeveri dhe ende po gjejnë fajtorë sepse e kanë një performancë pa asnjë të arritur. Njëherë pengesë ka qenë pandemia, atëherë lufta në Ukrainë, normal që ju vajtoni për vitet e kaluara sepse gjithë këto të arritura janë nga opozita dhe tash lufta në Iran. S’po ju lë me i çelë sytë, me bo asnjë punë. Kur po flet Rozeta Hajdari për korrupsion me ka ardhë me qeshë, m’beso m’ka ardhë me qeshë. Njeri që i ka vjedhë rezervat shtetërore, njeri që i ka bërë dëm këtij vendi, doli sot në foltore foli për korrupsion. Marre a. Marre!”, tha Kadrijaj.

Më herët, në foltoren e Kuvendit tha se Vetëvendosjes iu desh të “përballet” me trashëgiminë e korrupsionit të lënë nga qeveritë e kaluara.

“Të nderuar deputetë, të dashur qytetarë, në fillim të mandatit tonë qeverisës nga Lëvizja Vetëvendosje, ne u përballëm me një realitet të vështirë të trashëguar nga ju, qeverisjet e kaluara. Keqpërdorimi dhe korrupsioni kishin zënë vend thellë në sektorë të rëndësishëm të ekonomisë, si në publik ashtu edhe në privat. Këto dukuri nuk ishin të rastësishme; ato ishin të lidhura ngushtë me interesa të ngushta, me grupe dhe monopole të afërta me politikën që për vite me radhë kishin penguar zhvillimin e tregut të lirë dhe konkurrencën e drejtë”, kishte thënë ajo.

Ministri i Shëndetësisë, Arben Vitia, është përplasur sot në Kuvend me deputeten e LDK’së, Hykmete Bajrami, sa i përket ligjit për çmimet e barnave.

Vitia ka thënë se “shumica e milionerëve farmaceutikë” janë krijuar gjatë qeverisjes së LDK’së.

Ministri i Shëndetësisë ka thënë se ligjin për barnat nuk ka pasur guxim ta bëjë asnjë qeveri tjetër.

Lidhur me këtë i është kundërpërgjigjur edhe deputetja e LDK’së, duke i thënë Vitisë se kur flet me zë të ultë e gjuhë të moderuar “s’mund ta fshehësh krimin dhe korrupsionin”.

“Jeni Qeveria që i keni bërë 4 mijë tenderë njëburimor. Ti e ke pas njerin në grup punues që ta ka hartu listën e barnave esenciale, më vonë ka dalë te kompania që fiton miliona euro tendera. Këto janë të dhëna publike, s’e njoh asnjërin personalisht”, ka thënë Bajrami.

Deputetja e LDK’së, Hykmete Bajrami, është përplasur edhe me ministren Mimoza Kusari-Lila sa i përket asaj që po ndodhe me çmimet e naftës, duke i thënë se flet me ton, ashtu siç ia kërkon partia.

Gjatë natës së mbrëmshme, në aksin rrugor Gjilan-Stanqiq është evidentuar erodim i dheut, ndërsa në aksin Pejë-Rugovë ka pasur bllokim të rrugës nga rrëshqitja e gurëve, duke paraqitur rrezik për qarkullimin.

Kështu ka njoftuar Ministria e Infrastrukturës dhe Transportit, e cila tha se ekipet e mirëmbajtjes kanë reaguar menjëherë dhe kanë dalë në terren për menaxhimin e situatës dhe sigurimin e segmenteve të prekura.

“Në aksin Pejë – Rugovë, për gurin me përmasa të mëdha, është konfirmuar evitimi i rrezikut, dhe hapja e njërës korsi, ndërsa segmentet janë të sinjalizuara dhe nën monitorim të vazhdueshëm”.

“Qarkullimi po zhvillohet me kujdes të shtuar, ndërsa ekipet tona janë në terren duke punuar intensivisht për sanimin e plotë të situatës”, tha MIT-ja.

Në fund, Ministria e Infrastrukturës dhe Transportit mbetet e angazhuar për reagim të shpejtë dhe garantimin e sigurisë në të gjitha segmentet rrugore.

Një nga përpjekjet e fundit të Surroit për të bërë krejt çfarë mund të bënte që të minonte mundësinë e shqiptarëve për një shtet të vetin në Kosovë, që do të nënkuptonte shkatërrim të Jugosllavisë po se po, por edhe shkëputje nga Serbia, shënohet në Rambuje, gjatë kohës së bisedimeve të delegacionit shqiptar me atë serb.

Ngjarjen të plotë e ka sjellur gazetari, shkrimtari dhe historiani francez, Jacques Baudouin.

Baudouin, i emëruar kalorës në Urdhrin Kombëtar të Legjionit të Nderit në Francë, që më pas ishte edhe këshilltar i Bernard Kouchner, administratori i parë i UNMIK-ut në Kosovën e pasluftës, kur shkroi librin e tij “Lindja e një Demokracie, Hashim Thaçi dhe Rruga Drejt Kosovës së Pavarur”, një pjesë ia ka kushtuar specifikisht Veton Surroit.

Për vërtetësinë e librit, është zotuar edhe vetë Kouchner, më pas edhe Ministër i Punëve të Jashtme të Francës, që ka shkruar edhe parathënien e librit.

Në faqen 181 të këtij libri shënon një kapitull me emrin “Loja e Veton Surroit”.

Aty Baudouin shkruan se si Veton Surroi kishte tentuar të bënte një dredhi për të vënë në lajthitje grupin e Kosovës të përbërë nga Hashim Thaçi, Ibrahim Rugova dhe Rexhep Qosja.

Baudouin shkruan në libër se Surroi, pa dijeninë e të tjerëve, kishte marrë letrën e propozuar nga ndërkombëtarët për Marrëveshje me Serbët dhe po e përkthente.

Këtë Hashim Thaçi e kishte kuptuar vetëm rastësisht kur gjatë një shëtitje kishte parë Christopher Hill-in dhe Wolfgang Petrischin, të cilët iu afruan dhe “e përgëzuan për pranimin e marrëveshjes të tillë siç e kishin propozuar ata në letrën e tyre”.

“I shastisur Hashim Thaçi hyri në sallë dhe zbuloi atëherë tekstin e letrës së përbashkët për të dyja palët që ai duhej t’ia përcillte Grupit të Kontaktit, ku thuhej: Palët e kanë pranuar sot marrëveshjen bazë dhe kapitujt politik për paqen dhe qeverisjen autonome të Kosovës”, tregon Baudouin.

Ky tekst, siç shkruan Baudouin në libër, “nuk e përmendte askund transformimin e UÇK-së apo referendumin për pavarësi”.

Atëherë, Thaçi, që ishte shef i delegacionit, shkruan Baudouin, nuk e kishte nënshkruar letrën, por “deshi të dinte kush e kishte dhënë pëlqimin e delegacionit pa folur me të”.

“Veton Surroi ndenji i heshtur dhe s’mundi të jepte asnjë shpjegim”, e përshkruan tensionin Baudouin.

“Të gjithë e dinin se ai kishte deklaruar se ishte i kënaqur me autonominë dhe e kuptuan se kishte luajtur prapa shpinës së delegacionit”, thuhet në librin e shkrimtarit/gazetarit francez.

Veton Surroi duke bërë lojë të dyfishtë, kishte provuar t’ia hidhte ekipit shqiptar dhe në anën tjetër kishte siguruar ndërkombëtarët se shqiptarët po pajtoheshin me autonomi brenda Serbisë, shuarje të UÇK-së dhe jo transformim në një trup tjetër dhe nuk e kërkonin pavarësinë në një fazë të mëvonshme.

Kjo lojë e tij e kishte vënë ekipin shqiptar në Rambuje në një pozicion tejet të pavolitshëm.

Hashim Thaçi do të duhej të risqaronte për ndërkombëtarët se nuk e pranon këtë lloj marrëveshje, kur tashmë ata veçse kishin krijuar përshtypjen se gjithçka ishte punë e kryer.

Baudouin e shpjegon kështu në libër.

“Kur Madeleine Albright hyri në sallë për të marrë letrën e marrëveshjes që të shkonte t’ia çonte palës serbe, Thaçi e njoftoi se, pa përmendjen e referendumit, delegacioni i tij s’mund ta firmoste këtë tekst”.

“Kjo është përgjegjësi e rëndë që po merr mbi vete”, i kishte thënë Albright duke e sugjeruar ta mendonte edhe njëherë.

Madje, shpjegon tutje situatën Baudouin, “Christopher Hill u përpoq të shtonte se ky dokument nuk e mohonte askund idenë e një referendumi, por Thaçi mundi t’i përgjigjej se është po aq e vërtetë se ky tekst as nuk e autorizonte askund”.

Sekretarja e shtetit amerikan aty nga fundi i pasdites kishte provuar edhe njëherë që ta bindte Thaçin duke i thënë se “nëse donin që trupat amerikane të vinin në Kosovë, ata duhej të thoshin po”.

“Por, më kot”, Thaçi dhe ekipi i shqiptarëve këmbëngulte në respektimin e të drejtës së tyre për Vetëvendosje.

Kështu Thaçi i kishte ikur lojës së Surroit, duke siguruar përfundimisht nga Shtetet e Bashkuar të Amerikës garancinë se do t’u mundësohej një referendum për pavarësi në të ardhmen dhe pikën e dytë më të rëndësishme, jo zhbërjen e UÇK-së, por transformimin në Trupën Mbrojtëse të Kosovës./Demokracia.com