Author: K.B.

Ish-deputeti i PDK-së Bekim Haxhiu, për herë të parë ka folur rreth plagëve të tij të marra gjatë ballafaqimit me forcat serbe në vijën e frontit.

Ai deklaroi se askush nuk mund ta degradoj atë pasi ndihet krenar me atë se çka ka bërë për vendin e tij.

“Prej se mbajë mend edhe di me logjiku, jam krenar për çdo hap të jetës time që kam bërë. Individë tillë nuk më ndalin veç më shtynë të punojë edhe më shumë”, deklaroi Haxhiu në Klan Kosova.

Haxhiu theksoi se atakimet nga pushteti e kanë motivuar të punojnë më shumë.

Juristja e medias, Flutura Kusari, ka paralajmëruar një ditë të ngarkuar në Kuvendin e Kosovës, me mbledhje të rëndësishme që lidhen me çështjet e mediave dhe rregullimit të tyre.

Përmes një postimi në rrjetin social Facebook, ajo ka bërë të ditur se gjatë ditës së nesërme do të mbahen dy mbledhje me rëndësi.

“Në ora 9, mbledhja e komisionit ad hoc për KPM – hapen dosjet e aplikuesve. Në ora 13, mbledhja e komisionit për media, shqyrtohet raporti vjetor i KPM – (o la la la)”, ka shkruar Kusari.

Kusari ka komentuar edhe ritmin e punës në Kuvend, duke e cilësuar atë si shumë intensiv.

“Ta dini, dinamika osht crazyyyy në parlament, mezi pe njeki. Amo s’bon mu dorëzu”, ka shtuar juristja e medias.

Deputeti i Lëvizjes Vetëvendosje, Mefail Bajqinovci, i ka demantuar raportimet për një shtëpi të deputetit në Mal të Zi.

Bajqinovci i ka cilësuar si shqetësuese raportimeve, për të cilat tha se ishin të pavërteta.

“Sqarim: Të njëjtat media që me herët shpifën se kinse e kam punësuar vëllanë në KEK, pastaj u morën me gruan, dje paskan “cituar qytetarë” kinse kam shtëpi në Mal të Zi.
Une nuk kam asnjë shtëpi, asnjë pronë dhe asgjë jashtë Kosovës. Është shqetësuese se si disa media citojnë burime anonime pa bërë verifikimin më bazik, pa më kontaktuar fare për të pyetur nëse kjo është e vërtetë. Kjo nuk është gazetari, por shpërndarje e qëllimshme e rrenave. Nacionale, Insajderi etjj mund të citojnë këdo, por pa e marrë përgjigjen time kanë plasuar gënjeshtra rreth një prone që nuk ekziston”, thuhet në reagimin e deputetit Bajqinovci.

Ai ka shtuar se nuk ka asnjë pronë jashtë Kosovës.

“Ju them me plotë përgjegjës se asnjë pronë, shtëpi apo banesë nuk posedoj jashtë Kosovës. Pra, të gjitha janë gënjeshtra”, përfundon reagimi i tij.

Ish-militanti i Lëvizjes Vetëvendosje, Albert Shabani, e akuzoi deputetin Bajqinovci dje se kishte punuar në ndërtimin e shtëpisë së tij në Mal të Zi.

Irani nuk do të lejojë më shumë se 15 anije në ditë që të kalojnë përmes Ngushticës së Hormuzit, sipas marrëveshjes së armëpushimit të dakorduar me SHBA-në, përcjell The Guardian nga agjencia ruse e lajmeve “Tass”.

Ngushtica 34 kilometra e gjerë mes Iranit dhe Omanit ofron kalim nga Gjiri Persik në Oqeanin Indian dhe është rruga kryesore për një të pestën e furnizimeve botërore me naftë dhe mallra të tjera.

Ajo ishte mbyllur nga Irani që nga fillimi i luftës në fund të shkurtit, duke çuar në ngritje të çmimeve të naftës në botë. Marrëveshja e armëpushimit të mërkurën mes SHBA-së dhe Iranit, parashihet rihapjen e Ngushticës, por pas vazhdimit të bombardimit të Libanit nga Izraeli, ajo është mbyllur.

Udhëheqësi suprem i Iranit, Mojtaba Khamenei, është deklaruar për herë të parë pas shpalljes së armëpushimit mes Shtetet e Bashkuara të Amerikës dhe Irani, duke theksuar se populli iranian ka dalë fitues nga përballja dhe se vendi do të kërkojë dëmshpërblim për dëmet e shkaktuara.

Në një mesazh të transmetuar në televizion shtetëror iranian, Khamenei nënvizoi se kjo periudhë përfaqëson një moment të rëndësishëm për vendin, ndërsa paralajmëroi edhe ndryshime në mënyrën e menaxhimit të Ngushtica e Hormuzit, një nga pikat më strategjike në botë për transportin e naftës.

“Sot, në këtë fazë të epopesë së Mbrojtjes së Tretë të Shenjtë, mund të thuhet me bindje se ju, populli heroik i Iranit, jeni fituesi vendimtar në këtë përballje. Për të ndërtuar një ‘Iran të fortë’, është thelbësore prania dhe angazhimi i vazhdueshëm i qytetarëve tanë, ashtu siç është dëshmuar gjatë këtyre dyzet ditëve të fundit”, u shpreh ai, shkruan timesofisrael.

NEW: Iran's new Supreme Leader Ayatollah Mojtaba Khamenei:

You, the heroic nation of Iran, have been the decisive victors of this battlefield.

Iran today stands at the dawn of becoming a great power.

— Clash Report (@clashreport) April 9, 2026

Ai u drejtua iranianëve duke theksuar se nuk duhet të mendohet se me paralajmërimin për negociata me armikun, pjesëmarrja qytetare në rrugë dhe hapësira publike nuk është më e nevojshme.

“Pavarësisht nëse, për shembull, shfaqet një periudhë qetësie në fushëbetejë, përgjegjësia e atyre që mund të jenë të pranishëm në sheshe, në lagje dhe në xhami bëhet edhe më e rëndësishme se më parë. Pa dyshim, thirrjet dhe aktiviteti juaj në hapësira publike ndikojnë drejtpërdrejt në rezultatin e negociatave”, u shpreh Mojtaba Khamenei.

Khamenei theksoi se Irani nuk ka kërkuar kurrë luftë, por nuk do të heqë dorë nga të drejtat e tij legjitime në asnjë rrethanë, duke konsideruar të gjithë frontin e rezistencës si një tërësi të bashkuar.

“Me lejen e Zotit të Madhërishëm, nuk do të lejojmë që agresorët kriminalë të mbeten të pandëshkuar. Pa dyshim, do të kërkojmë dëmshpërblim për çdo dëmtim të shkaktuar, kompensim për dëshmorët dhe invalidët e kësaj lufte, dhe do ta çojmë menaxhimin e Ngushtica e Hormuzit në një nivel të ri”, u shpreh ai.

Iran's new Supreme Leader Ayatollah Mojtaba Khamenei:

To our southern neighbors: you are witnessing a miracle — see it correctly and stand in the right place.

Be suspicious of the false promises of devils.

— Clash Report (@clashreport) April 9, 2026

Ai pati edhe një mesazh të qartë për fqinjët jugorë të Iranit.

“Jeni dëshmitarë të një mrekullie, prandaj shikoni me kujdes, kuptoni dhe qëndroni në anën e duhur. Ruhuni nga premtimet e rreme të djajve të këqij. Ne ende presim një reagim të duhur nga ju, në mënyrë që të tregojmë vëllazërinë dhe qëllimet tona të mira; kjo nuk mund të ndodhë përveçse nëse largoheni nga fuqitë arrogante”, përfundoi Mojtaba Khamenei.

Ndryshe, SHBA-ja dhe Irani do të nisin të shtunën negociatat për arritjen e paqes pasi tashmë në fuqi është një armëpushim dy-javor.

Një xhami në mes të fshatit? Shumë njerëz në Siebnen nuk e donin këtë. Tani ata e kanë arritur qëllimin, raporton SRF. Komuniteti Musliman Shqiptar, i cili donte ta shndërronte shtëpinë historike në sheshin kryesor të fshatit në një qendër kulturore islamike, po braktis planet e tij për momentin, transmeton albinfo.ch

5,000 nënshkrime e bënë komunitetin të rishqyrtojë vendimin

“Ne nuk duam të përçajmë popullsinë,” është shprehur kryetari i komunitetit musliman, Sinan Sadriu për programin “Rundschau”. Ai tha gjithashtu se nuk donte të përballej me sharje.

Komuniteti shqiptar tani po kërkon një vend tjetër për xhaminë.

Rezistenca ishte e konsiderueshme: SVP lokale mblodhi rreth 5,000 nënshkrime kundër planeve të komunitetit Mysliman Shqiptar. Një xhami “nuk i përket mesit të fshatit,” shpjegon Rita Rutz, pronare e një dyqani thurjeje përballë shtëpisë që ishte planifikuar të bëhej xhami.

Rezistenca në Siebnen nuk është një rast i izoluar.

Ideja e xhamive në rajon nuk është një rast i izoluar. Kohët e fundit, për shembull, rezistenca ndaj projekteve të tilla u ngrit edhe në periferi të Bernës (Wittigkofen) dhe në St. Gallen. Argumenti i përmendur shpesh është se “kultura e huaj” nuk përshtatet me Zvicrën.

Një punonjës është arrestuar nën dyshimin për zjarrvënie pasi flakë gjigante shkatërruan një magazinë në Ontario, Kaliforni.

Zjarri shpërtheu gjatë natës dhe përfshiu një qendër shpërndarjeje të mbushur me produkte letre, si letra higjienike, duke u përhapur me shpejtësi të jashtëzakonshme.

Më shumë se 170 zjarrfikës u angazhuan për të vënë nën kontroll flakët, të cilat vazhduan për orë të tëra dhe shkaktuan shembjen e çatisë së ndërtesës.

Autoritetet identifikuan si të dyshuar një 29-vjeçar, i cili ishte punonjës i objektit.

Ai u arrestua dhe përballet me disa akuza të rënda për zjarrvënie.

Sipas hetimeve, zjarri u konsiderua i dyshimtë që në fillim për shkak të përhapjes së shpejtë dhe mundësisë së disa pikave ndezjeje.

I dyshuari ka postuar edhe video në rrjete sociale ku shihet duke ndezur zjarrin, duke përmendur pakënaqësi për pagën.

Fatmirësisht nuk pati viktima, por dëmet materiale janë të mëdha dhe shumë punonjës mbetën pa punë pas shkatërrimit të plotë të magazinës.

Disgruntled employee starts massive fire at a 1.2 million square foot warehouse in Ontario, California pic.twitter.com/mkQvVZ6Mil

— Daily Loud (@DailyLoud) April 8, 2026

Deputetja e Partisë Demokratike të Kosovës (PDK), Vlora Çitaku, ka vlerësuar figurën e Hajredin Kuçit në kontributi për Kushtetutën e Kosovës.

Kosova sot shënoi përvjetorin e Kushtetutës, si aktin më të lartë juridik.

E Çitaku përmendi Hajredin Kuçin i cili ishte kryetar i Komisionit për hartimin e Kushtetutës.

Ajo kishte fjalët më të mëdha për të, duke thnëë se Kuçi dhe të tjerët ishin njerëz që ndërtuan nga hiçi.

Postimi i plotë:

Sot ndjeva një mirënjohje të thellë. Jo vetëm për një njeri, por për një kohë. Për një frymë. Për një përgjegjësi që dikur peshohej ndryshe.

Hajredin Kuçi, Profa ynë, ishte ndër ata që nuk e panë shtetin si privilegj, por si detyrim. Si mision. Si Kryetar i Komisionit për Hartimin e Kushtetues, Profa u angazhua e punoi pa ndalë, me maturi, profesionalizëm, duke kërkuar konsensus gjithmonë.

Në ditën e miratimit të Kushtetutës, Kosova nuk po votonte thjeshtë vetëm një dokument. Po ia vendoste themelet vetes si shtet. Dhe këtë e bënë njerëz që e patën Kosovën të parën.

Njerëz që ndërtuan nga hiçi.

Që nuk u fshehën pas justifikimeve.

Që nuk kërkuan fajtorë, por rrugë.

Sepse kishin vizion.

Sepse kishin guxim.

Sepse besonin.

Sot, më shumë se kurrë, na duhet ajo frymë.

Ai seriozitet.

Ai përkushtim ndaj shtetit.

Sepse Kushtetuta nuk është vetëm tekst.

Është kontratë me të ardhmen.

Urime Dita e Kushtetutës.

Ne ende besojmë.

Janë arrestuar në Itali dy vëllezër të dënuar për vrasje. Ngjarja kishte ndodhur në vitin 1999, ku në Lushnjë, të dy kanë vrarë me armë zjarri shtetasin që kishte vrarë vëllain e tyre.

Vëllezërit, të dënuar me 32 vjet burgim, kishin siguruar leje qëndrimi në Itali duke përdorur identitete false.

Identifikimi i tyre është rezultat i përdorimit të teknologjisë “Facial Recognition”, tashmë në dispozicion të Interpol Tiranës, thonë autoritetet.

“Në kuadër të operacioneve ndërkombëtare të njëpasnjëshme, të finalizuara si rezultat i bashkëpunimit dhe besueshmërisë së strukturave të Policisë së Shtetit ndaj homologëve dhe partnerëve evropianë, Departamenti i Policisë Kriminale në DPPSh, në bashkëpunim me Prokurorinë e Përgjithshme dhe Drejtorinë Vendore të Policisë Fier, siguruan informacion për vendndodhjen në Itali, të dy vëllezërve të dënuar për vrasje. Informacioni u shkëmbye mes Interpol Tiranës dhe Interpol Romës, me koordinimin e Sekretariatit të Përgjithshëm të Interpolit. Si rezultat, u arrestuan në Itali shtetasit Artur Mehilli, 60 vjeç, dhe Arben Mehilli, 54 vjeç”, tha policia.

Ata ishin shpallur në kërkim ndërkombëtar, pasi Gjykata e Rrethit Gjyqësor Lushnjë, në vitin 2001, i ka dënuar për veprat penale “Vrasja me paramendim”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”, konkretisht:

-shtetasin Artur Mehilli, me 15 vjet e 6 muaj burgim;

-shtetasin Arben Mehilli, me 16 vjet e 6 muaj burgim.

Më datë 12.09.1999, në Lushnjë, dy shtetasit vranë, për motive gjakmarrjeje, shtetasin R. M., i cili në vitin 1997 kishte vrarë vëllanë e tyre, shtetasin S. M.

Të arrestuarit, pas kryerjes së krimit, janë larguar në Itali duke përdorur pasaporta me gjeneralitete false (shtetasi Artur Mehilli përdorte gjeneralitetet Artur Davidhi, ndërsa shtetasi Arben Mehilli përdorte gjeneralitetet Arben Gjermeni), nëpërmjet të cilave kishin siguruar dokumentet e nevojshme për qëndrim në Itali.

Identifikimi i tyre u mundësua si rezultat i një pune intensive, duke përdorur teknologjinë më të fundit të identifikimit biometrik “Facial Recognition”, nga specialistët e Drejtorisë së Interpolit.

Vijon bashkëpunimi me homologët italianë për të finalizuar procedurën e ekstradimit të dy shtetasve, në Shqipëri./A2CNN