ATV

Author: K.B.

  • Verifikohen 65% e votave, këto janë rezultatet aktuale mes Tahirit dhe Pecit

    Verifikohen 65% e votave, këto janë rezultatet aktuale mes Tahirit dhe Pecit

    Në Qendrën Komunale të Numërimit në Mitrovicë së Jugut është duke vazhduar procesi i verifikimit të rezultateve të raundit të dytë mes Faton Pecit të VV-së dhe Arian Tahirit të PDK-së.

    Deri më tani janë procesuar 69 vendvotime, që kanë rezultuar me këto të dhëna: Peci (51,27%) dhe Tahiri (48,73%)

    Ndryshe, Prokuroria Themelore në Mitrovicë e ka urdhëruar të martën Komisionin Komunal Zgjedhor ta rifillojë numërimin e votave të balotazhit të 9 nëntorit në Qendrën Komunale në Mitrovicën e Jugut, që u ndërpre pas raportimeve për manipulime.

    Prokurori që do ta hetojë rastin e dyshimeve të ngritura është ndërruar, ndërsa po vazhdojnë polemikat mes akterëve të dy partive për garën në Mitrovicë.

  • Këngëtarja Albina Kelmendi në zi, humb njeriun e dashur

    Këngëtarja Albina Kelmendi në zi, humb njeriun e dashur

    Këngëtarja e njohur, Albina Kelmendi, ka ndarë me ndjekësit një lajm të trishtë.

    Babai i bashkëshortit të saj, Milazim Vataj, është ndarë nga jeta.

    Me një njoftim prekës, Albina ka kujtuar me fjalë të ngrohta vjehrrin e saj, duke e përshkruar si një njeri të rrallë, ushtar të përkushtuar dhe burrë të ndershëm.

    “Prehu në paqe babë, kujtimi yt do të jetojë përjetë në zemrat tona”, ka shkruar ajo.

    Në njoftimin e plotë, këngëtarja ka shprehur dhimbjen e saj të thellë për humbjen:

    “Sot u nda nga jeta vjehrri im, Milazim Vataj, një njeri i rrallë që i dha shumë vendit dhe familjes së tij.

    Ushtar i përkushtuar që jetoi me nder, me zemër të madhe dhe me shpirt sakrifice.

    Do të kujtojmë gjithmonë buzëqeshjen e tij, fjalët e urta dhe krenarinë me të cilën përballonte çdo sfidë.

    Prehu në paqe babë, kujtimi yt do të jetojë përjetë në zemrat tona.”

  • KQZ-ja publikon qendrat e votimit me kusht për balotazhin në 18 komuna

    KQZ-ja publikon qendrat e votimit me kusht për balotazhin në 18 komuna

    Të dielën në Kosovë mbahet raundi i dytë për kryetar në 18 komuna, në të cilat nuk pati fitues më 12 tetor.

    Më 9 nëntor do të hapen 18 qendra votimi për votim me kusht, me gjithsej 20 vendvotime.

    Ato do të hapen në 7:00.

  • Ky është Rahovecasi që tregoi se ndershmëria ende ekziston, i dorëzoi policisë 1,800 euro të gjetura

    Ky është Rahovecasi që tregoi se ndershmëria ende ekziston, i dorëzoi policisë 1,800 euro të gjetura

    Një shembull i rrallë ndershmërie ka ndodhur në Rahovec.

    Një qytetar nga fshati Ratkoc, Skender Krasniqi, ka dorëzuar në Stacionin Policor të Rahovecit një shumë prej 1,800 eurosh që i kishte gjetur në qytet.

    Sipas njoftimit të Policisë së Kosovës, Krasniqi kishte gjetur në rrugën “Mulla Cufa” nëntë kartëmonedha nga 200 euro secila, të cilat nuk i mbajti për vete, por i dorëzoi menjëherë në polici.

    Pas verifikimeve të bëra nga hetuesit, është identifikuar pronari i shumës së humbur dhe paratë i janë kthyer atij në tërësi.

    “Ky gjest tregon besimin e qytetarëve ndaj Policisë së Kosovës dhe përkushtimin për ndërtimin e një shoqërie të drejtë e të ndershme, andaj shprehim mirënjohje për veprimin e z. Krasniqi, duke e vlerësuar si shembull të përgjegjësisë qytetare”, thuhet ndër të tjera në njoftimin e PK’së.

  • Nesër raundi i dytë i zgjedhjeve lokale, votohet në 18 komuna

    Nesër raundi i dytë i zgjedhjeve lokale, votohet në 18 komuna

    Të dielën, qytetarët e Kosovës rikthehen në qendrat e votimit për raundin e dytë të zgjedhjeve lokale, që do të përcaktojë se kush do t’i udhëheqë në katër vitet e ardhshme në 18 komuna të vendit.

    Pas zgjedhjeve të mbajtura më 12 tetor, në këto komuna asnjë kandidat nuk arriti shumicën e nevojshme, ndaj gara vazhdon në balotazh.

    Komunat ku nesër do të ketë përballje janë: Prishtina, Prizreni, Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Rahoveci, Peja, Suhareka, Vitia, Vushtrria, Juniku, Mamusha dhe Kllokoti.

    Sipas njoftimit të Komisionit Qendror të Zgjedhjeve (KQZ), përgatitjet teknike janë drejt përfundimit.
    Në këtë proces do të hapen 507 qendra votimi dhe 1.628 vendvotime të rregullta, si dhe 18 qendra e 20 vendvotime me kushte.

    KQZ bën të ditur se 1.690 votues do të votojnë për herë të parë, ndërsa 1.147 qytetarë janë larguar nga lista për shkak të vdekjes apo humbjes së shtetësisë.

    Për transparencë dhe siguri të procesit, KQZ ka vënë në dispozicion linja telefonike për raportim të parregullsive dhe për informacione mbi procedurat e votimit.
    Në ditën e zgjedhjeve, në bashkëpunim me Prokurorinë e Shtetit dhe Policinë e Kosovës, do të funksionalizohet dhoma operative për bashkërendimin e aktiviteteve me qëllim të mbarëvajtjes së procesit zgjedhor.

    Në këtë raund do të angazhohen rreth 80 prokurorë, për të garantuar votën e lirë të qytetarëve dhe integritetin e procesit zgjedhor.

    Prokuroria e Shtetit ka ftuar qytetarët, subjektet politike dhe institucionet që të denoncojnë çdo rast të keqpërdorimit apo manipulimit të votës, në mënyrë që procesi të jetë sa më transparent dhe demokratik.

  • NATO mposht Rusinë në garën e armatimeve: Po prodhojmë më shumë se kurrë

    NATO mposht Rusinë në garën e armatimeve: Po prodhojmë më shumë se kurrë

    NATO ka tejkaluar Rusinë në prodhimin e municioneve, ka deklaruar Sekretari i Përgjithshëm i aleancës, Mark Rutte.

    “Deri kohët e fundit, Rusia prodhonte më shumë municione sesa të gjithë aleatët e NATO-s së bashku. Por jo më”, tha Rutte, duke e atribuar këtë ndryshim zgjerimit të kapaciteteve të prodhimit të mbrojtjes në të gjithë aleancën.

    “Së bashku, ne po hapim dhjetëra linja të reja prodhimi dhe po zgjerojmë ato ekzistuese. Po prodhojmë më shumë sesa kemi bërë në dekada,” shtoi ai, duke i nxitur industrinë e mbrojtjes të “rrisë furnizimin, të zgjerojë linjat ekzistuese dhe të hapë linja të reja”.

    Komentet e Rutte vijnë ndërsa vendet evropiane po përpiqen të zgjerojnë industrinë e tyre të mbrojtjes për të forcuar sigurinë e tyre dhe për të mbështetur Ukrainën kundër agresionit rus.

    Rutte theksoi se “thjesht nuk ka mbrojtje të fortë pa një industri të fortë mbrojtëse”, duke shtuar se udhëheqësit e NATO-s ranë dakord të rrisin shpenzimet e mbrojtjes në 5% të GDP-së deri në vitin 2035 dhe të përshpejtojnë prokurimin e sistemeve kritike si dronët, municionet dhe mbrojtjen ajrore.

    “Kërcënimet me të cilat përballemi janë reale dhe të qëndrueshme. Lufta e paprovokuar e Rusisë kundër Ukrainës është shembulli më i dukshëm”, paralajmëroi Rutte, duke shtuar se “rreziku që paraqet Rusia nuk do të mbarojë kur të mbarojë kjo luftë”.

    Ai gjithashtu paralajmëroi për bashkëpunimin ushtarak në rritje të Rusisë me Kinën, Iranin dhe Korenë e Veriut: “Ata po e rrisin bashkëpunimin e tyre industrial të mbrojtjes në nivele të papara. Ata po përgatiten për konfrontim afatgjatë.”

    Rutte bëri thirrje që anëtarët e NATO-s dhe industrinë e tyre të mbrojtjes të “prodhonin dhe të ishin më të zgjuar se ata që kërkojnë të na dëmtojnë ose të na dobësojnë”.

    Gjatë një vizite në Gjermani në fillim të këtij viti, ai deklaroi se Evropa tani mund të prodhojë gjashtë herë më shumë predha artilerie çdo vit sesa mund të prodhonte dy vjet më parë, me prodhim që pritet të arrijë në 2 milionë fishekë deri në fund të vitit.

  • PDK mbyll fushatën gjashtëditore për raundin e dytë të zgjedhjeve lokale

    PDK mbyll fushatën gjashtëditore për raundin e dytë të zgjedhjeve lokale

    Kandidatët e Partisë Demokratike të Kosovës për kryetarë komune përmbyllën sot fushatën gjashtëditore, duke i bërë thirrje qytetarëve që të votojnë masivisht këtë të dielë, më 9 nëntor.

    Në Mitrovicë, kandidati i PDK-së, Arian Tahiri, zhvilloi aktivitetin përmbyllës në prezencë të kryetarit të partisë, Memli Krasniqi. Tahiri premtoi se, nëse zgjidhet kryetar do të punojë për zhvillim të qëndrueshëm të qytetit dhe për mirëqenie për të gjithë qytetarët.

    Ai falënderoi qytetarët dhe aktivistët për mbështetjen dhe bashkimin e tyre në këtë fazë të fundit të fushatës, duke nënvizuar rëndësinë e unitetit dhe angazhimit qytetar për të ndërtuar një Mitrovicë më të fortë dhe të zhvilluar.

    Në Prizren, kryetari aktual dhe kandidati për një mandat të dytë, Shaqir Totaj, iu drejtua qytetarëve me një video-mesazh falënderimi për mbështetjen në raundin e parë dhe bëri thirrje për mobilizim të plotë këtë të dielë. Ai premtoi se do të vazhdojë të punojë për një Prizren që funksionon 24 orë, me projekte zhvillimi dhe infrastrukturë për të gjithë qytetarët.

    Në Kaçanik, kandidati i PDK-së Sabedin Vishi, në ditën e fundit të fushatës u shpreh se roli i grave dhe komunitetit është kyç për zhvillimin e komunës dhe premtoi të punojë për një të ardhme të barabartë dhe me mundësi për të gjithë qytetarët.

    Në Vushtrri, kandidati për një mandat të dytë, Ferit Idrizi, deklaroi se planet e zhvillimit të qytetit do të vazhdojnë pa ndërprerje dhe kërkoi përkrahje masive për të siguruar vazhdimësinë e projekteve që kanë nisur.

  • Kurti mbështet kandidatët e VV-së në tubimet përmbyllëse në gjithë Kosovën

    Kurti mbështet kandidatët e VV-së në tubimet përmbyllëse në gjithë Kosovën

    Kandidati i Lëvizjes Vetëvendosje për kryetar të Prishtinës, Hajrualla Ceku, mbajti tubimin përmbyllës në “Pallatin e Rinisë”, në prani të liderit të VV-së, Albin Kurti. Gjatë fjalës së tij, Ceku kritikoi keqmenaxhimin dhe mungesën e rezultateve të kundërkandidatit të tij gjatë mandatit të parë, duke theksuar nevojën për një qeverisje më të përgjegjshme dhe transparente. Ai gjithashtu premtoi përkushtim për zhvillim të qëndrueshëm të kryeqytetit.

    Në Mitrovicë, kandidati Faton Peci përmbylli fushatën me zotimin se do t’i shërbejë qytetit “me përkushtim dhe transparencë të plotë”. Ai kritikoi qeverisjen aktuale për projektet e parealizuara dhe tha se qytetarët do të dinë “çdo cent se ku do të shpenzohet”. Në tubimin e tij mori pjesë edhe Albin Kurti, i cili u bëri thirrje qytetarëve të dalin masovikisht në votime të dielën.

    Në Fushë Kosovë, Valon Prebreza publikoi videon e fushatës përmbyllëse me mesazhin “Bashkë drejt fitores së madhe”, me theks të vecantë se çdo votë mund të sjellë ndryshimin e shumëkërkuar.

    Në Vushtrri, kandidati I VV-së Sylejman Meholli premtoi ndërtimin e një rrethi të ri në magjistralen Prishtinë–Mitrovicë, zotim që, siç tha, e ka marrë mbështetjen edhe nga kryeministri Kurti. “Na e jepni besimin dhe na mbani për fjalë”, u shpreh ai para banorëve të Dumnicave.

    Në Gjilan, kandidati i VV-së dhe kryetari aktual Alban Hyseni përmbylli fushatën së bashku me Kryeministrin Albin Kurti. Ata morën pjesë në përurimin e dronit “Skifter”, të prodhuar nga një kompani vendore, si shembull të kreativitetit dhe vizionit të të rinjve gjilanas. Më pas, Hyseni dhe Kurti diskutuan me afaristë dhe inxhinierë lokalë për projektet që synojnë të transformojnë qytetin edhe në mandatin e ardhshëm.

    Në Viti, kandidati Arsim Ademi premtoi ndërtimin e pesë çerdheve të reja në disa fshatra të komunës dhe 3 ura ekzistues njëkahëshe në ura dykahëshe.

    Në Gjakovë, kandidati Ardian Gola premtoi reformën në shëndetësi, me projektin “Mjeku i familjes” dhe shërbime geriatrike për të moshuarit.

    Në Prizren, kandidati i VV-së Artan Abrashi, bashkë me Albin Kurti dhe kryetarin e Komunës së Tetovës Bilall Kasami, përmbylli fushatën me theks në promovimin e kulturës dhe bashkëjetesës.

    Në Pejë, kandidati Taulant Kelmendi bëri thirrje për “fund të frikës dhe presioneve politike”, duke garantuar se punonjësit e komunës nuk do të përballen me hakmarrje politike. “Secili do ta ketë vendin e punës të sigurt sipas ligjit”, tha Kelmendi.

    Ndërsa në Obiliq, kandidati Halil Thaçi u bëri thirrje qytetarëve të dalin në votime të dielën dhe premtoi se do t’i shërbejë komunës me nder, respekt dhe krenari.

  • LDK mbyll fushatën gjashtëditore me thirrje për mobilizim drejt fitores së 9 nëntorit

    LDK mbyll fushatën gjashtëditore me thirrje për mobilizim drejt fitores së 9 nëntorit

    Lidhja Demokratike e Kosovës ka përmbyllur sonte fushatën gjashtëditore për raundin e dytë të zgjedhjeve për kryetarë komunash, që do të mbahen të dielën më 9 nëntor.

    Në tubimin përmbyllëse të mbajtur Në Fushë Kosovë, kandidati i Besnik Osmani, në praninë e liderit të LDK-së Lumir Abdixhiku, u shpreh se së bashku me qytetarët do të punojnë për të ndërtuar një komunë më të mirë dhe më të bashkuar.

    Në Viti, kandidati dhe kryetari aktual Sokol Haliti tha se mbështetja e qytetarëve është garanci për fitore të padiskutueshme dhe për vazhdim të zhvillimit. Ndërsa Abdixhiku në fjalën e tij e cilësoi Halitin si garanci të qeverisjes së mirë, stabilitetit dhe zhvillimit.

    Në Junik, kryetari aktual dhe kandidati për një mandat të ri nga radhët e Lidhjes Demokratike të Kosovës, Ruzhdi Shehu, ka përmbyllur fushatën me një tubim entuziast, ku i pranishëm ishte edhe kryetari i LDK-së, Lumir Abdixhiku. Shehu u shpreh se gjatë mandatit të tij, Juniku është shndërruar në një komunë të punës, të besës dhe të zhvillimit, duke premtuar se ky ritëm do të vazhdojë edhe në katër vitet e ardhshme. Kurse kryetari i LDK-së Lumir Abdixhiku tha se “në qytetin e besës e të lavdisë, festa e fitores ka nisur më herët”, duke e cilësuar Shehun si njeriun e punës dhe të fjalës së mbajtur.

    Në Prishtinë, kryetari aktual dhe kandidati i LDK-së për kryetar edhe për një mandat të dytë, Përparim Rama rikujtoi projektet e realizuara gjatë mandatit të parë. Ai po ashtu sot gjatë ditës përuroi stadiumit të ri në lagjen Prishtina e Re. “Ky është një hapësirë për sport, për të rinjtë dhe për frymën e bashkimit,” theksoi Rama, duke premtuar vazhdimësi të punës dhe projekteve për kryeqytetin.

    Në Gjilan, kandidati Arbër Ismajli bëri thirrje për dalje masive në ditën e zgjedhjeve. Ai tha se koha e fjalëve ka mbaruar dhe se tani është momenti për veprim për ta ndalur degradimin dhe për një Gjilan të zhvilluar që do t’i bëjë krenar të gjithë qytetarët.

    Në Obiliq, kryetari aktual Xhafer Gashi tha se 12 vitet e qeverisjes së tij kanë sjellë zhvillim dhe partneritet me qytetarët. Ai premtoi vazhdimësi të punëve të nisura.

    Ndërsa në Pejë, kryetari në detyrë Gazmend Muhaxheri, kandidat edhe për një mandat, në ditën e fundit të fushatës rikujtoi transformimin e komunës gjatë qeverisjes së tij.

  • Në prag të zgjedhjeve, kandidatët e AAK-së bëjnë thirrje për votim nesër

    Në prag të zgjedhjeve, kandidatët e AAK-së bëjnë thirrje për votim nesër

    Në ditën e fundit të fushatës për raundin e dytë të zgjedhjeve, kandidati i Aleancës për Ardhmërinë e Kosovës për kryetar të komunës së Junikut Agron Kuçi, mbajti tubimin përmbyllës të fushatës, ku mori pjesë lideri i AAK-së, Ramush Haradinaj, dhe partneri i koalicionit, Vetëvendosje. Kuçi prezantoi planprogramin për vitet 2025-2029, duke premtuar zhvillim të qëndrueshëm dhe projekte që rrisin cilësinë e jetës në komunë. Haradinaj tha se Kuçi do t’a shndërroj Junikun në një model të qeverisjes lokale, dhe se më 9 nëntor qytetarët do të kenë mundësinë të rikthejnë qeverisjen që e meritojnë.

    Kryetari aktual I Gjakovës dhe kandidat për një mandat të ri, Ardian Gjini, ka bërë një bilanc të punës së tij . Ai tha se gjatë mandatit të tij janë realizuar projekte infrastrukturore, përmirësuar shërbimet dhe janë krijuar hapësira të reja publike. Gjini ka përmbyllur videon duke thënë se kjo nuk është politikë por mision dhe përkushtim ndaj qytetit dhe komunës së tij, duke bërë thirrje për mobilizim më 9 nëntor.

    Kryetari aktual i Klinës, Zenun Elezaj, i cili kërkon edhe një mandat 4-vjeçar, ka njoftuar rregullimin e rrugës që lidh fshatin Përqevë me rrugën rajonale Prishtinë–Pejë. Elezaj gjithashtu njoftoi për një marrëveshje bashkëpunimi me degën e PSHDK-së në Klinë, me synim për një qeverisje transparente dhe në shërbim të çdo qytetari.

    Në Suharekë, kryetari aktual dhe kandidat për një mandat të ri, Bali Muharremaj, tha se çdo kërcënim, shpifje apo lajm i rremë ndaj tij dhe familjes do të trajtohet në organet e drejtësisë pas zgjedhjeve.

    Muharremaj në Bukosh bëri thirrje që më 9 nëntor të votohet numri 174.

    Ndërsa në Rahovec, kryetari aktual dhe kandidat për mandat të ri nga AAK, Smajl Latifi, zhvilloi një mobilizim final me bashkëpunëtorët e tij, duke falënderuar qytetarët për mbështetjen gjatë fushatës dhe duke theksuar se fitorja e tij do të jetë fitorja e qytetarëve.