Author: K.B.

Kryetari i AAK-së, Ramush Haradinaj, ka prezantuar sot kandidaturën për deputet të Kreshnik Smajlajt, një prej figurave më dinamike dhe më të suksesshme të gjeneratës së re në Prishtinë.

Haradinaj vlerësoi se Kreshniku është personifikim i angazhimit të pandalshëm për të rinjtë e vendit. Në një kohë kur shumë prej tyre detyrohen të kërkojnë të ardhme jashtë Kosovës, Smajlaj ka zgjedhur rrugën e vështirë, por fisnike: të investojë, të punojë dhe të krijojë mundësi këtu, në qytetin e tij.

Sipas Haradinajt, Kreshniku nuk është vetëm sipërmarrës i suksesshëm, por shembull i frymës së re të prodhuesve vendorë, që me punë dhe përkushtim rrisin kapacitetet dhe i japin besim ekonomisë së vendit.

“Ai dallohet për vendosmërinë dhe seriozitetin e punës. Prishtina dhe Kosova kanë nevojë për njerëz që sjellin energji, ide të reja dhe shpresë – dhe Kreshniku i ka të gjitha këto,” u shpreh Haradinaj.

Kreshnik Smajlaj ishte asambleisti më i votuar nga lista e AAK-së në zgjedhjet e fundit lokale në Prishtinë, duke dëshmuar besimin e qytetarëve në punën e tij. Kandidatura e tij për deputet, sipas Haradinajt, është hap i natyrshëm pas angazhimit të tij ndër vite për komunitetin dhe të rinjtë.

“Jam krenar ta prezantoj kandidaturën e Kreshës për deputet. Ai është njeri me vizion të qartë për një Prishtinë dhe Kosovë të zhvilluar. Paç suksese, Kreshnik, dhe na priftë e mbara bashkë,” deklaroi Haradinaj.

Në konferencën përgatitore ish-presidenti Hashim Thaçi si rrallëherë ka kërkuar fjalën për çka ka thënë se caktimi i kësaj seance në ditën e 28 nëntorit është një befasi jo e mirë e cila do të duhej të evitohej.

“E mirëpres mbajtjen e kësaj seance për këtë arsye jam në këtë arsye jam sot në këtë seancë sepse jam i përcaktuar për respektimin e shëtit ligjor por i nderuar zoti gjyqtar është me interes që në këtë gjykatë të mos ndodhin gjëra që nuk lejohen të ndodhin në shtet të huaja përkatëse. Sic do popull dhe ne shqiptarët kemi historinë, traditat dhe vlerat kombëtare dhe shtetërore. Mendoj se caktimi i kësaj seance pikërisht sot me 28 nëntor do të duhej të evituar. Mbajtja e kësaj seance pikërisht sot me 28 nëntor për mua dhe çdo shqiptarë është befasi jo e mirë”, tha Thaçi.

Qindra qytetarë nga Kosova kanë zgjedhur Shqipërinë për të kaluar festat kombëtare, duke krijuar një fluks të konsiderueshëm në Pikën Kufitare të Morinës. Përveç mjeteve private, shumë të tjerë kanë udhëtuar me grupe të organizuara, ndërsa Vlora mbetet destinacioni më i preferuar. Udhëtarët shprehen se do të vizitojnë edhe qytetet e tjera bregdetare dhe historike.

Vetëm në 24 orët e fundit, nga Morina janë futur 64 autobusë, ndërsa në total kanë hyrë 17,789 shtetas dhe 4,651 automjete. Autoritetet kufitare pohojnë se fluksi ishte i pritshëm për shkak të festave dhe se procesi po menaxhohet pa vonesa.

Për të përballuar rritjen e hyrjeve dhe daljeve, në pikën kufitare janë vënë në funksion 10 sportele në të dyja drejtimet, duke zbatuar plotësisht marrëveshjen e lëvizjes së lirë mes Shqipërisë dhe Kosovës.

NATO ka bërë një postim në Facebook në faqen zyrtare të një ushtari të Shqipërisë në ditën e pavarësisë së kësaj të fundit.

‘’Prek 💙 për t’u bashkuar me ne për të festuar Aleatin tonë 🇦🇱 Shqipërinë në Ditën e tyre Kombëtare!’’, ka shkruar NATO.

Presidenti rus Vladimir Putin ka ripërsëritur kushtet e tij të pandryshueshme për përfundimin e luftës në Ukrainë, duke deklaruar se operacionet ushtarake ruse do të ndalen vetëm nëse Kievi tërheq forcat e veta nga Donbasi dhe njeh kontrollin rus mbi territoret e pushtuara, përfshirë Krimenë dhe zonat lindore të Ukrainës. Komentet u bënë gjatë një vizite në Kirgistan, teksa Uashingtoni dhe Kievi po punojnë mbi një version të ri të një plani të mundshëm paqeje.

Putin theksoi se kërkesat e Moskës mbeten të pandryshueshme: tërheqja e plotë e ushtrisë ukrainase nga rajonet Luhansk dhe Donetsk, të cilat ai i konsideron si pjesë të Donbasit. “Nëse ata nuk tërhiqen, ne do ta arrijmë këtë me forcën e armëve”, deklaroi ai, duke pretenduar se Rusia “ka iniciativën” në terren.

Ai përsëriti gjithashtu se një marrëveshje paqeje është e pamundur pa njohjen ligjore të kontrollit rus mbi territoret e aneksuara apo të pushtuara që nga viti 2014, përfshirë Krimenë. Ukraina i ka hedhur poshtë kategorikisht këto kërkesa, duke i cilësuar si “shpërblim për agresionin”. Presidenti ukrainas Volodymyr Zelensky deklaroi se Rusia “përçmon përpjekjet për t’i dhënë fund luftës”.

Presidenti rus konfirmoi se Rusia ka marrë një plan të ri paqeje nga SHBA, të cilin e përshkroi si “bazë të mundshme” për negociata, megjithëse theksoi se disa pika kërkojnë “formulim diplomatik më të qartë”. Plani, hartuar fillimisht në tetor nga zyrtarë amerikanë dhe rusë, është rishikuar së fundmi në Gjenevë gjatë bisedimeve midis SHBA-së dhe Ukrainës, me pjesëmarrjen e përfaqësuesve evropianë. Putin njoftoi se një delegacion amerikan i udhëhequr nga i dërguari special Steve Witkoff pritet të mbërrijë në Moskë në fillim të javës së ardhshme. Ai konfirmoi gjithashtu se delegacioni mund të shoqërohet nga Jared Kushner, dhëndri i presidentit amerikan Donald Trump. Trump ka deklaruar se midis palëve “kanë mbetur pak pika mosmarrëveshjeje” dhe ka lënë të kuptohet se një takim i mundshëm me Zelensky-n varet nga përparimi drejt një marrëveshjeje paqeje.

Sakaq, Presidenti ukrainas Volodymyr Zelensky deklaroi se delegacionet e Ukrainës dhe Shteteve të Bashkuara do të vazhdojnë bisedimet për të përkthyer marrëveshjet e arritura në Gjenevë në një format që garanton “paqe të qëndrueshme dhe siguri afatgjatë”. Sipas tij, takimet e fundit kanë krijuar bazë për hapa konkretë në procesin e negociatave. Shefi i zyrës presidenciale, Andriy Yermak, njoftoi se Sekretari i Ushtrisë Amerikane, Dan Driscoll, do të vizitojë Kievin brenda kësaj jave. Vizita shihet si një sinjal mbështetjeje për Ukrainën në një moment kur diskutimet e reja për paqen po marrin formë dhe kur Uashingtoni është duke luajtur rol kritik në draftimin e një plani të ri.

Nga ana ruse, presidenti Vladimir Putin intensifikoi retorikën politike duke deklaruar se udhëheqja aktuale e Ukrainës është “e paligjshme”, duke iu referuar pezullimit të zgjedhjeve që nga viti 2022 për shkak të gjendjes ushtarake. Ai tha se “nuk ka kuptim” të nënshkruhet ndonjë dokument me autoritetet aktuale në Kiev. Ukraina është nën ligjin e luftës që prej nisjes së pushtimit rus, dhe parlamenti i vendit ka konfirmuar unanimisht legjitimitetin e Zelenskyt, pavarësisht përfundimit formal të mandatit të tij në pranverë.

Përplasjet me BE-në: Reagimet e von der Leyen
Putin hodhi poshtë paralajmërimet e udhëheqësve evropianë se Rusia mund të përbëjë rrezik për shtetet e tjera të kontinentit në të ardhmen, duke i quajtur pretendime të tilla “qesharake”. Ndërkohë, presidentja e Komisionit Evropian, Ursula von der Leyen, akuzoi Moskën se po e trajton Evropën si një “zonë ndikimi” që mund të “shpërbëhet” sipas interesave të saj. Ajo paralajmëroi se sjellja ruse mbetet një kërcënim i drejtpërdrejtë për sigurinë dhe stabilitetin evropian.