Author: K.B.

Ministri në detyrë i Financave, Hekuran Murati, ka thënë se depozitat dhe kursimet e familjeve kosovare në banka në fund të muajit tetor kanë arritur 4.69 miliardë euro.

“Kur faktet çmontojnë propagandën 👇 Depozitat dhe kursimet e familjeve kosovare në banka në fund të muajit tetor kanë arritur 4.69 miliardë euro. Sipas të dhënave zyrtare nga seritë kohore në faqen e BQK-së, depozitat dhe kursimet nëpër banka të familjeve në Kosovë kanë shënuar rekord me 4.69 miliardë euro.”

Ai thotë se ka rritje prej 2.12 miliardë euro në krahasim me tetorin e para viteve.

“Kjo përbën një rritje prej 2.12 miliardë euro, apo 82.5%, krahasuar me muajin tetor para 5 viteve kur depozitat dhe kursimet e familjeve në Kosovë ishin 2.57 miliardë euro.Sa për krahasim, në periudhën 5 vjeçare para Qeverisë Kurti, depozitat dhe kurismet e familjeve kishin shënuar rritje prej vetëm 745 milionë eurove, apo 40.8%. Pra në periudhën 2020-2025, rritja e parave në banka (depozita/kursime) për familjet në Kosovë ka qenë më se 2-fish më e shpejtë sesa rritja e parave në banka përgjatë 5-vjeçarit të qeverisjeve të kaluara (82.5% vs 40.8%).”

Elizaveta Krivonogi, që besohet të jetë vajza e presidentit rus Vladimir Putin, u “sulmua” dhe u vu nën presion nga një gazetar ukrainas në Paris, ku ajo jeton.

Fillimisht ai i tha 22-vjeçares:

“Tre javë më parë babai yt vrau vëllain tim. Si jeton në Evropë, në këtë kontinent të mallkuar, GayEurope, siç e quan ti”, të cilës ajo iu përgjigj: “Nuk ke leje të më sulmosh”.

Kur gazetari nga Ukraina vazhdoi ta ushtronte presion, duke e pyetur nëse e mbështeste të atin, 22-vjeçarja u përgjigj: “Çfarë lidhje ka kjo me mua?”

Putin’s daughter was asked if she’s ready to come to Kyiv “as air defense”

TSN journalists in Paris asked Liza Krivonogikh whether she would come to Kyiv “as air defense,” hinting at the hundreds of missiles Russia keeps firing at Ukraine.

Krivonogikh replied that she “can’t… https://t.co/I1NrkCEiL0 pic.twitter.com/IqW13MuM65

— NEXTA (@nexta_tv) December 4, 2025

“Ai është babai yt. Më e pakta që mund të bësh është ta telefonosh dhe t’i thuash të ndalojë bombardimin e Kievit. Mund të vish në Kiev dhe të veprosh si mburojë njerëzore, më mirë se Patriotët. Mund të shkosh në Pokrofsk, për shembull”, këmbënguli gazetari nga Ukraina.

“Si e imagjinon që mund të shkoj tani?”, pyeti Elizaveta, të cilës ai iu përgjigj: “Sigurisht që mundesh. Nuk shoh ndonjë pengesë, do të të blej unë një biletë me paratë e mia”.

“Për fat të keq, nuk mund të ndihmoj”, u përgjigj në fund gruaja e re ruse.

Artistja 22-vjeçare lindi në vitin 2003 pas një afere të dyshuar midis Putinit dhe nënës së saj, Svetlanës, e cila ishte kujdestarja e shtëpisë së presidentit rus në atë kohë.

Zbulimi erdhi për herë të parë pas një hetimi të vitit 2020 nga media ruse Proekt, e cila vuri në dukje “ngjashmërinë fenomenale” të saj me Putinin.

Presidenti rus nuk përmendet në certifikatën e lindjes së Ekaterinës, e cila shkruan “Vladimirova”, që përkthehet “vajza e Vladimirit”.

Në vitin 2021, udhëheqësi i vrarë i opozitës ruse, Alexei Navalny, zbuloi Instagramin e 22-vjeçares, i cili, sipas tij, përshkruante jetën e saj luksoze dhe pasurinë e familjes së saj, të cilën shumë e atribuojnë marrëdhënies së saj me presidentin rus.

“Your father killed my brother.”

A Ukrainian journalist encountered Putin’s illegitimate daughter, Yelizaveta Krivonogikh, in Paris.

She declined to comment. pic.twitter.com/J9dqGifwrk

— NEXTA (@nexta_tv) December 3, 2025

Agjencia e Menaxhimit Emergjent e Ministrisë së Punëve të Brendshme, e mbështetur nga Komisioni Evropian dhe me ndihmën e Bankës Botërore dhe Fondit Global për Reduktimin dhe Rimëkëmbjen nga Fatkeqësitë (GFDRR), sot ka mbajtur punëtori njëditore që përmbledh dy aktivitete.

Ministri në detyrë i Punëve të Brendshme, Xhelal Sveçla tha se këto iniciativa staretgjike po japin një kontribut të fuqishëm në forcimin e kapacitetev të Kosovës në menagjimin e rrezikut dhe përballimin e fatkqesive.

Sipas tij Kosova është e përkushtuar në ndertimin e një sistemi të qëndrushem të koordinuar dhe proaktiv i cili vendos parandalimin dhe reagimin e shpejt në qender të politikave tona publike.

Drejtor i Agjencisë per Menaxhimit të Emergjencave, Genc Metaj tha se projektet TAFF 1 dhe TAFF 2 shënonië një hap përpara në modernizmin dhe harmonizmin e sistemeve me standardetet evropiane si dhe përmiresimin e menaxhimit të rrezikut nga fatkeqesite.

Tutje ai theksoi se se përmes këtyre projekteve po avancohet ne rritjen e kapacitetet institucionale të institucioneve ne nivel qëndror dhe lokal.

Zyrtarja e Nisma Socialdemokrate, Xhevahire Izmaku, ka reaguar përmes një postimi publik lidhur me diskutimet e ditëve të fundit mbi një bashkim të mundshëm të Nismës me PDK’në në një listë zgjedhore.

Izmaku ka konfirmuar se marrëveshja e përfolur nuk është arritur, duke theksuar se Nisma Socialdemokrate do të vazhdojë të veprojë në mënyrë të pavarur.

“Sot dua t’ju them me qartësi – ajo marrëveshje nuk ndodhi”, ka shkruar Izmaku.

Ajo tha se Nisma do të ecë përpara, e pavarur.

“E përkushtuar dhe e mbështetur tek njerëzit që e besuan këtë rrugë dekada me radhë, nën lidershipin e provuar të Fatmir Limajt”, shkroi ajo.

Sipas Izmakut, partia mbetet e fokusuar në vlerat që, siç tha, i përgjigjen nevojave reale të qytetarëve.

Ajo shtoi se për Nismën, politika nuk është “krenari e tepruar apo arrogancë, por përgjegjësi, shërbim dhe përkushtim i përditshëm”.

Postimi i plotë:

Policia e Kosovës ka publikuar fotografinë e një personi që dyshohet se është i përfshirë në “Vjedhje”.

Policia kërkon ndihmën e qytetarëve për identifikimin dhe lokalizimin e tij.

“Njësiti i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje në veprën “Vjedhje”. Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: [email protected].”

Mbledhja inauguruese e Kuvendit të Komunës së Mitrovicës së Jugut do të mbahet me 12 dhjetor në ora 12:00. Kështu ka bërë të ditur Faton Peci i cili për katër vite do të udhëheq me këtë komunë, pasi që doli fitues i zgjedhjeve lokale që mbajtën më 9 nëntor, pasi që në raundin e parë nuk kishte fitues.

Postimi i Pecit:

Mirëmëngjes qytetarë të Mitrovicës!

Sot kam nënshkruar ftesën për thirrjen e mbledhjes inauguruese të Kuvendit të Komunës së Mitrovicës së Jugut, e cila do të mbahet më 12.12.2025, në ora 12:00.

Kjo mbledhje shënon fillimin e realizimit të mandatit të dhënë nga vullneti i qytetarëve.

Na priftë e mbara!

Sipas trupës gjykuese, “nuk ka vend në rendin juridik polak për një parti që glorifikon krimet e regjimeve komuniste”

Polonia ka shpallur zyrtarisht të ndaluar Partinë Komuniste të Republikës së Polonisë, pas një vendimi të Gjykatës Kushtetuese që konfirmon se programi dhe ideologjia e saj janë në kundërshtim të drejtpërdrejtë me Kushtetutën polake.

Ky vendim shënon fundin juridik të një force politike të vogël, por simbolikisht të rëndësishme, që prej vitesh konsiderohej problematike nga institucionet shtetërore.

Në vendimin e publikuar, Gjykata Kushtetuese theksoi se ideologjia e Partisë Komuniste shkel parimet kushtetuese të shtetit demokratik, duke argumentuar se promovimi i komunizmit bie ndesh me sistemin ligjor të Polonisë dhe me kujtesën historike të vendit.

Sipas trupës gjykuese, “nuk ka vend në rendin juridik polak për një parti që glorifikon krimet e regjimeve komuniste”.
Ky qëndrim reflekton linjën e fortë antikomuniste të shtetit polak, e cila është intensifikuar sidomos në vitet e fundit.

Një proces që nisi vite më parë
Edhe pse vendimi u mor tani, procesi për ndalimin e partisë ka nisur që në vitin 2020, kur Prokurori i Përgjithshëm paraqiti kërkesën e parë për likuidim.

Çështja u rikthye në qendër të vëmendjes në nëntor të këtij viti, kur presidenti polak Karol Nawrocki paraqiti sërish një kërkesë të re në Gjykatën Kushtetuese.

Sipas ekspertëve, ritmi i ngadaltë procedural ishte rezultat i kompleksitetit ligjor, por edhe i debatit të brendshëm mbi kufijtë e lirisë politike.

Një parti e vogël, por simbolike

E themeluar në vitin 2002, Partia Komuniste e Polonisë kishte një bazë të kufizuar anëtarësh, nga disa qindra deri në rreth një mijë sipas vlerësimeve të ndryshme.

Megjithatë, pavarësisht peshës së vogël elektorale, partia mbante një simbolikë të fortë historike, e lidhur me trashëgiminë e regjimit komunist që udhëhoqi Poloninë për gati gjysmë shekulli.

Kjo e ka bërë objekt debatesh të vazhdueshme: nga njëra anë mbrojtësit e lirisë së shprehjes politike, dhe nga ana tjetër forcat konservatore e kombëtariste që kërkonin ndalimin e çdo forme të apologjisë së komunizmit.

Një epilog politik në një klimë të polarizuar

Vendimi i Gjykatës Kushtetuese pritet të forcojë debatin mbi kufijtë e lirisë politike në Poloni. Për mbështetësit e tij, është një hap i domosdoshëm drejt pastrimit të hapësirës publike nga ideologjitë totalitare.

Për kritikët, është një precedent që mund të përdoret për të zgjeruar kontrollin e shtetit ndaj partive të vogla apo të pakëndshme politikisht.

Megjithatë, në aspekt praktik, vendimi mbyll një kapitull politik të së kaluarës – ndërsa Polonia përqendrohet te sfidat më të gjera gjeopolitike dhe të sigurisë që po përballon sot.

Lista Serbe ka paraqitur ankesë në Panelin Zgjedhor për Ankesa dhe Parashtresa ndaj vendimit të KQZ-së që kjo parti të mos certifikohet për pjesëmarrje në zgjedhjet e 28 dhjetorit, ka njoftuar kryetari i këtij subjekti politik, Zllatan Ellek në një konferencë për media.

Elek e ka quajtur vendimin e KQZ-së ilegal, jo legjitim dhe antiserb. “Presim që ai të anulohet dhe subjekti ynë politik të konfirmohet”, ka thënë Ellek.

Ai ka thënë se Paneli Zgjedhor për Ankesa dhe Parashtresa do të vendosë për ankesën e tyre brenda 72 orëve të ardhshme, pra brenda afatit të paraparë ligjor.

“Presim patjetër një vendim pozitiv,” ka përsëritur Ellek.

Ai, “në emër të popullit serb”, u falënderua faktorëve ndërkombëtarë dhe ambasadorëve të vendeve të huaja në Kosovë të cilët, sipas fjalëve të tij, reaguan ndaj vendimit të KQZ-së.

Elek është i bindur se Lista Serbe do të marrë pjesë në zgjedhje dhe se do t’i fitojë të gjitha dhjetë mandatet