Lidhja Demokratike e Kosovës gjatë ditës së sotme do të mbajë konferencë për media.
Konferenca sipas njoftimit do të mbahet lidhur me çështjen e energjisë elektrike.
Njoftimi i plotë:
ë nderuar përfaqësues të medieve,
Lidhja Demokratike e Kosovës në konferencën e nesërme për medie, në orën 11:00 trajton çështjen e reduktimeve dhe problemet energjetike, ku folës do të jetë, Visar Azemi.
Konferenca mbahet në Selinë Qendrore.
Ftohen mediet të përcjellin këtë ngjarje!
Vranësira të shumta kalojnë përgjatë vendi edhe ditën e enjtë, megjithëse kohëpaskohe nuk mungojnë intervale me diell.
Përreth zonave malore nuk duhet përjashtuar mundësi që vransirat të shoqërohen me reshje të dobëta dëbore. Temperaturat minimale zbresin në -2C e 0C, derisa ato maksimale shënojnë një rritje deri në 4C e 7C. Frynë erë e lehtë jugore e juglindore 1-2m/s.
Të premtën po priten intervale më të shpeshta me kthjellime e diell. Orëve të mëngjesit, luginave të lumenjve mund të formohen kushte edhe për mjegull.
Temperaturat shënojnë rritje deri në 8C e 9C.
Të dielen parashihet të kalojnë më shumë vransira, si dhe të reshura shiu kohëpaskohe. Rritje shënojnë edhe minimalet deri në 2C e 3C. Përgjatë fundjave frynë erëra më të theksuara juglindore, me hove mbi 15m/s ditën e diel, njofton Mendimi për Motin.
Të marten, në zyrat e Komunës së Graçanicës u mbajt ceremonia e nënshkrimit të grant kontratës për “Projektin për sigurimin e pajisjeve mjekësore për Qendrën Diagnostikuese të Graçanicës” në kuadër të ndihmës japoneze të granteve për projektet e sigurisë bazike njerëzore (GGP). Grant kontrata u nënshkrua nga z. Hiroyasu Tanigaki, i ngarkuar me punë i Ambasadës së Japonisë në Kosovë dhe Z. Novak Zhiviq, kryetar i Komunës së Gracanicës, partnerit zbatues të projektit.
Z. Tanigaki fillimisht e uroi z. Zhiviq për zgjedhjen e tij si kryetar i ri i komunës dhe i uroi suksese në zbatimin e politikave në dobi të qytetareve të Graçanicës. Ai gjithashtu shprehu kënaqësinë e tij për mbështetjen e Qendrës Diagnostike dhe Komunën e Graçanicës në përpjekjet e tyre për të përmirësuar kushtet e jetesës së qytetarëve në komune dhe rajon.
Rreth Projektit:
Projekti synon përmirësimin e cilësisë së shërbimeve të kujdesit shëndetësor për qytetarët e Graçanicës dhe rajonit përreth, duke siguruar pajisje mjekësore në Qendrën Diagnostikuese të Graçanicës. Me instalimin e një analizuesi shtesë imunoanalitik në laboratorin klinik, afërsisht 4,100 pacientë në vit do të jenë në gjendje të marrin diagnozë shumë të saktë, duke lejuar zbulimin e hershëm të sëmundjeve. Përveç kësaj, duke dhuruar një pajisje terapie me Valë goditjeje radiale ekstrakorporale në Departamentin e fizioterapisë, afërsisht 430 persona në vit do të jenë në gjendje të marrin trajtimin e duhur sipas simptomave të tyre. Vlera totale e projektit është pesëdhjetë e nëntë mijë e shtatëqind euro (59,700 euro).
Rreth GGP -së:
Si një nga skemat e Ndihmës zyrtare të Japonisë për zhvillim, GGP ndihmon OJQ-të dhe institucionet publike lokale në përpjekjet e tyre për t’iu përgjigjur nevojave të ndryshme të zhvillimit socio-ekonomik në nivel bazik. Qëllimi kryesor është të përmirësohen nevojat bazike njerëzore duke targetuar kryesisht fushat e shëndetit, arsimit, mjedisit dhe mirëqenies sociale. Kjo skemë synon të përmbushë nevojat e larmishme të komuniteteve lokale dhe të ketë ndikim të drejtpërdrejtë në mirëqenien e komuniteteve bazë, duke mbështetur drejtpërdrejt aktivitetet e zhvillimit në mënyrë të shpejtë dhe të saktë.
Në Kosovë, Japonia ka zbatuar skemën GGP edhe para se vendi të fitonte pavarësinë. Deri sot, shuma totale e GGP-së së Japonisë pas pavarësisë arrin në 4,410,415 euro për 66 projekte në të gjithë Kosovën.
Organizata Botërore e Shëndetësisë (OBSH) ka klasifikuar mishrat e përpunuar, përfshirë proshutën, salçiçet dhe mishin e konservuar, në Grupin 1 të kancerogjenëve për njerëzit.
Ky klasifikim bazohet në prova të mjaftueshme që lidhin konsumimin e këtyre produkteve me rritjen e riskut për kancer kolorektal.
OBSH nënvizon se proceset e përpunimit të mishit—si kriposja, kurimi, fermentimi dhe tymosja—janë teknikat që e bëjnë këtë ushqim potencialisht të dëmshëm për shëndetin. Konsumimi i vetëm 50 gramëve mish të përpunuar çdo ditë lidhet me një rritje prej rreth 18% të rrezikut për kancer kolorektal, sipas studimeve, shkruan Insajderi.
Organizata thekson se rreziku nuk vjen nga një recetë apo markë specifike, por nga teknologjia ushqimore e përpunimit, dhe e krahason këtë rrezik me atë të substancave të tjera në Grupin 1, si tymi i duhanit dhe azbesti.
Në margjina të Forumit Ekonomik Botëror, kryeministri në detyrë Albin Kurti, ka zhvilluar një takim me Komisioneren e Bashkimit Evropian për Zgjerim, Marta Kos, ku u diskutua mbi progresin ekonomik dhe avancimin demokratik të Kosovës, si elemente kyç në rrugën e vendit drejt Bashkimit Evropian.
Në njoftimin e lëshuar nga Zyra e Kryeministrit thuhet se Raporti i Vendit i Komisionit Evropian për vitin 2025 vlerëson se Kosova ka vazhduar përparimin në integrimin evropian, duke qenë “më e përgatitur se çdo vend tjetër i Ballkanit Perëndimor në momentin e marrjes së statusit të vendit kandidat”.
Gjatë takimit thuhet se u trajtuan edhe çështjet gjeopolitike, Plani i Rritjes, bashkëpunimi rajonal dhe zhvillimet aktuale.
“Kryeministri Kurti theksoi se Kosova luan rol aktiv dhe konstruktiv në rajon, duke mbështetur integrimin më të gjerë ekonomik në përputhje me vlerat dhe standardet e Bashkimit Evropian”, thuhet më tej në njoftim.
Gjykata Themelore në Prizren ka njoftuar për aktgjykimet që ka marrë ndaj Ferzidin Bota i dyshuar për vrasjen e nënës në Dragash.
Sipas njoftimit të Gjykatës ai më datë 15.07.2022, për veprën penale Lëndim i lehtë trupor nga neni 185 par. 3 nënpar. 3.1, të KP-së, i është shqiptuar dënim ashtu që i vërteton dënimin me burgim në kohëzgjatje prej 6 (gjashtë) muajsh i cili dënim nuk do të ekzekutohet në afatin prej 2 (dy) vitesh nga dita e plotfuqishmërisë së aktgjykimi, nëse i akuzuari nuk kryen ndonjë vepër të re penale.
Poashtu i ishte caktuar edhe masa e trajtimit të detyrueshëm psikiatrik – ambulator në liri.
Më datë 22.08.2022, është marrë aktgjykim dënues, ashtu që të pandehurit për veprën penale Dhuna në Familje, nga neni 248 par. 1 të KP-së, i është shqiptuar Dënim me Burgim, në kohëzgjatje prej 6 (gjashtë) muajve, i cili dënim nuk do të ekzekutohet nëse i pandehuri brenda periudhës verifikuese prej 1(një) viti, pasi aktgjykimi të merr formën e prerë nuk kryen vepër tjetër penale, në të kundërtën gjykata do të revokoj dënimin me kusht.
Gjithashtu, në bazë të nenit 514 par.3 të KPP-ës dhe nenit 84 par.1 nënpar.1.2. dhe 86 par.1 nën par 1.3 dhe par.4 të KPRK-ës i është shqiptuar “masa e trajtimit të detyrueshëm psikiatrik në liri”
Më datë 17.10.2024, është marrë Aktgjykim Dënues, ashtu që të pandehurit për veprën penale Lëndim i lehtë trupor nga neni 185 par. 3 nënpar. 3.1, të KP-së, i është shqiptuar dënim me burgim në kohëzgjatje prej 6 /gjashtë/ muajve, në të cilin dënim me burgim do të llogaritet edhe koha e kaluar në masën e paraburgimit nga data 30.06.2024 deri me datë 25.09.2024.
“Duke aplikuar dispozitat e nenit 3 par.2 dhe nenit 44 të KP-së, me propozimin dhe pëlqimin e të akuzuarit dhe mbrojtësit të tij, dënimi i shqiptuar me burgim në kohëzgjatje prej 6 /gjashtë/ muajve, ti zëvendësohet me dënim me gjobë. Gjykata të akuzuarit dënimin me burgim në kohëzgjatje prej 6 /gjashtë/ muajve, i zëvendëson me dënim me gjobë në shumën prej 2,000.00 € / dy mijë/ euro, në të cilin dënim me gjobë do të llogaritet edhe koha e kaluar në masën e paraburgimit nga data 30.06.2024 e deri me datë 25.09.2024, shuma e ngelur e dënimit me gjobë prej pas llogaritjes së masës së paraburgimit prej 260.00 € /dyqind e gjashtëdhjetë / euro, i akuzuari duhet ta paguaj në afat ligjor pas plotfuqishmërisë së këtij aktgjykimit”, thuhet nga Gjykata.
Çmimi i arit shënoi një rritje rekord të mërkurën, duke arritur nivele historike, për shkak të kërkesës së lartë për asete të sigurta.
Ndërkohë, bursat shënuan rënie, ndërsa presidenti amerikan, Donald Trump, po udhëtonte drejt Davos për Forumin Ekonomik Botëror.
Metali i çmuar u rrit me më shumë se 2%, ndërsa çmimi i argjendit u rrit rreth 0.44%.
Bursat kryesore evropiane ranë pas dy ditësh fitimesh, raporton euronews.
Indeksi francez CAC 40 ra me 0.18%, DAX-i gjerman me 0.68%, ndërsa IBEX 35 i Spanjës humbi 0.53%. Indeksi italian FTSE MIB ra me 0.68%, ndërsa STOXX Europe 500 zbriti me 0.35%.
Para hapjes së tregjeve në SHBA, kontratat e ardhshme për indeksin S&P 500 u rritën me 0.34%, ato të Dow Jones me 0.13%, ndërsa Nasdaq me 0.19%.
Gjykata e Posaçme e Shqipërisë ka shpallur vendimin për të pandehurit dhe të akuzuarit në lidhje me vrasjen e ish policit Santiago Malko, ngjarje e ndodhur në vitin 2019.
GJKKO ka dënuar me 30 vite burg Leonard Dukën. Ai u arrestua në shkurt 2024 në Belgjikë, ndërsa u ekstradua në Tiranë në gusht të po atij viti, për t’u përballur me drejtësinë.
Ndërkaq, me nga 25 vite burg u dënuan Fatmir Hyseni, Aleksandër Maxhaku dhe Oltian Loga.
Elis Duka është shpallur i pafajshëm, pasi nuk u provua që ka kryer vepren penale.
Më herët, për vrasjen e Malkos, i njohur si krahu i djathtë i Erivs Martinajt, janë dënuar në një proces të ndarë edhe Blendi Teta dhe Ilir Selmani.
Santiago Malko, ish-punonjës policie, u ekzekutua mbrëmjen e 27 gushtit të vitit 2019 me breshëri plumbash në zonën e “Xhamllikut” në Tiranë. Malko u largua nga detyra si polic pasi u arrestua pas një sherri për lojërat e fatit. Ishte një emër jo pak i njohur për autoritetet, i dyshuar si i përfshirë në disa ngjarje të rënda kriminale. Emri i tij doli në skenë në Tetor të 2018, ku i plagosur mbeti miku i tij Ervis Martinaj, por u lirua për mungesë provash. Malko dyshohej se ishte i përfshirë në disa ngjarje kriminale.
Presidenti amerikan Donald Trump ka arritur në Cyrih.
Në agjendën e parë të ditës, Presidenti Trump do të marrë pjesë në një pritje me drejtues të bizneseve, përpara se të mbajë fjalim në Forumin Ekonomik Botëror.
“Kemi shumë takime të planifikuara për Grenlandën dhe mendoj se gjërat do të shkojnë mjaft mirë”, kishte deklaruar dje Trump gazetarëve në lidhje me takimet e tij në Davos.
Komentet e tij erdhën pavarësisht vendosmërisë së palëkundur të udhëheqësve evropianë në mbrojtjen e territorit danez në ditët e fundit.
Gjatë fundjavës, Trump premtoi tarifa të reja për vendet evropiane, përfshirë Britaninë, Francën dhe Gjermaninë, të cilat dërguan trupa në Grenlandë në solidaritet.
Këshilltarja e presidentes Vjosa Osmani, Donika Kadaj, ka vlerësuar se viti që lamë pas u mbyll me njohje të reja për Republikën e Kosovës, duke konfirmuar konsolidimin e subjektivitetit shtetëror të vendit në arenën ndërkombëtare.
Sipas saj, viti që po nis shënon kalimin nga afirmimi formal i shtetësisë në ndikim real ndërkombëtar.
Në këtë kontekst, Kadaj ka theksuar se ftesa personale e presidentit të Shteteve të Bashkuara, Donald J. Trump, për presidenten Vjosa Osmani që ta përfaqësojë Kosovën si shtet anëtar themelues në Bordin e Paqes, nuk është një akt i zakonshëm protokollar.
“Ajo është një akt besimi politik dhe strategjik ndaj lidershipit që Kosova sot përfaqëson”, ka shkruar Kadaj në “Facebook”.
Postimi i plotë i saj:
Viti që lamë pas u mbyll me njohje të reja për Republikën e Kosovës si konfirmim i një subjektiviteti shtetëror që po konsolidohet. Viti që po e nisim shënon kalimin nga afirmimi formal në ndikim real ndërkombëtar.
Ftesa personale për Presidenten Vjosa Osmani nga Presidenti i Shteteve të Bashkuara, Donald J. Trump, për ta përfaqësuar Kosovën si shtet anëtar themelues në Bordin e Paqes, nuk është thjesht një akt protokollar. Ajo është një akt besimi politik dhe strategjik ndaj lidershipit që Kosova sot përfaqëson.
Këto zhvillime janë rezultat i një politike të jashtme të ndërtuar mbi parime, koherencë dhe dinjitet institucional – e udhëhequr nga Presidentja Osmani me vizion shtetformues dhe qartësi strategjike. Një lidership që e ka zhvendosur Kosovën nga pozita e kërkueses së mbështetjes, në rolin e partnereve që kontribuojnë në arkitekturën e paqes globale.
Kosova po hyn në këtë kapitull të ri jo si spektatore e rendit ndërkombëtar, por si pjesëmarrëse me rol, përgjegjësi dhe peshë. Dhe kjo është arritje shtetërore me domethënie afatgjatë.