Author: G.O.

Komisioni Qendror i Zgjedhjeve ka bërë të ditur se deri më tani janë numëruar votat e kandidatëve për deputetë në 92.73% të vendvotimeve.

KQZ tashmë ka filluar që t’i publikoi në faqen e saj zyrtare numrin e votave të kandidatëve nga secili subjekt politik.

Në listën e Lëvizjes Vetëvendosje numrin më të madh të votave e ka Albin Kurti i cili ishte edhe bartës i listës. Kurti ka marrë deri më tani 259 mijë e 532 vota.

Sipas rezutateve të KQZ-së, pas Kurtit renditet Glauk Konjufca me 199 mijë e 136 vota. Për nga numri i votave i treti më i votuari është Faton Peci me 96 mijë e 849 vota, i katërti Hekuran Murati me 94 mijë e 531 vota.

E pesta në listën e LVV-së me numërin më të madh të votave është Albulena Haxhiu me 89 mijë e 601 vota, i gjashti është Xhelal Sveçla me 85 mijë e 632 vota.

Në vendin e shtatë renditet Donika Gërvalla me 79 mijë e 691 vota, i teti Avni Dehari me 68 mijë e 735 vota, e nënta Mimoza Kusari-Lila me 61 mijë e 945 vota dhe i dhjeti është Arben Vitia me 48 mijë e 760 vota.

Numër të madh të votave kanë marrë edhe Shqipe Mehmeti-Selmi, Saranda Bogujevci, Ejup Maqedonci, Hajrullah Çeku , Artane Rizvanolli, etj.

Në nivel vendi nga rezultatet preliminare Lëvizja Vetëvendosje është partia e parë më 40.80% apo 342 mijë e 281 vota.

Për të parë listën e plotë të kandidatëve të LVV-së dhe numrin e votave klikoni KËTU.

Komisioni Qendror i Zgjedhjeve sot ka bërë të ditur se është përditësimi i të dhënave për kandidatët për deputetë, gjersa deri tani janë numëruar votat në 92.73% të vendvotimeve.

Në listën e Lidhjes Demokratike të Kosovës prin me vota kryetari i kësaj partie, Lumir Abdixhiku me 109202 vota, më pas vjen Doarsa Kica Xhelili me 44,738 vota, Hykmete Bajrami me 41,79,.

I katërti për nga numri i votave është Kujtim Shala me 37,886 vota, Avdullah Hoti me 30,932 vota, Anton Quni me 27,292 dhe Lutfi Haziri me 27,260 vota.

Jehona Lushaku ka 22,122 vota, Armend Zemaj 19,341 dhe Imri Ahmeti 18,397.

Më poshtë mund t’i gjeni listat e plota.

Prokuroria Themelore në Ferizaj bën të ditur se me vendim të Prokurorit të Shtetit për Krime të Rënda, ka ndaluar në kohëzgjatje prej 48-orësh, të dyshuarin me iniciale A.L., për shkak të dyshimit të veprës penale “Ushtrimi i ndikimit”.

Në njoftim thuhet se Prokuroria Themelore në Ferizaj, ndaj të dyshuarit të lartpërmendur, do të vazhdojë me procedura të mëtejme hetimore.

“Prokuroria Themelore në Ferizaj, njofton opinionin publik se me vendim të Prokurorit të Shtetit për Krime të Rënda, ka ndaluar në kohëzgjatje prej 48-orësh, të dyshuarin me iniciale A.L., për shkak të dyshimit të veprës penale ‘Ushtrimi i ndikimit’ nga neni 424 paragrafi 1 të Kodit Penal të Republikës së Kosovës”, thuhet në njoftim.

Ushtarët e kombeve të ndryshme të caktuar në Komandën Rajonale në Lindje të misionit të KFOR-it të udhëhequr nga NATO, u bashkuan për një marshim në kampin Bondsteel, në Kosovë.

Kështu u bë e ditur përmes një postimi në rrjetin social në Facebook nga faqja e KFOR-it.

Tutje thuhet se ky trajnim i mundëson KFOR-it të jenë më të fortë së bashku, duke punuar për të siguruar një mjedis të sigurt për të gjitha komunitetet e Kosovës.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, thuhet në postim

Është sulmuar fizikisht prokurori në Prokurorinë Themeloren në Pejë, Ramiz Buzhala.

Ky  sulm është dënuar nga KPK dhe Zyra e Kryeprokurorit të Shtetit.

“Këshilli Prokurorial i Kosovës (KPK) dhe Zyra e Kryeprokurorit të Shtetit (ZKPSH) dënojnë ashpër sulmin e sotëm fizik ndaj prokurorit të Departamentit të Përgjithshëm në Prokurorinë Themelore në Pejë, z. Ramiz Buzhala, sulm ky, i cili ndërlidhet me punën e tij zyrtare.”, thuhet në reagim.

KPK dhe ZKPSH thonë se “aktet e tilla ndaj prokurorëve janë të patolerueshme dhe qëndrojnë fuqishëm pranë prokurorit Buzhala, duke e mbështetur në punën e tij të përditshme dhe duke e inkurajuar për përmbushjen e misionit të tij ligjor”.

I dyshuari është ndaluar për 48 orë.

“Gjithashtu, KPK dhe ZKPSH, me këtë rast, nënvizojnë se, aktet e tilla nuk mund të ndikojnë që prokurori Buzhala të zmbrapset nga ndjekja e kryeseve të veprave penale dhe do të vazhdojë punën e tij, për të cilën e obligojnë Kushtetuta dhe ligjet e Republikës së Kosovës. Këto dy institucione të sistemit prokurorial, sigurojnë opinionin publik se sulmi ndaj prokurorit Ramiz Buzhala është duke u trajtuar me prioritet nga organet kompetente dhe ndaj sulmuesit është marrë vendim për ndalimin e tij për 48 orë dhe janë duke u ndërmarrë hapat e mëtutjeshëm ligjorë.”

Prokuroria Speciale e Republikës së Kosovës, pas zhvillimeve të hetimeve, ka ngritur aktakuzë në Gjykatën Themelore në Prishtinë – Departamentin Special, ndaj dy të pandehurve B.Sh dhe M. Q.

Për dy të pandehurit B.Sh dhe M. Q. ekziston dyshimi i bazuar mirë se secili veç e veç, me veprimet e tyre e kanë kryer veprën penale “Spiunazhi’’ nga neni 124 paragrafi 3 i KPRK–së, kurse, i pandehuri M.Q edhe veprën penale “Mbajtja në pronësi, kontroll ose posedim i paautorizuar i armëve” nga neni 366 par. 1 të KPRK-së.

Prokurori i shtetit nga Prokuroria Speciale i ka propozuar gjykatës që pas shqyrtimit gjyqësor dhe administrimit të provave, të njëjtit t’i shpallë fajtorë dhe t’i dënoj sipas Kodit Penal të Republikës së Kosovës.

Po ashtu, prokurori i rastit, ka kërkuar nga gjykata që të pandehurve tu vazhdohet masa e paraburgimit deri në përfundimin e shqyrtimit gjyqësor, ngase ende ekzistojnë kushtet ligjore për vazhdimin e masës së tillë.

Ndryshe, Muharrem Qerimi dhe Bedri Shabani janë arrestuar para disa muajsj nën dyshimin për spiunazh. Të njëjtit dyshohet se kanë bashkëpunuar me BIA-n serbe.

Policia kishte njoftuar se hetimet kanë nisur qysh në vitin 2023.

Gjatë kontrollit në lokacionin e dy të dyshuarve meshkuj kosovarë në cilësi të provave materiale janë gjetur dhe sekuestruar dokumente të ndryshme, kompjuter, telefona, USB, DVR, kaseta, armë dhe municione, maska, gas-maska ushtarake si dhe shumë dëshmi të tjera.

Kryeministri britanik, Keir Starmer, do t’i prezantojë presidentit të ShBA-së, Donald Trump, në një takim në Washington javën e ardhshme, një plan për të dërguar deri në 30 000 trupa evropiane në Ukrainë për të ruajtur një marrëveshje armëpushimi të ndërmjetësuar nga ShBA, raporton ”The Telegraph”.

Sipas burimeve, Starmer do të përshkruajë në detaje se si këto trupa mund të zbatojnë marrëveshjen eventuale të armëpushimit dhe do të argumentojë se është në interesin e SHBA-së të vazhdojë përpjekjet e saj për të parandaluar një pushtim të tretë rus pas përfundimit të luftimeve.

Sipas planit anglo-francez, më pak se 30 000 trupa do të vendosen – nën komandën e vendeve evropiane – në qytetet, portet dhe objektet e tjera të infrastrukturës së rëndësishme të Ukrainës, si termocentralet bërthamore, të cilat ndodhet larg vijës aktuale të frontit.

”Në vend që të dërgojë një kontigjent shumë më të madh në Ukrainë, misioni do të mbështetet në monitorimin teknik nëpërmjet avionëve të shërbimeve sekrete, vëzhgimit dhe zbulimit, dronëve dhe satelitëve për të ofruar një pamje të plotë të asaj që po ndodh”, tha një zyrtar perëndimor.

Burimi shtoi se operacioni do të mbështetet nga fuqia e mjaftueshme e zjarrit për të “zbuluar dhe zmbrapsur sulmet” në mënyrë që të rihapet hapësira ajrore e Ukrainës dhe të rivendosen fluturimet komerciale.

Një sulmues vrau dy persona me thikë në një qendër tregtare në qytetin çek Hradec Kralove të enjten, tha policia, duke shtuar se ata e kishin arrestuar sulmuesin e dyshuar menjëherë pas incidentit.

Televizioni shtetëror raportoi se i dyshuari ishte një shtetas çek, 16-vjeç.

“Edhe pse ne ishim në vendngjarje brenda pak minutash nga raportimi, të dy viktimat pësuan lëndime aq të rënda sa që nuk mund të shpëtoheshin me gjithë përpjekjet e reaguesve”, tha policia në një postim në X, raporton Reuters.

Komisioni Qendror i Zgjedhjeve i ka publikuar të dhënat e rezultateve nga numërimi i votave për partitë politike, ndërkohë që në qendrat komunale po numërohen votat e kandidatëve për deputetë.

Në web-faqen e KQZ-së në 09:46 u përditësuan rezultatet nga procesimi i të gjitha vendvotimeve.

Lëvizja Vetëvendosje ka marrë 342,281 vota apo 40.80%.

Partia Demokratike e Kosovës ka 184,811 vota apo 22.03%.

Lidhja Demokratike e Kosovës 147,888 vota apo 17.63%.

Koalicioni AAK, Nisma dhe të tjerët ka marrë 62,588 vota apo 7.46%.

Ndërsa janë numëruar shumica e votave të kandidatëve për deputetë, KQZ-ja ka paralajmëruar të martën se para shpalljes së rezultateve përfundimtare po përpiqet t’i publikojë rezultatet e votave të kandidatëve të të gjitha partive politike për deputetë të cilat i kanë arritur deri më tani.

“Sa i përket çështjes së rezultateve të kandidatëve për deputetë, Komisioni Qendror i Zgjedhjeve është duke bërë përpjekje që para shpalljes së rezultateve përfundimtare për subjektet politike dhe kandidatët për deputetë, t’i publikojmë këto rezultate për vendvotimet të cilat janë numëruar në qendrat komunale të numërimit deri më tani dhe pastaj edhe rezultatin nga vendvotimet të cilat do të numërohen në vazhdim”, ka thënë zëdhënësi i KQZ-së, Valmir Elezi.