ATV

Author: G.O.

  • Ndalohet një person në Jarinjë, dyshohet për kalim ilegal të kufirit

    Ndalohet një person në Jarinjë, dyshohet për kalim ilegal të kufirit

    Policia e Kosovës ka shoqëruar në stacion policor një person në Jarinjë të Leposaviqit, nën dyshimin për kalim ilegal të kufirit dhe posedim të substancave narkotike.

    Sipas raportit të Policisë së Kosovës, i dyshuari, mashkull kosovar, dyshohet se kishte hyrë në mënyrë të paligjshme nga Serbia në territorin e Republikës së Kosovës.

    Gjatë kontrollit policor, tek ai është gjetur dhe sekuestruar një sasi e vogël e substancës së dyshuar narkotike të llojit marihuanë.

    Pas intervistimit, me vendim të prokurorit, rasti është proceduar në procedurë të rregullt.

    “Fsh. Jarinje, Leposaviq 15.07.2026, NN. Është shoqëruar në stacionin policor i dyshuari mashkull kosovar, pasi që i njëjti kishte hyrë ilegalisht nga Serbia në Republikën e Kosovës. Gjatë kontrollit tek i njëjti është gjetur dhe sekuestruar një sasi e vogël substancë e dyshuar narkotike e llojit marihuanë. Me vendim të prokurorit pas intervistimit rasti procedohet në procedurë të rregullt”.

  • Rritet sërish çmimi i naftës, MINT publikon tarifat e reja

    Rritet sërish çmimi i naftës, MINT publikon tarifat e reja

    Ministria e Industrisë, Ndërmarrësisë dhe Tregtisë (MINT) ka publikuar çmimet maksimale të lejuara për derivatet e naftës, të cilat vlejnë për datën 16 korrik 2026.

    Sipas vendimit të ri, nafta (dizeli) është shtrenjtuar për 2 cent krahasuar me një ditë më parë, duke arritur në 1.56 euro për litër.

    Çmimet maksimale janë:

    • Nafta (dizeli): 1.56 euro/litër (+2 cent);
    • Benzina: 1.40 euro/litër;
    • Gazi: 0.60 euro/litër.

    Këto çmime hyjnë në fuqi nga ora 10:00.

  • Tre të arrestuar në Mitrovicën e Veriut, dyshohen se tentuan të shisnin parcela me dokumente të falsifikuara

    Tre të arrestuar në Mitrovicën e Veriut, dyshohen se tentuan të shisnin parcela me dokumente të falsifikuara

    Tre persona janë arrestuar në Mitrovicën e Veriut, nën dyshimet për veprat penale “Legalizim i përmbajtjes së rreme” dhe “Vjedhje e identitetit apo kredencialeve”, pasi dyshohet se kanë tentuar të përfitojnë në mënyrë të kundërligjshme nga shitblerja e pronave.

    Sipas raportit të Policisë së Kosovës, rasti ka ndodhur më 15 korrik 2026, rreth orës 11:15, në rrugën “Çlirimi”.

    Tre të dyshuarit, meshkuj kosovarë, dyshohet se kanë përdorur dokumente të falsifikuara për të siguruar te një noter autorizimin për shitblerjen e disa parcelave, pa dijen dhe pëlqimin e pronarit legjitim.

    Në konsultim me prokurorin, policia ka kryer bastisje në shtëpinë e njërit prej të dyshuarve, ku janë gjetur dhe sekuestruar dokumente që konsiderohen relevante për hetimin. Po ashtu, nga një i dyshuar tjetër janë sekuestruar një veturë dhe një telefon mobil.

    Pas intervistimit, me vendim të prokurorit, tre të dyshuarit janë dërguar në mbajtje, ndërsa hetimet për zbardhjen e plotë të rastit janë duke vazhduar.

  • Arrestohet për dhunë në familje një burrë në Gjakovë, bashkëshortja përfundon në trajtim mjekësor

    Arrestohet për dhunë në familje një burrë në Gjakovë, bashkëshortja përfundon në trajtim mjekësor

    Një person është arrestuar në Gjakovë nën dyshimin për dhunë në familje.

    Sipas raportit të Policisë së Kosovës, rasti ka ndodhur më 15 korrik 2026, rreth orës 16:00, pas një mosmarrëveshjeje mes bashkëshortëve.

    I dyshuari, mashkull kosovar, dyshohet se i ka shkaktuar lëndime bashkëshortes së tij.

    Viktima ka pranuar trajtim mjekësor, ndërsa i dyshuari është shoqëruar në polici.

    Pas intervistimit, me vendim të prokurorit, ai është dërguar në mbajtje.

  • Komandanti i KFOR-it pret Sekretarin e Përgjithshëm të OSBE-së, në fokus situata e sigurisë në Kosovë

    Komandanti i KFOR-it pret Sekretarin e Përgjithshëm të OSBE-së, në fokus situata e sigurisë në Kosovë

    Komandanti i misionit të KFOR-it, gjeneralmajor Ozkan Ulutash, ka zhvilluar një takim me Sekretarin e Përgjithshëm të OSBE-së, Feridun H. Sinirlioğlu, në selinë e KFOR-it në Camp Film City në Prishtinë.

    Gjatë takimit, palët diskutuan për situatën aktuale të sigurisë në Kosovë, si dhe për rëndësinë e bashkëpunimit ndërmjet organizatave ndërkombëtare në ruajtjen e stabilitetit dhe sigurisë.

    Sipas njoftimit të KFOR-it, gjeneralmajor Ulutash prezantoi vlerësimin e tij për zhvillimet e fundit në rajon dhe ritheksoi përkushtimin e misionit për të garantuar një ambient të sigurt dhe të qetë për të gjithë qytetarët e Kosovës.

    Po ashtu, në takim u diskutuan prioritetet kryesore të KFOR-it dhe rëndësia e koordinimit të vazhdueshëm me partnerët ndërkombëtarë për përmbushjen e objektivave të përbashkëta në fushën e sigurisë.

    KFOR theksoi se vazhdon ta kryejë misionin e tij në përputhje me mandatin e dhënë nga Rezoluta 1244 e Këshillit të Sigurimit të Kombeve të Bashkuara, duke kontribuar në ruajtjen e një mjedisi të sigurt dhe lirisë së lëvizjes për të gjitha komunitetet në Kosovë.

    Në njoftim u rikujtua gjithashtu se KFOR vazhdon bashkëpunimin e ngushtë me Policinë e Kosovës dhe misionin e EULEX-it, në përputhje me përgjegjësitë e tyre si reagues të sigurisë.

  • Irani: Ngushtica e Hormuzit do të mbetet e mbyllur derisa ShBA të pranojë kushtet

    Irani: Ngushtica e Hormuzit do të mbetet e mbyllur derisa ShBA të pranojë kushtet

    Irani deklaroi këtë të enjte në mëngjes se Ngushtica e Hormuzit do të mbetet e mbyllur derisa Shtetet e Bashkuara të pranojnë kushtet e Teheranit për rihapjen e rrugës ujore strategjike.

    Sipas mediave iraniane, zëdhënësi i ushtrisë iraniane, Mohammad Akrami-Nia, kishte deklaruar se kontrolli i ngushticës duhet të vihet nën autoritetin e Iranit përpara se ajo të rihapet.

    Ai tha se Uashingtoni duhet të përmbushë kushtet e marrëveshjes kornizë të paqes të muajit të kaluar, të ndalojë ato që ai i quajti veprime armiqësore dhe të pranojë rregullat iraniane që qeverisin ngushticën.

    Komentet e tij erdhën pas një vale të re shpërthimesh që u raportua në disa qytete iraniane, ndërsa Komanda Qendrore e ushtrisë amerikane theksoi se sulmet kishin në shënjestër kapacitetet ushtarake iraniane të lidhura me kërcënimet ndaj anijeve që kalojnë nëpër Ngushticën e Hormuzit.

  • Vlorë: Vetura e policisë godet një 13-vjeçar në zebra

    Vlorë: Vetura e policisë godet një 13-vjeçar në zebra

    Një makinë e Policisë në Vlorë ka përplasur një fëmijë.

    Ngjarja ka ndodhur në lagjen “29 Nëntori”, ku vetura e drejtuar nga G. H., ka goditur një 13-vjeçar.

    Fëmija në ato momente ka qenë duke kaluar rrugën në vijat e bardha.

    Bëhet e ditur se ai ndodhet jashtë rrezikut për jetën dhe është dërguar në spital për ndihmë më të specializuar mjekësore.

    Ndërkohë, policia ka nisur verifikimet për rastin në fjalë./TCh

  • ShBA zgjeron sulmet në Iran, godet objektiva në veri dhe çaktivizon një cisternë nafte

    ShBA zgjeron sulmet në Iran, godet objektiva në veri dhe çaktivizon një cisternë nafte

    Shtetet e Bashkuara kanë intensifikuar operacionet ushtarake kundër Iranit, duke zgjeruar sulmet ajrore edhe në pjesën veriore të vendit, ndërsa kanë çaktivizuar një cisternë nafte që, sipas autoriteteve amerikane, po përpiqej të thyente bllokadën detare ndaj porteve iraniane.

    Mediat shtetërore iraniane raportuan për shpërthime në zonat përreth Teheranit, ndërsa objektiv i sulmeve ishte edhe provinca Semnan, e njohur për programin e raketave balistike dhe aktivitetet hapësinore të Iranit, raporton Sky News.

    Si kundërpërgjigje, Irani lëshoi raketa dhe dronë drejt Bahreinit, Jordanisë dhe Kuvajtit, duke rritur më tej tensionet në rajon.

    Ndërkohë, Komanda Qendrore e ShBA-së njoftoi se një avion amerikan goditi dhe çaktivizoi cisternën e naftës e cila po lundronte drejt ishullit Kharg, terminali kryesor i eksportit të naftës së Iranit në Gjirin Persik.

    Sipas ShBA-së, anija kishte shpërfillur disa paralajmërime për t’u ndalur, ndaj u godit me një raketë , duke u bërë e paaftë për të vazhduar lundrimin drejt Iranit.

  • Jordania rrëzon 8 raketa iraniane, raportojnë mediat shtetërore

    Jordania rrëzon 8 raketa iraniane, raportojnë mediat shtetërore

    Ushtria e Jordanisë tha se mbrojtja e saj ajrore interceptoi dhe rrëzoi tetë raketa iraniane herët të enjten sipas kohës lokale, të cilat po drejtoheshin drejt vendit, raportuan mediat shtetërore, shkruan CNN.

    Mbeturinat nga interceptimet ranë në disa lokacione, por nuk u raportuan të lënduar apo dëme, thanë Forcat e Armatosura të Jordanisë, sipas agjencisë shtetërore të lajmeve Petra.

    Ushtria iraniane pretendoi se kishte shënjestruar asete ushtarake amerikane në Jordani, përfshirë sulme me dronë ndaj sistemeve të komunikimit dhe depozitave të karburantit në bazën ajrore Al-Azraq, raportuan Agjencia e Lajmeve e Republikës Islamike të Iranit dhe Press TV.

    Komanda Qendrore e SHBA-së (CENTCOM) nuk ka komentuar mbi pretendimet iraniane, ndërsa CNN nuk mund t’i verifikojë ato në mënyrë të pavarur.

    Sulme të tjera në rajon: Gjatë natës, Ministria e Brendshme e Bahrejnit tha se sirenat po binin dhe u bëri thirrje banorëve të strehoheshin.

    Ndërkaq, mbrojtja ajrore e Kuvajtit po “përballej me sulme nga dronë armiqësorë”, sipas Shtabit të Përgjithshëm të Ushtrisë. Irani pretendoi se kishte shënjestruar infrastrukturën amerikane në bazat ushtarake në Kuvajt, sipas agjencisë gjysmëzyrtare të lajmeve Tasnim.

  • Moti për sot

    Moti për sot

    Sot pritet të mbajë mot me diell dhe vranësira, ndërsa gjatë pasdites, nga veriperëndimi pritet të depërtojë një sistem stuhish, i cili lokalisht do të sjellë rrebeshe lokale shiu, rrëke, breshër të vogël dhe shkarkesa të forta rrufesh.

    Era do të fryjë drejtimesh të ndryshme, ndërsa gjatë kalimit të sistemit me të reshura priten fuqizime të përkohshme të erës në formë stuhish, me shpejtësi maksimale deri në 70 km/h.

    Temperaturat minimale do të lëvizin prej 16 deri në 19°C, ndërsa ato maksimale prej 29 deri në 34°C. /MeteoKosova/