Author: G.O.

Serbia do të nënshkruajë muajin e ardhshëm një marrëveshje trevjeçare për importin e gazit me Rusinë, duke siguruar një furnizim vjetor prej 2.5 miliardë metrash kub gaz natyror, tha për Radiotelevizionin e Serbisë kreu i kompanisë shtetërore serbe të gazit, Dushan Bajatoviq, të martën.

Shefi i Srbijagas, Bajatoviq, bëri të ditur se Serbia ka siguruar tashmë furnizime ditore prej 2.5 milionë metrash kub gazi nga Azerbajxhani, dhe se merr, gjithashtu, 9.5 milionë metra kub në ditë nga Rusia, raporton Reuters.

Ai, po ashtu, shtoi se e vetmja rezervë e gazit e Serbisë përmban 780 milionë metra kub gaz natyror, me një mundësi për 200 milionë metra kub shtesë, që mund të sigurohen nga një depo në Hungari nëse është e nevojshme.

Serbia mbetet një nga blerësit e paktë të gazit natyror rus në Evropë, edhe pse kërkon anëtarësim në Bashkimin Evropian, transmeton Radio Evropa e Lirë.

Qeveria është përballur me presion nga vendet perëndimore për t’u përafruar me sanksionet e BE-së ndaj Rusisë për shkak të pushtimit të Ukrainës, por deri tani nuk ka ndërmarrë veprime.

Industria e Naftës e Serbisë (NIS), shumica e aksioneve të së cilës janë në pronësi të Gazprom Neft-it dhe Gazprom-it të Rusisë, po kërkon një përjashtim të shtatë për të shtyrë sanksionet amerikane që do ta vinin në rrezik furnizimin e shtetit serb me naftë të papërpunuar./REL

Një situatë e pazakontë dhe disi komike ndodhi mbrëmjen e së hënës në Nju Jork, ku liderët botërorë janë mbledhur për Asamblenë e Përgjithshme të OKB-së. Presidenti i Francës, Emmanuel Macron, përfundoi në mes të një bllokade të sigurisë të vendosur për lëvizjen e eskortës së ish-presidentit amerikan, Donald Trump.

Pas mbajtjes së fjalimit të tij në selinë e OKB-së – ku njoftoi edhe vendimin historik të Francës për njohjen e shtetit të Palestinës – Macron u përball me një situatë aspak diplomatike: rrugët e bllokuara.

“Më falni, zoti President, gjithçka është e mbyllur, qarkullimi është ndalur kudo”, i tha një oficer amerikan Macronit, i cili u tregua i qetë dhe i buzëqeshur, pavarësisht ndalesës së papritur.

Në vend që të irritohej, lideri francez zgjodhi t’i telefonojë me humor homologut të tij amerikan. “Merreni me mend, po pres në rrugë sepse gjithçka është ndalur për ju,” u dëgjua të thoshte ai në telefonatë.

Pasi autokolona e Trump kaloi, vetëm këmbësorëve iu lejua lëvizja. Macron, duke shmangur çdo ceremoni protokollare, zgjodhi të kthehej në ambasadën franceze në këmbë, duke vijuar bisedën telefonike me Trump gjatë ecjes.

New York police stopped Macron’s motorcade to let Trump pass

In New York, police stopped the French president’s motorcade as the road was closed for Trump’s passage. Macron got out of the car, called Trump, and jokingly asked him to “clear the way.” pic.twitter.com/qO170xUpy5

— Visegrád 24 (@visegrad24) September 23, 2025

Agjencia Evropiane e Barnave (EMA) tha të martën se nuk ka prova të reja që do të kërkonin ndryshime në rekomandimet aktuale të rajonit për përdorimin e paracetamolit, i njohur si Tylenol në Shtetet e Bashkuara të Amerikës, gjatë shtatzënisë.

Presidenti amerikan, Donald Trump, të hënën lidhi autizmin me përdorimin e vaksinave të fëmijërisë dhe marrjen e ilaçit të njohur kundër dhimbjeve, Tylenol, nga gratë gjatë shtatzënisë, transmeton Radio Evropa e Lirë.

Kësisoj, ai e ngriti në qendër të politikës shëndetësore të SHBA-së një pretendim që nuk mbështetet nga prova shkencore.

“Provat e disponueshme nuk kanë gjetur asnjë lidhje mes përdorimit të paracetamolit gjatë shtatzënisë dhe autizmit”, tha EMA në një deklaratë për Reuters.

Agjencia shtoi se paracetamoli mund të përdoret gjatë shtatzënisë kur është i nevojshëm, por gjithmonë në dozën dhe shpeshtësinë më të ulët efektive./REL

LEXONI EDHE:

Trump u kërkon grave shtatzëna të shmangin paracetamolin, shkak dyshimet se shkakton autizëm

Mjekët në SHBA së shpejti do të këshillohen të mos përshkruajnë ilaçin për dhimbje Tylenol për gratë shtatzëna, deklaroi presidenti Donald Trump, duke përmendur një lidhje të diskutueshme mes ilaçit dhe autizmit. Ai tha se gratë duhet ta përdorin vetëm për temperatura të larta ekstreme.

Ekspertët mjekësorë, përfshirë Steven Fleischman, president i Kolegjit Amerikan të Gjinekologëve-Obstetrëve, kundërshtuan deklaratat, duke thënë se nuk ka prova shkencore të forta që lidhin përdorimin e acetaminofeinit (paracetamolit) me probleme zhvillimore tek fëmijët. Paracetamoli mbetet ilaçi më i sigurt për shtatzëna sipas grupeve mjekësore dhe qeverive botërore, shkruan BBC.

Prodhuese e Tylenol-it, Kenvue, theksoi se shkenca nuk tregon lidhje midis acetaminofeinit dhe autizmit, duke paralajmëruar për rreziqet e kufizimit të opsioneve të sigurta për lehtësimin e dhimbjeve.

Trump bëri njoftimin në Zyrën Ovale së bashku me Sekretarin e Shëndetësisë, Robert F. Kennedy Jr., i cili tha se FDA do të lëshojë udhëzime për mjekët dhe do të rishikojë etiketën e ilaçit. Kennedy njoftoi gjithashtu se FDA do të aprovojë përdorimin e leucovorin-it për fëmijët me autizëm, bazuar në studime të hershme që tregojnë përfitime në përmirësimin e komunikimit verbal.

Në gusht, një rishikim i kërkimeve i udhëhequr nga dekan i Chan School of Public Health, Universiteti i Harvardit, gjeti se fëmijët mund të jenë më të prirur për të zhvilluar autizëm dhe çrregullime të tjera neurozhvillimore kur ekspozohen ndaj Tylenol-it gjatë shtatzënisë. Studiuesit sugjeruan që të merren disa hapa për të kufizuar përdorimin e ilaçit, por thanë se ai mbetet i rëndësishëm për trajtimin e temperaturës dhe dhimbjeve tek nënat, të cilat gjithashtu mund të kenë efekte negative tek fëmijët.

Megjithatë, studiuesit paralajmërojnë se kërkimet janë në faza të hershme dhe nuk ka konkluzione të qarta. Studime të tjera kanë treguar se përdorimi i paracetamolit gjatë shtatzënisë nuk lidhet në mënyrë të sigurt me autizmin, ADHD ose paaftësi intelektuale.

Diagnozat e autizmit kanë rritur që nga 2000, me një shkallë prej 2.77 për qind tek fëmijët 8-vjeçarë në 2020 (CDC). Shkencëtarët e atribuojnë rritjen pjesërisht vetëdijes më të madhe dhe zgjerimit të definicionit të çrregullimit. Kennedy më parë ka promovuar teori të debatuara, duke fajësuar vaksinat, pa prova.

Punonjëses së misionit të OSBE-së në Kosovë, e akuzuar si spiune e Serbisë, Jelena Gjukanoviq, i është vazhduar paraburgimi edhe për dy muaj.

“Nga gjyqtari jemi njoftuar se ndaj të pandehurës J.Gj. është vazhduar masa e paraburgimit edhe për dy muaj”, thuhet në përgjigjen e Gjykatës për Kohën.

Në seancën e shqyrtimit fillestar avokati i Gjukanoviqit ka kërkuar që masa e paraburgimit t’i zëvendësohet me masën e arrestit shtëpiak, që që ishte kundërshtuar nga prokurori i rastit.

Në seancën fillestare Gjukanoviq është deklaruar e pafajshme.

Prokuroria Speciale e akuzon atë se ka kryer veprën penale deri në momentin e arrestimit të saj, në shkurt të këtij viti.

Sipas aktakuzës, Gjukanoviq si zyrtare e misionit të OSBE-së në Kosovë me vetëdije të plotë ka kryer veprime të përsëritura duke përcjellë informacione të dokumentuara për agjentin rezident të BIA-së, Aleksandër Vllajiq, të cilat informacione pastaj janë transmetuar te zyrtarët e lartë të BIA-s.

Përveç komunikimeve me të dënuarin për spiunazh, Aleksandër Vllajiq, në aktakuzë thuhet se Gjukanoviq ka komunikuar edhe me zyrtarë të tjerë të BIA-s serbe.

Ajo akuzohet se ka ndihmuar edhe në krijimin e një narrative armiqësore ndaj institucioneve të Kosovës.

Gjukanoviq është arrestuar më 28 shkurt të këtij viti, nën akuzën se ka shpërndarë dokumente dhe informacione të ndjeshme tek Agjencia e Inteligjencës dhe Sigurisë e Serbisë.

Është arrestuar edhe një person për “ndihme në detyrim”, e që ka të bëjë me rastin e operacionit të madh policor që ndodhi të dielën në Vushtrri.

Rasti ka të bëjë me familjen Gërbeshi.

“Prokuroria Themelore në Mitrovicë njofton opinionin publik se është arrestuar një person me iniciale Rr.M., pasi i njëjti dyshohet që në vazhdimësi ka kryer veprën penale “Ndihmë në detyrim”, duke ndihmuar personat e arrestuar dy ditë më parë në operacionin në Vushtrri, në kryerjen e veprës penale”, i njëjti është dërguar në mbajtje për 48 orë.