ATV

Author: G.O.

  • Frutat e perimet që duhet t’i konsumoni në shtator

    Frutat e perimet që duhet t’i konsumoni në shtator

    Nuk është vetëm rrushi fruti i këtij sezoni, sadoqë ai është më i dukshmi në treg, për shkak të sasisë së prodhimit vendas.

    Edhe frtutat ekzotike, që në fakt prodhohen edhe në vende të tjera të afërta, kanë sezonin e tyre.

    Kivi, fiqtë e Indisë, kërpudhat, tartufi e shumë të tjera, janë më të mirat e këtij muaji.

    Nëse jeni lodhur me shijet e verës, tani, qiellza do të ndryshojë!

    Shtatori është një nga muajt më të pasur në tryezë, nis që nga fiqtë e dytë (siç njihen ndryshe) e përfundon me frutat e pyllit që në fakt janë vazhdim i prodhimeve të gushtit.

    Mollët, hurmat dhe dardhat e varieteteve të ndryshme, e kanë ‘shpërthimin’ pikërisht në shtator; ky është muaji më i mirë për t’i shijuar!

    Perimet

    Për ata që i shijojnë dhe i prisnin pa durim, tani është rishfaqur lulelakra dhe finoku i sezonit.

    (Kanë qenë edhe më parë por nuk kanë qenë në kohën e tyre). Patatet, kungujt e verdhë, të medhenj, brokolit dhe kërpudhat.

  • Zyrtarizohet lidhja e Amir Rrahmanit me Drita Stubllën – fotografohen rrugëve të Napolit

    Zyrtarizohet lidhja e Amir Rrahmanit me Drita Stubllën – fotografohen rrugëve të Napolit

    Kapiteni i Kombëtares së Kosovës dhe mbrojtësi i Napolit, Amir Rrahmani, ka bërë publike lidhjen e tij me blogeren e njohur, Drita Stublla.

    Çifti është fotografuar rrugëve të Napolit duke ecur dorë për dore, duke mos lënë më vend për dyshime rreth romancës së tyre.

    Prej muajsh kanë qarkulluar zëra për një lidhje mes tyre, por deri tani asnjëri nuk e kishte konfirmuar publikisht.

    Foto: IndeksOnline

    Pamjet e fundit kanë zyrtarizuar marrëdhënien, duke tërhequr menjëherë vëmendjen e mediave dhe rrjeteve sociale.

    Rrahmani, i cili është një nga figurat kryesore të futbollit kosovar dhe një lojtar kyç te Napoli në Serie A, duket se po gjen ekuilibrin perfekt mes karrierës së tij profesionale dhe jetës private.

    Nga ana tjetër, Stublla njihet për aktivitetin e saj në botën e modës e rrjeteve sociale, ku ka një numër të madh ndjekësish dhe shpesh komentohet për stilin dhe postimet e saj.

    Fotografitë e publikuara i kanë bërë menjëherë kryefjalë të mediave rozë, ndërsa fansat e futbollistit dhe blogeres kanë reaguar me shumë kuriozitet ndaj këtij çifti të ri të njohur. /Telegrafi/

  • Keqpërdori kartelat bankare, arrestohet një 24-vjeçare në Prishtinë

    Keqpërdori kartelat bankare, arrestohet një 24-vjeçare në Prishtinë

    Një 24-vjeçare është arrestuar në Prishtinë, nën dyshimin se keqpërdori kartela bankare.

    Sipas njoftimit të policisë, 24-vjeçarja A.G., është arrestuar pas një pune hetimore operacionale të policisë, dhe në koordinim me prokurorin i është iniciuar rast për veprën penale “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit”.

    “Policia e Kosovës mbetet e përkushtuar në luftimin e veprimtarive kriminale dhe sjelljen para organeve të drejtësisë së personave të dyshuar dhe njëkohësisht fton qytetarët që të kenë kujdes të shtuar në mbrojtjen e të dhënave personale e bankare”.

  • Fifi me deklaratë të fortë: Njerëzit janë lodhur me muzikë bastarde

    Fifi me deklaratë të fortë: Njerëzit janë lodhur me muzikë bastarde

    Filloreta Raçi – Fifi ka qenë e ftuar së fundmi në “Pardon My French”, ku ka zbuluar më shumë gjëra rreth jetës e karrierës profesionaele.

    Artistja gjithashtu ka treguar disa sekrete në lidhje me albumin e ri që do të sjellë dhe jo vetëm.

    Gjatës bisedës, ajo u pyet nëse tani këngën e bën për qejf, në një periudhë kur çdo gjë varet nga klikimet.

    “E kam pas ndjerë këtë presionin derisa erdhi një moment dhe thashë që ‘duhet vetëm të krijoj muzikë’. Që prej këngës “Zemrën” kam thënë që do të nis tani që të publikoj dhe të bëj vetëm muzikë që mua më pëlqen dhe të mos them vetëm ‘të bëj një hit’”, u shpreh ajo.

    “Më fal por çfarë dreqin, ku e dinë ata se kush është hit dhe kush jo. Kur unë i kam bërë këngët më të bukura të jetës sime kam thënë që dua të bëj një këngë të mirë që njerëzit të më dëgjojnë mua dhe këtë gjë e kam përdorur deri tek kënga “HANA”. Pastaj nisa të influencohesha prej tregut dhe aromës bastarde që lëshon muzika këto vitet e fundit”.

    Këngëtarja nga Ferizaj shtoi se ka vendosur sërish të rikthehet në pikën që dëshiron të bëjë muzikën siç ajo e ndjen dhe jo të influencohet nga artistë të tjera apo rrymat muzikore.

    “Këngët e mia unë nuk i hap t’i dëgjoj të them të drejtën, këngët që unë i dëgjoj janë vetëm këngët e reja që nuk kanë dalë ende dhe më duhet që t’i hap që të shikoj nëse duhet të ndryshoj ndoshta diçka. I dëgjoj në momente të ndryshme që të shikoj nëse ma japin sërish emocionin e njëjtë. A ja vlejnë ose jo”, thotë mes shumë gjërave. /Telegrafi/

  • Gjykata lëshoi urdhëresë për sjellje me detyrim ndaj Sveçlës, Pacolli-Dalipit dhe Zybës- seanca pritet të mbahet në tetor

    Gjykata lëshoi urdhëresë për sjellje me detyrim ndaj Sveçlës, Pacolli-Dalipit dhe Zybës- seanca pritet të mbahet në tetor

    Gjykata Themelore në Prishtinë më 18 shtator 2025 ka lëshuar urdhëresë për sjellje me detyrim në seancë ndaj ministrit në detyrë të Punëve të Brendshme, Xhelal Sveçla, dhe deputetëve të Vetëvendosjes, Salih Zyba dhe Fitore Pacolli-Dalipi, të cilët bashkë me ish-deputeten e Lidhjes Demokratike të Kosovës (LDK), Drita Millaku, akuzohen për hedhjen e gazit lotsjellës në Kuvendin e Kosovës në mars të 2018-ës.

    Kjo urdhëresë është lëshuar pasi Sveçla, Zyba dhe Pacolli-Dalipi munguan në seancën e 16 shtatorit 2025. Për tre të akuzuarit, gjyqtari Sabit Sadikaj në atë seancë tha se janë ftuar sipas procesverbalit të seancës paraprake dhe nuk kishte kërkesë për shtyrje të seancës, raporton “Betimi për Drejtësi“.

    Në një përgjigje për “Betimi për Drejtësi“, Gjykata Themelore në Prishtinë konfirmoi se urdhëresa e lëshuar nga gjyqtari Sadikaj duhet të ekzekutohet nga Policia e Kosovës dhe të akuzuarit të sjellen në seancë më 31 tetor 2025.

    “Në seancën e shqyrtimit gjyqësor të datës 16.09.2025, të pandehurit F.P.D, S.Z., dhe XH.S. edhe pse ishin ftuar me procesverbalin e seancës së shqyrtimit paraprak, të njëjtit kanë munguar në seancë, ndërsa mungesën nuk e kanë arsyetuar. Gjyqtari i kësaj çështje penale Sabit Sadikaj, bazuar në një gjendje të tillë të fakteve, jashtë seancës me datë 18.09.2025 ka lëshuar Urdhëresë për sjellje me detyrim kundër të pandehurve F.P.D, S.Z., dhe XH.S., dhe ka urdhëruar Policinë e Kosovës që të ndërmarr veprimet e duhura, në mënyrë që të mund të ndërmerren veprimet e mëtejme procedurale nga gjykata dhe të vendoset lidhur me këtë çështje penalo-juridike. Urdhëresën do ta ekzekutoj Policia e Kosovës, ashtu që tre të pandehurit duhet të sjellen në gjykatë me datë 31.10.2025 në ora 10.00”, thuhet në përgjigjen e Gjykatës.

    Gjykata Themelore në Prishtinë më 6 qershor 2024 ka konfirmuar aktakuzën Sveçlës, Millakut, Zybës dhe Pacolli-Dalipit, për hedhjen e gazit lotsjellës në Kuvend në mars të 2018-ës. Kurse, vendimin e Themelores e vërtetoi më pas Gjykata e Apelit.

    Ndryshe në seancën fillestare të mbajtur më 26 mars 2024, katër të akuzuarit ishin deklaruar të pafajshëm për hedhjen e gazit lotsjellës në Kuvend.

  • Dita e nata nënshkruajnë kontratën më të drejtë në HISTORI

    Dita e nata nënshkruajnë kontratën më të drejtë në HISTORI

    Dita dhe nata sot kanë nënshkruar kontratën më të drejtë në histori: 12 me 12. Gjysë-gjysë.

    12 orë për me dalë me bo foto, kafe, punë e 12 orë tjera për me hanger kokoshka, me pa seriale, e scroll ne TikTok.

    Një ekuilibër perfekt, dita dhe nata marrin të njëjtën hapësirë kohore. Në këtë datë, dita zgjatë rreth 12 orë dhe nata po aq, kjo do të thotë që dielli lind rreth orës 06:30 dhe perëndon rreth 18:30, varësisht nga vendi ku ndodhesh.

    Prej sot e tutje, pak e nga pak nata fillon me ia marrë minutat ditës. Pasditet bëhen më të shkurtra, errësira vjen më herët.

    Në shumë kultura, ekuinoksi ishte simbol i mbledhjes së të korrave, falënderimit dhe rifillimit. Disa besojnë se energjia natyrore balancohet si një lloj rinisje për tokën dhe shpirtin.

    E as kafshët nuk kalojnë pa ndryshime ne këtë kohe përderisa ne bëjmë plane për selfie me gjethe, kafshët bëjnë plane për dimrin.

    Ketrat mbledhin arra e lajthi, zogjtë bëjnë rezervim bilete për migrim, ariut i shtohet oreksi për gjumë e kjo neve, njerëzve, na len vend që ta qesim sopatën në krah e të nisemi për mal… pra secili në pune te veta për vjeshtën.

    E muaji tetor nuk ndalet me kaq, bonusi me I madhe është në fund të tetorit kur akrepat e orës shkojnë mbrapa. Natën mes 26 dhe 27 tetorit, nga ora 03:00 bëhet 02:00.

    Një orë gjumë falas për krejt popullin. Është si ofertë e natyrës: “Black Friday i gjumit.”

    Prandaj mos u mërzit që ditët po shkurtohen. Bëje si natyra: qetësohu, gëzoje vjeshtën dhe atë një orë gjumë ekstra që të dhuron.

     

  • CARDI B pozon me flamurin shqiptar?

    CARDI B pozon me flamurin shqiptar?

    Jemi msu me pa plot fotografi te edituara me flamurin shqiptar por kete here Cardi B pozoi me te vertet me flamurin kuq e zi

    N’festën e albumit të saj “Am I The Drama”, Cardi B u shfaq afër fansit të saj shqiptar Drino, i cili e publikoi foton ku ajo po mban flamurin kuqezi. Prej aty… rrjetet sociale veç u dogjen!

    Shumë shqiptarë u ndjenë super krenarë, duke komentuar me plot emocion edhe dashni.

    Po mos harroni, flamuri kuqezi e ka pas vendin e vet edhe ma herët n’muzikën botrore. Drake jo veç që e ka përdorë flamurin shqiptar n’kangën e tij, por e ka përmendë edhe Prishtinën n’tekst ,një detaj që i ka emocionu krejt fansat shqiptarë.

    E Flamuri shqiptar vazhdon me u pa gjithkund, prej Prishtinës, deri n’skenën ma t’madhe botnore.

    E për fund, a mendoni që kultura jonë nuk ka kufij dhe shqiptarët janë gjithkund?

     

  • Arbana zbulon të ftuarit e parë në sezonin e ri – reagime të shumta nga fansat

    Arbana zbulon të ftuarit e parë në sezonin e ri – reagime të shumta nga fansat

    Arbana Osmani na paralajmëroi në story-n e saj në Instagram se çifti i parë që ka ftuar në “Mirëmbrëma Yje” ishte ndër më të komentuarit të këtij viti dhe këto komente jo gjithmonë kanë qenë pozitive.

    Ajo që Arbana “harroi” të thoshte, ishte se çifti në fjalë ishte princ Leka me partneren e tij, Blerta Celibashi, të cilët me sa mbajmë mend, kanë patur tërësisht komente negative pas bujës së ndarjes së princit dhe Elia Zaharias dhe zyrtarizimit të lidhjes së tyre.

    Në promo-n e episodit të parë të këtij sezoni, vërshuan komentet negative të njerëzve, që kritikonin sa çiftin, thjesht prej antipatisë që ndiejnë, sa Arbanën që i ftoi në emision:

  • Ekstradohet oligarku moldavian Vladimir Plahotniuc, disa ditë para zgjedhjeve vendimtare

    Ekstradohet oligarku moldavian Vladimir Plahotniuc, disa ditë para zgjedhjeve vendimtare

    Oligarku moldavian, Vladimir Plahotniuc, është ekstraduar në Kishinjev për t’u përballur me akuza të kamotshme penale, duke e tronditur vendin vetëm disa ditë para një zgjedhjeje të përgjithshme të tensionuar, të cilat tashmë janë trazuar nga dyshimet për ndërhyrje nga Rusia.

    Plahotniuc, i cili është përfshirë në një rast mashtrimi bankar para një dekade, i njohur si “vjedhja e shekullit”, arriti në kryeqytetin moldavian më 25 shtator pas ekstradimit nga Greqia, ku ishte mbajtur që nga korriku.

    Plahotniuc është i dyshuari kryesor në një hetim të gjatë për zhdukjen e rreth 1 miliard dollarëve nga bankat në këtë republikë të vogël dhe të varfër ish-sovjetike në vitin 2014.

    Shuma, e quajtur “vjedhja e shekullit”, vlerësohej se përbënte rreth 12 për qind të produktit të brendshëm bruto të vendit.

    Plahotniuc ka luftuar kundër akuzave për vite me radhë. Ai pritet të dalë për herë të parë para një gjykate në Kishinjev më 26 shtator.

    Mbërritja e tij në Moldavi vjen ndërsa vendi po përgatitet për zgjedhjet parlamentare të planifikuara për 28 shtator, të cilat do të përcaktojnë nëse vendi do të afrohet më shumë me Bashkimin Evropian apo nëse do të zhytet më thellë në orbitën politike të Rusisë.

    Presidentja Maia Sandu dhe Partia e saj proevropiane e Veprimit dhe Solidaritetit po përpiqen ta ruajnë shumicën e tyre në Parlament, përballë një përpjekjeje të fuqishme nga një bllok politik i udhëhequr nga ish-presidenti Igor Dodon, i cili ka mbajtur lidhje të ngushta me Moskën.

    Dodon e ka quajtur Qeverinë e tanishme, e zgjedhur në mënyrë demokratike, “regjim kriminal”.

    Në një fjalim këtë javë, Sandu paralajmëroi se pavarësia e vendit dhe e ardhmja me Evropën janë në rrezik, teksa akuzoi Kremlinin se po “derdh qindra miliona euro” në vend për të përhapur dezinformim.

    Po ashtu këtë javë, policia moldaviane tha se kishte konfiskuar armë dhe eksplozivë nëpër vend dhe kishte arrestuar 74 njerëz, duke i akuzuar për përfshirje në një komplot për të nxitur trazira.

    Disa nga të arrestuarit raportohet se kishin udhëtuar në Serbi për trajnim nga instruktorë rusë, duke përfshirë përdorimin e armëve, transmeton Radio Evropa e Lirë.

    Edhe pse akuzat për vjedhje bankash e kanë ndjekur Plahotniucin për vite me radhë, ai ka shërbyer disa herë në Parlament si anëtar i Partisë Demokratike.

    Në vitin 2019, ai u largua vendi, pak para se të merrte një thirrje nga prokurorët moldavianë.

    Ai kaloi muaj duke jetuar qetësisht në Shtetet e Bashkuara dhe aplikoi për azil politik, sipas një padie që ai dorëzoi në një gjykatë federale amerikane. Kërkesa për azil nuk iu pranua.

    Në janar 2020, viza e tij amerikane u revokua pasi sekretari i atëhershëm i Shtetit, Mike Pompeo, deklaroi se “veprimet e tij të korruptuara minuan sundimin e ligjit dhe komprometuan rëndë pavarësinë e institucioneve demokratike në Moldavi”.

    Ai jetonte në Miami, Florida, në atë kohë./REL

  • Ndërpritet furnizimi me ujë në disa lagje të Fushë Kosovës

    Ndërpritet furnizimi me ujë në disa lagje të Fushë Kosovës

    Kompania Rajonale e Ujësjellësit “Prishtina” ka njoftuar se është ndaluar furnizimi me ujë në disa lagje të Fushë Kosovës.

    “Ju njoftojmë se për shkak të një defekti teknik në fshatin Pomozotin,si dhe për nevoja të pastrimit dhe mirëmbajtjes së rezervuarit të ujit në Vragoli, do të ketë ndërprerje të përkohshme të furnizimit me ujë të pijshëm në këto zona: Fshatrat e Fushë -Kosoves ,dhe pjesa e lagjes 028,029.”, thuhet në njoftim.

    KRU “Prishtina” thotë se janë duke punuar për sanimin e defektit.

    “Ekipet tona janë duke punuar për sanimin sa më të shpejtë të defektit dhe për përfundimin e pastrimit teknik në mënyrë që furnizimi me ujë të rikthehet në afatin më të shkurtër të mundshëm. Kërkojmë mirëkuptimin tuaj dhe ju falënderojmë për durimin!”