Author: G.O.

Norvegjia ka njoftuar rregullore të reja sa i përket përdorimit të fotoshopit nga influencuesit. Ligji i ri kërkon nga inflencuesit dhe reklamuesit të qartësojnë nëse imazhet janë fotoshopuar ose kanë filtra.

Ligji i ri vjen pas shumë kohësh që grupet e të rinjve dhe Ministria Norvegjeze e Fëmijëve dhe Çështjeve të Familjes kanë kërkuar masa më të rrepta sa u përket shqetësimeve në rritje rreth imazhit të trupit dhe shëndetit mendor. Në vlerësimin e situatës aktuale, departamenti shprehu
shqetësime në lidhje me një kulturë që po krijonte “pasiguri sociale” duke kontribuar në vetëvlerësim të ulët.

Ligji që do të prezantohet së shpejti do të kërkojë që reklamat dhe postimet e sponsorizuara ku “forma, madhësia ose lëkura e një trupi është ndryshuar nga fotoshopi ose manipulime të tjera” të deklarohen në mënyrë të qartë se janë redaktuar. Mosrespektimi do të gjobitet.

Hulumtimi paraprak i paraqitur nga Ministria e Fëmijëve dhe Çështjeve të Familjes pretendoi se më shumë se gjysma e vajzave të klasës së 10-të në Shkollën e Oslos po luftonin me shëndetin mendor dhe se anoreksia ishte shkaku i tretë më i zakonshëm i vdekjes te vajzat e reja.

“Të rinjtë janë të ekspozuar ndaj një presioni masiv për t’u dukur mirë, përveç të tjerash, përmes reklamave dhe mediave sociale, edhe modelet që shfaqen shpesh retushohen dixhitalisht. Kjo i ekspozon të rinjtë ndaj një ideali bukurie që është e pamundur të arrihet”, tha departamenti në propozimin e tij.

Një ngjarje e rëndë ka ndodhur dje pasdite në Gjykatën e Apelit, ku gjyqtari Astrit Kalaja u ekzekutua me armë zjarri brenda sallës së gjyqit.

Autori i vrasjes së gjyqtarit të Apelit të Tiranës, është Elvis Shkambi, i cili u fut në ambientet e sallës së gjyqit me armën me vete, e cila nuk u pikas as nga detektori metalik, dhe as nga kontrolli fizik.

30-vjeçari më pas është kthyer nga kundërshtarët e tij në proces Ervis dhe Rakip Kurtaj duke hapur zjarr edhe në drejtim të tyre. Të dy mbetën të plagosur dhe u përcollën me urgjencë drejt spitalit ku ndodhen në gjendje të stabilizuar.

Para bluve 30-vjeçari ka qëndruar i qetë dhe i pa penduar duke pranuar autorësinë e krimit të rëndë me pretendimin se reagoi ndaj padrejtësisë së kryer. Sipas tij familja e kishte trashëguar atë pronë e cila në komunizëm u shtetëzua dhe bashkia ua ka kaluar dhjetëra familjeve. Prona për të cilën bëhet fjalë, është godina që shihni në video, ku stresohen 31 familje në nevojë, me vendim të bashkisë, si pronë shtetërore.

Sot në Kosovë parashikohet mot i ftohtë dhe me vranësira, shoqëruar me reshje të herëpashershme lokale shiu.

Do të fryjë erë e freskët nga veriu, ndërsa temperatura maksimale pritet të mos kalojë 12 gradë Celsius.

Në Rrafshin e Dukagjinit priten më shumë periudha me diell, ndërsa në zonat malore do të ketë reshje bore, sipas MeteoBallakn.

Bisedimet indirekte që synojnë arritjen e një marrëveshjeje përfundimtare mbi një plan paqeje të SHBA-së për t’i dhënë fund luftës në Gaza do të vazhdojnë të martën në qytetin egjiptian Sharm El-Sheikh.

Zyrtarët palestinezë dhe egjiptianë i kanë thënë BBC-së se sesionet janë përqendruar në “krijimin e kushteve në terren” për një shkëmbim të mundshëm që do të shihte lirimin e të gjithë pengjeve izraelite në këmbim të një numri të burgosurish palestinezë.

Kryeministri i Izraelit tha të shtunën se shpresonte të njoftonte lirimin e pengjeve “në ditët në vijim”.

Ndërsa zyrtarët u takuan të hënën, Presidenti i SHBA-së Donald Trump u tha gazetarëve në Shtëpinë e Bardhë: “Kemi një shans vërtet të mirë për të bërë një marrëveshje dhe do të jetë një marrëveshje e qëndrueshme”.

Hamasi ka thënë se pajtohet pjesërisht me propozimet e planit të paqes, por nuk i është përgjigjur disa kërkesave kryesore – duke përfshirë çarmatimin e tij dhe mospasjen e ndonjë roli të ardhshëm në qeverisjen e Gazës.

Një burim i lartë izraelit i sigurisë tha se bisedimet fillimisht do të përqendrohen vetëm në lirimin e pengjeve dhe do t’i japin Hamasit disa ditë kohë për të përfunduar atë fazë.

Dita e dytë e bisedimeve, ku zyrtarët egjiptianë dhe katarianë do të zhvillojnë takime me delegacione nga Izraeli dhe Hamasi veçmas, do të zhvillohet në përvjetorin e dytë të sulmit të udhëhequr nga Hamasi në Izraelin jugor më 7 tetor 2023, në të cilin u vranë rreth 1,200 njerëz dhe 251 të tjerë u morën peng.

Ushtria izraelite nisi një fushatë në Gaza si përgjigje. Që atëherë, 67,160 persona janë vrarë nga operacionet ushtarake izraelite në Gaza, përfshirë 18,000 fëmijë, sipas ministrisë së shëndetësisë të territorit të drejtuar nga Hamasi.

Banka Qendrore e Republikës së Kosovës (BQK), njofton se në fund të vitit 2024 janë raportuar 1,684,034 (Një milion e gjashtëqind e tetëdhjetë e katër mijë e tridhjetë e katër) kartela të klientëve në Republikën e Kosovës, të cilat përfshijnë kartela debiti, krediti dhe kartela debiti të vonuar për individë dhe biznese.

“Në numrin e përgjithshëm të kartelave për vitin 2024, janë përfshirë edhe të dhënat e kartelave me funksion paranë elektronike të lëshuara nga IFJB-të me gjithsej 75,482 kartela. Krahasuar me fundin e vitit 2023, numri i përgjithshëm i kartelave të klientëve është rritur për 4.49 për qind”, thuhet në raportin e BQK-së, “Përdorimi i kartelave në Kosovë’, bazuar në të dhënat e raportuara nga bankat dhe institucionet financiare jo-bankare.

Bëhet e ditur se numri i përgjithshëm i kartelave në fund të vitit 2023 ka qenë 1,611,723 kartela, kurse për të njëjtën periudhë, debit kartelat janë rritur për 2.08 për qind, kredit kartelat janë rritur për 8.2 për qind.

“Kartelat që pëdoren në Kosovë, kryesisht janë kartela të brendeve ndërkombëtare, si Visa dhe Mastercard dhe një pjesë e vogël janë kartela lokale. Nga numri i përgjithshëm i kartelave, rreth 55 përqind e tyre janë të brendit Visa dhe 43 përqind janë MasterCard, si dhe afër 2 përqind janë kartela lokale. Varësisht nga teknologjia që është aplikuar për inicimin e transaksioneve të pagesave, kartelat mund të ndahen në dy lloje: kartela contact dhe contactless. Kartela ‘contact’ (me kontakt) janë ato lloj të kartelave me të cilat realizohen transaksionet duke vendosur kartelën në POS terminal ndërsa kartelat contactless (pa kontakt) mundësojnë realizimin e transaksioneve vetëm duke ofruar kartelën afër POS terminalit, pra pa pasur nevojë për kontakt fizik me pajisjen. Kartela ‘contactless’ kanë filluar të lëshohen në Kosovë që nga viti 2016”, njofton BQK.

Gjatë vitit 2024, ishin njëmbëdhjete banka komerciale dhe tri nga IFJB në Kosovë që kanë ofruar këto lloj kartele për klientët e tyre. Numri i përgjithshëm i kartelave me funksionin contactless në fund të vitit 2024 ka qenë 1,281,368 kartela.

Nga numri i përgjithshëm i kartelave, më shumë se gjysma e tyre (77 përqind) ofrojnë mundësinë e pagesave contactless. Në figurën më poshtë paraqitet pjesëmarrja e kartelave me funksion contactless në numrin e përgjithshëm të kartelave, në tri vitet e fundit.

“Përqindja e rritjes vjetore tregon se kartelat e reja janë kryesisht me funksionin contactless dhe gradualisht është duke u bërë zëvendësimi i kartelave ekzistuese me rastin e skadimit të afatit të tyre me kartela contactless. Përdorimi i debit kartelave nga ana e klientëve është vazhdimisht në rritje. Nëse krahasojmë numrin e pagesave me debit kartelë të vitit 2024 me vitin paraprak, kemi një rritje prej 6.5 përqind të transaksioneve. Ky numër përfshin të gjitha transaksionet e realizuara me kartelë debiti nga ana e klientëve në terminale ATM dhe POS”, thuhet në raportin e BQK-së.

Presidenti i Turqisë, Recep Tayyip Erdogan, bashkohet me radhët e atyre që e përshëndesin shtytjen për zbatimin e planit të paqes të Donald Trumpit si një pikë kthese të mundshme.

Vendimi i Hamasit për të liruar të gjithë pengjet e mbetura izraelite tregon “se është gati për paqe”, thotë presidenti.

“Kështu, është hapur një dritare mundësie për paqe të qëndrueshme në rajonin tonë.

”Erdogani thekson se Izraeli tani duhet të ndalojë bombardimin e Rripit të Gazës dhe u bën thirrje të gjitha palëve të “veprojnë me ndjenjë përgjegjësie”.

Një fuqi kyçe rajonale, Turqia mban lidhje diplomatike si me Izraelin ashtu edhe me Hamasin dhe ka luajtur një rol të rëndësishëm në bisedimet e paqes, shkruan Skynews.