ATV

Author: G.O.

  • Si të thahen rrobat më shpejt në dimër – pa tharëse

    Si të thahen rrobat më shpejt në dimër – pa tharëse

    Me ardhjen e dimrit, tharja e rrobave në ambiente të mbyllura bëhet gjithnjë e më sfiduese. Rrobat kanë nevojë për më shumë kohë për t’u tharë, sidomos kur moti është i lagësht dhe temperaturat janë të ulëta.

    Megjithatë, ekspertja e organizimit të shtëpisë, Nicola Lewis, ka ndarë një këshillë të thjeshtë por efektive, që mund të shkurtojë ndjeshëm kohën e tharjes – pa pasur nevojë për tharëse elektrike.

    Sipas saj, pas përfundimit të ciklit të larjes në lavatriçe, duhet të vendosni rrobat në një cikël shtesë rrotullimi, pa shtuar ujë. Kjo ndihmon në nxjerrjen e lagështisë së mbetur në veshje, duke i bërë ato shumë më pak të lagura.

    “Vendosini rrobat dy herë në ciklin e rrotullimit! Do të dalin më pak të lagura dhe do të thahen shumë më shpejt”, thotë Nicola Lewis.

    Ky funksion, që ndodhet në shumicën e lavatriçeve moderne, shpesh injorohet, por mund të jetë zgjidhja ideale për ata që nuk kanë hapësira të jashtme ose tharëse elektrike në dimër.

  • Kosovë – Slloveni, “Fadil Vokrri” hap dyert sonte për Dardanët

    Kosovë – Slloveni, “Fadil Vokrri” hap dyert sonte për Dardanët

    Kombëtarja e Kosovës do të luajë sonte një ndeshje tepër të rëndësishme kundër Sllovenisë, në kuadër të kualifikimeve për Kampionatin Botëror 2026. Takimi zhvillohet në stadiumin “Fadil Vokrri” në Prishtinë, me fillim nga ora 20:45.

    Pas dy ndeshjeve të para në Grupin B, Kosova renditet në vendin e dytë me 3 pikë, pas Zvicrës që kryeson me 6 pikë të plota. “Dardanët” kanë një fitore dhe një humbje (2:4 golavarazh), ndërsa Sllovenia ndodhet në vendin e katërt me vetëm një pikë të fituar pas dy takimeve të para.

    Skuadra e trajnerit Franco Foda kërkon fitoren e dytë në grup për të qëndruar në garë për vendet e para që sigurojnë pjesëmarrjen në Botërorin 2026. Atmosfera në ekip është pozitive, ndërsa stadiumi “Fadil Vokrri” do të jetë i mbushur me tifozë për të përkrahur Kosovën drejt një rezultati të madh.

    Në grupin B bëjnë pjesë gjithashtu Zvicra dhe Suedia, të cilat po ashtu garojnë për kualifikim në fazën finale të turneut më të madh të futbollit botëror.

  • 10 tetori – Dita Botërore e Shëndetit Mendor

    10 tetori – Dita Botërore e Shëndetit Mendor

    10 tetori është shpallur nga OKB si Dita Botërore e Shëndetit Mendor.

    Kjo datë është e rëndësishme, veçanërisht për shoqëri ende të pa stabilizuara dhe që kanë dalë nga shoqëri të traumatizuara, siç janë vendet që kanë kaluar luftëra, apo konflikte.

    Kjo datë shënohet zakonisht me aktivitete të shumta, ku institucionet shtetërore shfaqin kujdesin e tyre ndaj kësaj kategorie me rrezik, duke u bërë të qartë bartësve të sëmundjeve të shëndetit mendor, se edhe ata, si gjithë të tjerët, mund ta çojnë jetën e tyre të përditshme sa më afër normales, me solidarizime, shfaqje publike, apo edhe protesta.

    Shëndeti Mendor në epokën moderne është përherë e më shumë një shqetësim për autoritetet, meqenëse vlerësohet se sot në botë, vuajnë nga shqetësime mendore më shumë se 450 milionë njerëz.

  • Tërmet i fuqishëm në Filipine – rreziku për cunami largohet

    Tërmet i fuqishëm në Filipine – rreziku për cunami largohet

    Rreziku nga cunami është larguar për Filipinet dhe Indonezinë, pasi një tërmet i fuqishëm me magnitudë 7.4 goditi rajonin jugor të Filipineve në orët e para të mëngjesit të së premtes.

    Sipas Qendrës Kombëtare të Paralajmërimit për Tsunami të ShBA-së, tërmeti u regjistrua në orën 09:43 me orën lokale në ujërat pranë rajonit Mindanao, në një thellësi prej 23 kilometrash. Lajmi u raportua fillimisht nga Aljazeera.

    Pas lëkundjeve, autoritetet filipinase dhe ato indoneziane lëshuan menjëherë paralajmërime për cunami, duke bërë thirrje për evakuim të banorëve të zonave bregdetare. Instituti Filipinas për Vullkanologji dhe Sizmologji njoftoi për mundësi të valëve mbi një metër dhe kërkoi evakuim urgjent në zonat jugore dhe qendrore të vendit.

    Në Indonezi, paralajmërime u lëshuan për rajonet veriore të Sulawesi dhe Papua, megjithatë valët nuk i kaluan 50 cm.

    Rreth dy orë pas tërmetit, Qendra për Paralajmërime për Tsunami në Paqësor, me seli në Honolulu (Hawaii), bëri të ditur se rreziku për cunami ishte larguar dhe se priteshin vetëm luhatje të lehta të nivelit të detit.

    Deri tani nuk ka raportime për viktima, por në rrjetet sociale janë publikuar pamje që tregojnë dëme të konsiderueshme në ndërtesa dhe infrastrukturë, sidomos në qytetin Davao. Nxënës dhe banorë janë evakuuar nga shkollat dhe ndërtesat publike menjëherë pas tërmetit.

    Presidenti Ferdinand “Bongbong” Marcos Jr. ka deklaruar se qeveria po ndjek nga afër situatën në terren dhe ka urdhëruar të gjitha agjencitë shtetërore të reagojnë me masa të menjëhershme.

  • Izraeli e aprovon planin e Trumpit për armëpushim në Gaza dhe lirimin e pengjeve

    Izraeli e aprovon planin e Trumpit për armëpushim në Gaza dhe lirimin e pengjeve

    Qeveria e Izraelit e ka ratifikuar mëngjesin e së premtes një marrëveshje për armëpushim me grupin militant palestinez Hamas, duke hapur rrugën për ndalimin e luftimeve në Gazë brenda 24 orëve dhe lirimin e pengjeve izraelite nga enklava palestineze brenda 72 orëve.

    Hamasi është i shpallur organizatë terroriste nga Shtetet e Bashkuara dhe vende të tjera.

    Kabineti izraelit e miratoi marrëveshjen rreth 24 orë pasi ndërmjetësit njoftuan arritjen e saj. Marrëveshja parashikon lirimin e pengjeve izraelite në këmbim të të burgosurve palestinezë dhe fillimin e tërheqjes graduale të trupave izraelite nga Gaza, sipas nismës së presidentit amerikan, Donald Trump, për t’i dhënë fund luftës dyvjeçare në Gazë.

    “Qeveria sapo ka miratuar kuadrin për lirimin e të gjithë pengjeve – të gjallë dhe të vdekur”, tha kryeministri izraelit, Benjamin Netanyahu, në ‘X’, transmeton Radio Evropa e Lirë.

    Lufta në Gazë e ka thelluar izolimin ndërkombëtar të Izraelit dhe ka tronditur Lindjen e Mesme, duke u shndërruar në konflikt rajonal që ka përfshirë Iranin, Jemenin dhe Libanin. Ajo gjithashtu ka vënë në provë marrëdhëniet SHBA-Izrael, pasi Trumpi duket se ka humbur durimin me Netanyahun dhe e ka shtyrë atë të arrijë marrëveshje.

    Izraelitët dhe palestinezët shprehën ngazëllim të madh pas njoftimit të marrëveshjes, e cila është hapi më i madh deri tani drejt përfundimit të një lufte dyvjeçare që ka lënë mbi 67.000 palestinezë të vrarë, si dhe për kthimin e pengjeve të fundit që Hamasi i rrëmbeu gjatë sulmeve vdekjeprurëse në Izrael që ndezën luftën.

    Shefi i Hamasit për Gazën, i cili jeton në mërgim, Khalil Al-Hayya, tha se ka marrë garanci nga Shtetet e Bashkuara dhe ndërmjetës të tjerë se lufta ka përfunduar.

    Një zëdhënës i Qeverisë izraelite deklaroi se armëpushimi do të hyjë në fuqi brenda 24 orëve nga miratimi i marrëveshjes. Pas këtij afati 24-orësh, pengjet e mbajtura në Gazë do të lirohen brenda 72 orëve.

    Besohen 20 pengje izraelite janë ende gjallë në Gazë, ndërsa 26 të tjera mendohet se kanë vdekur, dhe fati i dy të tjerëve mbetet i panjohur.

    Hamasi ka thënë se tërheqja e trupave të të vdekurve mund të zgjasë më shumë se lirimi i të gjallëve./REL

  • Gjendet i moshuari që kishte humbur në Lloshkobare të Ferizajt

    Gjendet i moshuari që kishte humbur në Lloshkobare të Ferizajt

    Operacioni i kërkim-shpëtimit në fshatin Lloshkobare të Ferizajt ka përfunduar me sukses.

    Personi i moshuar, i cili ishte raportuar si i humbur dhe vuante nga demenca, është gjetur dhe është jashtë rrezikut për jetë.

    Sipas familjes, ai ishte larguar nga shtëpia gjatë pasdites së djeshme dhe nuk ishte kthyer.

     

     

  • Horoskopi ditor – Lexoni parashikimin e yjeve për shenjën tuaj

    Horoskopi ditor – Lexoni parashikimin e yjeve për shenjën tuaj

    Dashi
    Do të ndjeni nevojën për të zgjidhur me urgjencë disa çështje që janë zvarritur prej kohësh. Do të jeni mjaft ndërmarrës në zhvillimin e projekteve që ju motivojnë dhe që ju prekin personalisht. Ky është momenti i duhur për të ndërtuar objektivat e së ardhmes dhe për të kuptuar se në cilën drejtim dëshironi të shkoni.

    Demi
    Jeni në kërkim të një qetësie të brendshme që në këtë periudhë duket vërtet e vështirë për t’u arritur. Ka disa çështje financiare që duhet të zgjidhen shpejt, sepse prej shumë kohësh shpenzimet tuaja tejkalojnë të ardhurat. Mundohuni të organizoni diçka relaksuese në mbrëmje për të rigjetur pak qetësi.

    Binjakët
    Një ndjenjë lehtësie do t’ju ndihmojë të jeni krijues dhe të ndiheni të motivuar në punë. Disa persona mund të nënvlerësojnë idetë apo qëllimet tuaja, por ju do të duhet të tregoni se jeni serioz dhe besoni vërtet në atë që thoni.

    Gaforrja
    Po kaloni një periudhë të mbushur me emocione të forta që ju bëjnë më empatikë ndaj të tjerëve. Do të jeni të gatshëm të dëgjoni problemet e njerëzve përreth dhe t’i ndihmoni ata që vuajnë. Një mbrëmje e këndshme me miqtë do t’ju ndihmojë të rifitoni qartësi mendore.

    Luani
    Shpesh përqendroheni shumë tek vetja dhe kjo ju bën të lini në plan të dytë problemet dhe interesat e të tjerëve. Ky qëndrim mund të shkaktojë keqkuptime ose edhe armiqësi. Mundohuni të dilni nga egoja juaj dhe të dëgjoni më shumë nevojat e të tjerëve.

    Virgjëresha
    Po hapen mundësi të reja në punë që duhet t’i kapni menjëherë. Disa surpriza në dashuri mund të forcojnë marrëdhënien, me kusht që të jeni ende të gatshëm t’i jepni partnerit tuaj një shans të dytë.

    Peshorja
    Keni një dëshirë të madhe për të rikthyer harmoninë si në vendin e punës ashtu edhe në familje, ku kohët e fundit ka pasur keqkuptime. Një bisedë e hapur dhe e sinqertë me një person të rëndësishëm mund t’ju sjellë përfitime profesionale.

    Akrepi
    Në çiftet që funksionojnë mirë, do të jetë më e lehtë të jetoni momente pasionante që forcojnë lidhjen. Jeni të vendosur të çoni përpara projektet në të cilat besoni dhe nuk do të lejoni askënd t’ju ndalojë apo t’ju bëjë të dyshoni.

    Shigjetari
    Po hapet një fazë e re për ju, në të cilën mund të nisni një projekt të ri ose të vendosni të ndryshoni qytet për të jetuar apo punuar. Kujdes me fjalët ndaj partnerit, veçanërisht nëse lindin keqkuptime.

    Bricjapi
    Yjet ju këshillojnë të pushoni pak, sepse java ka qenë e lodhshme dhe stresuese për shkak të tensioneve me kolegët apo eprorët. Do të keni sukses në çështjet financiare, për sa kohë që besoni vërtet në atë që po bëni.

    Ujori
    Origjinaliteti dhe “çmenduria” juaj shpesh janë një pikë e fortë. Një ide gjeniale mund të vlerësohet shumë nga të tjerët dhe t’ju ndihmojë të krijoni lidhje të reja me njerëz interesantë dhe frymëzues. Në dashuri, përpiquni të jeni më pak të padurueshëm me partnerin.

    Peshqit
    Sipas parashikimeve të Brankos, jeni më romantikë dhe më të ndjeshëm se kurrë, falë ndikimit të yjeve që ju përfshijnë emocionalisht. Do të jetë më e lehtë të krijoni lidhje të hapura dhe të sinqerta, të bazuara vetëm në ndjenjë të vërtetë. Një moment reflektimi do t’ju ndihmojë të gjeni sërish ekuilibrin e brendshëm.

  • Dy muaj pas lindjes, Dafina Zeqiri tregon trupin e saj në formë perfekte

    Dy muaj pas lindjes, Dafina Zeqiri tregon trupin e saj në formë perfekte

    Këngëtarja e njohur shqiptare Dafina Zeqiri po shijon një nga periudhat më të bukura të jetës së saj – atë të të qenit nënë.

    Vetëm pak muaj më parë, ajo dhe partneri i saj, Kreshnik Gjergji, mirëpritën në jetë djalin e tyre të parë, të cilit i kanë vendosur emrin Daskan.

    Pas një periudhe të shkurtër pushimi nga jeta publike, Dafina është rikthyer sërish aktive në rrjete sociale.

    Në një video të publikuar në TikTok, këngëtarja ka treguar pamjen e saj aktuale, vetëm dy muaj pas lindjes, duke i mahnitur ndjekësit me linjat e saj trupore dhe energjinë pozitive.

    E veshur me stilin e saj karakteristik dhe plot vetëbesim, Dafina duket në top formë, sikur të mos kishte kaluar aspak një shtatzëni.

    Komentet e ndjekësve kanë qenë të shumta dhe plot admirim, me komplimente për përkushtimin dhe shkëlqimin e saj.

    Artistja, e njohur për stilin e veçantë, origjinalitetin dhe mënyrën si promovon forcën femërore, po e ndan me fansat e saj gëzimin dhe ndryshimet që ka sjellë mëmësia, duke dëshmuar se balanca mes karrierës dhe jetës familjare është e mundur kur ka dashuri dhe përkushtim. /Telegrafi/

     

  • Rrobat që nuk duhet t’i vishni gjatë udhëtimit me aeroplan

    Rrobat që nuk duhet t’i vishni gjatë udhëtimit me aeroplan

    Për shumë njerëz, aeroporti dhe avioni janë pothuajse si shtëpia e tyre e dytë. Këta njerëz dinë shumë sekrete që mund të ndihmojnë në përmirësimin e rehatisë dhe sigurisë gjatë fluturimit.

    Siç rezulton, ndonjëherë, edhe detajet në dukje të parëndësishme kanë rëndësi, si rrobat dhe këpucët.

    Më poshtë do të lexoni rekomandimet e mjekëve, të cilët janë të gatshëm të ndajnë sekretet e tyre për kodin e duhur të veshjes gjatë fluturimit:

    Rrobat e ngushta

    Një fluturim është një lloj stresi në trup. Enët tona të gjakut janë nën pjesën më të madhe të këtij stresi. Arsyeja është: ndryshimi i presionit dhe detyrimi që kanë për të kaluar një kohë të gjatë në një karrige të vogël. Karrigia i përkeqëson gjërat nëse keni veshje të ngushta. Si rezultat, nëse visheni me rroba të ngushta, qarkullimi i gjakut bëhet më pak efektiv, shkruan EO. Në këtë situatë, mjekët rekomandojnë që pasagjerët të zgjedhin rroba të lirshme.

    Një rekomandim tjetër është të hiqni dorë nga çdo gjë me bel të ngushtë. Përsëri, arsyeja është presioni. Ajo çfarë duhet të bëni është të dërgoni xhinset e ngushta në valixhen tuaj.

    Kominoshe (Jumpsuit)

    Jumpsuit-i mund të jetë një zgjedhje e mirë për aeroportin, në pamje të parë, por prisni derisa të shkoni në tualet për herë të parë.

    Pantallonat me bel të ulët

    Mijëra njerëz udhëtojnë nëpër aeroporte çdo ditë. Qindra pasagjerë janë ulur në të njëjtat vende para jush. Vetëm në rripin e sigurimit, ka të paktën 90 lloje të ndryshme të baktereve në një centimetër katror. Ekziston edhe një shans për t’u infektuar me një sëmundje të lëkurës ose një virus të zorrëve në aeroplan. Për shkak se ka kaq shumë mikrobe në këtë vend publik, rekomandimi më i rëndësishëm është që të mbuloni sa më shumë lëkurën tuaj.

    Këpucë me taka

    Edhe nëse keni lindur për të ecur në pasarela dhe mbani gjithmonë taka të larta, duhet të hiqni dorë prej tyre gjatë fluturimit. Kjo nuk ka të bëjë me rehatinë, ka të bëjë me sigurinë. Në rast të evakuimit, nuk do të keni mundësi të ecni me shpejtësi në taka të larta ose t’i hiqni ato nëse ka një urgjencë.

  • Trump propozon përjashtimin e Spanjës nga NATO-ja

    Trump propozon përjashtimin e Spanjës nga NATO-ja

    Presidenti amerikan, Donald Trump, ka kërkuar që NATO ta shqyrtojë përjashtimin e Spanjës nga anëtarësia për shkak të një mosmarrëveshjeje lidhur me vonesat në shpenzimet ushtarake.

    Anëtarët e NATO-s të mbështetur nga ShBA kanë rënë dakord në qershor që të rrisin ndjeshëm shpenzimet e tyre ushtarake në 5% të produktit të brendshëm bruto, duke përmbushur në njga prioritetet kryesore të Trumpit, i cili kërkon që evropianët të shpenzojnë më shumë për mbrojtjen e tyre.

    Por kryeministri spanjoll Pedro Sanchez pati thënë në atë kohë se nuk do të angazhohej për objektivin 5%, duke e quajtur atë “të papërputhshëm me shtetin tonë të mirëqenies dhe me vizionin tonë për botën”.

    Gjatë një takimi në Zyrën Ovale me presidentin finlandez Alexander Stubb, udhëheqësin e dytë më të ri të NATO-s, Trump tha se udhëheqësit evropianë duhet ta bindin Spanjën të rrisë angazhimet e saj ndaj aleancës.

    “Ju duhet të filloni të flisni me Spanjën. Duhet t’i telefononi dhe të kuptoni pse po mbeten prapa”.

    “Nuk kanë asnjë justifikim që të mos e bëjnë këtë, por në rregull, ndoshta duhet t’i përjashtoni nga NATO, sinqerisht”, tha Trumpi, shkruan Reuters.

    Spanja i ishte bashkuar Traktatit të Atlantikut të Veriut në vitin 1982, teksa NATO ka qenë në qendër të vëmendjes që nga pushtimi i Ukrainës nga Rusia.