ATV

Author: G.O.

  • Ministri Sveçla thotë se Rama kontribuoi që tre policët të lirohen

    Ministri Sveçla thotë se Rama kontribuoi që tre policët të lirohen

    Ministri i Brendshëm i Kosovës, Xhelal Sveçla ka thënë se për lirimin e tre policëve kosovarë të kidnapuar nga forcat serbe ka dhënë kontribut Kryeministri i Shqipërisë, Edi Rama.

    Më tej ai theksoi se faktori evropian dhe rajonal nuk duhet të mjaftohen vetëm me lirimin e policëve pasi sipas tij presioni ndaj Serbisë duhet të shtohet

    “Të gjithë nga pak, presioni për Serbinë ishte shumë i madh. Ne bllokuam të gjitha pikat kufitare për mallrat e Serbisë. Ishin shtetet aleate që u angazhuan që lirimi i policëve të ndodhë sa më shpejt. Ishte dhe Rama që reagoi ashpër për këtë rast. Rama kontribuoi që tre policët të lirohen. Unë besoj se angazhimi i faktorit, qoftë rajonal, qoftë evropian nuk duhet të mjaftohet me kaq”, ka thënë Sveçla për Euronews Albania.

    “Do të duhet që ndaj Serbisë të shtohet presioni, pasi Serbia vazhdon të jetë faktor destabiliteti. Ne mbrëmë kishim një sulm terrorist në oborrin e Komunës së Mitrovicës së Veriut, prodhim i Serbisë”.

  • Instagram lanson përditësimin e madh për të mos e përdorur gjatë natës

    Instagram lanson përditësimin e madh për të mos e përdorur gjatë natës

    Kur të rinjtë po hasin në telashe për të fjetur, “shpëtimin” po e gjejnë te telefoni dhe rrjetet sociale. Bëhet fjalë kryesisht për Instagramin. Por ditët kur i zë mëngjesi duke shikuar ende në Instagram, mund ta kenë përjetuar fundin me përditësimin e ri të Instagramit.

    Meta, që është pronare e Instagramit dhe Facebookut, ka lansuar dy vegëza për t’i paralajmëruar të rinjtë që të menaxhojnë kohën e tyre nëpër aplikacione.

    “Këto përditësime janë menduar t’u ndihmojnë të rinjve të ndihen më në kontroll të përjetimeve të tyre online dhe t’u ndihmojë prindërve t’i përkrahin adoleshentët e tyre”, ka thënë Meta.

    Veçoria e parë është njoftimi i adoleshentëve se kanë kaluar “kohë të gjatë në Facebook”.

    “Adoleshentët do të njoftohen kur t’i kalojnë 20 minuta në Facebook, duke u rekomanduar të largohen nga aplikacioni e të caktojnë kufizime ditore të kalimit të kohës në to”, ka shpjeguar kompania.

    Ndërsa në Instagram, atyre “do t’u dridhet ekrani” nëse aplikacioni vëren se po rrinë shumë gjatë natës.

    Veçoria vjen pak kohë pas lansimit të “Quiet Mode” në Instagram – veçori që inkurajon përdoruesit të caktojnë kufizime me miqtë dhe ndjekësit e tyre. Ky modalitet hesht njoftimet dhe dërgon auto-përgjigje në mesazhe.

    Veçoritë pritet të jenë gati në gjithë botën së shpejti.

     

  • “Gjatë verës kërkojnë me i humb 10 kg menjëherë, ajo s’është e shëndetshme”, dietologia tregon se çfarë të konsumojmë gjatë verës

    “Gjatë verës kërkojnë me i humb 10 kg menjëherë, ajo s’është e shëndetshme”, dietologia tregon se çfarë të konsumojmë gjatë verës

    Dietologia Vala Pupovci, e ftuar në emisionin “Libero”, në ATV ka folur rreth asaj se çfarë duhet të konsumojmë gjatë sezonës së verës.

    Pupovci numëroi disa nga ushqimet që duhet t’i konsumojmë, në mënyrë që të mos kemi problem me tretjen e atij ushqime apo qoftë edhe me ndonjë problem shëndetësor, që shkaktohet nga kequshqyerja.

    “Ato ushqime që kryesisht duhet të konsumohen gjatë verës, janë frutat dhe perimet për shkak se na japin fibrat, vitaminat, mineralet që janë shumë të rëndësishme por shumicën e kohës këto kanë sasi të ulët të proteinave dhe për këtë arsye duhet të me I zgjedh proteinat prej ushqimeve të tjera dhe nëse mishi është I rëndë me u konsumua atëherë munden me u zgjedhë edhe burimet të cilat janë bazë bimore siç janë: fasulet, thjerrëzat, qiqrat, arroret e ndryshme por edhe drithërat e ndryshme integrale. Pavarësisht që është verë duhet me I konsumua gjitha këto”, tha ajo.

    Pupovci përmendi se edhe çfarë duhet të hamë kur jemi me ankth apo stres.

    “Ka ushqime të shumta që munden me ndikua në këtë pikë mirëpo, një nga ata nutrientët që luan një rol shumë të madhe te ankthi apo stresi është magneziumi… Çokollata ka një sasi të konsiderueshme të magneziumit, por kjo nuk do të thotë që duhet të konsumojmë sasi shumë të madhe të çokollatës në qoftë edhe e zezë”, u shpreh ajo.

    Tutje ajo shtoi se ajo humbja e peshës për një muaj nuk është e shëndetshme.

    “Është shumë më e rëndësishme që këto qëllime që ia vendosim vetës synimet që i kemi me qenë synime të arritshme… Gjatë verës kanë dëshira që sipas atyre dietave që unë i përshkruaj janë të pa arritshme, presin që 10 kg për një muaj të i humbin, por ajo mënyrë nuk është e shëndetshme”, shtoi Pupovci./atvlive.tv/

    Për më shumë ndiqni videon e mëposhtme:

     

  • Sulmi në veri, Kurti i bën thirrje Serbisë të ndërpresë nxitjet për dhunë

    Sulmi në veri, Kurti i bën thirrje Serbisë të ndërpresë nxitjet për dhunë

    Kryeministri i Kosovës, Albin Kurti duke komentuar sulmin e mbrëmshëm të ndërtesës së Komunës së Mitrovicës së Veriut, ka thënë se fatmirësisht asnjë person nuk u lëndua, por mund të kishte ndodhur lehtësisht.

    Kurti ka shkruar në Twitter se sulmi ka ndodhur me dy granata dore, duke shkaktuar dëme në veturat e afërta.

    “I bëj thirrje Serbisë që menjëherë të ndërpresë nxitjet për dhunë para se të humbasin jetë”, ka shkruar ai.

    Policia e Kosovës konfirmon se nuk ka të lënduar, përveç dëme materiale të shkaktuara në dy vetura zyrtare policore.

  • Arrestohen gjashtë persona, shkaktuan dhunë në familje

    Arrestohen gjashtë persona, shkaktuan dhunë në familje

    Gjashtë raste të dhunës në familje janë raportuar në 24 orët e fundit, njoftoi Policia e Kosovës.

    Në raportin 24-orësh të Policisë, thuhet se rastet kanë ndodhur në Prishtinë, Fushë-Kosovë, Obiliq, Pejë, Kaçanik dhe Gjakovë.

    Tutje, bëhet e ditur se të gjithë të dyshuarit që kanë shkaktuar dhunë në familje, janë dërguar në mbajtje.

    Më poshtë gjeni rastet e plota të regjistruara në Polici: 

    Fushë Kosovë 25.06.2023 – 12:30. Është arrestuar i dyshuari mashkull kosovar për shkak se përmes telefonit ka kanosur ish-bashkëshorten e tij viktimën femër kosovare. Me vendim të prokurorit, i dyshuari pas intervistimit është dërguar në mbajtje, ndërsa viktima është dërguar tek familjarët e saj.

    Prishtinë 26.06.2023 – 12:00. Është arrestuar i dyshuari mashkull kosovar, për shkak se e kishte kanosur me fjalë ish-bashkëshorten e tij, viktimën femër kosovare me të cilën janë ndarë qe tri vjet. Deri te kanosja kishte ardhur pas një mosmarrëveshje lidhur me fëmijët e tyre. Me vendim të prokurorit i dyshuari është dërguar në mbajtje.

    Obiliq 26.06.2023 – 20:00. Është arrestuar i dyshuari mashkull kosovar nën dyshimin se pas një mosmarrëveshje ka sulmuar fizikisht viktimën femër kosovare me të cilën ka qenë duke bashkëjetuar. Viktimës i është ofruar tretman mjekësor, i është ofruar mundësia për strehim, por e njëjta ka refuzuar dhe ka shkuar tek motra e saj. Me vendim të prokurorit i dyshuari është dërguar në mbajtje.

    Kaçanik 26.06.2023 – 11:30. Është arrestuar i dyshuari mashkull kosovar, nën dyshimin se për shkak të një mosmarrëveshje kishte sulmuar fizikisht vëllain e tij, viktimën mashkull kosovar. Viktimës i është ofruar tretman mjekësor në QKMF Kaçanik, ndërsa i dyshuari pas intervistimit, në konsultim me prokurorin është dërguar në mbajtje.

    Pejë 26.06.2023 – 12:00. Është arrestuar i dyshuari mashkull kosovar, pasi ka shkaktuar dhunë në familjen e tij. Me vendim të prokurorit i dyshuari është dërguar në mbajtje.

    Gjakovë 26.06.2023 – 10:20. Është arrestuar i dyshuari mashkull kosovar, nën dyshimin se ka kryer veprën e lart-cekur ndaj ish bashkëshortes së tij, viktimës femër kosovare. Pas intervistimit me vendim të prokurorit i dyshuari është dërguar në mbajtje për 48 orë.

     

  • “Ka shumë femra që duan të duken si Dafina, me i bo buzët, mollëzat sikur ajo”, flet estetistja kosovare

    “Ka shumë femra që duan të duken si Dafina, me i bo buzët, mollëzat sikur ajo”, flet estetistja kosovare

    Linda Berisha është tashmë e njohur për punën e saj të pashembullt në estetikë.

    Ajo jo rastësisht është në këtë profesion. Linda ka ndjekur trajnime të shumta nga të cilat është rritur profesionalisht, derisa ajo tregoi se megjithëse që ka studiuar mjekësinë, rruga ndryshoi nga gjinekologjia në estetikë.

    “Fillimisht me estetikë kam filluar të merrem prej vitit të 6-tw sa kam qenë studente e mjekësisë. Në fakultet të mjekësisë kam pasur synim që të specializimin e gjinekologjisë por që vetëm me një trajnim që e kam mbajt i cili ka qenë dy ditor, që në fillim e kam kryer vetëm prej kuriozitet mirëpo pas trajnim fillova me hulumtua më shumë dhe me mësua më shumë duke ndjekur edhe trajnime të tjera nëpër botë”, tha ajo.

    Linda shpjegon se mënyrat e punës janë të veçanta e shpesh herë edhe kërkesat. Ajo përmendi se shumë femra dëshirojnë të bëjnë ndërhyrje, duke synuar që të duken sikur disa nga femrat e estradës kosovare./atvlive.tv/

    Për më shumë ndiqni videon e mëposhtme:

     

  • Serbët protestojnë edhe sot në Graçanicë, bllokohet përkohësisht rruga Prishtinë-Gjilan

    Serbët protestojnë edhe sot në Graçanicë, bllokohet përkohësisht rruga Prishtinë-Gjilan

    Policia e Kosovës ka njoftuar se për shkak të protestës që do të mbahet në Graçanicë, një rrugë do të jetë e mbyllur.

    Në njoftim thuhet se rruga do të jetë e mbyllur deri në përfundimin e protestës, derisa sugjerohet që për sa kohë të zgjatë protesta, pjesëmarrësit në trafik të shfrytëzojnë rrugët alternative.

    “Policia e Kosovës, me qëllim të mbarëvajtjes së protestës së paralajmëruar, që do të mbahet sot në Graçanicë, duke filluar nga ora 11:30 e deri në përfundim të protestës, do të ridrejtoj trafikun për automjetet që qarkullojnë nga Prishtina në Gjilan dhe anasjelltas, pasi që rruga kryesore në Graçanicë nuk do të jetë e qarkullueshme për trafik deri në përfundim të protestës. Andaj për të përballuar sa më lehtë rrethanat që do të paraqiten në qarkullimin rrugor, kërkojmë ndihmën dhe mirëkuptimin e të gjithë pjesëmarrësve në trafik që përgjatë kohës sa do të zgjatë protesta të shfrytëzojnë rrugët alternative”, thuhet në njoftim.

    Kujtojmë se në Graçanicë do të mbahet protestë siç pretendohet “për shkak të arrestimit të Dragisha Milenkoviqit nga Kishnica”, për të cilin dyshohet se ka kryer krime lufte ndaj të burgosurve në qendrën e paraburgimit në Lipjan, para luftës në Kosovë.

     

  • Ky është i riu që vdiq si pasojë e aksidentit në Deçan, policia tregon për rastin

    Ky është i riu që vdiq si pasojë e aksidentit në Deçan, policia tregon për rastin

    Një i ri ka vdekur në QKUK si pasojë e plagëve që ka marrë në një aksident trafiku të ndodhur dje në fshatin Llukё e Epёrme në Deçan.

    Policia njofton se viktima ishtë në motoçikletë, teksa u godit nga një kamion.

    “Nё kёtё aksident ishin tё involvuara njё Kamion dhe njё Motoçikletё, deri te aksidenti ka ardhur pёr deri sa i dyshuari nuk e ka respektuar shenjen e trafikut, ndalim i obliguar (STOP), i cili e godet motoçikletën duke i shkaktuar lëndime tё rёnda trupore”, njofton policia.

    Pas trajtimit që i riu ka marrë, policia njofton se ai ka vdekur në QKUK sot rreth orës 02:15.

    I dyshuari me vendim tё prokurorit tё shtetit është dërguar nё mbajtje pёr 48- orё.

    “Me urdhër të Prokurorit shtetit trupi e pa jetë i viktimës dërgohet  në Institutin e Mjekësisë Ligjore në Prishtinë, për Obduksion”, njofton policia.

    Foton e viktimës e ka publikuar në Facebook zyrtari i komunës së Deçanit, Hajdar Sutaj.

    Ai tha se bëhet fjalë për Adiat Gërvalla nga Duboviku i Deçanit.

  • Mbi 1.000 civilë afganë të vrarë prej kur talibanët morën pushtetin

    Mbi 1.000 civilë afganë të vrarë prej kur talibanët morën pushtetin

    Mbi 1.000 civilë afganë kanë vdekur si pasojë e bombardimeve dhe formave tjera të dhunës prej kur forcat e huaja janë larguar nga shteti, dhe talibanët e kanë marrë pushtetin më 2021, sipas Kombeve të Bashkuara.

    Misioni i OKB-së në Afganistan ka thënë se në periudhën 15 gusht 2021 – maj 2023, 1.095 civilë janë vrarë dhe 2.679 janë plagosur.

    Shumica e vdekjeve – mbi 700 – janë shkaktuar nga pajisjet e improvizuara shpërthyese, përfshirë bombat vetëvrasëse në ambiente publike, siç janë xhamitë, qendrat e edukimit dhe tregjet.

    Sipas misionit të OKB-së, grupi ekstremist, Shteti Islamik, vazhdon të përbëjë sfidë për sigurinë e Afganistanit.

    Talibanët kanë thënë se janë të fokusuar në sigurinë e shtetit dhe kanë kryer disa bastisje kundër Shtetit Islamik në muajt e fundit.

    Sipas tyre, Afganistani është përballur me sfida të sigurisë që disa dekada, dhe se përgjatë udhëheqësisë së talibanëve situata është përmirësuar.

    Prej kthimit në pushtet, në gusht të vitit 2021, talibanët kanë nisur të zbatojnë rregullore dhe ligje të ashpra, përfshirë ndalesën ndaj grave dhe vajzave në shkollim, pas klasës së gjashtë.

    Pavarësisht presionit kombëtar dhe ndërkombëtar, talibanët nuk kanë thënë se do t’i rihapin shkollat për vajzat.

    Ende asnjë qeveri në botë nuk e ka njohur Qeverinë në krye me talibanët në Afganistan./REL/

  • Parashikimi i motit për sot dhe nesër

    Parashikimi i motit për sot dhe nesër

    Sot në vendin tonë do të mbahet mot me diell dhe kthjellime të herëpashershme.

    Temperaturën minimale do e mbajë Gjakova me 13 gradë Celsius, ndërsa atë maksimale Prizren me 27 gradë Celsius.

    Dita e nesërme në Kosovë do të jetë me kthjellime dhe me vranësira të herëpashershme gjatë pasdites. Temperatura minimale do të shënohet në Gjakovë me 13 gradë Celsius, ndërsa ajo maksimale në Prishtinë me 26 gradë Celsius.

    Ndërkohë, në Shqipëri do të ketë mot me diell. Temperaturën minimale do e ketë Korça me 13 gradë Celsius, ndërsa ajo maksimale do të jetë në Shkodër me 33 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme: