ATV

Author: G.O.

  • 200 ushtarët britanikë arritën në Kosovë

    200 ushtarët britanikë arritën në Kosovë

    Ministria e Mbrojtjes e Mbretërisë së Bashkuar ka njoftuar se përforëcimet nga ky shtet për misioni paqeruajtës të NATO-s në Kosovë, tanimë kanë arritur në Kosovë.

    Sipas një njoftimi në X, ushtarët e parë britanikë të një dislokimi prej 200 trupash arritën në Kosovë për t’u përforcuar misionin e KFOR-it.

    Edhe Gjermania do të dërgojë më shumë ushtarë në Kosovë si pjesë e forcës paqeruajtëse të udhëhequr nga NATO, KFOR, njoftoi të premten një zëdhënës i Ministrisë së Mbrojtjes.

    “Mund të konfirmoj se qeveria federale (gjermane) ka vendosur të zgjerojë angazhimin e saj ushtarak në KFOR që nga prilli i vitit 2024, pavarësisht nga ngjarjet e fundit në Kosovë”, tha Mitko Mueller në një konferencë rutinë për shtyp në Berlin

    Përndryshe, Turqia do ta marrë udhëheqjen e KFOR-it në mandatin e ardhshëm dhe Angelo Michele Ristuccia do të zëvendësohet nga gjenerali turk, Ozkan Ulutash. Të martën e ardhshme është planifikuar dorëzimi i detyrave nga komandanti aktual i KFOR-it.

  • Qeveria ndan 3 milionë euro shtesë për rehabilitimin e rrugëve rajonale

    Qeveria ndan 3 milionë euro shtesë për rehabilitimin e rrugëve rajonale

    Qeveria e Kosovës ka mbajtur mbrëmë një mbledhje, në formë elektronike, në të cilën ka marrë dy vendime.

    Në këtë mbledhje, Qeveria ka ndarë 3 milionë euro shtesë për projektin “Rehabilitimi i Rrugëve Rajonale”.

    Kabineti qeveritar ka miratuar edhe vendimin për të kërkuar nga presidentja Vjosa Osmani dhënien e autorizimit ministrit të Financave, Punës dhe Transfereve për nënshkrimin e marrëveshjes së kredisë ndërmjet Kosovës, e përfaqësuar nga Ministria e Financave, Punës dhe Transfereve, Korporata Energjetike e Kosovës (KEK) Sh.A. dhe KfË, Frankfurt am Main, për projektin “Programi i Energjisë Solare I (Solar4Kosovo I) – Fotovoltaik.

  • Ellis: Duhet të ketë hetim ndërkombëtar për Banjskën

    Ellis: Duhet të ketë hetim ndërkombëtar për Banjskën

    Është e rëndësishme që sulmi i 24 shtatorit në Banjskë të hetohet nga një ekip ndërkombëtar, ashtu siç kërkon Kosova, thotë Mark Ellis, drejtor ekzekutiv i Odës Ndërkombëtare të Avokatëve, me seli në Londër.

    Ai thotë se ky ekip do të mund të mandatohej nga Kombet e Bashkuara, apo të ishte ekip i përbashkët i disa shteteve.

    Skenari më i mirë, sipas tij, do të ishte edhe sikur Serbia të pajtohej me të.

    “Degëzimi i hetimeve, një nga Kosova, një nga Serbia, për mua nuk është drejtimi i duhur. Duhet të ketë një hetim të konsoliduar dhe të pavarur ndërkombëtar, për të cilin të dyja palët do të binin dakord”, thotë Ellis për REL.

  • Në Kolegjin AAB fillon viti i ri akademik 2023/2024

    Në Kolegjin AAB fillon viti i ri akademik 2023/2024

    Teatri ”Faruk Begolli”, në Kolegjin AAB, bëri bashkë studentët nga i gjithë vendi, në ceremoninë e pranimit të studentëve të rinj, të cilët do të jenë pjesë e vitit të ri akademik 2023/2024.

    Duke iu uruar mirëseardhje, rektori i Kolegjit, Lulzim Tafa, u foli studentëve për rëndësinë e studimeve në këtë kolegj.

    “Kjo ditë nuk është e rëndësishme vetëm për ju por për të gjithë ne, sepse po filloni etapën kyçe të jetës studentore dhe këtë po e bëni me ne. Nga sot emri juaj dhe i Kolegjit AAB janë të njësuar. Studimet janë një ëndërr dhe ju sot po e fillon atë. Duhet ta dini një gjë se rruga e suksesit nuk është e lehtë, duhet shumë mund e sakrificë Puna jonë është të përgatisim kuadro për tregun e punës jo vetëm në Kosovë, por në tregun rajonal dhe atë global. Përveç mësimeve, studimet edhe përjetohen prandaj mos hezitoni ta shijoni jetën studentore në ambientet relaksuese që ka kolegji”, tha rektori Tafa.

    Të entuziazmuar që nga e hëna do të fillojnë rrugëtimin e ri, studentët thonë se zgjodhën AAB-në për shkak të rëndësisë që i jep rrugëtimit akademik.

    Ndryshe, Kolegji AAB është institucioni më i madh jopublik i arsimit të lartë në trevat shqiptare./atvlive.tv/

    Për më shumë ndiqni videon e mëposhtme:

  • Besojeni ose jo këngëtarja e njohur shqiptare ka blerë shtëpi superluksoze me paratë e fituara në TikTok

    Besojeni ose jo këngëtarja e njohur shqiptare ka blerë shtëpi superluksoze me paratë e fituara në TikTok

    Gazetarja Rrona Marku në emisionin “Alarm”, ka folur për më të rejat nga bota e showbizit vendor dhe jo vetëm.

    Ajo tregoi se këngëtarja e njohur shqiptare Linda Halimi ka zbuluar se ka blerë shtëpi superluksoze me mjetet financiare të fituara nga platforma e njohur ‘TikTok’.

    Përmes një ‘livestreaming’ në ‘TikTok’ Linda ka treguar disa pjesë brenda shtëpisë luksoze, derisa ka deklaruar se e gjitha ajo shtëpi është blerë nga paratë e fituara në ‘TikTok’./atvlive.tv/

    Për më shumë ndiqni videon e mëposhtme:

  • Mbi 50 gra do të kenë mundësinë të bëjnë rikonstruktimin e gjirit

    Mbi 50 gra do të kenë mundësinë të bëjnë rikonstruktimin e gjirit

    Në kuadër të muajit të Ndërgjegjësimit për luftimin e Kancerit të Gjirit, ministri i Shëndetësisë, Arben Vitia sot vizitoi Klinikën e Kirurgjisë Plastike dhe Rikonstruktive.

    Ministri Vitia shprehi kënaqësinë se shteti i Kosovës për herë të parë, përmes buxhetit të ShSKUK, ka siguruar mbi 100 implante dhe 50 ekspander, ku tashmë rikonstruktimi i gjirit mund të bëhet në QKUK, pa pasur nevojë që të paguhet 3 deri në 5 mijë euro në institucionet private shëndetësore.

    Sipas tij, mbi 50 gra do të kenë mundësinë të bëjnë rikonstruktimin e gjirit, ku Ministria e Shëndetësisë do të vazhdojë me investime me qëllim që gratë e prekura nga kanceri të kenë me të lehtë diagnostikimin dhe trajtimin e tyre në institucionet publike shëndetësore.

    Drejtoresha e Klinikës së Kirurgjisë Plastike dhe Rikonstruktive, Violeta Zatriqi, falënderoi ministrin Vitia që ka mbështetur furnizimin me implante dhe materiale për të bërë rikonstruktim të gjirit.

    Ajo theksoi se deri me tani për 25 gra është kryer me sukses rikonstruktimi i gjirit dhe pritet të vazhdohet me rikonstruktim edhe te gratë e tjera.

    Ministria e Shëndetësisë nëpërmjet një komunikate thekson se bashkë me ShSKUK, do të vazhdojnë me investime të tjera për të lehtësuar diagnostikimin dhe trajtimin e grave të prekura nga Kanceri.

  • Bayerni vendos për të ardhmen e Boateng

    Bayerni vendos për të ardhmen e Boateng

    Jerome Boateng ishte pjesë e stërvitjes ekipore të Bayern Munichut sot, dhe kampioni gjerman si duket ka vendosur për të ardhmen e mbrojtësit 35-vjeçar.

    Siç bëhet e ditur nga gazetari gjerman Florian Plettenberg, Bayerni nuk do t’i ofrojë Boatengut një kontratë për të qëndruar me skuadrën, raporton KosovaPress.

    Pas bisedimeve krerët e klubit vendosën që mos të nënshkruajnë me Boateng pasi që iu frikësuan kritikave nga tifozët.

    Thomas Tuchelit do t’i nevojitet që të vazhdojë me tre mbrojtës deri në muajin janar.

  • UEFA dënon solidarizimin e tifozëve në Beograd me terroristet serbë dhe brohoritjet raciste “Vritni shqiptarët”

    UEFA dënon solidarizimin e tifozëve në Beograd me terroristet serbë dhe brohoritjet raciste “Vritni shqiptarët”

    Shkruan Nefail Maliqi: 

    Ndeshja e fundit mes ekipit zviceran YB së Bernit dhe “Cervena Zvezdes” në Beograd ku tifozët serbë në stadium u solidarizuan me terroristët serbë të cilët morën pjesë në sulmin e fundit në veri të Kosovës dhe fyerjet raciste ndaj shqiptarëve kanë shokuar opinionin evropian, shkruan nga selia e UEFA-s, gazeta zvicerane në shqip ‘Le Canton27.ch’.

    Zyrtarët e UEFA-s kanë dënuar ashpër sjelljet e huliganëve serbe duke i konsideruar skandaloze banerët dhe brohoritjet e tyre antishqiptare në stadiumin e Beogradit gjatë ndeshjes mes ekipit zviceran YB dhe atij serbe “Cervena Zvezda”.

    “Janë të papranueshme sjelljet e huliganëve serbë në ndeshjen e fundit mes ekipit zviceran dhe atij serbe. Sjelljet e tilla nuk i përkasin sportit dhe janë në kundërshtim me rregullat e UEFA-s dhe normat ndërkombëtare. Prandaj, ne do të dënojmë këtë akt të shëmtuar dhe do marrim masa ndëshkuese ndaj ekipit serbe”, ka thënë sot zëdhënësi i UEFA-s për gazetën zvicerane në shqip Le Canton27.ch.

    Ditëve te ardhshme , pritet reagimi zyrtar nga UEFA e cila do të shpjegojë masat ndëshkuese ndaj Serbisë.

    Brohoritjet “Vritni Shqiptarët” në stadiumin e Beogradit dhe solidarizimi i huliganëve me terroristet serbe ka shkaktuar reagime te mëdha edhe në Kosovë dhe shqiptarët në Ballkan.

    Lidhur me këtë zyrtarët e UEFA-s na njoftuan se kanë marrë nja reagim nga FFK ku kërkohet nga UEFA të sqarojë ngjarjet dhe te sanksionohet Serbia.

  • Komuna e Prishtinës dhuron dru për 140 familje me asistencë sociale

    Komuna e Prishtinës dhuron dru për 140 familje me asistencë sociale

    Adelinë Sahiti, drejtore e punës dhe mirëqenies sociale në komunën e Prishtinës një lidhje direkte për emisionin “A LIVE “, tha se këtë vit kjo komunë ka vendosur që t’i përzgjedhë disa familje me asistencë sociale, për t’iu dhuruar atyre dru për ngrohje, gjatë sezonit të dimrit.

    Ajo tha se familjet që janë përzgjedhur nga skema sociale, janë ato familje të cilat alternativë për ngrohje e kanë drurin.

    “Komuna e Prishtinës, sa herë afrohemi në stinën e dimrit përkujdesemi që familjet që janë pjesë e skemës sociale ta presin më lehtë dimrin në aspektin e ngrohjes. Kështu që këtë vit vendosur që për dallim nga vite e kaluara kur kemi ndarë mjete financiar, kësaj radhe e kemi vendosur që ato familje të cilat ngrohen me dru t’i ndihmojmë në këtë mënyrë. Janë 140 familje që i kemi përzgjedhur dhe janë gjithsej 420 metra dhe për çdo familje do të ndahen nga 3 metra, ndërsa gjithashtu do të kujdesemi edhe për familjet e tjera që nuk ngrohën me dru, ta marrin një shumë financiare me dedikim për ngrohje. Kemi filluar nga dita e marte dhe po vazhdon akoma dhe po shpresojmë se gjatë ditës së sotme edhe përfundon ky proces”, tha ajo.

    Tutje Sahiti shtoi se ndihmesa të tilla do të synojnë edhe në të ardhmen./atvlive.tv/

    Për më shumë ndiqni videon e mëposhtme:

  • Haxhiu për refuzimin e Kurtit: Kryemashtruesi po i ikë përgjegjësisë para deputetëve

    Haxhiu për refuzimin e Kurtit: Kryemashtruesi po i ikë përgjegjësisë para deputetëve

    Deputeti i Partisë Demokratike të Kosovës, Bekim Haxhiu, ka thënë për Ekonomia Online se refuzimi i kryeministrit Albin Kurti për t’u përgjigjur deputetëve të opozitës, është tendencë për shantazh e kërcënim.

    Haxhiu ka thënë se deputetët nuk i nënshtrohen asnjë mandati, duke shtuar se kjo është “përpjekje e kryemashtruesit Kurti që me i ikë përgjegjësisë para deputetëve”.

    “Është një përpjekje e kryemashtruesit Kurti që me i ikë përgjegjësisë para deputetëve, në veçanti në pyetjet parlamentare ku ne i adresojmë skandale, e në veçanti skandalin me rezervat shtetërore, hajninë me energji por edhe rritjen e konsumit. Duhet ta kuptojë që ky kryeministër dhe çdo kryeministër që në mandatin e tyre, deputetët nuk i nënshtrohen asnjë mandati detyrues sipas Kushtetutës së Kosovës e as me kërcënime e me shantazhe të tilla, deputetët nuk mund të nënshtrohen sepse e kanë votën e tyre”, u shpreh Haxhiu.

    “Është përpjekje e pastër e shantazhit ndaj deputetëve. Ju e dini që PDK-ja e opozita që nga fillimi kanë votuar marrëveshjet ndërkombëtare e grante tjera në vlerë 360 milionë euro, por që për shkak të sanksioneve nga BE-ja e SHBA, këto mjete nuk po mu d të shfrytëzohen dhe cila është logjika që të krijohen obligime financiare ndërkombëtare e të qëndrojmë nën sanksione”.