Kryetari i Aleancës për Ardhmërinë e Kosovës, Ramush Haradinaj, i ka dënuar sulmet kundër shtetit të Izraelit.
Në platformën X, ai ka shkruar se terrorizmi nuk do të fitojë.
“Ne dënojmë sulmin e tmerrshëm kundër shtetit të Izraelit. Terrorizmi nuk do të fitojë, si sot, si kurrë. Ne qëndrojmë me Izraelin dhe popullin e tij”, ka shkruar ai.
Shkon në 22 numri i të vrarëve nga raketat e lëshuara nga Gaza në Izrael
Drejtori i Drejtorisë së Shëndetësisë në Mitrovicë, Fahri Shabani, ka thënë për KosovaPress, se 26 nxënësit e helmuar nga ushqimi, të cilët kanë kërkuar ndihmë mjekësore, janë në gjendje të mirë shëndetësore dhe pas trajtimit janë liruar në shtëpi.
Sipas tij, në bazë të deklaratave të nxënësve, dyshohet se ata janë ushqyer në një lokal afër shkollave të mesme dhe dy shkollave tjera fillore në Mitrovicë.
Prej dje pasdite kanë filluar të vijnë raste… me shqetësime shëndetësore të cilat janë karakteristike për intoksikacione alimentare apo helmime në ushqim që kanë qenë me temperaturë, plogështi, vjellje etj. Dje pasdite janë paraqitur shtatë raste në QKMF dhe pastaj gjatë orëve të mbrëmjes dhe natën ky numër ka arritur në 26. Prej tyre 21 kanë marrë terapinë mjekësore dhe janë liruar në gjendje të përmirësuar shëndetësore në shtëpi, ndërsa pesë raste janë referuar në spitalin e përgjithshëm të Mitrovicës ku edhe ata pasi kanë marrë terapinë janë liruar në shtëpi dhe nuk ka asnjë nxënës të hospitalizuar. Të gjithë janë në gjendje të përmirësuar shëndetësore… Shumica e tyre deklarojnë se janë ushqyer në një lokal afër shkollave të mesme dhe dy shkollave fillore të Mitrovicës’, ka thënë Shabani.
Agjencia e Ushqimit dhe Veterinës ka inspektuar këtë lokal, me ç’rast njoftojnë se higjiena sanitare nuk ka qenë në gjendje të mirë dhe se e kanë mbyllur lokalin përkohësisht.
Në njoftimin e AUV thuhet se parregullsi kanë hasur më së shumti në pjesën ku përgatitet doneri, derisa shtojnë se lokali nuk ka ofruar dëshmi për pajisjen e stafit me libreza sanitare.
“Hapi i parë është ndaluar puna dhe ka nisur kontrolli i detajuar i të gjitha hapësirave dhe mjeteve të kuzhinës. Janë evidentuar të gjitha informata mbi procesin e punës dhe gatimit. Kryesisht ushqimet e gatuara kanë qen: Hamburger, doner, tost etj. Përgatitja e mishit shkrirja në vaskë, deri të gatimi i final është bërë aty për disa produkte, disa të tjera janë furnizim nga mishtorja. Gjendja higjienike- sanitare në momentin e inspektimit nuk ka qen e mirë. Sidomos në hapësirën e përgatitjes se mishit për doner. Nuk ka ofruar dëshmi për pajisjen e stafit me libreza sanitare dhe nuk është kryer DDD”, thuhet në njoftim.
Nga kjo agjenci potencuan se operatorit ekonomik do të ndërmerren të gjitha masat ligjore nga të gjeturat përfundimtare, derisa treguan se pacientët kanë marrë trajtim mjekësor dhe janë liruar në shtëpi.
“Janë marrë strishot nga mjetet e punës, tavolinat e shërbimit, pjata e servimit dhe duart e kuzhinierit. Janë marrë mostra të produkteve ushqime: doner, pleskavicë, sallatë majoneza dhe sosa. Të gjitha mostrat janë përgatitur sipas procedurës standarde për dërgim në laborator. Lokali është mbyllur përkohësisht deri në nxjerrje të rezultateve të analizave laboratorike. Janë vizituar përsëri pacientet për të parë gjendjen shëndetësore. Të gjithë pacientet deri me tani (30) qe kanë marrë trajtim mjekësorë janë liruar për shtëpi. Jemi duke monitoruar situatën mbi gjendjen e shëndetësore të pacienteve. Ndaj operatorit ekonomik do të ndërmerren të gjitha masat ligjore konform të gjeturave përfundimtare raporteve të analizave laboratorike. Jemi ende në teren bashkë me mekanizmat tjerë shtetërorë, për të marrë veprimet të nevojshme për mbrojtjeje të shëndetit të qytetareve”, potencohet nga AUV.
AUV njofton se më të marrë lajmërimin për këtë situatë, kanë vizituar pacientët dhe më pas kanë vazhduar inspektimin në lokalin “On Top Food”.
“Pas lajmërimit nga IKSHPK zyra në Mitrovicë se disa paciente kanë kërkuar ndihmë mjekësore nën dyshimin për helmim me ushqim. Inspektorët Sanitarë të AUV-së në Mitrovicë menjëherë kanë dalë në raste bashkë me Policinë. Fillimisht janë vizituar pacientet në Emergjencën e spitalit në Mitrovicë. Nga pacientet e shtrirë është marrë informata për emrin dhe adresën lokalit gastronomik ku janë shërbyer me ushqime. Ndërsa nga ekipi mjekësore janë marrë të dhënat mbi anamnezën e të shtrirëve, shenjat klinike për dyshimet në helmim. Inspektorët bashkë me Policë kanë nisur inspektimin në lokalin gastronomik të ushqimeve të shpejta ‘’ On Top Food’’ Rr. Skënderbeu Mitrovicë”, thonë ata.
Lista e pacientëve në Kliniken e Kirurgjisë Plastike ekziston për shkak se i japin prioritet pacientëve me djegie, numri i të cilëve është i madh. E derisa në Kosovë nuk ka një qendër të veçantë për pacientët me djegie, rastet e tilla trajtohen në Klinikën e Kirurgjisë Plastike, edhe pse kjo qendër është specialistike për rastet estetike.
Ka më shumë vite që bëhen kërkesa për një qendër të djegies, por ajo edhe nuk është paraparë të ndërtohet. Në Klinikën e Kirurgjisë Plastike thonë se duan që edhe vendi ynë ta ketë një qendër për trajtimin e rasteve e të tilla, ashtu siç edhe e kanë vendet tjera evropiane, por në Ministrisë e Shëndetësisë, shpresojnë që së shpejti të kenë një rivlerësim të nevojave aktuale.
Drejtoresha e Klinikës së Kirurgjisë Plastike, Violeta Zatriqi tha për KosovaPress, se numri i djegieve është shumë i madh, gjë për të cilën po shkakton tollovi në raste tjera për shkak se pacientët me djegie qëndrojnë të hospitalizuar me muaj të tërë.
“Në Kirurgji Plastike nuk ekziston në asnjë spital rajonal dhe tërë popullata e Kosovës trajtohen në Qendrën Klinike Universitare, në Kliniken e Kirurgjisë Plastike. … Qe 24 vite merremi me trajtimin e djegies, kjo patologji ka qenë edhe para shumë viteve d.m.th. me djegie merret vetëm kirurgjia plastike, fatkeqësisht numri i djegieve është i madh, nuk ka sezonë vetëm dimrit apo verës por në çdo sezone, e fatkeqësisht në sezonën e verës është i madh. Për momentin janë të hospitalizuar me djegie prej tyre janë të moshës fëmijërore…. Kirurgjia Plastike merret me një tërë patologjisë dhe në mungesë të qendrës për djegie. Këta pacient me djegie kanë gjithmonë prioritet, duhet me i fut gjithmonë në sallë dhe me i operuar dhe këta pacientë qëndrojnë me muaj të tërë në Qendrën Klinike Universitare, në Klinikën e Kirurgjisë Plastike dhe kjo është një nga arsyet pse ne kemi listë të pritjes dhe duhet të presin pacientët tjerë për t’u operuar” tha Zatriqi.
Zatriqi ka thënë se 50% e rasteve janë me djegie, andaj një qendër e specializuar për djegie, është bërë domosdoshme. Ajo tha se sikur çdo shtet që ka qendrën për djegie, të njëjtën duhet të kenë edhe pacientët në Kosovë.
Drejtoresha e Kirurgjisë Plastike, Zatriqi shtoi se tashmë e 20 vite bëjnë kërkesë për një qendër për djegie në Ministrinë e Shëndetësisë, por ende nuk është ndërmarrë diçka.
“Nevojë është e kamotshme sikur çdo shtet që e ka qendrën për djegie, edhe ne si kirurgji plastike e kemi adresuar problemin tonë që është më së e nevojshme qendra për djegie për trajtimi adekuat të pacientëve, ku janë disa standarde të cilat duhet të përmbushen për këta pacientë me djegie. Ne si Klinikë e Kirurgjisë Plastike, jemi duke i trajtuar edhe për shkak të kësaj mungese, ne kemi trajtuar edhe po vazhdojmë t’i trajtojmë pacientët nuk ngecin në trajtim por më e mira do të ishte prioritet i Kirurgjisë Plastike dhe i shtetit të Kosovës, të ketë një qendër për djegie sikur që kanë, është në rajon e kanë qendrën për djegie. … Ne në vazhdimësi qe 20 e disa vite në fund, e dërgojmë për qendrën për djegie dhe është e njoftuar edhe drejtoria ekzekutive dhe kërkesa jonë është drejtuar në Ministrinë e Shëndetësisë dhe kemi biseda që është në prioritet Qendra për Djegie dhe shpresojmë këto janë kompetenca të Ministrisë Shëndetësisë, nuk janë kompetenca e klinikës por është adresuar në vazhdimësi dhe do të adresojmë këtë problem deri në realizimin për të mirën e pacientit për trajtimin e dinjitetshëm”, tha Zatriqi.
Ndërsa, kryetari i Shoqatës së Pacientëve, Besim Kodra tha se kostoja e trajtimit jashtë vendit për pacientët me djegie do të ishte më efektive nëse trajtohen në Kosovë.
“E para ne duhet të dimë se sa është numri i pacientëve të cilët e kërkojnë këtë shërbim dhe duhet të shihet kostefktiviteti i atij shërbimi, a ka Kosova si me thënë leverdi të ndërtojmë. Nëse nevojat e qytetarëve kërkojnë një gjë të tillë dhe kostoja e trajtimit të këtyre pacientëve duhet të ishte shumë e mirë t’i mbanim brenda se sa t’i dërgojmë jashtë, pa dyshim se duhet të bëhet dhe nëse nuk bëhet qendër për djegie, duhet të ketë një repart të veçantë për këta pacientë të cilët vazhdimësi të marrin kujdesin që iu nevojitet” tha Kodra.
Kodra shtoi se përkundër kapaciteteve që Kosova nuk mund të ketë për një qendër të tillë, pacientëve duhet t’i sigurohet kujdesi shëndetësor në përputhje me nevojat që i kanë, çofshin për djegie apo për probleme tjera.
“Pa dyshim se është shqetësuese, dëshira jonë dhe gjithsecilit duhej të ishte që secili pacient duhet të trajtohet brenda Kosovës dhe mos të ketë nevojë për trajtime jashtë. Mirëpo në çoftë se diçka e tillë është shumë e kushtueshme për t’u u bërë për shkak se duhet të paguhet staf dhe material shpenzues dhe gjëra tjera dhe për këto vazhdimisht merret kostefektivitet shërbimit. Po nevojat e pacientit gjithsesi duhet të plotësohen çoftë në një qendër të ndërtuar brenda Kosovës, çoftë diku jashtë nëse ajo nuk ekziston. … Unë gjithmonë kam kërkuar që të shihet se sa është nevoja për diçka të tillë, dhe cilat do të ishin kapacitetet e asaj qendre për t’u ndërtuar. E vërtetë që pacientit duhet t’i sigurohet kujdesi shëndetësor në përputhje me nevojat që i ka çoftë për djegie ose për diçka tjetër” tha Kodra.
Nga Ministria e Shëndetësisë në një përgjigje me shkrim për KosovaPress, kanë thënë se synojnë që të bëhet një rivlerësim i nevojave aktuale.
“Ministria e Shëndetësisë në bashkëpunim me SHSKUK-në, synojnë që të bëhet një rivlerësim i nevojave aktuale në përputhje me prioritetet e Qeverisë dhe nxjerrjen e protokolleve specifike, të cilat së shpejti do të reflektohen në një plan konkret të veprimit. Gjatë periudhës 2019-2023, për mbështetje financiare në fond, kanë aplikuar 11 raste për djegie, prej tyre 2 raste kanë përfituar. Meqenëse trajtimi i këtyre rasteve (djegiet e rënda) është kompleks dhe financiarisht i kushtueshëm dhe mbi të gjitha nuk mund të sigurohet nga të gjitha institucionet private, raste të tjera janë dërguar në Turqi për trajtim mjekësor falas, në bazë të marrëveshjes Kosovë-Turqi. Ndërkaq për këto dy raste fondi ka ndarë 60,000,00 euro për trajtimin e nevojshëm shëndetësor”.
Jim O’Brien është betuar për pozitën e re të ndihmës Sekretarit të Shtetit.
O’Brien në një njoftim në profilin e tij në platformën “X” ka thënë se mezi pret për të punuar në forcimin e lidhjes së SHBA-së me Evropën në kohët kritike për sigurinë dhe për të ardhmen.
“Mezi presim të forcojmë lidhjet e SHBA me Evropën – kritike për sigurinë dhe prosperitetin tonë tani dhe në të ardhmen”, ka shkruar ai.
Sekretari amerikan Antony Blinken ka deklaruar se SHBA është me fat që një njeri si O’Brien merr një pozitë të tillë.
Ka shkuar në 22 numri i të vrarëve pasi fraksionet palestineze në Rripin e Gazës hodhën një breshëri intensive raketash herët të shtunën, në drejtim të Izraelit.
Kështu ka bërë të ditur Shërbimi i Shpëtimit të Izraelit.
Ndryshe, sipas zyrës së kryeministrit izraelit, kabineti i Sigurisë i Izraelit do të mblidhet sot në selinë e Forcave të Mbrojtjes së Izraelit.
Ministria e Punëve të Jashtme të Kosovës ka dënuar sulmin terrorist kundër Izraelit.
MPJD-ja në një reagim në platformën “X” kanë shkruar se Kosova qëndron në solidaritet të plot me Izraelin në këto momente të tmerrshme.
“Kosova dënon fuqishëm sulmet terroriste kundër Izraelit. Ne qëndrojmë në solidaritet të plotë me Izraelin në këto momente të tmerrshme. Lutjet tona janë për viktimat, familjet e tyre dhe gjithë Izraelin”, shkruhet në reagim.
Kosova strongly condemns the terrorist attacks against Israel. We stand in full solidarity with Israel in these terrible moments. Our thoughts are with the victims, their families and all of Israel. pic.twitter.com/HeGLG45CB4
— MFA Kosova 🇽🇰 (@MFAKOSOVO) October 7, 2023
Presidentja Osmani: E tmerruar nga sulmet terroriste në Izrael
Presidentja Vjosa Osmani, ka reaguar pasi fraksionet palestineze në Rripin e Gazës hodhën një breshëri intensive raketash herët të shtunën, në drejtim të Izraelit.
Ajo ka thënë se është e tmerruar nga sulmet terroriste dhe vrasjet e civilëve të pafajshëm në Izrael.
Në llogarinë e saj në platformën X, ajo ka shprehur solidaritetin e plotë me popullin dhe shtetin e Izraelit.
“Të tmerruar nga sulmet terroriste dhe vrasjet e civilëve të pafajshëm në Izrael. Shprehim solidaritetin tonë të plotë me presidentin Isaac Herzog, popullin dhe shtetin i Izraelit në këto orë të errëta. Mendimet tona janë me familjet e viktimave”, ka shkruar Osmani.
Senatori amerikan, Chris Murphy, i cili ka qenë për vizitë disa herë në Kosovë, ka thënë se ata që kanë vrarë rreshterin kosovar, Afrim Bunjaku, duhet të mbahen përgjegjës.
Murphy ka thënë se pasojat e sulmit të 24 shtatorit kanë mundur të jenë katastrofale, duke potencuar se armatimi i rëndë që është përdorur tregon se ka qenë një sulm i mirë-koordinuar dhe që ka synuar qëllimshëm të provokojë një konflikt më të gjerë.
Senatori amerikan ka thënë se është i shqetësuar që lirimi i Milan Radojiçiqit nga Serbia, i cili edhe ka pranuar se qëndron prapa 24 shtatorit, do të rris tensionet edhe më tej në mes të Serbisë dhe Kosovës, dhe do të minojë edhe përpjekjet për implementimin e plotë të obligimeve që palët kanë marrë nga Marrëveshjet e ndërmjetësuara nga Brukseli.
“Vuçiq duhet të marrë hapa të menjëhershëm për de-eskalim dhe të sigurohet që do të ketë llogaridhënie për këtë akt qyqar”, ka shkruar Murphy.
Kryeministri i Izraelit, Benjamin Netanyahu ka deklaruar se Izraeli është edhe zyrtarisht në luftë pasi terroristët e Hamasit kanë hyrë sot në jug të territorit izraelit.
“Qytetarë të Izraelit, ne jemi në luftë”, ka deklaruar Netanyahu.
Ai gjithashtu ka thënë se armiku do të paguaj çmim që nuk e ka njohur kurrë më parë.
“Armiku do të paguajë një çmim që nuk e kanë njohur kurrë më parë”, ka thënë Netanyahu.
Në anën tjetër, terroristët e Hamasit kanë hyrë brenda territorit të Izraelit dhe kanë vrarë civilë rrugëve e në banesat e tyre.
Ministria për Evropën dhe Punët e Jashtme, në Shqipëri ka njoftuar se është duke ndjekur nga afër situatën e tensionuar në Izrael.
Në njoftim thuhet se sipas të dhënave deri më tani nuk ka asnjë shtetas shqiptar të lënduar nga këto sulme.
“Të gjithë qytetarët shqiptarë në Izrael, të njekin udhëzimet e autoriteteve lokale dhe të kontaktojnë për çdo rast me Ambasadën Shqiptare 🇦🇱 në Izrael në numrin e kontaktit:+972 54-4806601”, thuhet në njoftim.