Author: G.O.

Një nënë e dy fëmijëve u vra nga një rrufe në plazhin Boquilla në Cartagena, Kolumbi. Fatkeqja Froilanis Maireth Rivas Román ra në tokë menjëherë kur u godit nga rrufeja.

Në të njëjtën kohë, një dëshmitar okular ka regjistruar momentin e frikshëm.

Gruaja 34-vjeçare është parë duke ecur përgjatë vijës bregdetare në momentin kur e goditi rrufeja. Pranë saj ishte një polic i cili duket i tronditur nga zhurma e rrufesë, por pa e parë gruan. Një tjetër pushues rrëzohet në rërë i tronditur dhe më pas vrapon për të ndihmuar gruan që vdiq në vend nga goditja elektrike.

Román ishte në plazhin Boquilla në Kolumbi me anëtarët e familjes. Froilanis ka lënë pas një djalë dhe një vajzë dhe kishte kompaninë e saj të veshjeve në Instagram.

Sipas Qendrave për Kontrollin dhe Parandalimin e Sëmundjeve, gjasat që dikush të goditet nga rrufeja janë një në një milion, megjithatë gati 90% e viktimave mbijetojnë. Në Kolumbi, vdekjet nga rrufetë për shkak të kushteve të motit janë të shumta.

Sipas Universitetit Industrial të Santanderit, numri i lartë i maleve dhe fushave të hapura në vend, e bëjnë rajonin të prirur ndaj shkarkimeve elektrike. Universiteti tha: Kolumbia është rajoni me aktivitetin më të rrufeshëm në botë, gjë që rrit numrin e vdekjeve dhe të lëndimeve për shkak të këtij fenomeni, veçanërisht në zonat rurale./TopChannel/

Në muajin shtator të këtij viti, janë regjistruar gjithsej 1 mijë e 396 kurorëzime brenda dhe jashtë Kosovës. Por nuk pati vetëm martesa gjatë këtij muaji.

Sipas të dhënave të Agjencisë së Statistikave të Kosovës (ASK), gjatë shtatorit 130 çifte i kanë dhënë fund martesës së tyre.

“Në muajin shtator 2023 janë regjistruar gjithsej 1 396 kurorëzime (brenda dhe jashtë Kosovës), kurse shkurorëzime të ndodhura në Kosovë janë regjistruar 130 raste”, thuhet në njoftimin e ASK-së./Indeksonline/

Forcat izraelite thonë se kanë sulmuar shtëpinë e një lideri të lartë të Hamasit, Ismail Haniyeh, në Gaza.

Në një postim në X, Forcat e Mbrojtjes së Izraelit thanë se përdorën avionë luftarakë të mërkurën mbrëma për të goditur shtëpinë e kreut të byrosë politike, shkruan BBC, transmeton KosovaPress.

Ata pretendojnë se shtëpia e tij ishte “përdorur si infrastrukturë terroriste” dhe “një vend takimi për zyrtarët e lartë të organizatës”.

BBC nuk ka qenë në gjendje të verifikojë në mënyrë të pavarur pretendimin e Forcave Mbrojtëse të Izraelit.

Kush është lideri i Hamasit, shtëpinë e të cilit Izraeli thotë se e goditi?

Forcat izraelite njoftuan mëngjesin e sotëm se kanë përdorur avionë luftarakë për të sulmuar shtëpinë e Ismail Haniyeh, i cili konsiderohet gjerësisht lideri i përgjithshëm i Hamasit,.

Haniyeh u zgjodh kryetar i byrosë politike të Hamasit në vitin 2017, por prej disa vitesh jeton në Katar.

Ai ishte një anëtar i shquar i Hamasit në fund të viteve 1980 dhe u burgos nga Izraeli për tre vjet.

Më pas ai kaloi një vit në mërgim përpara se të kthehej në Gaza. Në vitin 1997 ai u emërua kryetar i zyrës së udhëheqësit shpirtëror të Hamasit, duke forcuar pozicionin e tij.

Haniyeh u emërua kryeministër palestinez në vitin 2006 nga presidenti Mahmud Abbas, por u shkarkua një vit më vonë pasi grupi rrëzoi partinë e Abbasit Fatah nga Rripi i Gazës në një javë dhune vdekjeprurëse.

Haniyeh e hodhi poshtë shkarkimin e tij si “jokushtetues”, duke theksuar se qeveria e tij “nuk do të heqë dorë nga përgjegjësitë e saj kombëtare ndaj popullit palestinez” dhe vazhdoi të sundojë në Gaza.

Është arrestuar një person në Gjakovë pasi i ka kanosur zyrtarët policor, pasi ata i shqiptuan një gjobë në trafik.

Pas intervistimit, me vendim të prokurorit, i dyshuari është dërguar në mbajtje.

“Rr.Konferenca e Bunjanit, Gjakovë 15.11.2023-21:30. Është arrestuar i dyshuari mashkull kosovar, pasi që i njëjti pas shqiptimit të një gjobe për kundërvajtje në trafik ka kanosur zyrtaret policor. Pas intervistimit, me vendim të prokurorit, i dyshuari është dërguar në mbajtje”, thuhet në njoftimin e policisë.

Policia e Kosovës ka arrestuar dje në Prizren tre persona, që u prezantuan rrejshëm si pjesëtarë të IPK-së.

Pas intervistimit, me vendim të prokurorit, dy nga të dyshuarit dërgohen në mbajtje ndërsa një lirohet në procedurë të rregullt.

“Fsh. Novakë, Prizren 15.11.2023-10:45. Janë arrestuar tre të dyshuar meshkuj kosovarë, pasi që të njëjtit janë prezantuar rrejshëm si pjesëtar të IPK-së. Pas intervistimit, me vendim të prokurorit, dy nga të dyshuarit dërgohen në mbajtje ndërsa një lirohet në procedurë të rregullt”, thuhet në njoftimin e policisë.

Policia e Kosovës përmes raportit 24-orësh ka njoftuar se kanë gjetur substanca narkotike në Qendrën Korrektuese në Dubravë.

Policia njofton se më 15.11.2023 nga zyrtaret e burgut, është raportuar se gjatë bastisjes në pavijonin 5 dhe 6 janë gjetur dy qese me substancë narkotike me peshë prej 3 gram.

Gjithashtu në të njëjtën ditë nga zyrtaret e burgut, është raportuar se edhe në korridorin e burgut është gjetur substancë narkotike me peshë prej 3 gram.

Lidhur me rastet është njoftuar prokurori.