ATV

Author: G.O.

  • Trepça-Peja, derbi i madh i basketbollit kosovar zhvillohet sot

    Trepça-Peja, derbi i madh i basketbollit kosovar zhvillohet sot

    Fundjava sjell super derbi nga elita e basketbollit. Padyshim që sfida kryesore e kësaj xhiro është Trepça-Peja.

    Pasi nuk arritën të kalojnë fazën e grupeve të FIBA Europe Cup, të dy skuadrat janë përqendruar në garat vendore, ku kanë ambicie të mëdha në këtë edicion.

    Mitrovicasit renditen në vendin e dytë me gjashtë fitore e dy humbje, kurse pejanët në vendin e parë me shtatë fitore e një humbje, duke e bërë sfidën edhe më interesante të shtunën.

    Këto dy skuadra u përballen edicionin e kaluar në finale të Play-off-it, ku triumfuan verdhezinjtë, që u shpallën kampionë, ndërsa ‘Xehetarët’ triumfuan në Superkupën e Kosovës, duke mundur pikërisht pejanët.

    Takimi tjetër i së shtunës është mes Bashkimit dhe Istogut.

    Prizrenasit kanë tri fitore e gjashtë humbje, kurse istogasit një fitore e tetë humbje.

    Pikërisht fitoren e vetme “Djemtë e Bjeshkës” e kanë ndaj prizrenasve.

  • Një burrë gjendet i vdekur në rrethojat e shkallëve të një banese në Pejë

    Një burrë gjendet i vdekur në rrethojat e shkallëve të një banese në Pejë

    Një burrë është gjetur i vdekur në rrethojat e shkallëve të një objekti banesor në rrugën “Adem Jashari” në Pejë.

    Rastin e ka konfirmuar Policia e Kosovës, përmes raportit 24 orësh.

    ”Rr. Adem Jashari, Pejë 24.11.2023 – 02;50. Një femër kosovare-dëshmitare, ka raportuar se në rrethojat e shkallëve të banesës ka vërejtur një trup mashkull pa shenja jete. Njësitë relevante policore dhe ekipi mjekësor kanë dalë në vend e ngjarjes ku është konstatuar vdekja e viktimës. Me vendim të prokurorit, trupi i pajetë është dërguar në IML për obduksion”, thuhet në raport.

  • Durmishi: Të gjitha rrugët të cilat menaxhohen nga ministria janë të kalueshme

    Durmishi: Të gjitha rrugët të cilat menaxhohen nga ministria janë të kalueshme

    Zëvendësministri i Infrastrukturës, Hysen Durmishi, ka thënë se të gjitha rrugët të cilat menaxhohen nga ministria e Mjedisit, Planifikimit Hapësinor dhe Infrastrukturës, janë të kalueshme pas reshjeve të borës.

    Sipas tij, me 19 kontrata aktive të mirëmbajtjës që janë në gjithë territorin e Kosovës, që nga orët e hershme të mëngjesit janë në teren.

    “Aktualisht të gjitha rrugët që mirëmbahen nga ministria janë të kalueshme. Kërkojmë nga të gjithë pjesëmarrësit në komunikacion që të lëvizin me kujdes duke ju përshtatur kushteve të rrugëve, dhe të mos dalin në rrugë pa paisjet e obligueshme për sezonën e dimrit”, ka shkruar ai.

  • Hajnat vjedhin në ngrohtoren e Gjakovës kabllo me vlerë 6 mijë euro

    Hajnat vjedhin në ngrohtoren e Gjakovës kabllo me vlerë 6 mijë euro

    Të premten rreth orës 09:30, persona të panjohur në rrugën “Gasper Karaqi” në Gjakovë, kanë vjedhur kabllo elektrike me vlerë prej 6 mijë eurosh.

    Sipas raportit 24-orësh të Policisë, kabllot në fjalë shërbejnë për gjenerimin e rrymës.

    “Rr. Gasper Karaqi, Gjakovë 24.11.2023 – 09:30. Ankuesja femër kosovare – inxhiniere e ngrohtores së qytetit, ka raportuar se person-a të panjohur kanë vjedhur dy kabllo elektrike me gjatësi 10 metra (2×5 m) në vlerë rreth 6000€ që shërbejnë për gjenerimin e rrymës. Njësitë policore kanë dalë në vendin e ngjarjes, rasti në procedurë hetimore”, thuhet në raport.

  • Reshjet e borës në kryeqytet, Rama: Po kujdesemi që rrugët të jenë të pastra e lehtë të qarkullueshme

    Reshjet e borës në kryeqytet, Rama: Po kujdesemi që rrugët të jenë të pastra e lehtë të qarkullueshme

    Kryetari i Komunës së Prishtinës, Përparim Rama, ka thënë se po kujdesen që rrugët e kryeqytetit të jenë të pastra dhe lehtë të qarkullueshme, pas reshjeve të borës.

    Rama u ka bërë thirrje qytetarëve që të kenë kujdes gjatë ngasjes.

    “Bora e parë ka mbuluar Prishtinën tonë me një veshje të bardhë magjike! E ne po kujdesemi që rrugët tona të jenë të pastra e lehtë të qarkullueshme për të gjithë. Të dashur qytetarë, keni kujdes gjatë ngasjes së veturave. Le ta përcjellim borën e parë me dashuri dhe kënaqësi! 🧣🧤”, ka shkruar Rama.

  • Gjendet i vdekur një person në Fushë-Kosovë

    Gjendet i vdekur një person në Fushë-Kosovë

    Një person është gjetur i shtrirë në rrugën “Pajazit Islami”, në Fushë-Kosovë, i cili më pas është dërguar në QKUK, ndërsa vdekjen e tij e ka konstatuar ekipi mjekësor.

    Sipas policisë, trupi i pajetë i viktimës është dërguar në IML për obduksion.

    “Raportohet se viktima mashkull kosovar është gjetur i shtrirë në rrugë nga një dëshmitar rasti i cili është dërguar në QKUK, vdekjen e tij e ka konstatuar ekipi mjekësor. Me vendim të prokurorit, trupi i pajetë i viktimës është dërguar në IML për obduksion”, thuhet në raportin 24 orësh.

  • Politikanja serbe pretendon se u fut ilegalisht në Kosovë për të mbajtur një “tubim kombëtar të serbëve”

    Politikanja serbe pretendon se u fut ilegalisht në Kosovë për të mbajtur një “tubim kombëtar të serbëve”

    Kryetarja e partisë serbe “Zavetnici”, Milica Gjurgjeviq-Stamenkovski, ka publikuar një fotografi në rrjetin Social “X, ku pretendon se ka hyrë ilegalisht në Kosovë nëpërmjet maleve.

    “Menduan se edhe sonte do të më ndalojnë, por siç thash: Kush e di cakun, ai e di edhe rrugën, qoftë edhe nëpërmjet maleve. Përshëndetje nga fshati Reçicë!”, ka shkruar ajo.

    Ndërsa, ajo pretendon se është në fshatin Reçicë të komunës së Podujevës, duke mbajtur një “tubim kombëtar të serbëve”.

    “Prej vitesh më bllokojnë hyrjen në Kosovë me pretekstin se po e ‘cenojë rendin e tyre kushtetues’”, ka thënë ajo gjersa ka shtuar se për të është e rëndësishme që të “mbroj rendin kushtetues të Serbisë”.

  • Kievi goditet nga sulmi masiv me dron rus – më i madhi i luftës deri më tani, thonë forcat ajrore të Ukrainës

    Kievi goditet nga sulmi masiv me dron rus – më i madhi i luftës deri më tani, thonë forcat ajrore të Ukrainës

    Kievi është goditur nga një sulm masiv me dron gjatë natës, tha kryebashkiaku i qytetit.

    Vitali Klitschko tha se shumë rrethe të kryeqytetit ukrainas ishin shënjestruar.

    Sipas forcave ajrore të Ukrainës, ky ishte sulmi më i madh rus duke përdorur dronët kamikaze Shahed të luftës deri më tani.

    Dronët janë kapur, por fragmente nga avioni i rrëzuar kanë lënë të paktën dy persona të plagosur dhe kanë dëmtuar disa ndërtesa.

    Duke shkruar në Telegram, Klitschko tha se blloqet e apartamenteve u goditën – dhe një zjarr kishte shpërthyer në një çerdhe.

    Kjo vjen pasi presidenti Volodymyr Zelenskyy paralajmëroi civilët që të prisnin një bombardim dimëror nga Moska.

    Në një fjalim të natës fundjavën e kaluar, ai tha: “Sa më afër të jemi te dimri, aq më shumë rusë do të përpiqen t’i bëjnë sulmet më të fuqishme.”

  • Izraeli liron 39 të burgosur palestinezë

    Izraeli liron 39 të burgosur palestinezë

    Gjithsej 39 të burgosur palestinezë janë liruar nga burgjet izraelite në këmbim të një grupi pengjesh të mbajtura nga Hamasi të premten në mbrëmje, raporton BBC.

    Marrëveshja – e ndërmjetësuar nga Katari – përfshin armëpushim katërditor. Ata akuzohen për një sërë veprash, nga gjuajtja me gurë deri te tentativa për vrasje. Disa u dënuan ndërsa të tjerët ishin në pritje të gjykimit.

    Grupi prej 24 femrash dhe 15 djemsh adoleshentë u lirua nëpër pikën e kontrollit Beituniya në Bregun Perëndimor të okupuar. Ata më pas do të lejohen të kthehen në shtëpi, sipas shërbimit të burgut të Izraelit. Të arrestuarit u zgjodhën nga një listë prej 300 grave dhe të miturve të përpiluar nga Izraeli.

    Më pak se një e katërta e atyre në listë janë dënuar – shumica dërrmuese po mbahen në paraburgim në pritje të gjykimit. Shumica e të listuarve janë djem adoleshentë – 40% e tyre nën moshën 18 vjeç. Ka gjithashtu një vajzë adoleshente dhe 32 gra.

    Hamasi liroi gjatë ditës së sotme 13 pengje izraelite, si pjesë e marrëveshjes. Kjo praktikë do të vazhdojë edhe për tre ditë.

  • Sot në kryeqytet inaugurohet busti i heroit kombëtar, Hasan Prishtina

    Sot në kryeqytet inaugurohet busti i heroit kombëtar, Hasan Prishtina

    Sot do të inaugurohet busti i heroit kombëtar, Hasan Prishtina, në Prishtinë.

    Inaugurimi i bustit të heroit të kombit do të bëhet nga fondacioni “Hasan Prishtina”, ku pritet të marrin pjesë personalitete të larta shtetërore nga Kosova e Shqipëria.

    Pjesëmarrës në këtë ceremoni pritet të jenë kryeministri i vendit, Albin Kurti, presidenti i Shqipërisë, Bajram Begaj, kryetari i Prishtinës, Përparim Rama, e personalitete të tjera.