Author: G.O.

Princ Leka dhe babai i Elia Zaharias, Gjergj Zaharia, kanë denoncuar njërit-tjetrin për dhunë. Ditën e djeshme Princi ka vizituar shtëpinë e tij ku jeton Elia me vajzën e tij, për ta takuar këtë të fundit, siç raporton Topchannel.

Princ Leka është përballur me babain e Elias, ku në dëshminë e tij shprehe se ka qenë ish-vjehrri i tij Gjergj Zaharia që e ka goditur me shkelma dhe e ka gjuajtur me një statujë.

Ndërsa në dëshminë e tij para policëve, Gjergji shprehet se “ai është i moshuar dhe nuk qëndron dot në këmbë, kështu nuk ka mundësi që të dhunojë Princin e cili është 2 metra i gjatë”. Ai e akuzon Lekën se e ka dhunuar dhe e ka fyer me fjalë të rënda.

“Princi ishte i dhunshëm ndaj meje dhe më ka folur me një gjuhë të ashpër. Nuk e kam dhunuar, vetëm jam mbrojtur. Unë jam 70 e ca kusur vjeç dhe nuk qëndroj dot në këmbët e mia, jo më të godas me shkelma princin që është 2 metra i gjatë”, u shpreh Gjergj Zaharia.

Nikki Haley po largohet nga gara presidenciale në ShBA, i tha Reuters të mërkurën një burim.

Ky vendim do të sigurojë Donald Trump të fitojë në nominimin republikan dhe të përballet sërish me presidentin demokrat Joe Biden në zgjedhjet e nëntorit.

Haley, një ish-ambasadore e SHBA-së në Kombet e Bashkuara, pritet të bëjë një paraqitje për të dhënë komente të shkurtra në zonën Charleston të Karolinës së Jugut.

Ajo nuk do të shpallë një miratim të mërkurën, tha Wall Street Journal, por do të inkurajojë Trump të fitojë mbështetjen e votuesve republikanë dhe të pavarur që e mbështetën atë.

Haley ishte rivalja e fundit e mbetur e Trump për nominimin republikan.

Trump fitoi votat e republikanëve në 14 nga 15 shtete – duke përfshirë Kaliforninë dhe Teksasin e pasur me delegatë – duke lënë mënjanë Haley, fitorja e vetme e natës së cilës erdhi në Vermont, shkruan Reuters.

E veja e liderit opozitar rus, Aleksei Navalny, u ka bërë thirrje rusëve që të protestojnë në ditën e zgjedhjeve kundër presidentit Vladimir Putin, duke formuar radhë të gjata jashtë qendrave të votimit.

Yulia Navalnaya është zouar se do të vazhdojë punën e burrit të saj dhe të vazhdojë kundërshtimin ndaj Kremlinit, pas vdekjes së Navalnyt muajin e kaluar në një burg në Arktik.

Përmes një videoje të publikuar në YouTube, Navalnaya mbështeti nismën që të mbingarkohen qendrat e votimit që mbahen gjatë këtij muaji, zgjedhje të cilat pritet t’i japin edhe një mandat gjashtëvjeçar presidencial Putinit.

“Ne duhet të shkojmë në qendrat e votimit në të njëjtën kohë: më 17 mars në orën 12:00. Çfarë do të bëjmë më pas? Ju mund të zgjidhni. Mund të votoni çdo kandidatë përveç Putinit. Mund ta bëni të pavlefshëm fletëvotimin tuaj. Mund të shkruani me shkronja të mëdha ‘Navalny’”, tha Yulia Navalnaya.

Ajo i cilësoi zgjedhjet presidenciale, që do të mbahen nga 15 deri më 17 mars, si “farsë” dhe tha se Putini “do të nxjerrë rezultatin që ai do”.

Sa ishte gjallë dhe gjendej në burg, Aleksei Navalny kishte mbështetur këtë nismë.

Navalnaya, ndërkaq i ka quajtur “trimat dhe njerëzit më të sinqertë në shtetin tonë”, të gjithë personat që kanë vizituar varrin e bashkëshortit të saj në Moskë.

Kremlini ka kërcënuar personat që bëjnë homazhe për Navalnyn se do t’i adresojë, duke u thirrur në ligjet e ashpra ruse kundër protestave.

Qindra persona janë arrestuar gjatë homazheve të bëra në mbarë Rusinë.

Sipas organizatës për të drejtat e njeriut, OVD-Info, pesë persona janë arrestuar në Moskë, për shkak të pjesëmarrjes në varrimin e Navalnyt apo se kanë vizituar varrin e tij./REL/

Kryetari i Aleancës për Ardhmërinë e Kosovës (AAK), Ramush Haradinaj, ka marrë pjesë në zbulimin e busteve të heronjëve Sala dhe Hamit Jashari në Prekaz.

Haradinaj ka thënë se shtëpia e Sale dhe Hamit Jasharit ishte shndërruar në strehë të sigurt për celulat e para të UÇK-së.

“Në Prekazin heroik, çdo shtëpi ka një histori. Shembulli i qëndresës heroike të Baces Shaban, Ademit e Hamzës, nuk ishte i vetëm. Shtëpia e Hamit e Sale Jasharit ishte shndërruar në strehë të sigurt për celulat e para të Ushtrisë Çlirimtare të Kosovës. Luftëtarët e lirisë, gjetën aty ngrohtësinë, por edhe frymëzimin për të vazhduar në rrugën e lavdisë”, ka thënë Haradinaj.

Haradinaj ka shtuar se bacë Hamiti e nëna Sale, ishin bërë simbole të qëndrueshmërisë.

“Në kohën kur nëna Sale dhe baci Hamit, ishin bërë simbole të qëndrueshmërisë dhe gatishmërisë për sakrificë, ata hynë në faqet e historisë sonë kombëtare, për të mbetur aty, si yje ndriçues për brezat që vijnë. Pikërisht në vendin ku ata i falën jetën e tyre Atdheut, sot zbuluam bustet e tyre, që simbolizojnë sakrificën shekullore të familjeve shqiptare për liri e bashkim.

Nëna Sale e baci Hamit, ju faleminderit për shërbimin”, është shprehur Haradinaj.

Universiteti “Isa Boletini” në Mitrovicë ka shënuar 11-vjetorin e themelimit të tij, me ç’rast u përurua edhe kampusi universitar, raporton Ekonomia Online.

E vlera totale e këtij kampusi kap shifrën e 20 milionë euro, ndërsa ka nisur së ndërtuari që nga viti 2010.

Kryeministri i Kosovës, Albin Kurti, tha se 26 vite pas përfundimit të luftës, po bëjnë përpjekje që të ketë një arsim më të mirë. Ai përmendi ndarjen e bursave dhe vendimin për studim falas.

“Se sa është i rëndësishëm arsimi tregon stafi e studentët në Universitetit në Mitrovicë që po vazhdon të jenë  aktiv, e këto objekte që po i përurojmë sot janë investime konkrete për mësim modern për 2000 studentët e këtij universiteti. Kampusi që nisi në 2010-ën sot po përfundon me  investimet e fundit në vlerë mbi 6 milionë euro e vlerë totale prej 20 milionë euro”, tha Kurti.

“Cilësia në arsim qëndron lartë sepse ajo duhet të jetë proces solid e mbështetja për ta mbetet e përhershme, studimet i kemi bërë falas, kemi ndarë bursa për studime jashtë vendit. Në vitet që vijnë le të vazhdojmë punën, njohuritë që i zhvilloni këtu i kontribuoni jetës suaj në vijim dhe të ardhmes së shtetit tonë, përgëzimet e mia për kampusin universitar”, tha Kurti.

Ndërkaq Ministrja e Arsimit, Shkencës, Teknologjisë dhe Inovacionit, Arbërie Nagavci tha se përgjatë mandatit janë përkushtuar për një arsim më cilësor, teksa përmendi edhe ndarjne e bursave për studentët.

“Sot në 11-vjetorin e këtij universiteti që mban emrin e atij që zgjon krenari, jemi të lumtur që po përurojmë bashkë kampusin universitar. Për këto tri vite jemi përkushtuar në arsim, duke ndarë bursa në fusha të ndryshme, e edhe të këtij universiteti, për të ngritur cilësinë e lartë në arsim e ringjallëm këshillin kombëtar të shkencës, sistemin për hulumtues e shkencëtar”

Kryetari i Komunës së Mitrovicës së jugut, Bedri Hamza, tha se ky universitet është krenaria e qytetit të Mitrovicës.

“Përvjetori i këtij universiteti përkon me përvjetorin e Epopesë së UÇK-së, duke i nderuar përjetë ata që dhanë jetët e tyre për të vazhduar jetët tona, sikurse në këtë universitet”, tha Hamza.

Ministri i Punëve të Brendshme, Xhelal Sveçla, uroi stafin akademik dhe studentët për këtë investim.

“Stafit akademik, studentëve iu uroj 11-vjetorin e themelimit dhe kampusin e ri, këto dy ngjarje me rëndësi për qytetin e Mitrovicës, e shoqërinë tonë”, tha ai.

Ushtruesja e detyrës së rektores së këtij Universiteti, Nurdeme Dema, tha se në kampusin e ri do ushqehen mbi 500 studentë, ndërsa 279 studentë do të akomodohen në objektin e ri që ka 4 kate.

E Njomëza Gashi, në emër të studentëve tha se tashmë kanë kushte komodë për studim duke thënë se janë motiv shtesë për studim. Ajo tha se pa vendimin e ish-presidentit Thaçi nuk do ishte themeluar ky Universitet.

Rifat Jashari ka pritur presidenten e vendit, Vjosa Osmani, kryeministrin Albin Kurti dhe kryetarin e Kuvendit, Glauk Konjufca, në kullën e Prekazit.

Bashkë me ta, ishin edhe ministrat e kabinetit qeveritar.

Para vizitës në kullën e Jasharëve, krerët e shtetit me ministra, kanë bërë homazhe në Prekaz për nder të 26-vjetorit të Epopesë së UÇK-së.