Author: G.O.

Presidentja, Vjosa Osmani, i ka uruar shërim të shpejtë princeshës Catherine të Uellsit, pasi ajo njoftoi se po përballet me kancer.

“I uroj Princeshës së Uellsit një shërim të shpejtë dhe të plotë. I dërgojmë lutjet dhe urimet tona më të mira nga Kosova”, ka shkruar Osmani në X.

Catherine, njoftimin se po përballet me kancerin e dha përmes një video.

“Testet pas operacionit zbuluan se kanceri ishte i pranishëm”, u shpreh princesha.

Princesha e Uellsit Catherine (Kate Middleton), shfaqet në publik, tregon se ka kancer

Sllovakët votojnë të shtunën në rrethin e parë të zgjedhjeve presidenciale në të cilat garon kampi pro Moskës kundër atij pro Kievit, meqë brenda Sllovakisë ekzistojnë pozicionime të ndryshme për luftën në Ukrainën fqinje.

Kryetari i Parlamentit Peter Pellegrini, dhe ish-ministri i Jashtëm liberal, Ivan Korcok, që përkrahet prej opozitës, janë kandidatët kryesorë në mesin e nëntë garuesve në total.

Ndonëse pozita e presidentit në këtë shtet është ceremoniale, presidenti sllovak ratifikon traktatet ndërkombëtare, emëron gjyqtarët dhe është komandant i përgjithshëm i forcave të armatosura.

Kreu i shtetit mund të përdorë edhe veton për ligjet e miratuara prej parlamentit.

Pellegrini përkrahet prej kryeministrit popullit Robert Fico, i cili e ka vënë në pikëpyetje sovranitetin e Ukrainës, në kuadër të disa komenteve që ka bërë për luftën e Rusisë ndaj atij shteti.

Korcok, në anën tjetër, është mbështetës i madh i Ukrainës, sikurse presidentja në shkuarje Zuzana Caputova.

Caputova njihet si kritike e Qeverisë, e cila ka vendosur të mos garojë për një mandat të dytë.

Sondazhet e kryera së fundi kanë treguar se gara do të jetë e ashpër në këtë vend me 5.4 milionë banorë, anëtar i NATO-s dhe Bashkimit Evropian.

Megjithatë, një rreth i dytë zgjedhjesh duket i pashmangshëm, pasi sondazhet tregojnë që asnjëri kandidat nuk pritet të fitojë më shumë se 50 për qind të votave./REL/

Për herë të parë në historinë e proceseve zgjedhore në Republikën e Kosovës, qytetarët me të drejtë vote të katër komunave të pjesës veriore të vendit, nuk do të shkojnë në vendvotime për të zgjedhur kryetarin e komunës, por për të vendosur nëse duan ta shkarkojnë apo jo.

Procesi i votimit që pritet të mbahet më 21 prill në katër komunat, Leposaviq, Mitrovicë e Veriut, Zveçan dhe Zubin Potok, dallon shumë nga proceset që jemi mësuar t’i shohim duke u organizuar.

Kësaj radhe, as KQZ nuk do të miratojë fletëvotime me një listë të kanidatëve që garojnë për kryetarin e komunës, por një fletëvotim me pyetje të cilës do të duhet t’i japin përgjigje votuesit e këtyre katër komunave.

Zëdhënësi i KQZ-së, Valmir Elezi, ka thënë se KQZ në një nga mbledhjet e ardhshme do të miratojë dizajnin dhe përmbajtjen e fletëvotimit dhe se cila do të jetë pyetja konkrete që do të parashtrohet në fletëvotim, do të vendoset nga KQZ-ja.

“Komisioni Qendror i Zgjedhjeve është duke vazhduar me përgatitjet, organizimin e procesit të votimit që do të mbahet më 21 prill, në këto katër komuna. Sipas planifikimeve, së shpejti KQZ, do të miratojë dizajnin dhe përmbajtjen e fletëvotimet, të cilat do të përdoren në procesin e votimit për apo kundër, largimit të kryetarëve të komunave nga funksioni i tyre. Se cila do të jetë pyetja konkrete që do të parashtrohet në fletëvotim, do të vendoset nga KQZ-ja”, ka thënë Elezi.

I pyetur nga KosovaPress, se cili është dallimi i këtij procesi të votimit nga proceset tjera zgjedhore që jemi mësuar t’i shohim në vend, Elezi ka thënë se qytetarët nuk do të zgjedhin kandidatët për kryetarë, por do të vendosin për ata ekzistues.

“Po ky është një proces që organizohet për herë të parë në Republikën e Kosovës. Pra, ku qytetarët me të drejtë vote do të deklarohen me votën e tyre nëse janë Për apo Kundër largimit të një kryetari të komunës nga funksioni i tyre. Meqenëse është një proces që organizohet për herë të parë, ka dallime nga proceset zgjedhore të organizuara në të kaluarën. Siç dihet, nuk ka pasur periudhë për certifikimin e kandidatëve dhe subjekteve politike, siç ndodhë rëndom në një proces zgjedhor. Rrjedhimisht, qytetarët nuk do të zgjedhin kandidatët për kryetar, por do të vendosin për ata ekzistues”, tha Elezi.

Kompania për Distribuimin e Energjisë Elektrike në Kosovë (KEDS) njofton se më 23.03.2024 do të kryhen punime të domosdoshme për siguri të sistemit energjetik.

Si rezultat, në disa lokalitete do të ketë ndërprerje të rrymës.

Ky është orari sipas rajoneve:

Prishtinë

Punime të domosdoshme për siguri të sistemit

1.

Nga TS 35/10kV Badovci do të ndërprehet:

Dalja 10kV Mramor-Slivovë (kodi: 10014001) prej orës 10:30 deri në ora 15:00.

Vendet: Mramori, Slivova, Brusi, Busia, Zllasha, Viti e Marevcit dhe Mareci.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

2.

Nga TS 35/10kV Drenasi do të ndërprehet.

NS 10/0.4 kV TS Sefë Hasi- Ferma e lopëve me kod: 16100006221 prej orës 09:00 deri në ora 14:00

Vendet: Pokleku, Vasileva, Sefë Hasi-Ferma e lopëve dhe Rexhep Cërrvadiku.

Arsyeja: Ndërprerje emergjente, bartja e rrjetit të tensionit të ulët në 4 shtylla të reja dhe demontimi i të vjetrave.

Pejë

Punime të domosdoshme për siguri të sistemit

1.

Nga TS 110/10(20)kV Peja 2 do të ndërprehet degëzimi në Sfërk-Lutogllavë dhe pa tension mbesin Ts-at:

TS 10/04kV Zahaqi (kodi: 51000005006) prej orës 10:30 deri në ora 15:00.

TS 10/04kV Zahaqi (kodi: 51000005007) prej orës 10:30 deri në ora 15:00.

TS 10/04kV Leshani (kodi: 51000005045) prej orës 10:30 deri në ora 15:00.

TS 10/04kV Leshani (kodi: 51000005046) prej orës 10:30 deri në ora 15:0.0.

TS 10/04kV Leshani (kodi: 51000005047) prej orës 10:30 deri në ora 15:00.

TS 10/04kV Leshani (kodi: 51000005048) prej orës 10:30 deri në ora 15:00.

TS 10/04kV Leshani (kodi: 51000005049) prej orës 10:30 deri në ora 15:00.

TS 10/04kV Zahaqi (kodi: 51000005009) prej orës 10:30 deri në ora 15:00.

TS 10/04kV Zahaqi (kodi: 51000005011) prej orës 10:30 deri në ora 15:00.

TS 10/04kV Zahaqi (kodi: 51000005010) prej orës 10:30 deri në ora 15:00.

TS 10/04kV Leshani (kodi: 51000005044) prej orës 10:30 deri në ora 15:00.

TS 10/04kV Zahaqi (kodi: 51000005008) prej orës 10:30 deri në ora 15:00.

Vendet: Zahaqi dhe Leshani.

Arsyeja: Ndërprerje emergjente, ndërrimi i shtyllave te dëmtuara të tensionit të mesëm.

Prizren

Punime në projekte investive

1.

Nga TS 110/35/10 kV Prizreni 1 do të ndërprehet:

Dalja 10[kV] J15 Rahoveci (kodi: 30000015)nga ora 09:00-12:00 dhe nga ora 14:00 deri 17:00

Vendet: Euro Graniti, Atmaxha I, Atmaxha II, Tupeci I, Tupeci II, Tupeci III, Landovica, Tulltorja I, Tulltorja II.

Arsyeja: Projekte investive, ngritja e shtyllave në projektet e Lot 16 në Lagjen në hyrje të Krajkut, Krajku 1 dhe Krajku 2.

* * *

Punime nga palët e treta

1.

Nga TS 110/10kV Prizreni 3 do të ndërprehet:

Dalja 10kV Shtëpia e armatës (kodi: 31000023) nga ora 10:00 deri në ora 14:00.

Vendet: rrugët: Armata Popullore, Banesat, Asdreni, Mostari dhe Durmish Asllani.

Arsyeja: Punime që duhet të kryhen sipas pëlqimit elektro-enegjetik dhe projektit të aprovuar.

3.

Nga TS 110/10kV Prizreni 3 do të ndërprehet:

Dalja 10kV Kamenica (kodi: 31000029) nga ora 10:00 deri në ora 13:00.

Vendet: Lagjja Gurishti, Petrova dhe lagjja Arbana.

Arsyeja: Punime sipas pëlqimit elektro-energjetik dhe projektit të aprovuar.

Mitrovicë

Punime në projekte investive

1.

Nga TS 110/10(20) kV Skenderaj do të ndërprehet:

Dalja 10[kV] Turiqevci (kodi: 74000006)nga ora 08:30 deri në ora 17:00.

Vendet: Llaushë, Rakinicë, Kopiliq i Epërm, Kllodernicë, Turiqefc, Burojë, Vojnik, Izbicë, Ozrim, Kopiliq i Ulët dhe Açarevë.

Arsyeja: Projekte investive, shtrirja, fiksimi dhe lidhja e urave të përçuesve me qellim energjizimin e linjave te reja dhe trafove të reja sipas projekteve.

Pesë persona janë arrestuar në Bërnicë të Epërme të Prishtinës, pasi janë zënë duke prerë dru në mal.

Policia ka bërë të ditur se nga pesë të arrestuarit, dy janë të mitur.

“Me vendim të prokurorit pas intervistimit të dyshuarit janë dërguar në mbajtje”, thuhet në raportin 24-orësh.

Ish-avokati i Popullit, Hilmi Jashari, thotë se terroristët e sulmit të 24 shtatorit në Banjskë mund të gjykohen edhe në mungesë dhe se për këtë nuk ka fare pengesa.

Krahas tre të dyshuarve që janë në paraburgim nga 24 shtatori i vitit të kaluar, Jashari thekson se të tjerët që nuk janë arrestuar mund të gjykojnë në mungesë. Këtë, thotë se e lejon Kodi Penal.

Ai ka lavdëruar edhe institucionet e drejtësisë për punën që e kanë bërë në këtë rast.

“Në fakt është edhe e pritshme kur kemi parasysh rolin e Serbisë edhe në marrëdhëniet ndërkombëtare mirëpo edhe në Kosovë, por përndryshe edhe përkrahja së paku ndaj informacioneve që kemi mundur me i pa në publik, për organizimin për shtetin dhe logjistike të këtij grupi mirëpo për mua është shumë e rëndësishme se çfarë kanë bërë autoritetet e Kosovës dhe çfarë janë duke bërë në lidhje me këtë rast që procedohet. E para sigurisht se është niveli i zhvillimeve për këtë çështje dhe e di që është ende në proces nga ana e prokurorisë për të përmbyll si hetim penal dhe e dyta është procedimi i saj pastaj mbi bazën e kodit penal të Kosovës”, u shpreh Jashari për EO.

Jashari e sheh të arsyeshme që të përfundojë sa më shpejt gjykimi në mungesë i tyre, pasi kështu i hapet rrugë edhe mundësisë që Kosova të kërkojë ekstradim nga ndonjë shtet evropian.

“Mendoj që Kosova ka bërë një ndryshim të këtij kodi pas ca kohësh me të cilin ka institucionalizuar gjykimin në mungesë. Unë mendoj që nuk ka asnjë pengesë që ky rast të procedohet tamam në institucionet tona, në gjykatat tona penale për të marrë një vendim përfundimtar lidhur me ketë çështje në pajtim më këtë mekanizëm më institucional që e njohin edhe shumë shtete të Këshillit të Evropës. Bëhet fjalë për gjykimin në mungese prandaj një proces i tillë do duhej të organizohej patjetër, dhe që përmbyll këtë proces e pastaj pjesa tjetër niveli ndërkombëtare duhet shqyrtuar me kujdes sepse ndërkohë ka pasur raste për shembull në gjykatat evropiane që janë thelluar me ankesën ndërshtetërore… përndryshe unë mendoj që në Kosovë duhet të shtjellohen edhe hetimi penal edhe procedimi pastaj në procedurë të rregullt penale duke përdorur mekanizmin në fuqi gjykimi në mungesë e që s’paraqet asnjë pengesë që kjo të realizohet në aspektin ligjor e juridik”, u shpreh tutje Jashari.

Ministri i Bujqësisë, Pylltarisë dhe Zhvillimit Rural, Faton Peci, në një intervistë për Ekonomia Online ka thënë se për tri vite qeverisje me këtë institucion ka arritur që ta ndryshoj në mënyrë radikale për të mirë gjendjen në sektorin e bujqësisë, duke e rritur kështu përkrahjen për bujqit dhe fermerët deri në 216 për qind, raporton Ekonomia Online.

Ai në këtë intervistë ka folur edhe në lidhje me implementimin e Fondit Blegtoral në vlerë prej 5 milionë eurove, për të cilin tha se me implementimin e këtij fondi në vend do të jenë plus edhe 2 mijë lopë në nivel vendi dhe se Kosova do të ketë në baza ditore mbi 40 mijë litra qumësht të freskët.

Peci ka thënë se pavarësisht përballjes me krizat botërore, kanë arritur që të kenë të mbjellat më të mëdha se rekordi i të mbjellurave të pas luftës në Kosovë. Ai ka thënë se Ministrinë e Bujqësisë e ka gjetur në një gjendje kaotike e me shumë abuzime në aspektin financiar.

“Gjendje në të cilin e kam gjetur sektorin e bujqësisë ka qenë gjendje kaotike, në Ministrin e Bujqësisë fatkeqësisht unë mendoj që ka qenë njëra nga institucionet që është abuzuar më së shumti në aspektin financiar. Por nuk është abuzuar vetëm  në aspektin financiar me programet kryesore të subvencioneve dhe të grandeve, del që problemi i pronave të jetë njëra prej mënyrave dhe veprimeve që më abuzive dhe flagrante në Kosovën e pas luftës. Unë jam shumë i lumtur që për tri vite të qenit ministër, gjendja në sektorin e bujqësisë ka ndryshuar radikalisht për të mirë”.

“Gjatë kësaj periudhe kohore përkundër që ministër i Bujqësisë jam bërë në periudhën më të pa përshtatshme për shkak të rrethanave dhe efektit që ka pasur covid19, mandej kriza energjetike, agresionit të Rusisë në Ukrainë që i ka rritur çmimet e produkteve bujqësorë për dikun 300 për qind dhe marr për bazë gjendjen katastrofale në të cilën e kam gjetur ministrin e Bujqësisë. Unë sot jam shumë krenar për ndryshimet pozitive që ne i kemi arritur edhe përkundër krejt këtyre fakteve edhe obligimeve të mëdha, edhe zhytjes në krim e korrupsion në këtë institucion ne kemi arritur që te kemi rezultate signifikante, kemi arrit që të kemi të mbjellat më të mëdha se rekordi e të mbjellurave të pas luftës në Kosovë. Kemi arrti që të rrisim përkrahjen deri në 216 për qind, në vazhdimësi për dy vite jemi duke u shpallur institucioni më transparent në vend”.

“Çdo cent i taksapaguesve të Kosovës dihet mirëfilli se cili është përfituesi final. Përkundër faktit që jemi përballur edhe me disa veshtersi objektive, sikur se janë masat e vënë nga mekanizmat ndërkombëtar, vetëm vitin e kaluar kemi arritur që me partneritete, marrëveshje ndërkombëtare të rrisim buxhetin e Ministrisë së Bujqësisë për 26.4 milion euro, edhe gjithë këto veprime janë realizuar mbi bazën e vullnetit politik që ne e kemi pasur edhe gjitha parametrat i kemi pozitiv, duke përfshirë edhe bilancin tregtar që prej se unë jam ministër rritja e sasisë së eksporteve të prodhimeve bujqësore është rreth 100 për qind”, ka thënë ai.

Ministri Peci ka thënë se gjendja e bujqve dhe blegtorëve në Kosovë është më e mira në rajon, falë përkrahjes financiare dhe thjeshtësimit të mënyrës së aplikimit të fermerëve për grante dhe subvencione.

Ai më këtë rast ka përmendur edhe rastin e dy fermerëve në Kosovë të cilët kanë përfituar për here të parë subvencionim pas thjeshtësimit të mënyrës së aplikimit.

“Gjendje e bujqve dhe blegtorëve në Kosovë unë mendoj që është më e mira në rajon edhe përkundër faktit që tash po shohim një trend të protestave dhe pakënaqësive në krejt vendet e BE-së. Kënaqshmëria e fermerëve të Kosovës me institucionin është tepër e lartë edhe kjo për një mori arsyesh e para për shkak të transparencës, për shkaka se e kemi dëshmuar që vullneti jonë është vetëm me qenë në përkrahje të fermerëve, e dyta rritja e përkrahjes financiare, e treta meritokracia që ne e kemi imponuar, por njëkohësisht edhe në vazhdimësi thjeshtësimi i mënyrës së aplikimit të fermerëve”, ka thënë ai.

Peci duke folur për implementimin e Fondit Blegtoral në vlerë prej 5 milionë eurove, ka thënë se arsyet për rritjen e këtij fondi kanë qenë pasi kanë vërejtur se kompanitë që bëjnë grumbullimin dhe përpunimin e qumështit, janë duke u përballur mungesë të konsiderueshëm të sasisë se qumështit. Sipas tij, ky veprim do të ndryshoj tërësisht prodhimtarinë bujqësore nga viti 2025 e tutje.

“Bëhet fjalë për programin e garantëve për shkak se ne kemi bërë analizë për Fondi Blegtoral prej vitit 1960 e këndej, fatkeqësisht trendi në vazhdimësi ka qenë në rënie, posaçërisht nga periudhë e luftës dhe pas luftës dhe në po dëshirojmë që këtë trend ta ndryshojmë për shkak se nevoja e produkteve të qumështit dhe nënë produkteve të qumështit dhe nevoja e produkteve të mishit dhe nënë produkteve të mishit dhe nënë produkteve të mishit rritet për një vlerë goxha të lartë në aspektin ekonomik të prodhimit, e aspekteve tregtare. Dhe në funksion të kësaj ne e kemi prioritizuar në programe 2023-së që të implementohen në vitin 2024, 5 milion euro, e cila ka për dedikim ekskluziv rritjen e Fondi Blegtoral tekë fermerët por njëkohësisht edhe kapacitet e tjera qoftë në mekanizëm bujqësorë, qoftë në ndërtimin e stallave për të lehtësuar veprimtarin e fermerëve”.

“Ky vit do të shënon për herë të parë ndryshimin e grafikonit të Fondit Blegtoral në Kosovë për shkak se me mjetet që i kemi në dispozicion tash janë në fazën finale të procesit të vlerësimit të grandeve. Probabiliteti është që ne të kemi diku plus 2 mijë lopë në nivel vendi, e kjo nga viti 2025 nënkupton që Kosova ta ketë në baza ditore mbi 40 mijë litra qumësht të freskët plus si rezultat i masës që ne po e implementojmë, e kjo ka automatikisht efekt shumë pozitiv në krejt zingjrin e funksionimit. Njëra nga arsyet pse e kemi vendosur me prioritete rritjen e Fondit Blegtoral është se ne kemi parë që kompanitë grumbulluese dhe përpunuese kanë ose janë duke u përballur me mungesë të konsiderueshëm të sasisë se qumështit e kjo e ndryshon tërësisht prodhimtarinë bujqësore nga viti 2025 e tutje”, ka thënë ai.

Peci ka konfirmuar se këtë vit Kosova krahasuar me vitet paraprake mund ta sigurojë miellin e nevojshëm. Thotë se përkrahja ndaj fermerëve ka ndikuar në shtimin e hektarëve të mbjella me grurë.

“Për të dhënë një përgjigje të tillë është koxha komplekse. Në rast se ne marrim standardin e BE-së të sasisë së miellit për kokë banori pothuajse Kosova mundet me e plotësuar. Po në anën tjetër shoqëria jonë konsumon një numër më të madh të sasisë se prodhimit ose të nevojës. Ndoshta edhe për shkak të traditës, mandej është një numër i madh i fermerëve që e mbjellin grurin po destinimin final të sasisë së grurit nuk e kanë për ushqim për qytetaret ose për prodhuesit, ose për pika grumbulluese, ose për mullinjë, por ja dedikojnë ushqimit për kafshë ose për shpezë”.

“Ne në një krahasim ose një statistikë të përafërt na ka dalur që dikun 65 deri 70 për qind vitin e kaluar e kemi pasur nevojën e mbulueshmërisë duhet me marr për bazë sasinë e importit numrin e hektarëve, rendimentin mesatar minimal na ka dalë që dikun kemi mbuluar 65 deri 70 për qind. Për me mundur me plotësuar në 100 për qind është pak sa e vështirë, por sido që të jetë trendi është pozitiv. Vitin e kaluar përkundër që kemi pasur rekordin më të madh të të mbjellurave, fatkeqësisht kushtet klimatike vlerësohet se kanë qenë më të dobëta në 30-40 vitet e fundit rrjedhimisht rendimenti ka qenë më i ulët. Në si institucion kemi bërë krejt çka është e mundur për shkak se e kemi vendosur rritjen më të madhe për kulturën e grurit, pikërisht për shkaka të rreziqeve që kanë ekzistuar për sigurinë ushqimore e që ka ardhur si rezultat i çrregullimit të tregut nga agresioni i Rusisë në Ukrainë”, ka thënë ai.