ATV

Author: G.O.

  • Gjashtë raste të dhunës në familje, pesë nga të dyshuarit dërgohen në mbajtje

    Gjashtë raste të dhunës në familje, pesë nga të dyshuarit dërgohen në mbajtje

    Të paktën gjashtë raste të dhunës në familje janë regjistruar në raportin e fundit 24-orësh të Policisë.

    Dy prej rasteve kanë ndodhur të enjten në Fushë-Kosovë. Në njërin prej tyre thuhet se i dyshuari ka sulmuar dy anëtarë të familjes, të cilëve u është ofruar trajtim mjekësor dhe urdhër mbrojtës, ndërsa i dyshuari, që sipas familjarëve vuan nga probleme mendore, me vendim të prokurorit është dërguar në mbajtje.

    Në mbajtje është dërguar edhe i dyshuari për rastin e dytë, i cili nën ndikim të alkoolit, ka sulmuar dy anëtare të familjes pas një mosmarrëveshje familjare.

    Viktimat kanë pranuar trajtim mjekësor.

    Një tjetër i arrestuar në Lipjan dyshohet se ka tentuar ta largojë me dhunë familjaren e tij nga shtëpia.

    Palët janë intervistuar dhe me vendim të prokurorit, i dyshuari është dërguar në mbajtje.

    Për rastin e raportuar në Prizren thuhet se i dyshuari që posedon nënshtetësi gjermane, ushtron në vazhdimësi dhunë ndaj dy burrave dhe dy grave, anëtarë të familjes.

    “Viktimat kanë pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet më tej në njoftimin e Policisë.

    Në rastin e raportuar në Klinë, thuhet se një person dyshohet se e ka sulmuar fizikisht një grua, e cila ka pranuar trajtim mjekësor.

    I dyshuari pas intervistimit, me vendim të prokurorit është dërguar në mbajtje.

    Një rast i raportuar të mërkurën pasdite në Rahovec, tregon për një person të dyshuar për dhunë psikike dhe fizike ndaj një familjare pas një mosmarrëveshjeje në familje.

    Palët janë intervistuar dhe me vendim prokurorit, janë liruar në procedurë të rregullt.

  • Ministri i Mbrojtjes i Italisë vjen në Kosovë

    Ministri i Mbrojtjes i Italisë vjen në Kosovë

    Ministri italian i Mbrojtjes, Guido Crosetto, do të qëndrojë në Kosovë gjatë ditës së sotme.

    Njoftimi u bë publik nga ministria e Mbrojtjes e Italisë, ku u tha se kreu i këtij dikasteri do të vizitojë ushtarët italianë në kuadër të KFOR-it për të festuar të Premten e Madhe.

    “Po nisem për Kosovë për të kaluare të Premten e Madhe me ushtrinë tonë. Atyre u sjell përshëndetjet dhe afërsinë mirënjohëse të shtetit dhe italianëve. Është gjithashtu një mundësi e çmuar për takime të rëndësishme institucionale”, tha ministri i Mbrojtjes, Guido Crosetto.

    Ministri Crosetto ka vizituar Kosovën edhe në nëntorin e vitit 2022, i cili po e shoqëronte zëvendëskryeministrin italian, Antonio Tajanin.

    E Premtja e Madhe e Pashkëve, apo Dita e dytë e Treditëshit të Pashkëve, është festë krishtere që kremton Liturgjinë e mundimeve e të vdekjes së Jezu Krishtit mbi Kryq.

  • Osmani kujton masakrën e Belegut ku u vranë 46 shqiptarë

    Osmani kujton masakrën e Belegut ku u vranë 46 shqiptarë

    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë.

    Osmani mes tjerash theksoi se fati i një pjesë të të zhdukurve me dhunë, mbetet ende i pazbardhur, nda siç shtoi ajo, krahas kujtimit për martirët, zbardhja e fatit të të zhdukurve me dhunë mbetet përkushtim i çdoditshëm.

    “Të rrethuar në oborrin e një shtëpie në Beleg të Deçanit, 25-vjet më parë forcat policore, ushtarake dhe paramilitare të regjimit gjenocidal të Serbisë, pasi që iu ndanë burrat dhe të miturit nga gratë, vranë dhe masakruan 46 shqiptarë”, tha Osmani.

    “Në të njëjtën ditë dhe në të njëjtën mënyrë u vranë shqiptarë edhe në lagjen Bair të Mitrovicës, në Dumnicë të Vushtrrisë dhe në Poterq të Klinës. Qoftë i përhershëm kujtimi për gjithë të rënët për liri”.

  • Arrestohen dy të dyshuar për vrasje në tentativë në Drenas

    Arrestohen dy të dyshuar për vrasje në tentativë në Drenas

    Policia e Kosovës ka njoftuar se ka arrestuar dy të dyshuar për vrasjen e rëndë në tentativë që ka ndodhur të martën e kësaj javë në Drenas.

    Sipas raportit të Policisë ata janë arrestuar të enjten dhe pas intervistimit janë dërguar në mbajtje.

    “Lidhur me rastin është raportuar se me 28.03.2024 janë arrestuar dy të dyshuar meshkuj kosovarë ku nga njëri prej tyre është konfiskuar një pistoletë që dyshohet të jetë përdorur në rast. Me vendim të prokurorit, dy të dyshuarit janë dërguar në mbajtje”, thuhet në raportin e Policisë.

    Sipas Policisë rasti ka ndodhur pas një mosmarrëveshje mes katër personave, ku njëri prej tyre kishte shtënë me armë zjarri dhe ishte larguar në drejtim të panjohur.

  • Mblidhet Kryesia e Kuvendit, në rend dite themelimi i Komisionit Hetimor për subvencionimin e blerjes së teksteve shkollore

    Mblidhet Kryesia e Kuvendit, në rend dite themelimi i Komisionit Hetimor për subvencionimin e blerjes së teksteve shkollore

    Kryesia e Kuvendit të Republikës së Kosovës do të mbajë sot mbledhjen e radhës.

    Në mbledhjen që pritet të nis në orën 11:00, në rend dite janë 42 pika për diskutim.

    Këtu bëjnë pjesë edhe votimi i disa marrëveshjeve ndërkombëtare si dhe themelimi i Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.

    Rendi i ditës

    I. Miratimi i procesverbalit të mbledhjes së mëparshme të Kryesisë së Kuvendit,

    II. Propozimi i rendit të ditës për Seancën plenare të radhës:

    1.    Miratimi i procesverbalit nga seanca e mëparshme,

    2.    Deklarimet jashtë rendit të ditës,

    3.    Pyetjet parlamentare,

    4.    Themelimi i Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024,

    5.    Votimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,

    6.    Votimi i Projektligjit nr.08/L-236 për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,

    7.    Votimi i Projektligjit nr.08/L-253 për Aderimin e Republikës së Kosovës në Konventën për Importin e Përkohshëm,

    8.    Votimi i Projektligjit nr.08/L-254 për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,

    9.    Votimi i Projektligjit nr. 08/L-259 për Ratifikimin e Marrëveshjes së Financimit ndërmjet Republikës së Kosovës, e përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për projektin “Projekti për forcimin e qeverisjes digjitale për ofrimin e shërbimeve”,

    10.    Votimi i Projektligjit nr.08/L-263 për ratifikimin e Marrëveshjes për sigurime sociale ndërmjet Republikës së Kosovës dhe Mbretërisë së Holandës,

    11.    Votimi i Projektligjit nr.08/L-271 për  ratifikimin e Marrëveshjes ndërkombëtare ndërmjet Qeverisë së Kosovës, të përfaqësuar nga Ministria e Financave, Punës dhe Transfereve dhe Qeverisë së Konfederatës Zvicerane, të përfaqësuar nga Sekretariati shtetëror për çështje ekonomike për Projektin e “qëndrueshmërisë klimatike në sektorin e ujërave në Kosovë”,

    12.    Votimi i Projektligjit nr.08/L-273 për  ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve, Korporata Energjetike e Kosovës (KEK), dhe KFW, Frankfurt Am Main, për Programin e energjisë solare I (solar4kosovo I) Fotovoltaik,

    13.    Votimi i Projektligjit nr.08/L-281 për ratifikimin e Marrëveshjes ndërkombëtare,  për  pjesëmarrjen e Kosovës në programin e Bashkimit Evropian “Evropa digjitale për periudhën 2021-2027” ndërmjet Republikës së Kosovës dhe Bashkimit Evropian,

    14.    Shqyrtimi i Projektligjit nr.08/L-270 për ratifikimin e Marrëveshjes ndërmjet Republikës së Kosovës dhe Bashkimit Evropian mbi pjesëmarrjen e Kosovës në Programin e BE-së qytetarët, barazia, të drejtat dhe vlerat,

    15.    Shqyrtimi i Projektligjit nr.08/L-280 për ratifikimin e “amendamentimit nr.3 të Marrëveshjes financiare ndërmjet Republikës së Kosovës dhe Bashkimit Evropian për programin IPA 2015”,

    16.    Shqyrtimi i Projektligjit nr.08/L-293 për ratifikimin e “Marrëveshjes së bashkëfinancimit për hartimin e Projektit për ndërtimin e tunelit në rrugën Tetovë-Prizren”,

    17.    Shqyrtimi i Projektligjit nr.08/L-292 për ratifikimin e Marrëveshjes ndërmjet Republikës së Kosovës dhe Bashkimit Evropian për pjesëmarrjen e Kosovës në programin e Bashkimit Evropian “Drejtësia”,

    18.    Votimi në lexim të dytë i Projekt Kodit doganor dhe të akcizave, nr. 08/L-247,

    19.    Votimi në lexim të dytë i Projektligjit nr. 08/L-211 për Verëra,

    20.    Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,

    21.    Shqyrtimi i dytë i Projektligjit nr.08/L-258 për promovimin e përdorimit të burimeve të ripërtërishme të energjisë,

    22.    Votimi në parim i Projektligjit nr.08/L-266 për gjendjen civile,

    23.    Votimi në parim i Projektligjit nr.08/L-268 për shpronësimin e pronës së paluajtshme,

    24.    Shqyrtimi i parë Projektligjit nr.08/L-284 për shqyrtimin administrativ të akteve të komunave,

    25.    Shqyrtimi i parë i Projektligjit nr.08/L-285 për dhënien në shfrytëzim dhe këmbim të pronës së paluajtshme të komunës,

    26.    Shqyrtimi i parë i Projektligjit nr.08/L-291 për Gjykatën Administrative,

    27.    Shqyrtimi i parë i Projektligjit nr.08/L-279 për Inspektoratin qendror të mbikëqyrjes së tregut,

    28.    Shqyrtimi i parë i Projektligjit nr.08/L-288 për mbrojtjen e konsumatorit,

    29.    Votimi i Programit Kombëtar të Shkencës 2023/2028,

    30.    Votimi për themelimin e Komisionit Hetimor Parlamentar mbi përgjegjësitë ekzekutive të Ministrisë së Drejtësisë në raport me zjarret e dyshimta në Institutin e Mjekësisë Ligjore, zhdukjen e mostrave në rastin e Astrit Deharit dhe çdo veprimi e mosveprimi të kësaj ministrie që ka cenuar pavarësinë dhe përgjegjësitë ligjore të këtij instituti,

    31.    Shqyrtimi i rekomandimeve nga mbikëqyrja e zbatimit të Ligjit nr.08/L-021 për tregti me jashtë,

    32.    Shqyrtimi i Rekomandimeve lidhur me Raportin e auditimit të performancës “Prokurimet e negociuara pa publikim të njoftimit për kontratë në Ministrinë e Mjedisit, Planifikimit Hapësinor dhe Infrastrukturës për vitin 2021”,

    33.    Shqyrtimi i Rekomandimeve për Raportin e auditimit të performancës “Renovimi dhe konfigurimi i stadiumit të qytetit në Mitrovicë, Gjilan dhe Gjakovë”,

    34.    Shqyrtimi i Raportit vjetor të Ndërmarrjes Publike, Operatori i Sistemit, Transmisionit dhe Tregut, për vitin 2022,

    35.    Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,

    36.    Shqyrtimi i Projektrezolutës për vlerësimin e punës së Radiotelevizionit të Kosovës për vitin 2022,

    37.    Shqyrtimi i Projektrezolutës për vlerësimin e punës së Autoritetit të Konkurrencës i Republikës së Kosovës për vitin 2022,

    38.    Themelimi i Komisionit Ad-Hoc për përzgjedhjen e kandidatëve për një (1) anëtar të Bordit të Radiotelevizionit të Kosovës,

    39.    Zgjedhja e anëtarëve të Bordit të Komisionit të Pavarur për Miniera dhe Minerale,

    40.    Zgjedhja e një (1) anëtari të Këshillit Prokurorial të Kosovës, përfaqësues nga Oda e Avokatëve të Kosovës,

    41.    Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,

    42.    Shqyrtimi i Projekt-Rezolutës për tre vjet qeverisje.

    III. Pika e papërfunduar nga Seanca e Jashtëzakonshme, e mbajtur më 28 mars 2024:

    1.    Votimi për themelimin e Komisionit Hetimor Parlamentar për procedurat e prokurimeve të negociuara pa publikim të njoftimit për kontratë, në ministri dhe në ndërmarrje publike qendrore.

    IV. Shqyrtimi i propozimeve dhe i kërkesave

  • Nënshkruhet sot marrëveshja Kosovë-Mali i Zi për IPA III

    Nënshkruhet sot marrëveshja Kosovë-Mali i Zi për IPA III

    Zëvendëskryeministri Besnik Bislimi dhe ministrja për Çështje Evropiane të Malit të Zi, Maida Gorçeviq, do të nënshkruajnë marrëveshjen Kosovë-Mali i Zi për Programin e Bashkëpunimit Ndërkufitar IPA III për vitet 2021-2027.

    Nënshkrimi pritet të bëhet në orën 13:30. Pas ceremonisë së nënshkrimit do të mbahet konferencë për media.

    Kurse, Ministria e Administrimit të Pushtetit Lokal do të mbajë konferencën përfundimtare të Programit të Bashkëpunimit Ndërkufitar IPA II për Malin e Zi-Kosovë 2014-2020. Do të marrin pjesë ministri i MAPL-së, Elbert Krasniqi, ministrja për Çështje Evropiane e Malit të Zi, Maida Gorçeviq.

  • Ministrja për Çështje Evropiane e Malit të Zi sot në Kosovë

    Ministrja për Çështje Evropiane e Malit të Zi sot në Kosovë

    Ministrja për Çështje Evropiane të Malit të Zi, Maida Gorçeviq, sot do ta vizitojë Kosovë, ku edhe do të nënshkruajnë marrëveshjen Kosovë-Mali i Zi për Programin e Bashkëpunimit Ndërkufitar IPA III për vitet 2021-2027.

    Nënshkrimi i kësaj marrëveshje, do të ndodh pas një takimi që do ta ketë me zëvëndëskryeministrin Besnik Bislimi.

    Ajo fillimisht do të marrë pjesë në konferencën përfundimtare që organizon Ministria e Administrimit të Pushtetit Lokal, lidhur me Programin e Bashkëpunimit Ndërkufitar IPA II për Malin e Zi-Kosovë 2014-2020. Në këtë konferencë, do të marrë pjesë edhe ministri i Administrimit të Pushtetit Lokal, Elbert Krasniqi, zv.shef i Seksionit të Bashkëpunimit në Zyrën e BE-së në Kosovë, z. Alessandro Bianciardi, përfaqësues të institucioneve të Republikës së Kosovës dhe Malit të Zi, kryetarë e përfaqësues të komunave nga zona e programit, OJQ etj.

  • Deputeti shqiptar në Suedi: Lobuam në KiE që të hiqet kushti për Asociacionin

    Deputeti shqiptar në Suedi: Lobuam në KiE që të hiqet kushti për Asociacionin

    PËRGATITI: HARIS ADEMI 

    Në mesin e 31 votave pro raportit për Kosovën në Komitetin për Politikë të Jashtme të Këshillit të Evropës, qe edhe ajo e Adnan Dibranit. Deputeti shqiptar në Parlamentin e Suedisë thotë se ka lobuar vazhdimisht, që faza e parë e anëtarësimit të Kosovës në KiE, të kalojë me sukses.

    Prandaj, në takimin e mbyllur për media të mërkurën, tregon se nuk pati aq hezitime gjatë diskutimeve, për ta miratuar opinionin e raportueses Dora Bakoyannis.

    “Ka shkuar shumë më pozitiv se që kam menduar. Është mazhorancë e mirë, dhe mesazh i mirë për Asamble, ku e bëjmë debatin dhe ia dërgojmë Komitetit të Ministrave”, deklaroi Adnan Dibrani, anëtar i Komitetit për Politikë të Jashtme dhe Demokraci në KiE.

    Sipas Dibranit, me rëndësi është që para anëtarësimit, Kosovës nuk i janë caktuar kushte shtesë, siç kanë kërkuar disa prej shteteve evropiane.

    “Na jemi mundu me i largu këto senet tjera, sepse këtu përzihen, jo Asociacioni, jo andej-këndej, po nuk janë sene të Këshillit, jena mundu me i hjekë këto, mos me u përzi puna me atë çka ndodh në BE”, shtoi tutje Dibrani.

    Më 18 prill, raporti i Bakoyannis diskutohet dhe votohet në Asamblenë Parlamentare, për t’u dërguar për fazën finale te Komiteti i Ministrave, që mblidhet në maj.

    Kjo periudhë kohore ka rëndësi të dyfishtë për Dibranin, që synon një tjetër pozitë politike.

    Megjithatë, ky thotë se duhet ende punë në terren, sidomos me shtetet mosnjohëse, që të sigurohen votat e mjaftueshme për anëtarësimin e plotë të Kosovës në Këshillin e Evropës./atvlive.tv/

  • Një vit pas nënshkrimit të Deklaratës së Zotimit, pak zbatim e sërish mospajtime

    Një vit pas nënshkrimit të Deklaratës së Zotimit, pak zbatim e sërish mospajtime

    PËRGATITI: NORA LUTA 

    Një vit nga nënshkrimi i Deklaratës së Përbashkët të Zotimit për reformën në drejtësi, pak plane të veprimit janë jetësuar.

    Ministria e Drejtësisë nuk po pajtohet në veçanti me propozimin që gjyqtarët e prokurorët pas pensionimit të gëzojnë 70% të pagës.

    Marrëveshja në mes Ministrisë së Drejtësisë dhe Këshillit Prokurorial, e atij gjyqësor është vënë në pikëpyetje, pas mospajtimeve të fundit rreth iniciativave ligjore.

    Anëtarë të shoqërisë civile që janë pjesë e grupeve punuese, vlerësojnë se kërkesat e KGJK-së dhe KPK-së, mund të shqyrtohen nga një mekanizëm ndërkombëtar.

    Sipas Salihit, nëse ndryshimet ligjore kalojnë në Kuvend pa pasur pajtim, mund të përfundojnë në Gjykatën Kushtetuese.

    Javën e kaluar përfaqësuesit e KPK-së, dhe KGJK-së u tërhoqën nga punëtoria e organizuar nga MD-ja rreth reformës.

    Ndërsa, Këshillat ndër të tjera nuk janë pajtuar me propozimin e Ministrisë që të ketë ligj të veçantë për vlerësimin e integritetit të gjyqtarëve dhe prokurorëve, duke kërkuar që kjo të përfshihet në kuadër të Ligjit për KGJK-në dhe KPK-në.

    Deklarata ndër të tjera parasheh hartimin e ligjeve rreth vlerësimit të performancës së gjyqtarëve dhe prokurorëve, proceset të rekrutimit, rregullimi i statusit dhe hartimin e ligjit për nëpunësit civilë në administratën e gjykatave dhe prokurorive./atvlive.tv/

  • Prishtina e (pa)sigurt

    Prishtina e (pa)sigurt

    PËRGATITI: ARMAND HOTI 

    Listës së të kërkuarve nga Policia e Kosovës, iu shtuan edhe katër emra.
    Fitim Doda dhe Arijan Sijarina kërkohen për veprën penale “vrasje në tentativë”, kurse dy vëllezërit Berisha, po ndiqen nga autoritetet për “vrasje të rëndë”.

    Konflikti mes tyre, në mbrëmjen e së martës në “Kolovicë”, rezultoi me vrasjen e dy personave.

    24 orë më pas, të shtëna u dëgjuan edhe në lagjen “Dardania”.

    Komuna e Prishtinës po i vëzhgon me shqetësim përleshjet e armatosura në territorin që udhëheq.

    Policia e kryeqytetit dhe vendosja e kamerave të sigurisë, sipas nënkryetarit të kryeqendrës së Kosovës, janë mekanizma që do shërbejnë për një Prishtinë më të sigurtë.

    Ish-koloneli, Rrahman Sylejmani vlerëson se siguria në Prishtinë po cenohet nga grupet e armatosura kriminale. Më ashpër karshi tyre, sipas ish-kolonelit, duhet të veproj policia.

    Si masë, ish-zëvendësministri i Punëve të Brendshme, Valdet Hoxha, rekomandon ushtrimin e aktiviteteve policore, bazuar në informacione të inteligjencës.

    Pa llogaritur nënstacionet, në kryeqytet operojnë tre stacione policore./ATVLIVE.TV