Author: G.O.

Forcat Mbrojtëse të Izraelit e kanë konfirmuar fillimin e sulmeve të Iranit ndaj tyre.

Në njoftimin e IDF-së thuhet se sulmet mund të marrin orë të tëra për të arritur në Izrael.

Kryeministri izraelit, Benjamin Netanyahu, ka thënë se sistemet mbrojtëse të vendit janë vendosur dhe se Forcat e Armatosura Izraelite janë gati.

“Kam vendosur një parim të qartë – kushdo që na lëndon ne, ne e lëndojmë atë. Ne do të mbrohemi nga çdo kërcënim dhe do ta bëjmë këtë me gjakftohtësi dhe vendosmëri”, tha ai, shkruan BBC.

Ai ka shtuar më tej: “Sistemet tona të mbrojtjes janë të vendosura, ne jemi të përgatitur për çdo skenar, si në mbrojtje ashtu edhe në sulm. Vlerësojmë faktin që SHBA qëndron pranë Izraelit, si dhe mbështetjen e Britanisë së Madhe, Francës dhe shumë vendeve të tjera. Kushdo që dëmton ne, do të mbrohemi nga çdo kërcënim dhe do ta bëjmë.

Ndryshe, sulmi vjen pas disa ditësh pritjeje se Irani po përgatitej të sulmonte Izraelin si hakmarrje për një sulm që vrau një komandant të lartë iranian.

Irani ka nisur mbrëmjen e sotme një sulm hakmarrës ndaj Izraelit duke lëshuar dhjetëra dronë kamikazë, të cilët raportohet se do të duan disa orë që të godasin objektivat në Izrael.

Në lidhje me nisjen e sulmit ndaj Izraelit ka reaguar dhe Shtëpia e Bardhë e cila ka bërë me dije se presidenti amerikan Joe Biden u takua me ekipin e tij të sigurisë kombëtare në Shtëpinë e Bardhë që po monitoron sulmin ndaj Izraelit.

“Ekipi i tij është në komunikim të vazhdueshëm me zyrtarët izraelitë, si dhe me partnerë dhe aleatë të tjerë”, thotë Shtëpia e Bardhë. “Ky sulm ka të ngjarë të shpaloset brenda disa orësh.”

“Presidenti Biden ka qenë i qartë: mbështetja jonë për sigurinë e Izraelit është e hekurt. Shtetet e Bashkuara do të qëndrojnë me popullin e Izraelit dhe do të mbështesin mbrojtjen e tyre kundër këtyre kërcënimeve nga Irani”, shton Shtëpia e Bardhë.

PËRGATITI: PRANVERA KRASNIQI   

Për të shkuar në fshatin Jezerc të Ferizajt, një ndër fshatrat më turistik në Kosovë, duhet të kalohet përmes kësaj rruge. Por, sikurse në këtë rast nëse gjatë qarkullimit ndonjëmjet lëvizë në kahun e kundërt patjetër që njëri duhet tëtërhiqet prapa. Andaj, nuk janë të rralla as aksidentet.

Për ta zgjidhur këtë problem, Jezercasit kishin dhënë tokat e tyre, madje fare pa kompensim.

Por, tokën  e falur nga fshatarët me qëllim zgjerimin e  rrugës për 5 metra e gjysmë, 7 vjet pas shpronësimit, kompania e kontraktuar nga Ministria e Infrastrukturës, po e zgjeron vetëm 4 metra.

Kështu, banorët e Lagjeve Verrishtë, Katund dhe Uksmajlve, si shenjë proteste, bllokuan rrugët.

Pasi mbyllën të gjitha kryqëzimet, ata morën një vendim.

Deri në një takim të radhës me ndonjërin prej zyrtarëve komunal në Ferizaj, jezercasit thanë se nuk do ta lirojnë rrugën.

Sot, në zyren e tij, Kryeministri i Republikës së Kosovës Albin Kurti, në një takim të ngrohtë takoi drejtorin e festivalit të vetëm ndërkombëtar të teatrit në vend, Zijad Mehic.

Në këtë takim Mehic, drejtoresha artistike e festivalit Doruntina Alshiqi, drejtori i “Art Image” prof. Ilir Bytyçi, dhe koordinatorja e festivalit Valentina Cenaj përmbledhën shkurtimisht suksesin e PITF ndër vite, duke shpjeguar për së afërmi marrëdhëniet e arritura me shtetet e tjera në aspektin kulturor dhe të gjithë frymën artistike që e sjellë në Prishtinë organizimi i këtij festivali të teatrit.

Tutje, Mehic i dhuroi dy libra të poetit të mirënjohur rajonal Abdulah Sidran kryeministrit Kurti dhe e ftoi në edicionin e 8-të të PITF, i cili këtë vit organizohet nga data 20-26 maj.

Zyra për Kosovë në qeverinë e Serbisë, ka reaguar sot naj autoriteteve kosovare, për arrestimin e serbit Sreçko Sofronijeviq, për veprën penale ”Prishje të rendit kushtetues të Kosovës”.

Në një deklaratë të lëshuar, kjo zyre duke propaganduar kërkon që në këtë rast të përfshihet bashkësia ndërkombëtare.

Anise, Sofronijeviq ishte i kërkuar nga autoritetet e sigurisë së Kosovës për vepra penale në përleshjet e veriut të vendit në 2021-ën, zyra për Kosovë në qeverinë e Serbisë gënjen se Prishtina ”nuk garanton dhe respekton të drejtat për serbët e Kosovës”.

Ndërsa dhe nuk e mohojnë më pas se ai deri më sot, pavarësisht veprave penale, ”ka jetuar i qetë në shtëpinë e tij dhe familjen në veri të Kosovës”.

Reagimi i tyre tutje thotë se arrestimi i tij, po bëhet për të frikësuar popullin serb dhe siç specifikohet ”në këto zona s’do të ketë kurrë paqe derisa në pushtet të jetë kryeministri Albin Kurti”.

Sofronijeviq aktualisht është dërguar i prangosur në stacionin policor në jug.