Author: B G

Policia e Kosovës ka konfiskuar mbi një kilogram substancë të dyshuar narkotike të llojit kokainë, një sasi marihuane dhe një armë automatike gjatë një bastisjeje në një shtëpi dhe objektet përcjellëse në Gjakovë.

Sipas njoftimit të Policisë, operacioni është realizuar më 27 tetor 2026 nga hetuesit policorë të Sektorit Rajonal për Trafikim me Narkotikë, në bazë të urdhëresës së Gjykatës Themelore në Gjakovë.

Gjatë bastisjes, në cilësi të provave janë gjetur dhe konfiskuar rreth 1,009.35 gramë kokainë dhe 4.14 gramë marihuanë, si dhe një armë automatike, transmeton Klankosova.tv.

Policia ka sekuestruar gjithashtu një karikator me 24 fishekë të kalibrit 9×19 mm, dy karikatorë me 20 fishekë të kalibrit PPU 32, para të gatshme në valuta të ndryshme, dy telefona të markës iPhone, njëri prej tyre i dëmtuar, një peshore elektrike dhe një fletore me shënime të ndryshme.

Për rastin është njoftuar prokurori kujdestar i Prokurorisë Themelore në Gjakovë, Departamenti për Krime të Rënda, i cili ka urdhëruar ndalimin policor të të dyshuarit për 48 orë.

I dyshuari, mashkull kosovar i lindur në vitin 2004, është intervistuar në prani të avokatit mbrojtës, të caktuar sipas detyrës zyrtare.

Ish-presidentja e Kosovës, Atifete Jahjaga, ka takuar presidenten Justina Shiroka-Pula, së cilës i ka uruar sukses në detyrën e re.

Në takim, Jahjaga ishte bashkë me ekipin e Fondacionit Jahjaga.

Jahjaga ka shprehur gatishmërinë për t’i ofruar presidentes mbështetje personale dhe institucionale në të mirë të përgjithshme.

“Presidentes Shiroka-Pula i urova për pozitën e re në krye të shtetit, duke u zotuar në mbështetjen time personale por edhe atë institucionale në të mirë të përgjithshme”, ka shkruar ajo në Facebook.

Ish-presidentja e ka cilësuar kënaqësi të veçantë faktin që Presidenca drejtohet sërish nga një grua. Shiroka-Pulën e ka përshkruar si një zonjë me unitet dhe qëndrim për të mirën e vendit.

“Presidente Shiroka-Pula, ju priftë e mbara në këtë detyrë të shenjtë, jam e bindur që ashtu siç keni hyrë edhe do ta vazhdoni faqebardhë!”, ka shkruar Jahjaga.

Politologu Albinot Maloku, ka thënë se Ligji për Specialen u shfrytëzua politikisht.

Ai në emisionin Compass të ATV-së, kritikoi edhe PDK-në por edhe Qeverinë për Ligjin për Specialen, derisa ky Ligji është kthyer në Kuvend për rishqyrtim.

Ai foli për procesin që ligji u bë shumë shpejt dhe nën presion.

Juristi Anton Nrecaj ka folur për kthimin në Kuvend nga presidentja të Ligjit për Specialen.

Ai në emisionin Compass të ATV-së, tha se janë dy mundësi se si të veprohet me këtë ligj.

Sipas tij, Ligji mund të kthehet në pikën zero, ose të votohet sërish i njëjtë në Kuvend, me 61 vota.

Presidentja e vendit, Justina Shiroka Pula, ka marrë pjesë në seancën solemne të Parlamentit të Hungarisë, të organizuar me rastin e 70-vjetorit të Revolucionit hungarez të vitit 1956.

Siç bën të ditur Presidenca, në ceremoninë solemne morën pjesë udhëheqës shtetërorë dhe përfaqësues të institucioneve evropiane e ndërkombëtare, të cilët nderuan kujtimin e kryengritjes së popullit hungarez kundër regjimit komunist dhe ndërhyrjes sovjetike.

Gjatë kësaj ngjarjeje u përkujtuan sakrifica dhe qëndresa e qytetarëve hungarezë, të cilët u ngritën në mbrojtje të lirisë dhe të drejtave të tyre.

Në fjalimet e mbajtura në seancën solemne, presidenti i Hungarisë, András Baka, presidentja e Komisionit Evropian, Ursula von der Leyen, presidenti i Këshillit Evropian, António Costa, si dhe ish-sekretari i përgjithshëm i NATO-s, Jens Stoltenberg, nderuan sakrificën e popullit hungarez dhe theksuan rëndësinë e vlerave evropiane, demokracisë dhe solidaritetit.

Bashkimi Evropian ka deklaruar se e mirëpret vendimin e presidentes, Justina Shiroka Pula, për ta kthyer në rishqyrtim ligjin, për ndryshimin dhe plotësimin Ligjin për Dhomat e Specializuara të Kosovës.

“BE-ja ka shprehur vazhdimisht shqetësimin e saj të thellë në lidhje me iniciativën për të ndryshuar Ligjin për Dhomat e Specializuara të Kosovës, si para ashtu edhe pas miratimit të tij nga Kuvendi i Kosovës më 6 tetor 2026. Në frymën e shkëmbimit të letrave të vitit 2014 midis Përfaqësueses së Lartë të BE-së dhe Presidentit të Kosovës, i cili përcakton modalitetet për konsultimin me BE-në para ndryshimit të legjislacionit, ne presim që Bashkimi Evropian të konsultohet nëse diskutimet rifillojnë në Asamble. Sundimi i ligjit dhe mbrojtja e të drejtave themelore, duke përfshirë ato të viktimave dhe dëshmitarëve, mbeten me rëndësi të madhe” thuhet në komunikatë.

Sipas BE-së, Dhomat e Specializuara të Kosovës janë një institucion gjyqësor i pavarur i themeluar me vendime të Kuvendit të Kosovës në vitet 2014-2015, bazuar në një Marrëveshje të Posaçme me BE-në, që vepron brenda sistemit ligjor të Kosovës dhe që është i sanksionuar në Kushtetutën e Kosovës.

“Mandati dhe pavarësia e tyre aktuale duhet të respektohen plotësisht dhe pa rezerva.

BE-ja qëndron në solidaritet me të gjitha viktimat, të mbijetuarit dhe familjet e tyre nga të gjitha komunitetet e prekura nga mizoritë e kohës së luftës” thuhet në deklaratën zyrtare të Bashkimit Evropian.

Artistja kosovare Rinesancë është ndarë nga jeta në moshë të re.

Lajmin e kanë bërë të ditur sot familjarët e saj.

Ushtruesja e detyrës së kryetares së Partisë Demokratike të Kosovës, Vlora Çitaku, ka deklaruar se Ligji për Gjykatën Speciale do të rishqyrtohet në Kuvend brenda katër javësh, duke u zotuar se do të punohet për hyrjen e tij në fuqi brenda afateve të parashikuara.

Përmes një postimi në Facebook, ajo ka deklaruar se kërkesa e PDK-së për rikthimin e ligjit në Kuvend nuk nënkupton tërheqje nga nisma dhe as ndryshim të qëndrimit të partisë.

“Ligji që mbron UÇK-në do të kalojë!”, ka shkruar Çitaku.

Ajo ka bërë të ditur se katër javët shtesë janë dhënë me qëllim të adresimit të pikëpyetjeve të ngritura, forcimit të bazës juridike të ligjit dhe sigurimit të zbatimit të tij në praktikë.

“Qëndrimi ynë mbetet ai i ditës kur e propozuam dhe kur e votuam”, ka shkruar ajo.

Çitaku ka theksuar se PDK-ja është e bashkuar dhe e vendosur për jetësimin e ligjit, ndërsa u është drejtuar edhe qytetarëve që protestuan dhe mbështetësve të kësaj nisme.

“Zotimi që kemi marrë para jush qëndron. Dhe këtë do ta çojmë deri në fund!”, ka përfunduar Çitaku në postimin e saj.