ATV

Author: E.R.

  • Ish-bashkëpunëtori i Oliver Ivanoviqit thotë se u kërcënua me vdekje, Joviq: Largohem nga politika

    Ish-bashkëpunëtori i Oliver Ivanoviqit thotë se u kërcënua me vdekje, Joviq: Largohem nga politika

    Komisioneri i Lëvizjes për Mbrojtjen e Kosovës, Nebojsha Joviq, ka njoftuar se për shkak të kërcënimeve më të fundit që ka marrë “nga një vend mëse serioz”, është i detyruar të tërhiqet nga të gjitha aktivitetet politike lidhur me zgjidhjen e çështjes së Kosovës.

    Joviq, i cili jeton në Mitrovicën e Veriut, theksoi se në muajt e fundit ka marrë disa paralajmërime “të ketë kujdes, se mund të eliminohet, arrestohet ose vritet”.
    “Paralajmëroj opinionin publik se në mënyrë më se serioze, nga një burim më se serioz, kam marrë një paralajmërim se nëse vazhdoj çfarëdo aktiviteti politik, siguria ime dhe e të afërmve të mi direkt do të rrezikohen”, theksoi Joviq, pa specifikuar nga kush ka marrë kërcënime.

    Ai shtoi se deri më tani, asnjë kërcënim, “apo humbja e vendit të punës, arrestimi, suspendimi, pasojë e të cilave mund të jenë lëndime të rënda trupore dhe të rrezikshme për jetën”, nuk mund ta trembin atë.

    Kujtojmë se Joviq ishte një nga bashkëpunëtorët më të afërt të politikanit të vrarë serb, Oliver Ivanoviq dhe është një nga më meritorët për faktin se serbët nuk u dëbuan nga veriu i Kosovës në vitin 1999.

    Joviq ishte një nga liderët e protestave serbe më 13 qershor, kur M.M u arrestua, duke brohoritur “Tradhti, tradhti” dhe duke fyer presidentin serb, Aleksandar Vuçiq.

    Ai atë ditë iu drejtua qytetarëve të mbledhur dhe më pas bëri thirrje për protestë të hënën para selisë së Listës Serbe. Kësaj tërheqjeje nga politika i kanë paraprirë edhe raportime të pakonfirmuara për një sulm fizik ndaj tij.

    Në një intervistë për agjencinë Beta më 14 qershor, Joviq deklaroi se Lista Serbe e ka humbur besueshmërinë e saj dhe se nuk mund të përfaqësojë më popullin serb në Kosovë.

    “Që nga viti 2013 kemi pësuar kërcënime dhe shantazhe nga Beogradi. Pas gjithë barrikadave të organizuara nga lista e Beogradit dhe Srpska dhe pas çdo mbledhjeje të Këshillit të Sigurisë Kombëtare, gjendja sa vjen e përkeqësohej për serbët në Kosovë. Të gjitha veprimet e bëra nga Lista Serbe për t’i bërë gjoja rezistencë Prishtinës, rezultuan të kota sepse të gjitha direktivat vinin nga Aleksandar Vuçiq”, tha Joviq.

    Ai ka theksuar se pas barrikadave të para, në veriun e Kosovës erdhën njësitet e policisë speciale të Kosovës, pas të dytës u ndërtuan bazat speciale të policisë dhe pas barrikadave të treta, veriu u morr plotësisht.

    Lëvizja për Mbrojtjen e Kosovës ka shprehur indinjatën për kërcënimet e dërguara ndaj Komisionerit për Kosovë, Nebojsha Joviq.

  • Gazetari i dhunuar rrëfen situatën e sulmit në Kosovë: Fillimisht gjuajtën me shock-bomba

    Gazetari i dhunuar rrëfen situatën e sulmit në Kosovë: Fillimisht gjuajtën me shock-bomba

    Situata në veri të Kosovës ditët e fundit ka qenë mjaft e tensionuar, ku ka pasur dhe sulme të herëpashershme ndaj policisë, gazetarëve dhe jo vetëm.

    Pleurat Salihu është një nga gazetarët e dhunuar në Kosovë. Ai ka treguar për Euronews si ndodhi sulmi ndaj tij dhe kolegëve në Leposaviç.

    Ai tha se fillimisht kanë shkruar në pjesën veriore ku ndodhet dhe stacioni policor sepse bënë një raportim nga aty.

    “Kur kemi shkuar në Leposaviç vazhduam të qetë, pa provokime, pa e kthyer kokën në të djathtë apo në të majtë edhe pse kanë qenë ato ofendimet, sharjet që i kemi përjetuar vazhdimisht dhe kemi shkuar deri te vendi ku është dhe objekti i komunës. Jemi stacionuar aty, ka qenë dhe ekipi i një media tjetër. Ai tregoi se në momentin që u vendosën në një nga çadrat që është vënë për mos t’u lagur nga shiu protestuesit dhe për t’u mbrojtur nga temperaturat e larta. Ish-kryetari i Leposaviçit iu ka dhënë urdhër tre qytetarëve serbë që të na largojë nga çadra dhe të dalim ne në shi. Jemi larguar, kemi ndenjur në shi,” – u shpreh Salihu.

    Sipas gazetarit në momentin që Elbert Krasniqi ka dalë nga dera e komunës është dëgjuar shock-bomba e parë drejt ministrit dhe drejt gazetarëve. Ai tregoi se kameramani që ka pasur afër ka pasur probleme me dëgjimin.

    “Në momentin që e ka kaluar portën, ish-kryetari i Leposaviçit ka dhënë urdhër, sulmoni automjetin e ministrit me gjithçka,” – u shpreh Salihu.

    Nga këto incidente, gazetari ka mbetur me krahun e thyer.

  • KFOR-i dënon ashpër dhunën ndaj gazetarëve në veri: Policia e Kosovës mbetet përgjegjëse për sigurimin e sundimit të ligjit

    KFOR-i dënon ashpër dhunën ndaj gazetarëve në veri: Policia e Kosovës mbetet përgjegjëse për sigurimin e sundimit të ligjit

    Misioni i NATO-s në Kosovë, KFOR i ka dënuar ashpër sulmet ndaj gazetarëve në veri të Kosovës, gjatë ushtrimit të profesionit të tyre.

    Në reagimin e KFOR-it thuhet se liria e shtypit dhe liria e shprehjes janë vlera themelore, të cilat duhet të respektohen nga të gjithë.

    “Ne u bëjmë thirrje të gjitha palëve që të përmbahen nga dhuna ose veprimet e mëtejshme që mund të çojnë në përshkallëzim të mëtejshëm dhe të sigurojnë që mediat të mund të kryejnë punën e tyre në mënyrë të sigurt”, thuhet në komunikatën për media.

    Pas incidenteve të 29 majit, kur një numër i madh i paqeruajtësve të KFOR-it u plagosën në sulme të paprovokuara, trupat e KFOR-it janë dislokuar rreth ndërtesave të komunave veriore për të ndihmuar në parandalimin e përleshjeve të mëtejshme.

    “KFOR-i mbetet reaguesi i tretë dhe Policia e Kosovës mbetet përgjegjëse për sigurimin e sundimit të ligjit në mbarë Kosovën”, thuhet mes tjerash në komunikatë.

    KFOR-i ka thënë tutje se vazhdon të kryejë mandatin e tij në mënyrë të paanshme, bazuar në Rezolutën 1244 të Këshillit të Sigurimit të OKB-së të vitit 1999, dhe se mbështet plotësisht dialogun e lehtësuar nga BE-ja ndërmjet Kosovës dhe Serbisë, si e vetmja rrugë përpara.

    “Gjithashtu, komandanti i KFOR-it është në kontakt të rregullt me ​​të gjithë homologët e tij kryesorë, përfshirë përfaqësuesit e institucioneve dhe organizatave të sigurisë në Kosovë, si dhe me përfaqësues të Forcave të Armatosura të Serbisë, Misionit të BE-së për Sundimin e Ligjit (EULEX), OSBE-së. dhe komunitetit diplomat.

  • Kosova kryen stërvitjen e fundit para nisjes për në Budapest

    Kosova kryen stërvitjen e fundit para nisjes për në Budapest

    Pasi që mbrëmë barazoi 0:0 me Rumaninë, tani Kosova ka kthyer fokusin te përgatitjet për ndeshjen kundër Bjellorusisë.

    “Dardanët” sot vazhduan me përgatitje për ndeshjen ndaj Bjellorusisë, të cilën e zhvillojnë të hënën në stadiumin “Ferenc Szusza” të Budapestit.

    Për të rigjeneruar energjinë dhe fuqinë e tyre, lojtarët që ishin titullarë në ndeshjen e kaluar si dhe Edon Zhegrova, kanë patur një seancë të veçantë rigjeneruese në palestrën e fitnesit në hotel, ndërsa pjesa tjetër e ekipit ka bërë stërvitje intensive në Kampin Nacional në Hajvali.

    Ekipi i Kombëtares së Kosovës do të udhëtojë drejt Budapestit nesër.

    Përkundër zhgënjimit që solli barazimi kundër Rumanisë, “Dardanët” janë të përgatitur të bëjnë çmos për ta fituar sfidën e radhës ndaj Bjellorusisë.

    Ndeshja e katërt e kualifikimeve për Euro 2024, Bjellorusi – Kosovë, zhvillohet të hënën në stadiumin “Ferenc Szusza”, në orën 20:45.

  • ​Kurti: Në javën e ardhshme do të japim përgjigje për takimin në Bruksel

    ​Kurti: Në javën e ardhshme do të japim përgjigje për takimin në Bruksel

    Kryeministri i Kosovës, Albin Kurti deklaroi se në fillim të javës së ardhshme do t’i japin një përgjigje përfaqësuesit të lartë të BE-së për politikë të jashtme, Josep Borrell për takimin në Bruksel.

    Ai u shpreh se ka kërkuar takim me urgjencë javën që shkoi, por tha se tani kanë kërkesë që takimi të jetë në javën e ardhshme.

    “Unë pata kërkuar që takimi të jetë në javën që po shkon në Bruksel me urgjencë dhe kam propozuar planin pesë-pikësh, mirëpo tash kemi një kërkesë që takimi të jetë në javën e ardhshme. Një herë u tha data 22, pastaj u tha data 23, pastaj sërish data 22. Unë do ta diskutojë me ekipin tim dhe me siguri që do t’ju japim një përgjigje në fillim të javës së ardhshme”, u shpreh ai.

    Kryeministri potencoi se është i angazhuar në dialog me Serbinë, por tha se mungon sekuencimi për zbatimin e plotë pa vonesa dhe pa kushte i marrëveshjes bazike dhe i ankesit të implementimit.

    Ai tha se janë përkushtuar dhekosntruktiv në dialog.

    “Kurse në këtë dialog unë jam i angazhuar, por ajo çfarë po mungon është sekuencimi për zbatimin e plotë pa vonesa dhe pa kushte i marrëveshjes bazike dhe i ankesit të implementimit. Një sekuencim, i cili do të ishte i balancuar dhe fer e që praktikisht është krejt i ndryshëm prej atij çfarë ne na u patë ofruar me datën 26 prill. Pra jemi të përkushtuar, jemi kosntruktiv, mirëpo, nuk mundet që çfarëdo sekuencimi të ketë më shumë se gjysmën dedikuar neneve 7 dhe 10. Unë i kuptoj që neni 7 dhe 10 janë nenet të marrëveshjes bazike dhe unë jam i interesuar që t’i përfshijë patjetër në sekuencim, por dedikimi atyre nuk mund të jetë me aso prioriteti dhe përmase”, tha Kurti.

    Përfaqësuesi i lartë i Bashkimit Evropian për politikë të jashtme, Josep Borrell ka deklaruar më 15 qershir se javën e ardhshme do t’i ftojë Kosovën dhe Serbinë në një takim në Bruksel.

  • DW: Serbia injoroi thirrjet e SHBA-së për lirimin e policëve – rriti më shumë tensionet

    DW: Serbia injoroi thirrjet e SHBA-së për lirimin e policëve – rriti më shumë tensionet

    Edicioni në gjuhën angleze i “Deutsche Welle” ka raportuar për gjykimin që iu bë tre policvëve kosovarë në Serbi, duke thënë se kjo e fundit ka vazhduar me procedurat e gjykimit duke i injoruar kërkesat e ndërkombëtarëve për lirim të menjëhershëm dhe pa kushte.

    Pas arrestimit të tre oficerëve kosovarë në Serbi, SHBA-të kanë kërkuar vazhdimisht lirimin e tyre. Por prokurorët publikë po ecin përpara me akuza, duke rritur më tej tensionet, shkruan ky medium.

    Një gjykatë serbe të premten urdhëroi vazhdimin e paraburgimit dhe hetimit ndaj tre policëve të Kosovës që u arrestuan në Serbi në fillim të javës.

    Hapja e procedurave ligjore erdhi pasi i dërguari i posaçëm i SHBA për Europën Juglindore, Gabriel Escobar, kërkoi lirimin e oficerëve, në përputhje me kërkesën e Departamentit të Shtetit të SHBA një ditë më parë.

    “Ata ose ishin marrë ose përfunduan në Serbi pa e pasur qëllim,” tha Escobar në një konferencë për shtyp në internet.

    “Ata duhet të lirohen pa kushte”.

    Serbia ecën përpara me hetimin

    Zyra e Prokurorit Publik në qytetin serb të Kralevës tha se i kishte akuzuar tre policët për prodhim, posedim, mbajtje dhe trafikim të paautorizuar të armëve dhe substancave shpërthyese.

    “Gjyqtari për procedurën paraprake të Gjykatës së Lartë në Kralevë urdhëroi paraburgimin e të gjithë të dyshuarve”, tha zyra e prokurorit në një deklaratë. Sfondi i arrestimit fillestar është kundërshtuar nga Serbia – e cila thotë se oficerët ishin thellë brenda territorit serb – dhe Kosova – e cila thotë se ata ishin rrëmbyer.

    Kryeministri i Kosovës Albin Kurti e përshëndeti thirrjen për lirimin e policëve dhe përsëriti anën kosovare të historisë: “Serbia i rrëmbeu ata, në një rrugë në Kosovë të përdorur nga kontrabandistët serbë”.

    Frika nga rikthimi në konflikt të hapur

    Arrestimi i policëve kosovarë është vetëm episodi më i fundit në përshkallëzimin e vazhdueshëm të tensioneve mes dy fqinjëve.

    Pjesëtarët e pakicës serbe në veri të Kosovës kanë protestuar kundër zgjedhjes së kryetarëve shqiptarë të komunave në qytetet e tyre pasi shumica e serbëve etnikë bojkotuan votimin.

    Protestat shpërthyen në dhunë, me serbët e Kosovës që u përplasen me policinë e Kosovës dhe paqeruajtësit e udhëhequr nga NATO, disa prej të cilëve u plagosën në përleshje.

    Serbia më pas urdhëroi që trupat e saj të vendoseshin në përballje dhe të ishin në gatishmëri më të lartë.

    BE-ja, Britania e Madhe dhe SHBA-ja u kanë bërë thirrje të dyja palëve të de-përshkallëzojnë situatën. Serbia nuk e njeh pavarësinë e Kosovës, të cilën e shpalli në vitin 2008 pas një lufte në fund të viteve 1990 që la mbi 10,000 njerëz të vdekur, shumica e të cilëve ishin nga komuniteti shumicë etnike shqiptare, përfundon artikulli i DW.

  • Sulmet ndaj gazetarëve, Ambasadori Rohde: Pse s’po shoh reagim nga Lista Srpska

    Sulmet ndaj gazetarëve, Ambasadori Rohde: Pse s’po shoh reagim nga Lista Srpska

    Ambasadori gjerman, Jorn Rohde, ka reaguar pas sulmeve brutale të djeshme ndaj gazetarëve nga bandat në Leposaviq.

    Ai tha se këto pamje që erdhën nga atje ishin tronditëse, duke pyetur se ku duhet të përfundojë kjo.

    Rohde ka kritikuar për mosreagim nga Lista Srpska për dhunën ndaj gazetarëve, për të cilën tha se duhet ta bëjë pjesën e saj për t’i ulur tensionet.

    “Brutaliteti i kësaj skene është tronditës. Ku duhet të përfundojë kjo? Shumë e kanë dënuar këtë akt të papranueshëm dhune, por fatkeqësisht deri më tani nuk shoh asnjë reagim nga përfaqësuesit e Listës Srpska mes tyre. Pse? Të gjithë duhet të bëjnë pjesën e tyre për të de-përshkallëzuar situatën”. Ka shkruar ai, derisa ka shpërndarë edhe një video që shfaqte sulmet ndaj gazetarëve.

  • Kurti: Përplot krenari që kombi ynë ka veprat e Ukshin Hotit

    Kurti: Përplot krenari që kombi ynë ka veprat e Ukshin Hotit

    Kryeministri i Kosovës, Albin Kurti ka bërë sot homazhe pranë bustit të atdhetarit dhe ka vizituar shtëpinë muze të Ukshin Hotit, në shënimin e 80- vjetorit të lindjes së tij.

    Kryeministri ka thënë Krusha e Madhe ka qenë dhe është e tillë pikërisht për shkak të kontributit të veprimtarit Ukshin Hoti.

    “Sot, baca Ukë, profesor Ukshin Hoti mbush 80 vjeç. Fakti që mosha 80 vjeçare tregon se do të mund ta kishim ende në mesin tonë, na mbush edhe me pikëllim edhe me trishtim. Por, në anën tjetër jemi përplot krenari dhe nder që kombi ynë, që vendi ynë ka veprat e tij, të një njeriu, i cili veprën e bëri jetë edhe jetën e bëri vepër”, është shprehur ai.

    Duke shprehur lavdi për Ukshin Hotin dhe të gjithë dëshmorët e martirët e kombit tonë, ai, siç është bërë e ditur në komunikatë, ka thënë se duhet të rilexohen, ndiqen, dhe të bëhen praktikë mësimet e tij, në mënyrë që mungesa e tij fizike, të mos jetë asnjëherë mungesë shpirtërore.

    Në shtëpinë muze të Prof. Ukshin Hotit, kryeministri Kurti ka qenë nën shoqërinë edhe të veprimtarëve të tjerë, të cilët e kanë njohur personalisht Hotin.

    Më 16 maj të vitit 1999 në rrethana ende të pandriçuara është zhdukur Ukshin Hoti. Ukshin Hoti ka qenë edhe ligjërues në disa universitete të Amerikës ku dhe kishte studiuar dhe diplomuar.

    Për aktivitetin e tij atdhetar është arrestuar disa herë nga regjimi serb i Titos dhe i Milosheviqit.

    Për herë të fundit ishte arrestuar në vitin 1994 nga policia serbe me akuzën e ushtrimit të veprimtarisë armiqësore kundër Jugosllavisë dhe për pjesëmarrjen e tij në lëvizjen për Republikën e Kosovës, me ç’ rast ishte dënuar 5 vjet burg.

    Më 16 maj të vitit 1999 pas lirimit dhe pas daljes nga qelia e burgut të Dubravës, zhduket nga polica serbe pa lënë gjurmë.

    Shokët e burgut, ata që kanë shpëtuar nga masakra e Dubravës, disa ditë më vonë, kanë treguar se Ukshini ishte liruar nga burgu më 16 maj, ditën e diel, ditë që nuk praktikohej lirimi i të burgosurve.

    Prej asaj kohe e deri tani, veprimtari i madh i çështjes kombëtare shqiptare, magjistri, filozofi, shkrimtari, publicisti, atdhetari i përkushtuar, Ukshin Hoti edhe sot e kësaj dite konsiderohet ende i zhdukur.

  • Racizmi ne veper: Kercnohet nje gazete serbe pse shkroi nje tekst ne gjuhen shqipe

    Racizmi ne veper: Kercnohet nje gazete serbe pse shkroi nje tekst ne gjuhen shqipe

    Redaktorët e portalit JuGmedia kanë marrë dje nje kërcënime për publikimin e një teksti në gjuhën shqipe, njoftuan gazeta zvicerane ne shqip Le Canton27.ch.

    Sadopak ka njerez apo media qe duan te jetojne ne harmoni dhe te rrespektohen mes veti ne Luginen e Presheves apo Serbi, por regjimi i Beogradit apo qarqe antishqiptare kete e pengojne qofte permes instituciove apo edhe permes kercimeve. Per kete flet me se miri kercnimi i djeshem ndaj nje gazete serbe « JugMedia » redaksia ecsde ciles ka marrur kercnime pse paskan botuar nje tekst ne gjuhen shqipe. Nuk edhte cudi qe nje dite do marrin kercnime edhe shume media zvicerane te cilet qe shkruajne jo vetem tekste ne gjuhen shqipe, por publikohen edhe gazeta ne shqip. Nese Zvicra, Gjermania, Amerika dhe vende tjera te civilizuara, lejojne shqiptaret (qe jane te huaj) qe ne gazetat e tyre te publikohen tekste ne gjihen shqipe, ndersa ne Serbi (ku shqiptaret jane vendor, autokton) ju ndaloher gazetave te shkruhet gjuha shqipe?! Kjo nuk ka si te quhet pos racizem dhe terror ndaj tolerances dhe demokracise.

    Jo vetem kaq, shqipja kercnohet edhe nga mediat tjera serbe te cilat fyejne shqiptaret me « siptari » zhargon ky i njohur gjate periudhes se kryekriminelit serb Slobodan Milosevic. Per shembull mediat serbe kur citojne portalin « Presheva Jone » e citojne si « Nasa Presevo » ?! Kjo menyre jo qe s’´eshte profesionale por eshte ne kundershtim ne normave nderkombetare. Per kete rast kemi raportuar prane OSBE-se dhe OKB-se ne Beograd dhe organizatat nderkombetare te press-it ne Bruksel, sepse titulli i gazetave (Le Monde, The Times, Der Spiehel..) nuk perkthehen. Merre me mend, sikur edhe mediat shqiptare t’i perkthejnevtizujt Danas, Vecdrnji Novost, Vestibetj?!, per ne eshte kjo eshte ne kundershtim te antologjosue mediale, jo profesionale dhe qesharake. Per t’mos dalur raciste mediat shqiptare nuk perkthejne tizujt e gazetave te huaja, madje ascte serbeve!

    Prandaj kercnimet ndaj nje gazete serbe pse paska publikuar nje tekst ne shqip dhe urtejtja e nje gjuhe te huaj si ne kohen ecdiktatorit Milosevic, ne rend te pare nuk u ben mire Serbise e cila pretendon nje dite te jete anetare e BE-se. Dhe nuk eshte cudi pse « Reporters sans Frontieres » Serbine sivjet radhiti gati ne fund te listes, bashke me vendet qe shty’in ose diskriminojnd mediat, shkruan gazeta zvicerane ne shqip.

    Njoftimin e portalit JuGmedia per kercnime po e botojme të plotë si me poshte:

    “Pas njoftimit në serbisht dhe shqip për shfaqjen e filmit “Ne jemi të gjithë të ndryshëm dhe të bukur”, i cili është realizuar nga të rinjtë shqiptarë nga Presheva, Vranja dhe Nishi, nën kujdesin e UNHCR-së dhe me rastin e Refugjatëve Botërorë. Ditën e sotme nën tekstin në Facebook janë publikuar një numër i madh i njerëzve komente fyese dhe kërcënuese kundër Jugmedia-s dhe kryeredaktorit të saj.

    Tekstet janë publikuar dje, dhe mbrëmë vonë, një lexuese jonë ka protestuar me mendimin e saj – rubrika, në kuptimin se ishte e papërshtatshme për të anatemuar Jugmedian dhe gazetarët e saj, por edhe nën atë tekst në gjuhën shqipe në faqen e Facebook-ut. , si dhe në vetë portalin, një sërë ofendimesh dhe kërcënimesh. Kështu u kërkua që media rajonale JuGmedia të shfuqizohet dhe të mblidhet peticioni për shfuqizimin e saj.

    “Na quajtën tradhtarë, mercenarë, vendosën foto të stemës së UÇK-së dhe ajo që na trembi më shumë ishte kërcënimi me therje”, shpjegon kreu. dhe përgjigje Zyra e Jugmedias Milica Ivanoviq.

    Filmi ‘Ne jemi të gjithë të ndryshëm dhe të bukur’ është krijuar si pjesë e projektit ‘Orientimi dhe shkëmbimi kulturor në Serbinë jugore’ dhe është rezultat i punës së përbashkët të studentëve të Fakultetit Filozofik në Nish, të rinjve nga Presheva. dhe anëtarë të rinj të komunitetit të refugjatëve nga ky qytet. Autorët e rinj treguan në atë film se njohin mirëkuptimin, dashurinë dhe humanizmin.

  • Laura Fazliu fiton medaljen e bronztë në Grand Slamin e Kazakistanit

    Laura Fazliu fiton medaljen e bronztë në Grand Slamin e Kazakistanit

    Xhudistja nga Kosova, Laura Fazliu ka arritur të fitojë medaljen e bronztë me anë të repesazhit në Grand Slamin që po mbahen në Kazakistan.

    Pas Nora Gjakovës, e cila fitoi gjatë të premtes medaljen e argjentë, tani Kosovës iu shtua edhe një medalje tjetër.

    Është xhudistja Laura Fazliu, e cila ka fituar medaljen e bronztë në kategorinë deri në 63 kilogramë.

    Xhudistja jonë arriti të fitojë në repesazh ndaj xhudistes Dali Liluashvili, të cilën e mposhti me ‘ippon’.

    Ndryshe, Laura e nisi garën nga raundi i dytë, duke mposhtur Esmigul Kuyulova nga Kazakistani, por u mposht në raundin e tretë nga Jisu Kim nga Koreja e Veriut.

    Në repesazh, xhudistja jonë mposhti Kamila Badurova, para se të fitonte ndaj Liluashvili në ndeshjen për medaljen e bronztë.